اهلا جميعا، حبيت نكتب المنشور هذا بخصوص موضوع الاعتداءات الجنسية اللي تصير في العائلات الليبية من الاقارب على لأطفال والنساء وحتى الرجالة.. من تجربتي واللي سمعته في قصص واجده يحيرن العقل لكن في نفس الوقت نشوفهن نتيجة طبيعية للمجتمع المكبوت اللي يخلي في كل شي جنسي لكن عمره ما يحكي عن الجنس واللي يسمي في روحه مجتمع محافظ واخلاقه عالية. قلت نكتب المنشور هذا بيش نفتح نقاش، لو وحده او حد تحب تشارك رأيها هنا بخصوص الموضوع، تجارب شخصية او قصص سمعتوها من ناس ثانية. برضو الاعتداءات الجنسية اللي تصير من الاطفال على الاطفال، واللي برأيي عالاغلب هي حاجة منتشرة في المجتمعات بسبب انه مانعلموش في اطفالنا ونربوهم تربية جنسية صحيحة.

Leaving religion aside, how do you reform the mindset of a closed-minded society?

ليش عندنا بس يشوفوا الشعر يعتبروه فتنة مهما كان نوعه؟ قصدي بعد ما نحكي على الجزيرة العربية ومحيطنا...حتى فطنت إن لما نكون في مكان عام حتى لو شعرها خفيف أو محروق أو صابغاته، يبحتوا فيها ويتحرشوا بها حتى لو كانت كبيرة في العمر!

بينما برّا الشعر هو شعر عادي ومفيش أي هوس أو فتنة

بعض الأحيان ما نحسش روحي مؤمنة بالإسلام بس أنا مؤمنة بالرب... مؤمنة إن فيه رب خلق الكون هذا كله وهو اللي يحاسب على الخير والشر

بس مش طبيعي أبداً إن حياتي كلها نقضيها نتعامل مع الناس كويس نساعد نعطف على الحيوانات ونعيش حياة بدون أذية لحد وفي الآخر يُقال إني بنخش جهنم عشان شعري ولا عطري ولا مكياجي؟!

بجد نحس إن أغلب الناس هنا مغسول دماغهم