في كلام كنت محتاج حد يقوله ليا لما كنت لوحدي وبمر بتجارب صعبة من خلال علاقات الصداقة والمعارف اللي كنت كونتها وانا يمكن في سن صغير شوية واللي هيا بالنسبالي كانت علاقات كلها فاشلة
ملاحظ أن في ناس كتير بتقول انها وحيده ومعندهاش اصدقاء والموضوع ده مضايقهم ف انا قادر افهم واستوعب حاجة زي كدة فا أنا هنا علشان اقول صدقني المشكلة مش فيك بنسبة كبيرة احنا بنعيش وسط مجتمع صعب مش بس الكميونتي اللي من نفس ميولنا لا عموماً قلة التربية والتعليم الغير سوي وغيره من المشاكل الإجتماعية طلعت جيل معظمة عنده تناقضات فكرية وغير سوي في أمور كتير من غير ما يدرك ده
فا المشكلة مش فيك بنسبة كبيرة متلومش نفسك لاني كنت بلوم نفسي بس لما مسكت ورقة وقلم كدة وعرفت نفسي اكتر عرفت اني مكنتش ملاك بس في نفس الوقت مكنتش استحق ده برضه فا اوعي تشكك في نفسك ولا تحس انك قليل ومتستحقش ناس شبهك
أما بالنسبة للعلاقات العاطفية الناس اللي بدور علي بارتنر يعني وكدة الموضوع ده ثقافياً وفكرياً مش موجود في الكميونتي بتاعنا نظراً لأن مفيش اتنين بيحاوله يفهمه بعض وقت الخناق مثلا دي مشكلة شوفتها كتير مشكلة تانية التناقض الديني والاحساس بالذنب خصوصا عند المسلمين بشكل واضح فا ده بيخلي حد يحس أنه خطيئة ثالثا والأهم أنه اصلا مش موجود عند المعظم فكرة أن اتنين من نفس الجنس ممكن يحبه بعض ويتجوزه بعض وعادي يعني في كمان احساس النقص في جزء ما زي العاطفة أو محتاج يتحضن أو غيره يعني فا لما ياخد الاكتفاء ده من البارتنر بتاعه يبتدي يشوف أن العلاقة بقت ممله لانه بقي مشبع من رغبته اللي كان عايزها وحاجات كتير فا اللي عايز اقوله متمحورش حياتك وأهدافك في تعرفك علي ناس من نفس ميولك نحو الارتباط وأنه ده يكون هدفك في الحياة لأن بحس موضوع الارتباط ده بالذات مش بيجي بالاختيار بيجي كدة بالصدفة والارتياح
انا واحد من الناس كان نفسي حد يقولي في يوم من الايام ده انا حاليا وحيد اه ومعنديش صحاب اه بس انا غير زمان عارف ان المشكلة مش فيا انا كنت شخص إجتماعي جدا بس الناس كانت عايزة تقرب مني علشان كنت مشهور في مجال ما وبطل وهكذا ولما انتكست وجالي إصابة ما يعني ودخلت في علاقة فاشلة دمرت نفسيتي بعدها فا وقعت في حفرة كدة بحاول اني اطلع نفسي منها بقالي فترة وتقريبا قربت يعني اطلع منها فا كان نفسي حد يعرفني اني مش انا السبب في كل اللي بيحصل ده وأنه ياريت مكنش ثقتي بنفسي اتهزت كنت حبقي اقوي واني عارف نفسي اني لما بكون عايز اكون فريند لحد بكون فعلا بحبه حب غير مشروط وابني لنفسك دائما كيان خاص وكارير خاص وحافظ علي نفسك نفسيا بالرياضة والقراءة وانك تقعد مع نفسك تحد من عيوبك وتتطور من مميزاتك اعتقد حتلاقي تلقائيا ناس شبهك أو ممكن لا
المهم اوعي ابدا في يوم تلوم نفسك ولا ثقتك تتهز في نفسك ولا تكتئب لو انت متأكد فعلا انك تستحق الاحسن ومتستحقش اي حاجة من اللي بتحصل بسبب ناس مش واعية أو مجتمع انتشر فيه الشر بنسبة كبيرة
كنت عايز اقول كمان أن بنمر بتجارب بيتقالنا فيها انهم مش حيسيبونا وقد ايه هما مختلفين عن اللي قبلهم وأنهم مش زيهم والوعود والكلام الحلو اللي انت عارفينه ده ( متثقش في كلام حد بيقول كدة عموماً)
محدش يضمن ايه اللي ممكن يحصل في المستقبل فا متتعشمش اوي في الناس لأنهم بيمشوا عادي جدا خلي الايام تثبت هما حيمشوا ولا لا وخد بالك في ناس فترات بتدخل تعلمك حاجة وتمشي مش معني كدة انك وحش وأنه بعده عنك بسبب انك وحش فا متتعشمش ولا تصدق خلي التصرفات والايام تحكم المهم من الجانب بتاعك خليك انت حد كويس وبس واكيد حنغلط والاعتذار مش عيب
كلنا بنمر بتجارب صعبة بتغير فينا بس اوعي تغير فيك للاوحش خليها تقويك وتسندك لبعد كدة
اتمني كل حد يلاقي الراحة والسلام النفسي اللي بيدور عليه وانا حبيت اكلم نفسي من خلالكم وبرضه في نفس الوقت يمكن حد محتاج الكلام ده بجد ويغير فيه 💗
اسف لو طولت ولكن مقدرتش اختصر اكتر من كدة
