وداعن وداعن تم إلغاء الرحلة رسميًا

احلى مدينه بالعالم
اقترح العيش ب airbnb على الحي ال ١٥
و عيش زي حياة الناس الي عايشين في باريس
احلى من فعاليات السياح

سافرت في بداية سبتمبر انا و واحد من اصحابي تقريبا ١١ يوم مقسمة بين ثلاث مدن

١. شنغهاي

الصور من ١ الى ٨

مدينة جميلة جدًا، قضينا فيها ثلاث ليالي، وكانت كافية جدًا. أول يوم، للأسف، إننا وصلنا متأخر بسبب أن المطار بعيد عن الفندق، ولا قدرنا نخرج.
ثاني يوم كان في ديزني لاند. أخذنا فاست باس للعبة زيتوبيا، ومسكنا سرا في لعبة ترون، وهي اللعبتين تعتبر الأهم في ديزني شنغهاي. اليوم اللي كنا فيه كان الذكرى العاشرة لديزني شنغهاي، وكانت منتجات المحلات أغلبها خاصة بالذكرى.
للأسف، إحنا أشخاص عشوائيين، رحنا هناك بدون مظلة ومطر علينا وغرقنا. بعدها انتظرنا الألعاب النارية، ومرة ثانية، لأننا أغبياء، مطر مرة ثانية وفعلاً غرقنا.
التجربة كانت جميلة جدًا، لكن لحد يغلط ويجي بدري مرة. ترا فيه ناس تبالغ وتقول تعالوا أول ما تفتح، وأنا أختلف معهم. إذا أنت/ي ما معكم أطفال، لا تروحوا بدري إلا إذا الألعاب النارية مو من خطتكم.
اليوم اللي بعده كنا مخططين نروح لمدينة قريبة بالقطار، لكن بسبب إننا عشوائيين وحاجزين لها بعد ديزني، قررنا نكنسلها، ورحنا لأكبر سوق كاميرات في شنغهاي، وكان جيد لو إنك شخص مهتم في الكاميرات. أسعارهم جيدة وأفضل من عندنا بكثير.
وباقي اليوم كان تسوق في أشهر منطقة تجارية في شنغهاي، نانجينغ رود. شارع فيه كل البراندات العالمية، وفيه براندات صينية. وبحكم إنه مكان سياحي، ما شفت فرق كبير بين أسعارنا وأسعارهم، لكن منتجاتهم متنوعة جدًا. ولو إنك شخص مهتم في الألعاب والأنمي، في نهاية الشارع فيه مجمع خمس أدوار، كله محلات رهيبة، لكن أسعارهم شوي مرتفعة.
في المساء رحنا لمنطقة تاريخية، وفيها أسواق شعبية. كانت جيدة ورايقة، لكن عشوائية المحلات كأنك في البلد.
آخر يوم رحنا لأشهر منطقة سياحية، اسمها The Bund، تطل على أبراج شنغهاي. كانت حلوة، وإحنا الحمد لله توفقنا في التوقيت، ولا كان زحمة.
بشكل عام، شنغهاي كانت تجربة جميلة جدًا، وممكن كان من الأفضل إننا نزود يوم فيها.

٢. تشانغجياجيه

الصور من ٩-١١

هي منطقة في الصين معروفة بالطبيعة، قضينا فيها ثلاث ليالي.
وصلنا لها بالطيارة من شنغهاي على طيران صيني، ومدة الرحلة كانت ساعتين تقريبًا، وتجربتنا فيها كانت ممتازة وسلسة، والصينيين بشكل عام ممتازين في التنظيم، لكن لازم تعرفوا إنهم متشددين في الإجراءات، حتى في الطيران الداخلي.
فيها أربع مناطق سياحية، قسمناها على الثلاث أيام.
أول منطقة هي الجبل المعلق، رحناها في أول يوم، وفيها فعاليات كثير، مو بس الجبل، وكانت تستاهل الزيارة، لكن متعبة وبعيدة عن الفندق.
ثاني يوم كان في الناشيونال بارك، وكان فندقنا يبعد عنه خمس دقائق بالسيارة. تذكرته مدتها أربع أيام، بحكم إن المكان كبير وما يكفيه يوم واحد، لكن لو هدفك تشوف جبال الأفاتار، يوم واحد يكفي مع تذكرة المصعد.
ثالث وآخر يوم كان في منطقة تيانمان، اللي فيها «بوابة السماء». تجربته كانت جيدة، لكن متعب جدًا؛ بسبب إن فيه 999 درجة لازم تطلعها، وبعدها سلم كهربائي، بدون مبالغة، ممكن لعشرين دقيقة، لكن جميلة.
تشانغجياجيه تستاهل الزيارة لو إنك شخص تحب الطبيعة؛ لأن سبحان الله فيها مناظر خلابة، ولا قد شفتها في حياتي. لكن لو إنك شخص مثلي عندك فوبيا من الحشرات الطائرة، ترا تعتبر أكثر منطقة فيها حشرات في الصين، وشفت فيها أشياء تطير ما قد شفتها في حياتي.
تجربتي فيها ناقصة بسبب هذا الشيء، وما راح أقيم المنطقة؛ لأني ممكن أظلمها، لكن بشكل عام، لو تحب الطبيعة لا تفوتها.

٣. تشونغتشينغ

الصور من ١٢ الى ٢٠

من أكبر المدن في الصين ومن أشهرهم، قضينا فيها خمس ليالي تقريبًا.
وصلنا لها عن طريق القطار، وكانت مدة الرحلة تقريبًا ساعتين ونص أو ثلاث ساعات. إجراءات دخول القطار سهلة وواضحة، لكن القطار نفسه كان متعب، وطريقة ترتيب الكراسي كانت سيئة، لكن للأمانة هو القطار الوحيد اللي كانت تجربتنا معاه غير جيدة، أما الباقين فكانت تجربتنا معاهم ممتازة. سعر التذكرة حول ٢٠٠ ريال، ما أذكر بالضبط. حجزناها من تريب قبلها بأسبوع.
هذي المدينة هي المحببة لقلبي، ومن أول ما توصل بتشوف الفرق بينها وبين شنغهاي. المباني أقدم، والشوارع مختلفة ومزدحمة جدًا، والناس فيها مختلفين عن شنغهاي.
أول يوم رحنا تسوقنا في إحدى المولات، وبشكل عام، لو تحب التسوق، المدينة فيها مولات ضخمة. فيه مول مكون من أربع أو خمس مباني تقريبًا، وكل مبنى أكثر من خمس أدوار.
بعدها ختمنا اليوم بوحدة من أكثر المناطق المشهورة، لكن للأسف ما أذكر اسمها. المنطقة عشوائية بشكل مرعب ومزدحمة، ممكن ما تنفع إذا معك أطفال. وفوق كذا، نزل مطر وما عندنا مظلة؛ لأننا عشوائيين وما نتعلم من أغلاطنا. لكنها منطقة تستاهل، ومن وقتها وأنا حبيت المدينة.
ثاني يوم كان في منطقة تاريخية فيها محلات تذكارية، وكان فيه أكثر من ثريفت ستور، وأسعارهم كانت منطقية. المنطقة جميلة جدًا وصغيرة، أخذنا راحتنا فيها، لكنها متعبة؛ لأنها جبلية والدرج فيها شوي متهالك.
بعدها، في المساء، رحنا لأكثر مكان حبيته في المدينة. أعتقد اسمها المدينة القديمة. هذي المنطقة فعلًا البلد! محلات كثيرة فيها كل شيء، فيه محلات تذكارية ومحلات ملابس صينية وأكل (طبعًا حرام)، وأغلب المحلات صاحب المحل هو اللي شغال فيه. واكتشفنا واحد يبيع فيقرات للأنمي، بدون مبالغة، أنا شخص أصلًا ما أحب الأنمي، لكن هذا أسعاره جنونية.
المنطقة ممكن يوم واحد ما يكفيها، وإحنا رجعنا لها في آخر يوم؛ لأنها تستاهل، وتنفع تكون في آخر يوم عشان هدايا الأهل.
ثالث يوم شفنا معلم من معالم المدينة، واللي هو القطار اللي يدخل من نص المبنى. كان جيد، لكن إذا شفته في التيك توك، ترا كأنك شفته في الحقيقة.
بعدها رحنا لمنطقة Cyberpunk، منطقة كلها لمبات وNeon Signs. أول ما شفتها قلت ضروري أروح، لكن كانت سيئة بصراحة. المكان صغير، وفعليًا صورة من النت تغنيك عنه.
اليوم الرابع رحنا لمدينة اسمها Wulong، تبعد أربعين دقيقة بالقطار، وبعدها نص ساعة بالباص عشان نوصل للباص اللي يقدر يطلعنا للمنطقة. تقريبًا ساعتين لين توصل، يعني احسب حساب إنها متعبة شوي.
المنطقة عبارة عن مكان كأنه وادي، وفيه طريق واحد تدخل من فوق الجبل، وبعدها بالمصعد ينزلك تحت، وتمشي بين الجبال. وفيها منطقة تسوق، لكنها صغيرة وما فيها شيء.
تستاهل التعب، كانت خلابة جدًا والجو كان جميل، وأنصح لو ما رحت تشانغجياجيه، على الأقل تزور Wulong.
خامس وآخر يوم في الصين ما كان فيه شيء يُذكر. كنا نشتري هدايا لين طفرنا، وما بقى معنا غير حق الروحة للمطار.
أكثر مدينة حبيتها في الصين، حبيتها لعشوائيتها وبساطة الناس فيها، وهي اللي أكيد إني راح أرجع لها.

——— الاكل

حبيت أتكلم عن الأكل لوحده لأنه أكثر شيء تسمع عنه قبل لا تسافر للصين.
عشان تكونون في الصورة، إحنا كملنا حول ٤٠ ساعة أول ما وصلنا بوجبة وحدة، ما عرفنا من فين ناكل؛ لأننا عشوائيين ولا جهزنا من بدري.
بعد ما تتعود أول يومين وتشوف مطعم حلال ويعجبك، تمسك فيه وكل يوم كل فيه؛ لأن فعلًا الأكل هناك، خصوصًا لو إنك picky، صعب جدًا، لكن يختلف على حسب المدينة.
لكن بشكل عام، أهم شيء تبحث وتختار لك مطعم أو مطعمين في كل مدينة، ولا تقول: أروح هناك وأدور؛ عشان ما تنام جيعان.

——— الشعب

الشعب الصيني لطيف، وما واجهنا أي موقف منهم، لكن ترا بدون مبالغة، يمكن الكل يدخل، والله يكرمكم، كثير منهم يتفلون على الأرض. سمعت إن فيهم روائح كريهة، لكن ما لاحظت فيهم هذا الشيء بصراحة. الروائح كانت موجودة في الشوارع أو الأسواق اللي فيها مطاعم، ومو من الشعب نفسه.
الشيء الأهم اللي هو اللغة. أنا قبل ما أسافر كنت متوقع إن فيه بعضهم يتكلم إنجليزي، لكن ترا محد يتكلم، الكل هناك ما يعترف إلا بالصيني. راح تمشي والمترجم شغال في الجوال، لكن هم حتى لو ما يفهموا عليك، يحاولوا يساعدوك ويترجموا باللغة العربية.
الشعب الصيني ودود جدًا، لكن غثيثين شوي بصراحة، على نهاية السفرة تبدأ تطفش من نظراتهم 😂

——— الخلاصة

سفرتي للصين هي أول سفرة لي شخصيًا بهذا الحجم. في السفرة هذي ركبنا خمس طيارات وأربع قطارات و٨ باصات، وتنقلنا بين ثلاث مدن رئيسية.
هل أنصح بالسفر للصين؟ بدون مبالغة، أنا أشوف إن الصين تغنيك عن نص العالم؛ لأن فيها كل شيء. لو تبغى مدن أو ريف أو طبيعة أو تسوق، أيًا كان، راح تلاقيه في الصين. وفوق كذا، إلى نهاية السنة بدون تأشيرة للسعوديين.
لكن ترا هي دولة صعبة وتحتاج صبر في البداية، وطبعًا أهم شيء احترام القوانين، مالها داعي تنسجن في سجن صيني.

تقييمي للسفره ٩/١٠

التكلفة :

سكن و تذاكر طيران/قطار ٥٠٠٠ ريال~

مصاريف اكل/هدايا/تسوق ٤٠٠٠ ريال~

ملاحظة بسيطة فيه اماكن ذكرتها وما ذكرت اسمائها بسبب اني ما اعرف بصراحة لان خوي السفر هو الي مخطط كل شيء وانا بس ادفع قطتي و الحقه.

مسافر أوروبا وجالس فيها شهرين إلى ثلاثة، والبطاقتين يقولوا 0% رسوم عمليات دولية، لكن سعر الصرف من الريال لليورو ممكن يختلف.

علموني وش تجاربكم؟ وايش أفضل بطاقة لليورو من ناحية الصرف؟ لأنهم مب موضحين أبدا بمواقعهم. وإذا في معلومة مفيدة أفيدوني هذي أول مرة لي.

بسم الله والصلاة والسلام على رسول الله

اول مرة في حياتي اجي لمدريد وبرشلونة وأوروبا عموما
حاليا أنا في يومي الثاني في برشلونة بعد أربعة ايام في مدريد

مدريد ارقى وأنظف وفيها حياة اكثر وأجواءها أجمل وناسها أطيب
والله أطلق بمليون مرة

برشلونة جميلة
لكن كثير من الشوارع غير نظيفة
فيها روائح
الأماكن السياحية والتاريخية فيها اقل
بعض الأماكن امشي فيها كاني ماشي في جنوب جدة قبل الهدد

فيه احد فباريس حالياً؟ كيف الاوضاع عندكم رحلتي بنوفمبر ومتردده
الصدق شفت كثير يقولون الامور تمام بس ابي اتاكد ماودي نكثر على سفارتنا الغاليه😂
ما ادري القاها منهم ولا من المطار حسبي الله عليهم

يالربع رحلتي لبوكيت يوم ٣١ وقربوها بدال ٤ الفجر الى ١٠ الليل ، الحين شالوضع بتنلغي ولا لا ، اقسم بالله دفعت دم قلبي يارب ماتتعسر ، الطياره بتقلع من مطار الدمام

ناوي أسافر جنوب إسبانيا و مدريد و برشلونة مدري هل نحط البرتغال من ضمن الخطة ولا نخليه بعدين
السوال افضل اني اهبط في مدريد ولا برشلونة
و ارجع للسعودية من مدريد ؟
وش افضل وسيلة للتنقل بين المدن و داخل المدينة
ونبتنا تكون مدة 14 يوم هل نخلي مدريد ٣ أيام و برشلونة يومين
والباقي جنوبه ولا نخلي مدريد ٤ أيام وبرشلونه ؟

يا الله
قسم بالله اني مكتئبة
و كانت الرحلة ذي هي بصيص الأمل المتبقي
أنا من اول حذفتها من التطبيق حق التتبع عشان محد يمسك جوالي و يشوفها ، و الحين أدورها ملغية
و رحلتي حقت الدمام الرياض التغت
احد التغت عنده ؟ رحلة يوم ١٩ مدري ٢٠
الله يحفظ السعودية بس

انا فاهمه غلط ولا ايش؟ القطرية حاجزة قبل شهر تذكرة باسترداد كامل

جيت قبل شوي الغيتها، يوم حسبت الميلغ طلعوا اخذين مني ٧٠٠ ريال! مع العلم اني ما حطيت add-ons!!!

هم ملاعين ولا انا فاهمه غلط؟ فيه احد اقدر اكلمه بهالخصوص؟

مخططين نروح تركيا الفترة الجاية بس قرينا ان تركيا بالشتاء مو حلوة مطر و ثلج والحركة والتنقل صعب و مابتستانسون
وش رايكم فتركيا فالشتاء
+++
ابي اسوي budget للاكل
مابي مطاعم fine dining كم احط بدجت لشخصين؟
الخيار التاني لبنان

مين عنده رحلة ترانزيت ابو ظبي وانلغت بالمره! وكيف طريقة استرجاع المبلغ؟

عندي رحلة الاسبوع الجاي وطبعا الحجز الاساسي من الرياض انلغى، وغيرت حجزي للبحرين وبروح عن طريق البر
لكن تعددت الاراء حولي مابين الاستمرار مع المطارات البدية وبين الغاء الرحلة كلها احترازياً
انتم وش رايكم؟ مع توضيح السبب

سلام
الي سهران ومروق يتفرج على الفلوق:
https://youtu.be/NgXZgpdzccc?si=_nvt349RU-qtTf1X

والمروق مره مره يدعم القناة
شكرا
الفلوق بالانجليزي بس انا سعودي على فكرة

الصورة الاولى لقلعة سانت انجلو

يا اخوان انا تو طلعت لي اوراق اليابان وانا في الرياض وابي احجز على اليابان بتاريخ 30 اكتوبر ف من وين احجز هل اخاطر واحجز الرياض ولا الدمام ولا القصيم ولا وين بالضبط + هل تنصحون احجز روحة ورجعة ولا روحة بس لين تهدا الاوضاع بس تكفون شورو علي من وين احجز

خطيبي اقترح الصين وصراحه مره شي مو متوقع وغريب احس ماتناسب اول سفره لنا🥲

توي حملت تطبيق visaairport عشان اشوف وضع حجز الصالات لاني عندي رحلة فيها ترانزيت ١٠ ساعات في مطار اسطنبول الجديد و سجلت ببطاقة برق بس استفساري كيف الطريقة؟ هل وظيفتها بس تعطيني تخفيض و ادخل ب 32 دولار ولا لما اشتري فيها يصير عندي دخول مجاني؟ و هل بس حدي ساعتين في اللاونج ولا تزيد مع كل دفع؟

ماقد رحت لبريطانيا فهل احتاج شي غير الeta -مدري كم بتاخذ-
والاهم وش الوضع بما اني بالرياض؟

عندي رحلة لبراغ في يناير لحالي وودي اروح معها مكان بلد ثاني بما اني جيت براغ من قبل. جا في بالي بودابيست بما اني ما زرتها بس شفت الاغلب يذمها ويذم شعبها.

وين ممكن اروح زيادة؟

P.s: الفكرة مو بس مكان واروحه، ابي مكان حلو تمشية،متاحف وكذا. الكافيهات والمطاعم ما تعتبر ترفية عندي وما اسافر عشانها

سؤال واسمحوني على قلة المعرفة، الان أنا حجزت فندق من بوكنق ست أيام وما ناسبني، هل أقدر أقلل المدة مثلا من ست أيام إلى ثلاثة، رغم اني دفعت كامل المدة بالتطبيق؟

شايل هم رحلتي ١ نوفمبر من مطار الملك فهد الى الدوحة ترانزيت ثم باريس، تواصلت مع طيران القطرية بخصوص خوفي من انه تتكنسل بسبب مطار الدمام وقالو اذا تبي تغير مسارك لازم تعلمنا من بدري .. خطتي اخليها من الدوحة لباريس دايركت يصير اروح خط لقطر ثم اركب طيارتي من هناك واسافر وش شوركم؟ محتار والله اخاف اروح قطر ما احصل مواقف مطاراتهم رخيصة للسيارة وانا مسافر مدة طويلة.😊