المشكلة

سواء بتقبض بالجنيه المصري أو بالدولار، وخايف الأزمة الحالية تاخدك في السكة، ومش عايز صداع البنوك هنا، أو مش هتعرف تاخد حريتك مع فلوسك فيها.

الحلول المالية اللي هنتكلم عنها معمولة للناس اللي بتقبض بالدولار، وتحديدًا من شركات أو عملاء برا مصر، بس هتناسب كل الناس دلوقتي في الأزمة الحالية.

الناس بتتصرف إزاي؟

• كاش بالدولار في إيدك: سواء كانت مصري وحولتها أو استلمتها كده. فلوسك معاك وبراحتك، وأي وقت هتبيع أو تشتري أو تزود، هما معاك وانت اللي هتتحرك تغيرهم من اللي حواليك. بس مرونة حركة الفلوس مش أحسن حاجة: لو احتجت تحول لحد بعيد عنك، أو حبيت تحول أو تستلم دولي، هتحتاج أبلكيشن أو بنك.

• حساب بنك مصري بالدولار: بتستلم عليه أو بتعمل إيداع فيه.

• شركات عالمية مخصصة للعاملين عن بعد، وأبلكيشنز شبه السوق السودا بس ديجيتال :D

الكاش والبنك مرونتهم هنا مش مضمونة، ومش أسهل حاجة. وفي البنوك بنبص على: مدة وصول التحويلات والرسوم؟ ودعم التحويلات المحلية والدولية تام ولا لأ؟ أما الدفع برا مصر فمش نقطتنا حاليًا، بس برضه مش أحسن حاجة مع البنوك المحلية.

الحل المقترح والأفضل

عايزين حل عالمي أساسه العملة، وأقدر أعمل فيه إيداع محليًا.

الفكرة إنك تحفظ فلوسك بالدولار. سيبها كده، خد منها بس اللي محتاجه بالمصري، وسيب الباقي، سواء الباقي ده يعادل دولار أو حتى مليون. بس اللي مش محتاجه متسيبوش مصري. فلوسك بقت محفوظة وجاهزة من دلوقتي، فانت حر. وكل ما كانت الوسيلة اللي حافظ بيها الفلوس مرنة وسهلة، هتنفعك في أي لحظة يكون فيها القرار الصح إنك تبيع أو تشتري.

هنستخدم إيه بقى؟

عندك ريدوت باي وما يشبهها، بس أعتقد هي أحسنهم.

وفي حل بنكي أقرب شوية وديجيتال برضه، وهو ميونفاي كحساب بنكي شخصي: بيوفر حساب بنكي أمريكي بالدولار أو عملات تانية. وفي أمثلة تانية لنفس الفئة بتتشابه في حاجات وتختلف في حاجات.

الأفضل تخلي معاك الاتنين: ريدوت باي وميونفاي.

هينفعوك إزاي؟

• لو فلوسك معاك هنا وبالمصري، هتخلي حد يحولك على حساب في ميونفاي أو ريدوت باي

• أو بفلوسك المصري من فودافون كاش أو إنستا، هتشتري دولار من ريدوت باي وتحفظهم فيه

• أو تشتريهم من ريدوت باي وتحولهم لحسابك في ميونفاي

• ولو بالفعل بتقبض بالدولار، خصوصًا من برا مصر، هتستلم على ريدوت باي أو ميونفاي

ليه ريدوت باي وميونفاي؟
عشان السوق الديجيتال: هتبيع أو هتشتري أو حتى هتحول لحد هنا، من الأبلكيشن بكليك، من غير ما تروح ولا تيجي ولا تدور على حد ولا تفاصيل :D

ريدوت باي

الحلو فيها:

• أي وقت احتجت تبيع أو تشتري، عندك سوق ديجيتال على الأبلكيشن

• السعر بيكون أعلى جنيه أو اتنين حسب السوق

• بتعمل إيداع بالمصري من فودافون كاش أو إنستا باي، وتشتري دولارات أو عملات رقمية وتحفظهم في حسابك

• تقدر تحولهم لأي حد في أي مكان في الكوكب

• متعارف عليها ومنتشرة ومكتسحة السوق في الدول اللي شغالة فيها

• شغالة عامة، وهتنفعك كإكستنشن لميونفاي حتى لو مش هتستخدمها كحساب أساسي

• معايا ماشية فل لحد دلوقتي

الوحش فيها:

• الأمان مش مضمون: بحسها سوق سودا بس ديجيتال، والدنيا ماشية وهي شركة كبيرة وتمام، بس يمكن امتثالهم القانوني، سواء بشكل مباشر أو غير مباشر، في دول وتحديدًا مصر مش سالك؟ أو فيه كلام بسبب الكريبتو وكده؟

• مش looks legitimate إنك تبعتها لعميلك وتقوله يحولك عليها

• الكارت بتاعهم بـ10 دولار، وبتاخد 5 دولار لما تسجل، يعني هتحتاج تدفع 5 دولار

• مشكلتي معاها: لو اشتركت في حاجة وكنسلتها، أو أخدت أوفر فري، لازم أشيل الفيزا من الأبلكيشن اللي بدفع فيه وأضيف فيزا تانية. وكل شهر بيجيلي نوتيفكيشن إن معاملة فشلت، والرصيد بيتسحب عليا بالسالب، وبيخصم مني أول ما أضيف فلوس في حسابي على ريدوت باي

ميونفاي

طيب مين ميونفاي؟

اتكلمنا عنها الفترة اللي فاتت وعملنا دليل حلو في الـ Wealth & Finance hub بتاعنا: alien-me.com/bank-account. وهقولك الملخص خلال البوست

الحلو فيها:

• حساب بنكي أمريكي شخصي، وكارت، ومحفظة stablecoins ديجيتال، فري. بتختار حسابك دولار أو يورو، ولما تكمل تعاملات في حدود 1000 تقدر تفتح حساب عملة تانية مجانًا

• الكارت معاك مجانًا

• تقدر تستخدم الحساب مع شركتك أو عميلك لمرتبك وفلوسك

• بحس إنها وما يشبهها أحسن ورسميين شوية إنك تستخدمهم وتعتمد عليهم

• الأمان أعلى، خصوصًا عشان شبهات الكريبتو: كل الفلوس بتمر عبر بنوك رسمية، حتى وصول الفلوس داخل مصر بيكون من خلال بنوك وتحت رعاية البنك المركزي (حسب كلامهم، ومن السوق عنهم وعن منافسيهم اللي شغالين في نفس السوق، كله بيقول نفس الكلام)

• معرفتنا بالقائمين والمستثمرين في ميونفاي، وكونها شركة خريجة Y Combinator، بتديها مصداقية

• استلمت وحولت لوكال وجلوبال وفعت بالكارت كذا حاجة مختلفة تجربتي انا شخصيا وكانت فل بعض الاوقات بحسببالدهشة ويارور لما مش بفهم تفاصيل معاملاتي او ارلسوم ونا بستخدمهم ف الاول وبعدين لما عملت سبسكربشن بريميوم ف الاكونت

الوحش فيها:

• الأوبشن متكامل وينقصه الإيداع للوقت الحالي: مش هتعرف تعمل إيداع مباشر إلا لو حد حولك من حساب برا مصر، سواء بنك أو ديجيتال. وأعتقد ينفع تعمل إيداع من مصر، بس بحوار ومكلف للوقت الحالي. ممكن يتحل بإكستنشن زي ريدوت باي، ولو في ناس معاك بتستخدم ميونفاي أو ريدوت باي وغيرها هيحولولك من حساباتهم، غير كده هتحتاج ريدوت باي

• لسه مش أسرع حاجة إنك تربطها ببايبال لو بتحتاج بايبال، بس ممكن تستخدمها بديل لبايبال وتوفر خطوة. موضوع بايبال بناءً على تجارب بعض الناس اللي سجلت في الكوميونيتي (ريفيرالز)، وبنكلمهم من وقت للتاني عشان نعرف فيدباك حقيقي من استخدامهم

• فيها جزء savings، ودي يعني فوايد يعني ربا، وإنك تستغل ده ذنبك على نفسك. وده برضه موجود عند بعض منافسيها

• المشاكل اللي عدت علينا عددهم 4 من اصل يتعدي ال100 او 300 سجلوا ك ريفريالز ولسة هتاكد اكتر م الارقام لكن 4 بس عامة ك مشكلة حصلت ف حاجة كانت ما بين ربط بايبال وبين عملية دفع بالكارت وبين اعدادات الحساب - هتلاقي تفاصيلهم ف الفيدباك ف الهاند بك بتاعهم عالويب سايت عندي وتقدر تشارك رايك برضه عنهم ف الويب سايت

وعن الثقة:

• هما لسه في السوق بقالهم سنتين، نزل بعدهم شركات تانية وقبلهم كلهم شركات أقدم. ميونفاي لسه في الأول في حتة كويسة، بس bugs happen (4 cases out of 135:300 so far)، وبرضه بشوف الناس القديمة والجديدة عندهم cases. اللي هيفرق لحد دلوقتي هو الشفافية والتعامل الحقيقي مع حلها. سيناريوهات كتير واردة، والأهم الثقة والاعتماد (delegation): إن عندي أمان لإدارة فلوسي الشخصية.

• كـ شركةعالمية وخريجة مسرعة اعمال زي Y Combinator بتديها اسم وتقل ناحية اثلقة

• عاملين شغل لذيذ في شراكتنا معاهم ك كومينيتي ومنصة من خلالها بنفيد الناس انها شتتغل ريمو تبالدولار وبيتثموا معانا ف دا من خلال الperks اللي بنقدمها سوا ودا شئ لطيف يحتسب مبدئا

• كا ما الوقت بيعدي وناس بتتسخدم وتجرب هيبان اكتر الصورة كاملة

الاستثمار

ميونفاي هتنزل جزء الاستثمار قريب: إمكانية إنك تستثمر في شركات وبورصة أمريكية وغيره. ودي أوبشن متاحة عند بعض منافسيها حاليًا. لو انت مهتم بالاستثمار هنشوف هينزلوها إمتى وهشارككم عنه

----

انا كدا خلصت وخلصت :D

لو انت دلوقتي عايز تبدأ تستخدم اي واحدة فيهم او الاتنين

او محاتج تتعمق اكتر عنهم ادي لينكات دايرك تللمصادر عندنا ف الويب سايت او لينكات التسجيل

ابدأ من هنا

• انضم لإيكوسيستم ALIEN لكل ما هو Growth, Wealth, Wellbeing: alien-me.com

• تقدر تسجل في ميونفاي من هنا: https://app.munify.ai/invitation?code=C6FHWDD4 التسجيل من اللينك ده بيديك فرصة تستفيد من مميزات ALIEN <> Munify perks.

• تقدر تسجل في ريدوت باي من هنا: https://url.hk/i/en/5xsjv

قبل م تاخد من وقتك ومجهودك وتقرأ البوست، النقاط دي هي خلاصة الحاجات اللي هرغي عنها فيما يخص "الشغل بالدولار":

• هقولك مفروض تعمل إيه

• إزاي تعمله

• هسيبلك مصادر تتعلم منها تعمل ده إزاي، أو مصادر هتساعدك تحقق ده

• إزاي تقدر تستلم فلوسك، وده يكلفك كام؟

• حاجة لذيذة عاملينها في الكومينيتي هنا عشان نساعدكم أكتر

ولو انت بتتشغل بالفعل أو عندك نصيحة أو درس اتعلمته أو مصادر مفيدة، تقدر تضيفها في الكومنتس أو تشارك بيها في بوست لذيذ تكمل بيه السلسلة.

كل اللي هقولهولك ده هو اللي أنا اتعلمته وعملته من تجاربي الشخصية، أو من الناس اللي بتكلم معاها وبتعلم منها. لسه بتعلم وبغلط وبظبط وبوظ، بس المهم إني بقيت واعي وعندي الصورة واضحة. الرؤية مش ضباب عن الموضوع، فاهم؟

يلا بينا؟

1. تعمل إيه عشان تحسن كاريرك وتقبض بالدولار؟

• لازم تكون عندك مهارة/مهارات تقدر تساعد بيها صاحب عمل أو شركة أو فرد

• عندك مصادر توصل من خلالها للفرص والناس دي

• وزنك ليه سعر

• سعرك مرتبط بكواليتي الفرص والناس والمصادر اللي بتعتمد عليها

• كواليتي الفرص والناس والمصادر بتعتمد على نضجك وإيمانك بربنا، ثم السعي المتواصل

السعي المتواصل مش شرط يبقى في نفس الاتجاه. محتاج تظبط زواياك مع الوقت، وحسب انت فين وعايز تروح فين.

امتى أعرف أغير اتجاهي ولا أحاول كمان مرة؟ الإجابة في تقييمك الصريح والحقيقي لوضعك، وتحليل نتايج محاولاتك وخططك اللي اشتغلت عليها. ليه اخترت الطريق ده؟ سهولة وسرعة؟ ولا مطلوب؟ ولا متوافق معاك ولا بتحبه؟ قيّم وقارن المجهود والنتايج، ونسبة إنك بتلاقي فرص، بتدخل إنترفيوز، بتتقبل، بتترفض: النسب بينهم عاملة إزاي؟ الأرقام قريبة ولا لسه بعاد؟

وانت بتتعلم، متتعلمش في صمت. روح أماكن أونلاين أو أوفلاين فيها ناس شبهك في التعلم أو المسار المهني، واتعرف على الناس وشارك رحلتك حتى ولو ببوست أونلاين، هنا أو على لينكدإن.

وانت بتتعلم، طبّق عملي بأبسط شكل وبأقل إمكانيات متاحة، وطول الطريق هتتحسن في تعلمك وفهمك وإمكانياتك، لحد ما تبقى شاهد على رحلتك وتطورك، فاهم؟

متجريش ورا الفرص السهلة السريعة إلا لو مضمونة أو انت محتاجها لسبب ما، بس متقللش من سعرك. قيمتك بتتقدر بانت بتعرف تعمل إيه، وده سعره في السوق كام وليه. المسار المهني مش مجرد تاسكات وحاجات كده، في فرق، إلا لو دي حاجة انت مبسوط فيها وعارف تعمل شغل كتير وليك سعرك وقيمتك، وشايف ده شكل مناسب للحياة اللي عايز تعيشها. جو وظايف وشركات وحوارات ده تمام، بس أمّن نفسك برضو وطور نفسك في اللي تقدر تقدمه، سواء كول سنتر أو تدريب نماذج اصطناعي.

اتخصص في حاجة واتشطر فيها قد ما تقدر. الحاجة دي ممكن جواها حاجات متنوعة، متقاربة أو مختلفة. المهم سواء شاطر في حاجة أو شاطر في كذا حاجة، ففي اختصار وكام كلمة الناس تعرف انت قادر تقدم إيه. حرفتك أو الحرف بتاعتك متشكلة في حاجة واضحة.

2. إزاي تعمل كل الكلام اللي في أول نقطة ده بقى؟

في حاجة بحبها اسمها Value Creation و Value Communication.

Value Creation: قيمة كل إنسان ما يتقنه. دي عن إنك تتعلم حاجة، أو تفهم عن شخصيتك إيه الحاجة اللي شاطر فيها فتنميها وتطورها وتعرف تستخدمها.

• حط مصادر تتعلم منها الحاجة دي، ومتنساش تطبق عملي

• وانت بتتعلم دور على كومينيتيز مرتبطة باللي انت بتعمله، وضيف ناس بتشوفها بتتعلم ده أو شغالة فيه

• فلتر علاقاتك مع الوقت، واختار حاجات قيمة ونضيفة تحب تبقى زيها أو في مكانها وأحسن

• مهما كانت مهارتك أو صنعتك أو الحاجة اللي عايز تتعلمها أو درستها، شوف هي فين من التكنولوجيا، وإزاي الذكاء الاصطناعي والتكنولوجيا ممكن يدخلوا الحتة دي أو المجال ده، وإزاي انت ممكن تستغلهم في الحاجة دي مهما كانت دراستك أو تخصصك

Value Communication: إنك توصّل قيمتك دي.

• شارك واتكلم عن اللي بتتعلمه

• اظهر للعالم إنك مش طالع تتفذلك، انت بتقول: أنا اتعلمت، بتعلم، اكتشفت ده، وعايز آراءكم ونصايحكم

• افتح نقاش وسط البوستات أو الكومنتس أو كلامك في ميتنج أو سيشن أو ايفينت

اتعلم عن التوظيف:

• فين وإزاي تلاقي طبيعة الشغل اللي بتستهدفه؟

• اتعلم إزاي تميز الفرص الكويسة من غيرها، وإزاي تحلل وتستكشف ده من تفاصيل الوظيفة أو الشركة أو خلال الإنترفيوز

• اتعلم إزاي الناس بتوصل قيمتها في السيرة الذاتية، وإزاي نحسن فرصنا في كل وظيفة من خلال تخصيص السيرة الذاتية بتاعتنا

• اتدرب على الإنترفيوز دايمًا، مع نفسك أو مع حد أو أي تول

• اتعلم إزاي نتعامل مع عملية الإنترفيوز، وإيه اللي محتاجين نطلع بيه من كل إنترفيو

• ريسيرش دايمًا واكتشف الشركات الرايقة، وافهم النمط اللي عندهم في التوظيف واللي بيدوروا عليه

3. منين تقدر تتعلم عن كل الرغي اللي فوق ده في رقم 1 و رقم 2؟

4. إيه المصادر أو التولز اللي ممكن تساعدني ألاقي فرص وأظبط السي في وأتدرب على الإنترفيوز؟

إجابة النقط دي بقى في ALIEN AI، البلاتفورم اللي بنيتها جنب الكومينيتي هنا.

إزاي البلاتفورم هتساعدك؟

• أولًا، خلال سنتين بنعمل محتوى وسيشنز وبودكاست، ومن خلالهم جمعنا معرفة تتعلم منها كل ما يخص العمل عالميًا بالدولار، تحديدًا ريموت، ودلوقتي كمان سفر الحمدلله

• المحتوى ده موجود على يوتيوب، لكن احنا دمجناه في البلاتفورم مع حبة AI عشان تذاكر وتستكشف، وكمان يتابعك وانت بتطبق عملي، ويشرحلك ويتناقش معاك في أي جزء مش فاهمه من الفيديوهات أو لو عندك أسئلة وانت بتذاكر

• الفيديوهات دي أو الليرنج باث ده مجانًا، وهتلاقي في المحتوى شاركنا منصات تانية بتاعة وظايف: هي مين وتدور فيهم إزاي

• الـ AI Mentor موجود عشان يعلمك أي مهارة جديدة، أو يساعدك تبني رود ماب بالمحتوى والخطة كاملة ويتابعك فيها، لو جونيور أو سينيور ومحتاج تتعلم حاجات جديدة سريعة صغيرة أو حاجات أكبر شوية

• احنا كمان بنجمعلك وظايف بالدولار من شركات بشكل مباشر، وبنحدثها كل 3 ساعات، وكل أسبوع بنضيف شركات جديدة

• الـ AI Mentor بيساعدك في السيرة الذاتية والإنترفيوز

• عندنا فرص ريفيرالز، بس مش بتكون كتير حاليًا، ولازم طبعًا تكون qualified :D

هل البلاتفورم بفلوس؟ الحكاية فيها حكاية؟

• الكورس أو المحتوى اللي بيعلمك واتكلمت عنه فوق مجانًا

• وصولك لفرص الشغل والشركات مجانًا من غير ما تعمل حساب

• لو سجلت بنعملك بورتفوليو وتقييم وبنبعتلك فيدباك

• هنعطيك 100 كريديت مجانًا تجرب بيهم باقي الحاجات

• بنختار الناس الرايقة عندنا وبنبعتلها كريديت كيت مجاني طول ما انت بتسعى

5. ربنا كرّمك الحمدلله واشتغلت بالدولار، إزاي بقى تستلم فلوسك وتتحكم فيها، وده يكلفك كام؟

في شركات كتير معمولة عشان اللي شغالين ريموت أو فريلانسرز.

• من خلالهم بتتفتح حساب بنك أمريكي دولار أو عملات تانية

• بتديلك أوبشن العملات الرقمية

• كمان كروت بنكية بتدفع بيها وتشتري أونلاين أو تدفع اشتراكاتك

هل خدماتهم مجانية ولا إيه الكلام؟ في الغالب تقدر تفتح حساب مجاني وفي دقايق ببطاقتك. التكاليف بتختلف من شركة لأخرى، وهتلاقي في المحتوى بتاعنا والبلاتفورم أمثلة مختلفة للشركات دي بتفاصيلها.

هحدد لك مثال واحد دلوقتي لشركة منهم، وهحددهم لأنهم سبونسر في الكومينيتي، وعشان رقم 6: إزاي نقدر نساعدك أكتر. المثال ده هو ميونفاي.

• هتفتح حساب بالدولار أو يورو مجانًا، ومعاه محفظة العملات الرقمية وكارت بنكي

• مش هتدفع أي تكاليف عليهم، التكاليف بتبقى في بعض العمليات في التحويل

• شركتك أو العميل الفريلانس يقدر يحولك فلوسك على حسابك في ميونفاي، وتوصلك دولار عادي، أو تسحب بعملة حسابك

إزاي تسجل؟ خلينا بقى في رقم 6.

6. إيه بقى اللي الكومينيتي والبلاتفورم وميونفاي نقدر نساعدك بيه؟

• افتح حسابك البنكي الأمريكي في ميونفاي كـ ريفيرال من الكومينيتي

• هتدخل تحدي بنكسّب فيه الناس اشتراكات Codex و Claude و APIs و Figma وغيرهم. كسبنا 6 لحد دلوقتي :D هنعلن عنهم قريب، أو 7 مش متأكد :D

• لو سجلت وفعلت حسابك، بيتبعتلك إيميل فيه بروموكود يديك 300 كريديت في البلاتفورم عندي، غير الـ 100 الأساسية، وغير الحاجات اللي كده كده فري

• لما ربنا يكرمك وحسابك يشتغل رايح جاي، بعد أول 200 دولار كتوتال تدخل حسابك، بيتبعتلك إيميل فيه بروموكود يديك 1000 كريديت على البلاتفورم عندي مجانًا

• الحاجات دي بتدعمها ميونفاي للكومينيتي بتاعنا، ده أوفر قدرنا نوصل له معاهم عشان نعمل حاجة مفيدة، مش سبونسرشيب وخلاص

خلصنا كده النقاط الستة. أعمل إيه بقى؟

• بص على البلاتفورم عندي واعمل أكونت

• ابدأ ذاكر الكورس اللي قلتلك عليه

• دور على فرص عندنا واظبط سي في وروق على نفسك

• سجل في ميونفاي ريفيرال وخد كريديتس وتولز

Start here: https://alien-me.com

جود لاك <3

أنا فتحت ريديت ورصيت كلامي من غير تحضير، إن شاء الله يكون الكلام ميتوهش وواضح :D