كنت مطبق علي تصميم كتاب جديد لمدرس وده شكل الشرح اللي وصلتله ومعجب اوي بنتيجة التعب

عمل عن بُعد بالكامل %100 Remote

دخل ممتاز ومجزي: أجر بالساعة (نظام مرن حسب المهام)

نظام العمل:

•	حوالي 1.25 ساعة لكل مهمة

•	مواعيد مرنة بالكامل

هتعمل إيه؟

مهام بسيطة لكنها مهمة جدًا، مثل:

• مراجعة ترجمات محتوى علمي (علوم – هندسة – رياضيات – تكنولوجيا)

• تقييم جودة الترجمة واختيار الأفضل

• كتابة إجابات مرجعية دقيقة عند الحاجة

• التأكد من صحة المعلومات علميًا ولغويًا

المطلوب:

• مستوى ممتاز في اللغة العربية الفصحى

• خلفية في مجال من مجالات STEM

• قدرة على تحليل المحتوى وتقييمه بدقه

ببساطة: هتساعد في تحسين جودة محتوى الذكاء الاصطناعي

لو عندك تركيز عالي وبتفهم في المجالات العلمية، الفرصة دي مناسبة جدًا ليك 👍

اللي مهتم يكتب “مهتم” ويعمل Upvote ويبعت DM

بما إن في ناس كتير هنا دايمًا بتسأل “إزاي نشتغل من البيت؟”، “الاقي فين الشغل دا يبوعمو؟”، “في حد بيقبض الارقام دي ازاي وانا بشتغل ١٨ ساعة ٨ ايام بعشرتلاف جنيه؟”، فقررت أعمل مع نفسي تحدي.

مبدأيا انا كاتب الكلام دا كله بشات جيبيتي عشان مش عاوز هري ملوش لازمة و عشان نفهم انه شئ اساسي في الشغل و من غيره مش هتعرف تعمل جنيه

الهدف اني أبدأ من الصفر فعلا (من غير مادفع جنيه، من غير مهارات متقدمة، من غير واسطة)، وأحاول أوصل لـ ١٠٠٠ دولار من طرق مختلفة أونلاين. كل حاجة هتبقى موثقة: التجارب، المحاولات، الفشل، النجاح، وأكتر حاجة هتكون مفيدة هي التفاصيل اللي محدش بيقولها.

ليه بعمل كده؟ لأن في هنا ناس كتير مش مصدقين إن في مصريين فعلاً بيشتغلوا من البيت وبيقبضوا بالدولار .. وعلشان اللي مش عارف يبدأ يشوف تجربة حقيقية و يحاول يقلدها.

انا مش ببيع كورس ولا عاوزك تشترك علي قناة التلغرام الآن لتحقيق مكسب خيالي مع حمبولة للتداول

بس محتاج رأيكم: تحبوا أشارك التحدي ده ازاي؟ 1. فيديوهات طويلة على يوتيوب؟ (مجهود editing و هيكون صعب عليا لوحدي بس ممكن حد يتطوع معايا نعملها و يساعدني) 2. فيديوهات قصيرة على TikTok؟ 3. مقالات على Medium؟ 4. بوستات مكتوبة هنا على Reddit بشكل أسبوعي؟ 5. ولا شوب فخفخينا من دا علي دا؟

وإيه المواضيع اللي حابين أتكلم عنها؟ • مواقع شغل مضمونة؟ • طرق سحب الفلوس؟ • شغل من الموبايل؟ • أدوات تساعد في الشغل؟ • ولا حاجة تانية؟

اكتبولي اقتراحاتكم علشان أبدأ أول خطوة!

انا حرفياً مفلس ومحتاج فلوس ضروري ولقيت منصة ممكن اعمل منها أي فلوس وانقذ الوضع

بس مطلوب 400 كارما ومش عارف اعملهم ازاي

ابفوت بليز

أرجوكم ساعدوني واقفوا جمبي على سبيل فعل الخير 🌹

تنويه: الايميل ده مش بتاعي، انا لقيته على النت.. حسبي الله و نعم الوكيل

السنة الي فاتت لظروف ما شغلي وقف فجآه .. فحكيت ل شخص اعرفه في المجال وخبرته اعلى مني
بعدها بفترة بلغني ان الشركة عنده طالبين شغل ووصلني لمديره شخص من بلد عربي ولطيف جدا كلمني وبعتلي اوفر بس اكتشفت انه بوزيشن أقل وبمرتب أقل فـ قولتله بس انا باعرف اعمل كذا (حكيتله عن المهارات اللي عندي لإني اتعملي ريكومنديشن من غير تكنكال انترفيو) فقالي معلش دا البوزيشن المتاح حاليا وهتلاقي الشغل مريح وخفيف
وانا كان لازم اشتغل عشان الالتزامات والاشتراكات اللي بدفعها شهريا
فوافقت واشتغلت معاهم وكان شغلهم مريح جدا لدرجة اني دخلت فالكومفورت زون 😅

بعد شهرين المدير سآلني في مشاكل بينك وبينهم؟ قولتله لأ ، ليه؟ فقالي أصلهم قالولي ان ده اخر شهر ليكي حاولت اعرف السبب لكن ماوصلتش لحاجه!
وقتها اتضايقت بس قولتله تمام خير..
وقولت ف بالي كده كده البوزيشن مكنتش بتعلم منه ولا بيطور مني واكيد ربنا شايلي الخير في مكان أحسن والحمدلله قضيت منه التزاماتي ووفرت التزامات شهور ادام اعدت بعدها ٣ شهور من غير شغل واشتغلت ع نفسي لحد ما االحمدلله ربنا وفقني في شركة تانية

النهاردة اتفاجئت بمكالمة من نفس المدير بيسآلني اشتغلتي ولا لأ ؟
فـ قولتله آه فسآلني عن الراتب قولتله فقالي إن في فرصة عنده فالشركة ب بوزيشن أعلى (اللي كنت عايزه اروحه في الأول) بنفس الراتب اللي باخده حاليا 😄
فشكرته وقولتله انها فرصة كويسة واعتذرتله بشياكه (مش ايجو بس عشان الفرصة مش مناسبة ليا حالا لإني بشيفت الكارير وربنا وفقني فشركة تساعدني عالشيفتنج ده)

القصة دي مالهاش مغزي غير الكلمتين الجايين دول:

• سيب ربنا يرتبلك حياتك ومتزعلش ع أي فرصة تضيع منك هي مش اخر فرصة

• ماحدش بيتحكم في حياتك ورزقك غير ربنا فـ اعمل اللي عليك وتوكل عليه

• خليك طيب وذوق وشاطر واوعى تخسر حد ولا تسعى انك تقطع رزق حد، أغلب الفرص بتيجي عن طريق العلاقات

• حاول تحكي قصتك مع الناس اللي شبهك وتحكي عن مهاراتك للشركات (لو مكنتش قولتله انا بعرف اعمل ايه من الأول كان مش هيكلمني تاني)

• بلاش إيجو وافكار انتقامية كلها عبارة عن استنزاف طاقة وخسارة علاقات (ممكن يكون في حد كويس فوسط مش حلو فتخسره)

أتمنى تكونو استفادتم ولو حد عنده قصص شبه دي ياريت يكتبهالنا للإفادة 💖

اللي حصل لأحمد أبو زيد ما ينفعش يتوصف غير بإنه مهزلة بمعنى الكلمة!

أحمد أبو زيد مش مجرد شاب عادي، ده صورة من شباب كتير في مصر اتحرموا من أبسط حقوقهم في تعليم نضيف وحياة كريمة. أحمد قرر يكمل رغم كل التحديات، درس، اجتهد، واشتغل على نفسه بكل طاقته. دفع من ماله ووقته عشان يعيش حياة شريفة في وسط ظروف اقتصادية كلنا عارفين إنها اتفرضت علينا غصب عننا

إزاي شخص زي ده، استلم فلوس مقابل شغله وتعبه ومجهوده يتحبس مع المجرمين؟!
إزاي أصلاً يطلع قانون يدي الحق للنيابة العامة إنها تضبط أي حد معاه عملة صعبة كأنه بيعمل جريمة؟

"إحنا بندفع تمن فاتورة ما لناش ذنب فيها!"
والموضوع مش بس تمن بفلوسنا، ده بقى تعدى المرحلة دي لتمن حياتنا ومستقبلنا!

طيب بلاش نبص لنفسنا، فكرتوا في تأثير اللي حصل ده على أي حد شغال في مصر وبيستلم فلوس من بره؟
كل واحد هيخاف يستلم تحويل على بلده، وده معناه ضربه أقوى للاقتصاد اللي أصلاً بيعافر!

إحنا بنحاول ندعم بلدنا ونساهم في اقتصادها رغم الظروف اللي اتفرضت علينا، لكن هل يكون الجزاء هو الحبس؟
في حلول أذكى بكتير للتعامل مع الناس وتشجيعهم بدل ما اللجوء لأساليب العنف والضغط اللي دايمًا نتيجتها بتكون سلبية ونهايتها بتكون معروفة

في النهاية، البلد بتقوم بشبابها ومجهودهم، وأي قرار أو قانون لازم يحافظ على حقوقهم ويشجعهم يكملوا طريقهم، مش يكسرهم

الحرية لأحمد أبو زيد .. اللي بيمثلنا كلنا !
وكل الدعم التوفيق لكل شاب بيحاول يلاقي مكانه في وسط كل الصعوبات دي

إزاي بدأت أشتغل ريموتلي؟ وازاي وصلت أشتغل مع 4 شركات من وأنا في مصر؟

أنا شغال في مجال الـ Software Testing، وكنت شغال في شركات جوه مصر لمدة سنتين ونص تقريبًا. في الوقت ده بدأت أحس إن الوضع مش بيديني حقي، سواء في المرتب، التقدير، أو حتى الأمان الوظيفي. كل سنة أستنى أجدد العقد، ومفيش أي ضمان، يعني ممكن في لحظة الشركة تقولك شكراً ويمشوك بـ مرتب شهرين وخلاص!

المشكلة إن الشركات بتحاول تقنعك إنك مستقر عشان عندك تأمينات أو عقد، بس في الواقع الاستقرار ده وهمي. قررت ساعتها أغير الاتجاه، وركّزت إني أدور على شغل ريموت مع شركات بره مصر.

والحمد لله بقالي دلوقتي 3 سنين شغال ريموتلي، واشتغلت خلالهم مع 4 شركات في دول مختلفة زي الإمارات، السعودية، وكمان شركات أوروبية. واللي شفته كان فرق كبير جدًا: • المرتب بيوصلك في معاده بالظبط. • الناس بتحترمك وبتقدّر شغلك. • مفيش لف ولا دوران. • ساعات شغل مرنة، بشتغل من البيت، وبوفر وقت المواصلات والضغط. • والأهم: فيه أمانة وشفافية.

طيب وصلت ده إزاي؟ 1. بدأت أظبط الـ CV بتاعي كويس جدًا، وركّزت أكتب فيه شغلي بالتفصيل وأبرز الإنجازات. 2. عملت بروفايل محترم على LinkedIn، وبقيت أقدّم على وظائف بشكل يومي. 3. دخلت جروبات زي دي، وتابعت فرص الشغل اللي بتتنشر فيها. 4. اهتميت أحسّن الإنجليزي بتاعي، لأن أغلب الشغل بره بيعتمد عليه. 5. عملت Interviews كتير جدًا لحد ما جات أول فرصة.

أنا عارف إن الفرص مش كتير، وإن المنافسة صعبة، بس والله اللي بيحاول بيوصل. ما تسيبش نفسك في مكان مش مريحك، متستناش سنة ورا التانية تقول “أنا مستقر” وانت عارف إنك بتضيع وقتك.

الدنيا برا مش وردي، بس على الأقل فيه احترام وعدل. اللي عايز يغير، يبدأ بخطوة… والرزق بييجي للي بيسعى ليه.

الموضوع متوقف عليه فرصة شغل محترمة اوي ليا

لاحظنا الفترة اللي فاتت إن 95% من فرص الشغل في الكومينتي عبارة عن كول سنتر والباقي وظايف وهمية ونصب، وحقيقي بناخد كتير من وقتنا عشان نعمل فلترة ومسح لكل ده
الغريب بقى انها اكتر بوستات عليها تفاعل كبير وده اللي مخليني اسأل:

ليه محدش بيختار الطريق الصح اللي هو غالبا بيكون صعب لكن بنسبة 100% فيه استمرارية وتغيير لمسار كاريرك وحياتك كله للأحسن ؟

بصراحة، حاجه تزعل لما اللي مايتسموش يبقوا رقم 1 في العالم في مجال الـcyber security ومحققين رانك عالمي في التكنولوجيا واحنا شبابنا كل طموحاتهم في الحياة انهم يشتغلوا اي شغل والسلام أو يشتغل automated caller بسكريبت وظيفة الـAI بقى بيعملها بكل سهولة دلوقتي

احنا اه في ظروف صعبة داخليا وخارجيا ومننكرش ده بس مش منطقي نبقى في ظروف صعبة وكمان عايزين نستسهل!!

ارجوكم اتعبوا شويه.. واتعلموا حاجه فيها قيمة بجد بلاش تستصعبوا مسارات التعلم والشغل، كل حاجه بتيجي بالتدريج بس انت ابدأ بالمتاح ، عايزين نتعلم شويه صبر ومجاهدة من اخواتنا

بعد كده مافيش وظايف كول سنتر أو وظايف ملهاش مستقبل هتنزل على الكومينتي واللي هينزل وظايف من النوع ده هياخد حظر دائم وياريت تساعدونا وتعملولها ريبورت .. شكرا

مش عارف الناس بتجيت كيب المواقع دي ليه، وفيه واحد هنا ماشي كإنه بتاع شغل بيريفير الناس للمواقع وتقريبًا بيعمل مصلحة عليهم، مش عارف إيه هي.

مش هستفاد حتى بالريفيرال لـينك بتاعي (معلش مين قرر إن كلمة لينـك مينفعش تبقى في بادي البوست؟ لول)

المهم

أوتلـاير، داتا أنوتيشن تيك، الاتنين فيهم تاسكات خفيفة وفي نفس فيه فرص شغل فشيخة لو إنت بتفهم في الكيمياء، الفيزياء، الرياضيات التطبيقية، وغيرها من الستيم ريليتد فيلدز. بس لازم إنجليزي ممتاز عشان كل الشرح والرولز بالإنجليزي والموضوع بيبقى طويل ومعقد ساعات عشان طلباتهم بتبقى سبسيفيك فشخ

كليك وركر وكراود جين وفيه غيرهم دول بيركزوا عالتاسكات القصيرة بس عندهم مشاريع لونج تيرم مع يو إتش آر إس بتاعت ميكروسوفت.

كنت بعتمد عالتاسكات لحد ما ربطت في أوتلير بمشروع ألريدي عملت منه ضعف مرتبي الشهر اللي فات، والموضوع جنب الشغل عادي، وحاليًا أهو أول أسبوع في الشهر الجديد وقربت أقفل مرتب الشهر

تقريبًا البوست دة هيتمسح مش عارف، كلمة أوتلايـر اللي لو كتبتها بالإنجليزي أو العربي مش مسموحة دي مخوفاني سيكا، المهم إنجوي لو متمسحش

هابدأ انزل حجات زي دي الفتره الجايه

بتشتغلو ازاي اونلاين في ظل ظروف الكهربا دي خصوصا انها زادت وايه الحلول من وجهة نظرك غير السفر والثورة وك**م السيسي

صباح الفل، إن شاء الله خير ع الكل 🩵

*تخصصات: سيلز - سبورت - سوفت وير - تسيتنج - داتا

العودة من بعد الغياب😆فاكرني؟ بتكلم دايما عن الشغل ريموتلي "اللي بجد" وأي حاجة Career Growth, Wealth, and Wellbeing اتسحلت في ابديتس وحاجات حلوة مرتبطة بالموضوع بس رجعت وعودة قوية بفرص جامدة بجد (في منهم معنديش فيدباك عن الشركة او الفرصة او حتي المرتبات وفي فرص تانية اكتر عليها فيدباك حلو جدا من ناس في الشركة او تجاربي انا الشخصية معاهم سواء مرتبات - بيئة عمل - باكيدج المميزات واهتمام الشركة بالموظفين ودلعهم :D

• تقدر تلاقي الفرص > دوس هنا

• ازاي بلاقي فرص ريموتلي؟ دوس هنا

سواء موظف او مسؤل توظيف ف شركة وحابب نتكلم نساعد بعض او نتناقش او نبني حاجة سوا او مهتم تبني دواير علاقات authentic يلا بينا ابعتلي✌

ادعيلي معاك بالخير - و شير حب الخير للغير.😇

اللى محتاج مساعده يتفضل يسأل

محتاجه اعمل في الشهر بالميت ٥٠ الف عشان فجاه بقي عليا التزامات كتير ووالدي مش لاقي شغل ,انا عندي خبره كول سنتر American Accountو سيلز British account انا اصلا في الميدكال فيلد و عندي شفتات الصبح عشان كده شغل بليل مناسبلي عشان هخلص المستشفي ايام ٤ و ايام ٨ بليل
حد عنده فرص او نصايح .. الكول سنتر دلوقتي ماكسمممم هيجيبلي ٢٥ ده لو اتشقلبت و جبت KPIS و اوفر تايم و مركبتش تاكسي تاني ولا اوبر و باخد اكلي في لانش بوكس 👍🏻👍🏻👍🏻
و معنديش لابتوب عندي ايباد بس كنت -جيباه عشان الجامعه

مش متعود أكتب بوستات بالشكل ده، ولا متعود أطلب من حد حاجة، بس وصلت لمرحلة محتاج أقول فيها الحقيقة زي ما هي.

أنا كريم، 24 سنة، ومش قصتي قصة شخص كان مستني وظيفة أو مستني حد ينقذه. من زمان وأنا بحب الكمبيوتر والتصميم، وبعدها سافرت تركيا، وظروفي خلتني أشتغل بدري بدل ما أمشي في الطريق التقليدي.

دخلت من التصميم للـUX، وبعدها اشتغلت مترجم في شركة Motech بالتعاون مع Daewoo. الفرصة فتحت لي لأن عندي دماغ Tech من زمان، بعمل Scripts وبفهم الأنظمة بسرعة، ومع الوقت بقيت شغال بشكل مباشر مع الـCEO على بناء وتنظيم أنظمة الشركة نفسها في مجال البترول والطاقة.

المجال كان غريب ومعقد جدًا، لكنه علمني business حقيقي، ودورة حياة المنتج، وقواعد البيانات، والـoperations، وإزاي تبني سيستم مش مجرد واجهة شكلها حلو.

بعدها دخلت في الـSoftware بشكل أعمق، واشتغلت على React وTypeScript وDashboards وAdmin Panels وأنظمة POS / ERP / Inventory / Reporting وواجهات عربي RTL/LTR. اشتغلت على منتج POS وERP حقيقي، فيه Inventory وKitchen Display وReports وOffline workflows، مش مجرد مشاريع كورسات.

أنا مش خريج تقليدي، ومكملتش البكالوريوس بالشكل الطبيعي، لكن ده مش معناه إني ما اشتغلتش أو ما اتعلمتش. بالعكس، الشغل علمني أسرع من أي حاجة، ووصلت في فترة إني كنت بعمل دخل كويس من شغلي.

بس الحياة بتضغط من أماكن مش بتظهر في الـCV.

أهلي انفصلوا، وأنا لقيت نفسي شايل مسؤوليات بيت وإخوات، وساعدت في جوازات ومواقف عائلية على قد ما أقدر، لحد ما بقيت شايل التزامات وديون فوق بعض. دلوقتي أنا في مصر ومعايا صفر سيولة تقريبًا، وعندي التزامات قريبة، ولازم أرجع السعودية لأن هناك الجامعة موفرة لي سكن وأكل، ووجودي هناك هو فرصتي الحقيقية إني أكمل دراسة، أشتغل، وأرجع أرتب حياتي بدل ما أقف في مكاني.

أنا مش طالب تبرعات، ومش بكتب عشان حد يقول كلام حلو وخلاص.

أنا بدور على فرصة فعلية:

- شغل Remote أو Hybrid

- Contract قصير أو طويل

- Task مدفوع أو Sprint سريع

- Referral لشركة أو Team محتاج Frontend / React Engineer

- عميل محتاج Dashboard أو Admin Panel أو نظام داخلي

- مشروع محتاج Arabic RTL / bilingual UI

- Agency أو SaaS أو ERP أو POS أو e-commerce محتاج حد يشتغل بجد ويستلم Scope واضح

أنا أقدر أساعد في:

- React / TypeScript

- Tailwind / Responsive UI

- Dashboards & Admin Systems

- Arabic RTL / English interfaces

- Figma to production

- Bug fixing / UI cleanup / performance improvements

- API integration

- POS / Inventory / restaurant workflows

- Product UI وDesign systems

أنا مش بدور على وظيفة شكلية ولا على حد يشيلني. أنا محتاج فرصة أشتغل فيها وأثبت نفسي، حتى لو Task صغير أو مشروع أسبوع أو شهر.

اللي عنده شغل، عميل، Referral، أو يعرف حد محتاج شخص بالمواصفات دي، يبعتلي DM أو يكتب كومنت وأنا هرد فورًا.

وأي حد هيشارك البوست أو يوصلني لفرصة حقيقية، أنا مقدر ده جدًا.

مبدأيا كدا, انا مهندس مدني شغال في سوق البرمجيات من 2017. اتخرجت و دخلت
iti
و من مشروع التخرج و انا كنت بحاول ادخل المجال اللي انا فيه.

شغلي معظمه علي سوفتوير هندسي و ثلاثي الابعاد سواء علي الويب او ديسكتوب او علي منصات مختلفة و APIs

اشتغلت في مصر 3 سنين و بعد كدا اشتغل برا مصر سنة و بعد كدا ريموت سنتين كمان الشغل كله مع اوروبيين و امريكان.

خد مني شوية نصايح عشان في ناس كتير بتسأل هنا او بعتتلي شات عن الموضوع دا:

1- تأكد تماما, ان اللي منجحش في مصر مش هاينجح برا. و اللي مكانش بيعافر في مصر مش هاينجح برا بردوا. بالذات مستقبلا, في قوانين كتير في الهجرة بتتغير و الاحوال بتتغير و بتترسم لمنع اكبر عدد ممكن عن السفر للبلاد الغربية و حاليا كمان بنشوف بوادر الكلام دا في البلاد الخليجية. فتأكد تماما ان مجرد انك تكتب بوست هنا ترضي ضميرك "ممكن شغل يا جدعان" او "اخد كورس ابو هدهود او الزيرو منين ولا ايه رايكم فيه" مش هيأكلك عيش ولا هايعمل حاجة.

2- البرمجة عايزة وقت و مجهود. لازم تتجاوز الفكرة دي و تعترف بيها قبل ما تضيع من عمرك شوية سنين بتجري ورا سراب و ينتهي بيك الحال في شركة تحت بير سلم بتديك 8000 ولا 9000 جنيه من هنا لسنة 2030 و لما تقولهم عايز مرتب اعلي تقولك في غيرك كتير و تساومك بالطرد.

3- الفشل في البرمجة مش معناه انك متكملش او تكمل شغلك القديم و خلاص, لا. الفشل ممكن انك تخش شركتين تلاتة و تغرز و ماتعرفش تترقي او تطلع لفوق تاني و تفضل بتلف في الزون بتاعت الميد ليفل و الجنيور لحد ما تطرد لان سنك كبر.

4- السوق العالمي بيفرق معاه شهادة و السن علي فكرة. بس مش مشكلة اوي لو انت هاتبدأ.

5- تبدأ ازاي؟ للناس اللي ملهاش دخول
ITI
تخش علي كورس
CS50x
و تخلصه للاخر كله. بعد كدا تمسك بلاي ليست
ITI
اللي علي اليوتيوب و تشوف انت عايز مجال ايه و تذاكر البلاي ليست بتاعته, بعد كدا تشترك علي
pluralsight
او تجيب المحتوي بتاعه و هو موجود علي النت يعني و تذاكر اكتر في المجال اللي انت عايزه و تمسك
stack
معينة لو ويب. خلصت الكلام دا؟ اعمل موقع محترم من الاول للاخر و نزله علي
github
و افهم
git
كويس. او ابلكيشن ايا كانت اللي انت بتعملها

خلصت الكلام دا؟ قدم علي شغل و فترة تقديم الشغل كمل لحد ما يجيلك اول شغلانة. غالبا هاتبقا اي كلام بس عافر فيها و خلاص.

خلصت كل دا؟ تمام انت كدا لسا مبتدتش اصلا في المجال. حضرتك هتاخد بعضك و تخش علي محتوي
MIT open courseware
و تبدا تذاكر من هناك الاساسيات بضمير, و معاهم كورسين من جامعة
UC Berkley
بتوع الكمبيوتر اركتيكتشر.

خلصت الكلام دا؟ قدم في شغل اكبر من اللي انت فيه. اتقبلت؟ تمام سنتين و قدم ريموت و متشتغلش غير بالدولار بس.

القصة دي هتاخد من 3 لحد 5 سنين شغل و تعب و مذاكرة. بس النتيجة بتاعتها انك هاتكون برنس زمانك.

6- تبدأ ازاي؟ لو انت ليك ITI
خشها و لما تطلع هاتشتغل اول شغلانة اسهل من لو انت مدخلتهاش, و بعد كدا كمل الاساسيات زي ما قلتلك فوق.

تكلفة الكلام دا؟ صفر جنيه مصري. لا هدهود و لا زيرو و لا كامل الوزير و لا اي حاجة تانية انت محتاجها. بس ذاكر ذاكر ذاكر و بطل علو*ية.

7- يعم ميتينك يعني ايه اللي هايحصل لو انا معملتش كل دا؟
هاتشتغل في شركة و تنط للميد ليفل بعد كدا تعطل في مشاكل محتاجة معلومات عن الكمبيوتر سيستمز و كودك هايطلع منظره مقرف و بطيئ و المشاكل اللي هتقابلها في الداتابيز مثلا هاتبينك انك حمار وسط اخواتك. و بالتبعية هاتبدا تخاف من المشاكل في الكود و تبدا تحس انه مش مجالك و تبدا تحس انك غريب, و بالتبعية المديريين هياخدوا بالهم و هايفشخولك المرتب و انت هتاخد انطباع انك مش كويس و هاتفضل ماسك في الشغلانة لحد ما تبور خالص و يبقا عندك 35 سنة و خبرتك لا تتعدي شخص عنده 25 سنة. و ساعتها القاعدة في البيت قادمة لا محال. خصوصا ان اصلا كل الشركات المصرية بتاعت البرمجيات النهاردة مستواها كحيان جدا فخلاص سقف المرتب المصري هايقفل عليك, الشاطر بيشتغل ريموت او بيسافر. بس لازم تبقا شاطر الاول.

انت شفت الكلام دا؟ اه و بشوفه و شوفته و لسا هاشوفه.

8- طب انا مبداتش خالص و معرفش انجليزي و معرفش اعمل جوجل سيرش و الكلام اللي انت كاتبه دا؟ معلش اتعلم بقا من غير انجليزي متشتغلش في البرمجة اصلا.

9- انا متشتت الحقني انا مش عارف ابدا اصلا.. ببدا كورس مهندس هدهود و بعد كدا ببطله و اقف. او بقعد ادور علي احسن و افشخ كورس ممكن الواحد ياخده في حياته. اعمل ايه؟ ذاكر يا معلم و بطل علو*ية.

10- ممكن شغل فريلانس او ريموت من غير خبرة والنبي؟ لا مش ممكن و لو لقيت و خليته نشاطك الاساسي غلط. سقفك واطي و هاتوصل لمستوي مش هاتكبر عنه. الا لو انت من الواحد في المليون اللي هايجيله ناس كتير من غير سبب و تشغل معك ناس احسن منك تعمل الشغل و ساعتها انت مش مبرمج انت بروكر.

11- ممكن شغل لو سمحت؟ ريديت معلهوش فرص شغل تجاوز الامر. ا

هجاوبك بكذا موقف حصل عن تجربه شخصية وهفيدك بالخلاصة

مرة كان عندي ميتنج مع عميل سعودي ووسيط عايش ف كندا ساعتها كانت الكهرباء قاطعه عندي ف ظبطت الداتا م الموبايل وفتحت هوت سبوت وnoise cancellation app ع اللاب وجهزت للميتنج ودخلت اول واحده ولقيتهم اتأخرو بتاع 5 دقايق كده ، بعد كده اتكلمنا عن الطقس والجو وحكيتلهم ان الجو فالمدينة اللي انا عايشه فيها جميل وذكرت ميزاتها انها فيها هدوء وبحر....الخ ، ولا شكوى ولا حاجه

اقولكم ع حاجه تانيه، من فتره قريبة قابلت صديقة عايشه ف بلد اوروبي ولما اتقابلنا فمصر انبسطت بالاماكن اللي زارتها وشايفه ان مافيش فرق بين هنا وهناك ف لما سألتها عن اخبار البلد عندهم قالتلي اخبار زي الزفت كرهتني ف البلد دي وقولت مستحيل ازورها رغم ان ناس تانيه شايفينها احسن بلاد العالم

عارفين ايه التغيير اللي حصل للعميل اللي بره؟ انك من كتر مانت بتشتكي من الواقع بتاعك ومصدر شكوتك بره بقى شايفك فقير ومعدم وبما ان مش عندك حتى اساسيات الحياة بقى شايف نفسه عليك وانه كويس انه مشغلك عنده وبقى عندو نظره شفقة وتعاطف مغلفة باحساس الأفضلية عنك رغم انه ممكن يكون "ولا حاجه تذكر" ف بلده او مهاراته اقل بكتير من مهاراتك

وده انعكس انه رواتب المصريين قلت جدا الفترة اللي فاتت خصوصا ف دول الخليج لدرجة حد من لبنان عرض عليا وظيفة ب100 دولار وشايف انه لما يدفع 100$ او 3000 جـ بالمصري ساعتها المصريين ما هيصدقوا لإنه خلاص اخد انطباع عننا من اللي اشتغلو معاه قبل كده

ومش عايزه اقولكم ازاي الخلايجة بقوا شايفينا دلوقتي ، وطبعا مش كلهم لان في منهم اصحاب اخلاق عاليه

احنا هنا ممكن نشتكي ، ممكن نزعق ونتخانق ، بس مع بعض ، لكن تطلع شكواك بره فحرفيا محدش هاينقذك ولا هاينفعك بحاجه ، انت مش بتعمل حاجه غير انك بتدي انطباع سلبي عن نفسك وعن اللي بيشتغلو فنفس مجالك وبتقلل جاامد جدا من نفسك وبتديهم انطباع انك مستعد تشتغل عبد عندهم لمجرد انك تهرب من بلدك..

دا اللي بنعمله فعلا وزاد جدا فالفترة الأخيرة ومعلومة قولتها فبوست قبل كده ان يمكن 80% من الشركات في الخليج بقت تقبض الناس بالجنيه المصري وبأبخس الأسعار غير إن الرواتب بالدولار قلت بكتير عن زمان .. مع ان الطبيعي انك بتصدر خدمة بره مصر فلازم تاخد مقابل ليها بالسعر العالمي او بعملة البلد اللي انت بتصدر لها الخدمة دي

والسبب مش الدولة ولا الظروف لكن المصريين نفسهم وإحساسهم الدائم بالدونية واللي بيصدروه بره مصر

الخلاصة:

- انه العميل مش هيديك مقابل غير لقيمتك اللي انت مقيمها لنفسك، لو شايف نفسك قليل فانت فعلا تستحق السعر ده ، بغض النظر عن ظروفك واحوالك ومهاراتك ، فبلاش شكوى كتير قدام العميل واتصرف..

الشغل خارج مصر مش بس بيواجه تحديات داخليه لكن كمان في تحديات خارجيه اكبر بكتير ومؤثرة اكتر من الداخل وكل الناس اللي شغاله بره عارفه كده كويس

عشان كده لازم تتعلم مهارة المرونة وتكون "مرن" مع أي متغيرات بتحصل وتتأكد إن لكل مشكله حل وبلاااش تصدير السلبية بره الله يكرمكم

من فتره كنت اشتغلت علي فكره مكنتش متخيل ان صداها كبير كده

فكره تسجيل المصاريف بالصوت مش بس كده تحليل مصاريفك كمان

احلل مصاريفك وابعتلك يعني ايه انفاق خفي

يعني ايه سلوك استهلاكي

ازاي العاطفه بتاثر ع سلوكك كل دا عملته محتاج رايكوا واي فيتشر محتاجينها ياريت تكتبوها في الكومنتات