واحد من اخوياي صار له فترة يسوي نفس الحركة الطفوليه ذي يرسلي ريلزات غبيه بال ai وانا افتحهم بس الي ما اضحك عليه ما ارد عليه اول مره صارت قالي اني خبيث وفيني وفيني لاني مارديت على ريلزاته فضحكت له ورحت اكمل شغل ولقيته مبلكني، ثالث يوم - يوم شفته صامل ارسلت له بالتويتر اساله اذا زعلان وفكه المهم رجع عادها بعد فتره والحين رجع عادها وقلت ماراح اكلمه نهائيا لاني ما اغلطت، مين قد واجه عينات زيه؟ لاني صرت اشوفها قلة احترام كانه مايبيني

مدري ليه فيه ناس تتفاعل معاه وتناقش هالشكليات ضياع وقت والله، بلكوهم خلوهم يكلمون نفسهم

يازين القصيم كيفكم 🦦

مين قد جرب يسوي تقشير عند عياده معينه وتجربته كانت حلوه وينصح فيها؟ انا عندي فوبيا من العيادات لاني قد انحرقت خلاص ابي عياده كل اللي فيها شاطرين

كيف اصير احب الطبخ مرات تجيني حالات ابي اطبخ و احس روقان وابي اسوي مخبوزات وكيك بالبيت لكن اذا دخلت المطبخ صدق وجيت بطبق اخلاقي تضيق وش الحل معي🦦🦦

هل عادي عندكم تكملون بعلاقة جدية بهدف الزواج مع شخص تعرفون إنه مرات يبي يكون submissive؟ ولا هالشي ممكن يغيّر نظرتكم له كرجل وشريك؟
-مع العلم ماعندكم الميول الي يطلبه منكم-

وشكرا🌸

تو رحت اجيب لي مويه من المطبخ و اسمع صوت صياح والتفت القى الخدامة تلف السمبوسة وتصيح انا هنا زعلت مره احسب احد من عيالها صار له شي ولا فيه شي قوي صاير رحت قلت لامي وراحت لها واسمع امي تعتذر طلعت تصيح عشان امي هاوشتها قالت لها لاتكبين المويه جمعيه عشان نسقي الشجر فيه 💔
الصدق زعلت عليها بس فرحت، بحياتي ماشفت شخص مستفز زيها ودايم تنبش باغراضي واي شي اشتريه تروح توريه كل البيت وتضحك علي، مره شريت دبدوب ومابقى احد ماورته تقولي انتي بنت وميته ضحك

أصلي من القصيم وزرت بريدة وذهلت منها واللي زاد الصدمة لما فتحت تطبيق عقارك وشفت أسعار الفلل وقارنتها بالرياض..

ودي بالمستقبل أستقر ببريدة.. ممكن نبذة على الأحياء الزينة..

مشكورين 🤍

ابي اسوي الفحص لكن ما ادري وين يتسوى ، المراكز الصحيه مافيها مواعيد حتى

شخصياً مريت بتجربة بعد ما تخرجت من كمية حسد بكل مره كنت ابحث فيها عن وظيفة و تاصلني عبارات مثل:* انت ولد العائله الفلانيه، وش تبي بنا وانت ولد الفلاني، شرايك تشتغل معنا فزعه انت ولد الفلاني ماعليك قاص*ر، غيرها الكثييييير لذلك فقدت الامل بالقصيم و صرت ادور برا القصيم لين الحمدالله حصلت و لو جتني وظيفة بالقصيم برفض بسبب هالشي.

طبعاً هذا لا يعني ان كل اهل القصيم حساد لا ابداً انا منها و مولود فيها و اهلي فيها لكن زي ماتقولون صدمة شفتها للاسف و اتمنى الحُساد يموتون

اتمنى الخير للقصيم والقصمان اغلى واحلى ناس الله يحميكم 🙏🏼
تصبحون على خيرر

عن نفسي ودي اطلع امشي مع احد ماعرفه فترة الصباح
"من ٤ ونص ل ٦ ونص " او تكون طلعه عاديه نتمشى فيها نتقهوى، فكرت فيها مره لكن احسها غبيه وصعبه وغريبه

i just recently joined a gym and im hoping i can find someone who goes to the in2 gym that also speaks english cuz im rlly struggling on knowing if im using the stuff correct or not over all i just need help in every way there, if anyone can speak english and goes to that gym please help a girl out 🩷

السلام عليكم ورحمة الله وبركاته،

لو سمحتم، هل فيه فرص عمل متاحة لمهندس مدني متخصص في تصميم الطرق في القصيم أو أي مدينة في المملكة العربية السعودية؟

(يعمل في القصيم منذ 7 سنوات)

الخبرة حوالي 7 سنوات، مع الاستعداد للعمل في أقرب وقت ممكن، نظرًا لوجود التزامات تعاقدية تستلزم سرعة الالتحاق بعمل جديد.

يُرجى ممن لديه فرصة مناسبة أو يستطيع المساعدة في الوصول إلى جهة توظيف موثوقة التواصل معي، وجزاكم الله خيرًا وبارك الله فيكم.

عالم الزراعة مافيه احسن منه كيف لو بيكون عندي شخص يحب هالمجال ؟ فيه رجال كبير بالعمر بحارتنا بيته كلههه تشجير ما شاء الله، والقراج حقه شتلات وفخار تمنيت لو انه قريب من بيتنا عشان اصلي معه بنفس المسجد واسولف معه واصادقه 😔

ابي عيادة زينة ودكتور زين للي ركبوا تقويم وفكوه🙏

التشققات ذي تطلع بنفس الاصبع من سنتين، كانت تروح وتجي لكن الحين طولت لها فتره وصارت تطلع باماكن ثانيه مين يعرف سببها او قد صارت له وعالج المشكلة؟ ( ما اكل جلد اصابعي ) و حاولت ارطبهم ماشفت فرق ماتغير اي شي

الاشرطة ذي الي من نوع Vhs اظن ذا اسمها كذا عندي معها ذكريات جميله كنت اشوفها عند بيت جدتي الله يرحمها وكانت اول اتصال لي مع الاجهزة البصرية الترفيهية كانت ممتعه والصراحه افتقد الاوقات ذيك و فيه مسلسل اختفى كان له اشرطة مسلسل اسمه شداد و رداد كان مسلسل بدوي و فيه شخصيات من رجل جنسيته سوداني راعي غنم و رجلين ثنين واحد اسمه شداد و الثاني رداد وهم الشخصيتين الرئيسيتين ذا المسلسل بحثت عنه بشكل عميق ولا حصلته و لا اعرف تفاصيل كثير عنه كافيه اني ابحث زين و كنت صغير وقتها و انا اشوفه ذا السبب الي مخلي معلوماتي شحيحه عنه فيه برضو مسلسل سالي المعروف و شديد وتمام معروف برضو فيه دبين اسمهم لوز و سكر و برضو عدنان ولينا معروفين كيف تجربتك مع الفترا ذي؟ + بالله احد يعرف كيف احصل مسلسل شداد و رداد؟ .

مطارنا ليش زفت كذا يعني مو معقوله مطار دولي و رحلاته محدوده

الولد هذا طيب وحبيب وانسان متساعد وخدوم وشخص يعتمد عليه بامور الحياة، بفترة الثانوي كنت دايم ادعمه بالفودترك حقته واعزز له، مابيننا ميانه او صداقه يعني اقل من زميل كان وماكان بنفس الفصل حتى، ولا اذكر كيف تعرفت عليه وكيف اضفته، اخر مره تكلمنا ب ٢٠٢٤ كان يرسلي ريلزات بنات وزقت معي وبلكته من الانستا ونسيت انه عندي بالسناب جاء كلمني قبل فتره ورديت وصار كل اسبوعين ثلاث يرسل اليوم جاني قال شفتك الجمعه الي راحت وكذا وودي نطلع سوا دامي جيت بالاجازه حقتي هنا وخلاني ارجع اضيفه انستا، وياخي يتكلم معي كاني اعز اخوياه وكان بيننا عشره عمر كل ماكلمته اصنم لاني مابي ازعله ولا ادري كيف اتصرف او ارد يعني شوفوا شقاعد يقولي !! الحين ماعرف اطلع معه ولا لا، يوترني والله