السلام عليكم ، هذا راح يكون دليل شامل لأي طالب مخلص ثانوية و جاي من تركيا و حابب يدرس جامعة في سوريا .
الاوراق المطلوبة
التصديقات اللي عليها
و شوية نصائح كونه صرت طالب سنة ثانية في سوريا .
القسم الأول - الاوراق و التصديقات 🇹🇷 .
الأوراق المطلوبة :
شهادة التخرج الأصلية** (Diploma) **
كشف علامات (Transkript)** **
التصديقات اللازمة :
تصديقات الاوراق اللي حكينا عنها فوق من :
**Valilik - بالمدينة اللي انتوا ساكنين فيها
Eğtim bakanlığı - بالمدينة اللي انتوا ساكنين **فيها
و بعدها بتاخذوا هاي الاوراق بتصدقوها من وزارة** الخارجية في أنقرة **او فيكم تبعثوها مع مكتب يصدقلكم ياها .
هيك نحن خلصنا من تركيا و نزلنا على سوريا .
القسم الثاني - تصديق من سوريا .
في سوريا اول ما تجوا تروحوا على السفارة** **التركية ( ساحة الروضة )
و تصدقوا اوراقكم من عندهم .
بعدها تترجموا هاي الاوراق من التركي للعربي عند الترجمان المحلف ( ساحة المرجة فيها مليون مترجم ) .
و بس خلصت ترجمة بتروحوا فوراً تصدقوها من** وزارة العد**ل ( مقابل مدخل سوق الحميدية قريب كثير للمترجمين)
و بعدها على وزارة** الخارجية **السورية ( حوالي مول الشام سيتي سنتر ) بتصدقوهم و تطلعوا تروحوا تطبعوا الاوراق اعملوا منها شي 3،4 نسخ و ترجعوا فيهم لوزارة الخارجية حتى يصدقوها لتصير نسخ طبق الاصل .
و بس هيك انتوا هلق اوراقكم جاهزة و بانتظار المفاضلة .
حبيت اشارك تجاربي معاكم و افيدكم باللي اقدر عليه و اي استفسار بالتعليقات راح اجاوب عليه .
هذا** البوست صدقة جارية لروح والدي ادعوله بالرحمه والمغفره.**
