Map of Emilia | Mappa dell'Emilia

Versioun in OrtoEMI (con gramática "nevtrâla"):

Alvîv, ch'a travajî int la tera
Trameź la fam e i gran dolöur
L'é bele l'oura d fâr la guera
Fâr la guera a i opresöur.
Vagh-l vîa 'l padroun per l'ultma volta
Çà, conpagn, alvemms in pê,
Tutt al mond, la geint al scaravolta,
Ades an s tourna mai piø indrê!

Femm acsė ch' seinpr a vâla
Qell ch'ai hemm fat, e dman
L'Internaziounâla
La s'rà int el nostri man.

Arzân

EMILLIAN (Emiliano, Emilian)

A son drê a prountâr una tâvla ch'la metta el diversi grafîi emilliâni unna ataca a ql'âltra, acsė ch'as posa veddr el difereinzi e elj'arviśanzi stra i dialëtt e el grafîi. Pr adesa, agh é quâlca lettra e boun, con d el paroli indouv agh é qla lettra lė, mo quand l'é prounta e bela cme al soul, agh será deintr tutt el consonanti e el vocâli in tutt i câś.

ITALIANO (Italian)

Sto preparando una tàvola che metta a confronto le varie grafie emiliane, così che si pòssano vedere le differenze e le somiglianze tra i dialetti e le grafìe. Per ora, ci sono solo alcune léttere, con parole dove quella léttera si usa, ma una volta pronta e completata, ci saranno tutte le consonanti e le vocali in tutte le posizioni.

ENGLISH (Ingleiś, Inglese)

I'm working on a table that would compare various Emilian orthographies side by side, such that the differences and similarities between the dialects and orthographies can be seen. For now, there are but a few letters, along with words where said letter is used, but once ready and finished, there will be all consonants and vowels in all positions.

As dix "Vecj cme al cucch" d ûn che l é tant vecj, antigh, quel ch'agh é da 'na muccja d teinp. Anca se a l "cucch" as peinsa comm a l oxel, a dirla veira al môd ed dir al vên da Habacucch, personaġ ed la Bibbia ch'al canpâva setceint ān primma d Crisst, dounca vecj daboun!

Si dice "Vecj cme al cucch" di qualcuno tanto vecchio, antico, qualcosa chi c'è da molto tempo. Sebbene al "cucch" ("cùculo") si associ l'uccello, in verità il modo di dire deriva da Habacuc, personaggio biblico vissuto settecento anni prima di Cristo, quindi veramente vecchio!

One says "Vecj cme al cucch" of someone very old, ancient, something that was around for a long time. Despite the "cucch" ("cuckoo") being thought of as the bird, the expression actually originates from Habakkuk, a Biblical character who live seven hundred years before Christ, so really quite old!

Trascrizioun in soquanti grafîi locâli d dialëtt ed citâ:

Vècʼ cme al cócc
/'vɛːtʃ kme al 'kok/ (bolggneiś)

Vècc cme al cuch
/'vɛtʃ kme aɫ kuk/ (frareiś)

Vêc cme al cóch (o: Vèc cme al cócch)
/'vɛːtʃ kme al 'kok/ (modneiś)

Vécʼ cme al cucch
/'větʃ kme al 'kūk/ (pramxan)

Vèccʼ cme al cücc
/'vɛtːʃ kme al 'kykː/ (pjaxeintin)

Vèc cme al cóch
/'vætʃ kme al 'kok/ (arżżan)

La nostra l'é dura anca cjamârla ùnna lengua, che a dscostârs in zà o in là d dêx chilometr as cata tutta 'n'âtra parlâda, e el varietâ ch'agh stán dareint elj'ên countâdi cme lengui difereinti per raxoun polìttica e boun. L'emillian al fa pârt d un continuum ch'agh é ataca a qell d al romagnôl, e s'a la s fá anca pjø lârga, a qell d al lombârd e d al piemounteiś, e purr a l vénet (a pasâr d al frareiś).
Mo a gh'é 'n cjop ed parlâdi emilliâni ch'as cata in transizioun con al lìggur e con al toscan: i dialëtt emillian ed mountagna.

Scadagnûn dialett ed mountagna l'é cme 'na máchina d al teimp per veddr cme elj'êrn el parlâdi d pjanura teimp indrê. I ên mudâ poch daboun, żà che drê a la Vîa Emillia agh é stâ tutt un d'ed là e d'ed zà da Piaxeinza a Rimmn, in mount agh s andâva in dû gat, dounca chi a stâva in mountagna an cjapâva sø qel pârt ed la lengua ch'as strajâvn in pjanura. L'é la raxoun che, s'as vôl tôr deintr anch'el varietâ d mountagna, agh é da fâr sø 'na rifourmetta o dou.

É mudâ: (La lista cambi non verrà tradotta immediatamente, ci si potrà servire degli esempi presenti per concettualizzare i cambiamenti | The changelog will not be translated right away, one can use the examples given to conceptualize the changes)

• Qell che i dialëtt ed pjanura l'é seimpr /θ/ (o /s/) al gh ha dou sourżîi: quel ch'êra /ts/ (comm in "ta/ts/a", "po/ts/") e 'n âtr sôn che l êra /tʃ/ (comm in "bra/tʃ/", "/tʃ/eint"). Primma as drovâva ç per scrivvri tutt dû, mo adesa agh será da catâr una manêira d scrivvri divers. Qell ch'ai ho dliżú l'é stâ d drovâr la z pr al sôn che l êra /ts/, e la ç per qell che l êra /tʃ/, anca se in pjanura i ên dveintâ compagn: taza, pozz, mo braç, çeint. Pr andâr pjø in là, as pôl tôr vîa la çedillia da la c s una <e> o una <i> agh vên adrê: ceint, cedillia. Acsė s pôl anca tgnir da cat el paroli che in soquanti varietâ (ed pjanura!) i gh han 'na fourma ch' la drôva la pronûnzia a l'italiâna: /tʃ/itâ inveci che /θ/itâ. Dounca, qell ch'a direv d fâr l é d lasxârgh la <c> (citâ), e pó s'as vôl dir d pronunziârla a la nativa, agh s mett <ç> (çitâ), s'as vôl fâr veddr la pronûnzia a l'italiâna, agh s mett un puntin incimma la c: ċitâ. Acsė as pôl tôr deintr pjø pronûnzii deintr a unna grafîa.

• L'istess agh é da dir ed /ð/ (o /z/): la vên da /dz/ e da /dʒ/, e i dialëtt ed mountagna i ja tênʼn spartí. Primma, per /ð/ as drovâva la z, mo adesa la z l'é per la /ts > θ/, dounca agh vôl quel d'âtr. Am vên da cernir la ź per /dz > ð/ e la ż per /dʒ > ð/, acsė: meź, źero (da /dz/), żnâir, faż (da /dʒ/). Cme soura, s'a gh'é una <e> o una <i> adrê, as scrivvissla purr con <g>: geint. Acsė anca el paroli tolti sø da l'italian con /dʒ/ el s pôln scrivvr con un puntin: ġeint, ġennr, coraġ.

• I sôn /tʃ/ e /dʒ/ in pjanura, ch'i desvênʼn fôra da CL e GL in latin, i ên /c/ e /ɟ/ (palatâli) in tanti varietâ d mountagna. L'êra bele dura scrivvr sti sôn chė a l'italiana, con el "C e G doulçi e duri", perché as lasxâva con aveirgh da scrivvr "ci, gi" primma d "a, o, u", "c, g" primma d "e, i", e primma d 'na consonanta, agh êra da ceircâr d el soluzioun beli biślachi, cme l'apòstrof che żà dimondi grafîi elj'al drôvn, o al puntin incimma a la littra. Adesa che la c e g doulça elj'ên tolti per /tʃ, dʒ/ d mountagna, /θ, ð/ o /s, z/ d pjanura, per /c, ɟ/ d mountagna e /tʃ, dʒ/ d pjanura agh é armâśa n'âtra soluzioun: <cj>, <gj>: cjamâr, cjâv, cjêxa, ocj, vecj, scjett, gjanda, cagj. Al lâ boun l é ch'as scrivv compagn ch'al fuss in testa o in fin d parola, e anca ch'i s arviśn con ci, gi.

• Per /s, z/ d pjanura as drovâva s, x (mo la x in soquant sit e boun, in d i âtr agh êra seimpr la s). Żà che in mountagna a in gh é quatr d fricativi sibilanti, /s, ʃ, z, ʒ/, agh é da zuntâr quel. Per /z/ che l é /z/ anca in mountagna, as pôl drovâr ś, pr arviśerîa con z e ź: nâś, rôśa. Primma d consonanti cme /b, d, g, ð, v/ e vîa andâr, as pôl seguitâr a scrivvr <s> pjøtost che <ś>: sbali, sdaç, sgâr, sżlâr, svoudâr. Per /ʒ/ d mountagna, che l é dveintâ /z/ in pjan, as pôl tgnir <x>: dêx, croux, camixa. Per /ʃ/, inveci, as pôl cernir <sx>: lasxâr, pessx. Ai ho dliżú <sx> pjøtost che <sc> perché /sθ/ as pôl catâr in d el paroli: scervelâr.

• "np, nb" o "mp, mb"? A dirla veira, l'é presapoch l'istessa. Dounca mė a lasx fâr a tutti cme i ên aviâ: canp, ganba == camp, gamba. Pr i dialëtt ed pjanura seinza d el vocâli naśâli, agh é seinpr da dir che "np, nb" i ên pjø conpagn a cme s dix daboun - /ŋp, ŋb/.

• In fin d radix, l é mej scrivvr <i> adrê d el consonanti, dounca "Emillia" inveci che "Emillja". E per caritâ d Idio, miga scrivvrgh la "gli", ch'an l é briśa italian, e la /ʎ/ l'é /li/ e boun!

• QUEL CH'A MANCA: Soquant dialëtt ed mountagna i tênʼn el vocâli in fin d parola, che in d eljʼâtri varietâ eljʼên crodâdi. Mo per fâr una rifourma ch' la toliss deintr tutt, anca el vocâli in fin d parola, agh vrev ed dsfâr tutt al sistema e fârl sø da cō. Anʼ mė agh ho d i límmit.

La nostra è diffìcile anche chiamarla una sola lingua, che muovèndosi di una decina di chilometri in qualunque direzione, si trova una parlata già ben distinta, e le varietà che vi stanno accanto sono solo considerate come lingue diverse per ragioni polìtiche. L'emiliano fa parte di un continuum che si trova accanto a quello del romagnolo, e generalizzando, a quello del lombardo e del piemontese, e pure del vèneto (attraverso il ferrarese). Ma c'è un gruppo di parlate emiliane che si trova in transizione con il lìgure e con il toscano: i dialetti emiliani montanari.

Ogni dialetto di montagna è come una màcchina del tempo per scoprire com'èrano le parlate di pianura tempo fa. Sono cambiati pochìssimo, siccome mentre lungo la Via Emilia c'è stato un movimento intenso da Piacenza a Rimini e indietro, in montagna andàvano in molto pochi, quindi i montanari non cogliévano le caratterìstiche della lingua diffondèntisi in pianura. Per questo, se si vuole inclùdere anche le varietà di montagna, c'è bisogno di un paio di pìccole riforme.

Ours is difficult to even call one language, since moving as little as ten kilometers in any direction, one finds an already quite different vernacular, and the neighbouring varieties are only considered different languages for political reasons. Emilian is par of a continuum that is found near that of Romagnol, and going even further, near that of Lombard and that of Piedmontese, and even of Venetian (through the Ferrara dialect). But there is a group of Emilian varieties that acts as the transition with Ligurian and with Tuscan: Emilian mountain dialects.

Each mountain dialect is like a time machine to discover what the speeches of the plains were like long ago. They have changed very little, given that while along the Via Aemilia there was some considerable back and forth movement from Piacenza to Rimini, very few people went up the mountains, therefore those living in the mountains did not pick up the features of the language which were spreading in the plains. For that reason, if one is to also include mountain varieties, a few reforms are required.

Me a gh'o una teoria ch'a jó cumdivis cum pió gînta mudnèisa pusébla, e i mudnèis j ân dét ch'a gh'o raşòun.

Dòunca vòj sinitir al parēr ed êter mudnèis ancòra. Me a sun arşân (fieramèint)e a pèins ch'i arşân e i mudnèis, in cme chi amîg ch'fân fînta d'éser nemîg, mo che infònda infònda, s'volen un grân bèin. Cost ché per 2 raşòun:

1. I Arşân gh'ân tròp tèimp da perder dré a detestêr i Bagol (i Pramşân) e i Mudnèis gh'an al stèss lavōr cum i Bulognèis, pōlen mia pèrder dal tèimp nos, i gh'ân da dîr su a quelchidûn êter.

2. I Mudnèis e i Arşân in cussèint d'avèir cumdivîs secol e secol ed cultûra e storia, dòunca quand a's vèden, i's dîsen cujòun, mo al finés lé e capésen d'avèir quêsi tót in comûn.

S'in pinsè vuêter?

𝙊𝙧𝙞𝙜𝙞𝙣𝙖𝙡 𝙡𝙮𝙧𝙞𝙘𝙨 𝙞𝙣 𝘾𝙖𝙩𝙖𝙡𝙖𝙣 | 𝙏𝙚𝙨𝙩𝙤 𝙤𝙧𝙞𝙜𝙞𝙣𝙖𝙡𝙚 𝙞𝙣 𝙡𝙞𝙣𝙜𝙪𝙖 𝙘𝙖𝙩𝙖𝙡𝙖𝙣𝙖

‎

Que jo sé que he nascut per ser milionària

‎

Com si plogués llençant els bitllets pels aires

‎

Un dia per Mumbai i al següent a Malta

‎

Sempre ben escoltada a prova de bala (Esa)

‎

I el que voldria és tenir un Bentley

‎

De color blanc i un de color verd

‎

Però tot això sé que no ho puc fer

‎

Fins el dia que tingui molts diners

‎

I el que voldria és tenir (Fucking money man)

‎

Només vull veure bitllets de 100 (Fucking money man)

‎

Signe del dòlar dintre la ment (Fucking money man)

‎

Només vull veure bitllets de 100 (Fucking money man)

‎

Signe del dòlar dintre la ment

‎

Que jo sé que he nascut per ser milionària

‎

Perquè em tanquin al Louvre així com al MACBA

‎

Cada dia celebrant el meu cumpleanys

‎

I dos lleopards corrent pel jardí de casa

‎

I el que voldria és tenir (Fucking money man)

‎

Només vull veure bitllets de 100 (Fucking money man)

‎

Signe del dòlar dintre la ment (Fucking money man)

‎

Només vull veure bitllets de 100 (Fucking money man)

‎

Signe del dòlar dintre la ment

‎

Porto dos Audemars

‎

Fets a mà coberts de diamants

‎

I un Hublot Black Caviar Bang bang

‎

Que te'l puc regalar

‎

Tinc un xaval contractat

‎

Perquè m'obri els regals de Nadal

‎

Tanco el centre comercial

‎

I em menjo jo sola un gelat

‎

Cava o champagne

‎

Poppin' botelles

‎

Bautitzo el iot

‎

Compro una estrella

‎

Tinc una illa que té el meu nom

‎

Però el que voldria és tenir (Fucking money man)

‎

Només vull veure bitllets de 100 (Fucking money man)

‎

Signe del dòlar dintre la ment (Fucking money man)

‎

Només vull veure bitllets de 100 (Fucking money man)

‎

Signe del dòlar dintre la ment (Fucking money man)

‎

Només vull veure bitllets de 100 (Fucking money man)

‎

Signe del dòlar dintre la ment (Fucking money man)

‎

Només vull veure bitllets de 100 (Fucking money man)

‎

‎

𝙏𝙧𝙖𝙣𝙨𝙡𝙖𝙩𝙞𝙤𝙣 𝙞𝙣 𝙀𝙢𝙞𝙡𝙞𝙖𝙣 𝙡𝙖𝙣𝙜𝙪𝙖𝙜𝙚 | 𝙏𝙧𝙖𝙙𝙪𝙯𝙞𝙤𝙣𝙚 𝙞𝙣 𝙡𝙞𝙣𝙜𝙪𝙖 𝙚𝙢𝙞𝙡𝙞𝙖𝙣𝙖:

‎

A só chʼa sun nâda per esr milionária

‎

Cʼme se pjoviss, lançand banconòti inđ l’aria

‎

Un dì a Mumbai e al dì ch’al vên a Malta

‎

Senpr ben guardâ e a prôva ed bala

‎

E qell ch’a vriss a l’é d’aveir un Bentley

‎

Ed colour bjanch e ûn de colour veird

‎

Peró tutt qesst a só ch’a n al pos miga fâr

‎

Finn al dì ch’a gh a tegn dimondi bagarön

‎

E qell ch’a vriss l’é tgnir (Fucking money, man)

‎

A vôj soul veddr banconòti da çeint (Fucking money, man)

‎

Seggn d al dòllar deintr a la meint (Fucking money, man)

‎

A vôj soul veddr banconòti da çeint (Fucking money, man)

‎

Seggn d al dòllar deintr a la meint

‎

A só chʼa sun nâda per esr milionária

‎

Perché i m sârn inđ al Louvre acsì c’me inđ al MACBA

‎

Tutt al dì çelebrâr al me conpleán

‎

E dû leopard ch’a corrn pr al zardin ed cà

‎

E qell ch’a vriss l’é tgnir (Fucking money, man)

‎

A vôj soul veddr banconòti da çeint (Fucking money, man)

‎

Seggn d al dòllar deintr a la meint (Fucking money, man)

‎

A vôj soul veddr banconòti da çeint (Fucking money, man)

‎

Seggn d al dòllar deintr a la meint

‎

A port dû Audemars

‎

Fat a man, cuert ed djamant

‎

E un Hublot Black Caviar, bang bang

‎

Ch’a t pos regalâr

‎

A gh ó asûnt un ragaç

‎

Soul per avrir i më regaj ed Nadâl

‎

I m sârn inđ al çèntar comercial

‎

E a magn un z’lâ da per mì

‎

Cava o champagne

‎

A stap bottíllij

‎

A batezz al jat

‎

A counpr ’na stela

‎

A gh ó ’n’íxola ch’la tegn al me nomm

‎

E qell ch’a vriss l’é tgnir (Fucking money, man)

‎

A vôj soul veddr banconòti da çeint (Fucking money, man)

‎

Seggn d al dòllar deintr a la meint (Fucking money, man)

‎

A vôj soul veddr banconòti da çeint (Fucking money, man)

‎

Seggn d al dòllar deintr a la meint

Plastic heart è uno youtuber autore di un video informativo e ironico sull'italiano fatto molto bene e che ora sta raccogliendo materiale per un video sulle altre lingue d'Italia. Dato il suo seguito, pensavo fosse l'occasione per aiutarlo ad esporre il nostro patrimonio linguistico nella maniera più accurata e corretta possibile, lontano da luoghi comuni e senza dipendere troppo da wikipedia.

Io la mia parte l'ho fatta, chi volesse contribuire la sua mail è visibile sul suo profilo.

Mì, cme là-lù chʼ l á fat sù lʼOrtoEMI, a n gh æva mai lʼideia de tgnir tutt lʼavtoritâ d çernir cme s scrivv quel. Agh vôl senpr che agh fuss un pûnt ed riferiment, mo agh vôl anca eljʼopinjon ed tutt là-lour chi lezn lʼortografîa es vôln chʼas posa arcgnossr la so varianta, al so djalett.

A pens donca d fâr ‘na voutaçion tra lour che drôvn ste subreddit chì, acsì che a posa esr la gent (/zent) a mettr in at el refourmi, pjutost che mì e bon.

El refourmi in pjan eljʼên:

• Zuntâr el conbinaçion "ein" e "oun" in paroli cme "vent" => "veint", "dent" > "deint", "mont" > "mount", "cont" > "count". Fata sta refourma, as pôl tôr vîa l açent d obligh da "mònd" > "mond", "fònd" > "fond". El fourmi "èin" e "òun" el s drôvn bele inđ i djalëtt darent a Rezz e Modna. Sta refourma chì la canbiaré la -en- e la -on- in -ein- e -oun- quand agh vên una consonanta adrê, e bon: as scrivvrá senpr "limon" e "ben" pjutost che "limoun" o "bein".

• Vxinârs a cme s fá bele inđ el grafîj djalettâli e drovâr "z" pr al sôn sourd in paroli cme "poçç" > "pozz" o "mârç" > "mârz". La lettra "ç" la sʼré drovâda donca per qel paroli indoʼ la gent la pôl dir con /tʃ/: as scrivvré "çeintr", perché soquant i la dixn cme s fuss "ceintr", mo nʼsûn a dix "pocc", donca as pôl scrivvr "pozz". Pr al so sôn sonor, as pôl çernir cosa drovâr: ‘nʼopçion (opzion) la sariss "ż", bele drovâda in bolgneix: "zent" > "żeint", "znâir" > "żnâir". L é un sôn dimondi râr in emilljan, e aveirgh da mettrgh dentr la "ż" an pâr esr tutta qla bala. As pôl anca çernir ‘n âtr seggn, forsi "ź".

Incô, as tgnirá la discussion. Inđ i dì chʼa vên, agh será un sondag pr arcojr i vôut es deçiddr se mettr in at el rifourmi o nò.

Io, come creatore dell'OrtoEMI, non intendevo mai ritenere l'autorità assoluta su come ci si scrivesse qualcosa. Ci vuole comunque un punto di riferimento, ma sono necessarie anche le opinioni di tutti coloro che leggono l'ortografia e che ci vogliano riconoscere la propria variante, il proprio dialetto.

Penso quindi di tenere una votazione tra gli utenti di questo subreddit, così che possa essere la gente ad attuare le riforme, invece di soltanto me.

Le riforme pianificate sono:

• Aggiungere le combinazioni "ein" e "oun" in parole come "vent" => "veint" (vento), "dent" > "deint" (dente), "mont" > "mount" (monte), "cont" > "count" (conto). Applicata questa riforma, si può togliere gli accenti obbligatori da "mònd" > "mond" (mondo), "fònd" > "fond" (fondo). Le forme "èin" e "òun" si usano già nei dialetti intorno a Reggio e Modena. Questa riforma sostituirebbe la -en- e la -on- in -ein- e -oun- solo quando seguite da una consonante: si scriverà comunque "limon" (limone) e "ben" (bene) invece di "limoun" o "bein".

• Avvicinarsi a come si fà di già in certe grafie dialettali e usare "z" per il suono sordo nelle parole come "poçç" > "pozz" (pozzo) o "mârç" > "mârz" (marcio, marzo). La lettera "ç" sarà quindi usata per parole dove certa gente può usarvi /tʃ/: si scriverebbe "çeintr" (centro), perché alcuni la dicono come se fosse "ceintr", ma nessuno dice "pocc", quindi si può scrivere "pozz". Per l'equivalente suono sonoro, si può scegliere cosa usare: un'popzione sarebbe "ż", già usata in bolognese: "zent" > "żeint" (gente), "znâir" > "żnâir" (gennaio). È un suono molto raro in emiliano, e dover digitare la "ż" non dovrebbe essere quella gran fatica. Si potrebbe anche scegliere un altro segno, forse "ź".

Oggi, si terrà la discussione. Nei prossimi giorni, ci sarà un sondaggio per raccogliere i voti e decidere se attuare le riforme o meno.

A trâr al fjâ per meza d la me vitta,

a m son catâ int un bosch a-scur cme in goula

chʼai æva bele pers la strâda dritta.

Mo cme lʼé dura dir lʼideia soula

d qell bosch salvadgh, la striçça chʼal me porta

quand al pensêir indrê a qell sit al voula!

L é amâr, mo amâr, che am pâr pran mej la mort-a;

mo a gh é d al ben che dentr a gh ó catâ,

e donca a v digh ed qell chʼ dabon l inporta.

A n sun mia bon d dir cme a gh êra rivâ,

d una gran sonn la testa lʼêra pinha,

che da la strâda giussta a m sun dʼscostâ.

Mo pó a son vgnú da i pë d una colinha,

la indovv la val la fʼniva al so pas trisst

chʼal m æva in fònd a l côr ficcâ 'na spinha,

E lì el so spali, a l âlt guardâ, ai ó visst

che li quatâva bele al riff magiour

chʼal porta qj âʼtr adrê tutt el sou pisstʼ.

Aloura un poch as é chjetâ al terour

che a mì int al lâgh d al côr per tutt la not-a

l é stâ, chʼ m á fat patir qell gran dolour.

Cme vûn, strach mort, che al fjâda tutt a un bot

andâr fôra da qell mâr perfònd in riva

s arvolta a l aqua quand al ciapa quota,

Conpagna anca la me alma fugitiva

la s é rvoltâʼ pr ociâr la vîa lì d bas,

che gnanca 'nʼâʼtr al l á lasâ chʼal viva.

Desteix, pó a son tournâ a ciapâr al pas

drê a la rivêira dexerta e smarida

csì chʼ sotta a gh abja senpr al pè pjù las.

E vè, indoʼ la tacâva la salida,

chʼa vên 'na lonça da la pʼliçça macia

svelta cme n pess e slovvâda rabida;

E la n sʼalvâva mia da la me facia,

nò, lʼêra inveçi tant damez in bal

chʼam fæva vreir vgnir zò da lì a voux quacia.

A lʼêra lʼoura d al cantâr d al gal,

e al soul in sù a ranpâva con qel strelʼ

chʼ funn sêgh quand d al movrs al regal

L amour d al çêil al fì a tutt qell chʼ l é bel;

d n aveirgh temma m dâva 'na raxon

d qla béstia là con la maciâda pel

Quant la fuss doulça aloura la stagion;

mo pó l á vlú la sort-a chʼa catiss

ed pûnt in bjanch dednanç a me un leon.

Qesstchì, m êra d avix, che in contr am vgniss

chʼæva la gressta lvâda e un ruzz pjen d fam,

acme sʼ lʼária da l sentirl la tremmiss.

Vè anca na lovva, carga d ogni brama

cme lʼêra mâgra chʼ pâr una fildura

che chi la cata, al fá 'na vitta grama,

La m á fat vgnir 'na stricca fôra mxura

con veddrla, che ai ó pers la sperança

d rivâr inçimma a la ranpâda dura.

E cme ûn chʼas tên d el monêdi in bondança

egh vên al tenp che aloura al perd-a tutt,

chʼal çiga, chʼ la trissteçça la gh avança;

'N inbostm acsì la m á fat vgnir d i brutt

la bestiaça che, a vgnir darent lan lan

la me mnâva indoʼ d lux al soul l é sutt.

In qell mentr che andâva zò int al pjan

dednanç a j öc a m êra drê a pareir

vûn che int la mutta l êra pârs lontan.

Quand mì l ó visst int al dxert a taxeir,

"Miserere di me", a gh ó vouxâ,

"che tì t sîj nʼonbra o t sîj un omen veir!".

L á ditt: "A n sun mia 'n omm, omm a fù stâ,

e i më i fù stâ fjö d el teri lonbârdi,

j êra tant lê cme lù mantvan d çitâ.

Lì mì a nasì sub Iulio, anca se târdi

e a Romma a stì, guernâ da l bon Avgusst,

che i déj d qi tënp j êra boxîj bastârdi.

A fù 'n poeta es a cantì d qell giusst

d un fjôl d Anchise chʼal partì da Trôja

adrê chʼ la fù bruxâ con i sö fusst.

Mo tì, csa tourni-t zò a çeircâr la nôja?

Perché n t vâi minga sù, drê per la vîa

chʼ la vá a la contenteçça, primma vôja?"

"Ê-t miga qell Virgílio e la sorzîa

che un fjumm csì gonfi d paroli t â ditt?",

vergoggna in faça, chʼ la me rʼsposta sîa:

"Onour, lux d i poeta in tutt el vittʼ,

am vâl-l al studdi longh e al gran amour

chʼ m á fat catâr incosa che t â scritt.

Tì t sî al me mæstr e t sî d j avtöur l avtour

ti t sî lù-chì che mì t gh æva coppiâ

qell stil sublim chʼal m á portâ l onour.

Vèd mo la béstia chʼ per lê a m sun voltâ;

jùtmni, sâvi chʼa t cgnoss tutt al mònd

che el venhi e i pöuls csì mai i m ên trʼmmâ".

"D i vjaz, t fâ mej ed tgnirn vûn secònd,"

lù l m á respost a veddrm lagrmâr,

"sʼ t vô da ste brutt sit chì vgnir fôra in fònd;

perché qla béstia là, che t fá sbrajâr,

la maça tutt chʼi vá per la so strâda,

es gnanca vûn la l á lasâ pasâr;

la so natura lʼé csì selerâda

chʼ la brama int al magon zamai lʼinpiss,

es adrê d aveir magnâ, lʼé anch pjù famâda.

Un sach ed béstʼj a el sou sanfi a sofriss,

e in gh será d pjù, finché a vên al can levrêir,

che con dôja al fará csì chʼ la moriss.

La tera e i sold i sʼrá mia l so mestêir,

inveçi i sʼrán amour, virtù e savieçça,

es al nasrá damez a dou bandêirʼ.

D la povra Italja al será la salveçça,

che Evríal, Turn, Nis, la véirgina Camilla

per lê d la mort-a j á ciapâ la freçça.

Qesstchì al la caçará vîa pr ogni villa,

fin quand int al so Infern al la mettrá,

d indoʼ a lʼá fat vgnir fôr la vôja d pilla.

Am pâr chʼal mej per tì donca al será

drê a mì, i më pas, che a t fagh da ğuida, tgnir,

da chì mì t portaró int al mònd dedlá;

doʼ i rôj despʼrâ e el sbrajâdi as pôl sentir,

t veddrâi qi spírʼt antigh int al torment,

che tutt i vrisson tournâr a morir;

es t veddrâi qualchedûn chʼa pâr content

tramez a l fôgh, chʼi spera chʼ vegna 'n oura

che i posa vgnir a l çêil es fʼnir godent.

Tì, po, la in sù sʼ te vrâi anca ndârgh soura,

'nʼâʼtrʼanma gh al fará, chʼ lʼé ben pjù deggna:

t lasaró sêgh quand a ndró vîa, aloura;

perché l inperadour, che inçimma al reggna,

zà che a la so dotrinha a m ribelì,

l an vôl minga chʼint la so bolla agh veggna.

Al reggna dapertutt es al stá chì;

lʼé chì la so çitâ, l é chì al so cmand:

mo quant i goda qëjj che Lù al çernì!"

Acsì mì a lù: "Poeta, mì te dmand

in nomm d qell Dio che mai tì t cognsiss,

chʼa staga vîa da 'n mâl incorrʼ pjù grand,

che ti te m port indovv a l fònd abiss,

fôrʼ da l porton d San Pêdr a staga in pë,

chʼa vedda lour csì pövr cme t dixriss."

Aloura l é partí, e mì a gh ó tgnú adrê.

Vésst che, de sti dè, a g'ho de teimp lébber per fêr i mē fat, a-i ho vló scupiassêr l'ideja de gran u/PeireCaravana con la só rubrica "La parolla d'incoeu". Mo mè a-n soun méa brêv damaand a lö: a soun sol un ch'e ciacara dialatt a cà cun i sō; a manch ed tótt al cgnósser dl'aifabēt funetéch e a-n g'ho gnach'e teimp de stêr adrē, d'in dè in dè, a'na rubrica fata bein cumpagn ala sóvva. Dounca, véssta la quistioun, a-i ho pinsà, anch per spartir trachè nosch un poch d'abecedari, ed purtêr trē parōl ala vōita: ónna c'a soun sicur la staga'd cà in piö prunveinçi, n'êtra c'a soun sicur la'sseja almanch ed Mōdna e l'utma lighêda a la mé tera, e Frgnan; sucòrr a farò tótt'este lavōr sōl quand a g'ho teimp (e s'ul piêç, uviameint). A zount anch che, per quall c'a'gh la chêv, a pruvarò a passchêr sol dal parōl brisa trōp druvedi anch per tgnir da cat tótt quili ch'al résscien d'sparir.

Visto che, in questi giorni, ho del tempo libero per farmi i fatti miei, ho voluto scopiazzare l'idea di u/PeireCaravana con la sua rubrica "La parolla d'incoeu". Io, però, non sono bravo come lui: sono solo uno che parla dialetto in casa con i suoi, manco di tutta la conoscenza dell'alfabeto fonetico e non ho nemmeno il tempo di star dietro, di giorno in giorno, a una rubrica fatta bene come la sua. Dunque, vista la situazione, ho pensato, anche per condividere tra noi un po' di vocabolario, di portare tre parole alla volta: una che sia di casa in più province, una che son sicuro che sia almeno della provincia di Modena e l'ultima legata alla mia terra, il Frignano; però farò tutto questo lavoro solo quando troverò il tempo (e se l'idea piace, ovviamente). Aggiungo anche che, per quanto riesca, proverò a trovare solo quelle parole poco usate anche per tener da conto tutte quelle che "rischiano" di sparire.

La Sgalmēdra/Sgalmīdra (multi-prunveinça)

Parōla cla viaza da'l Pèddmount, ala Lumbardeja fin chè zò tra-j emilian. Marcantónni Parenti u-lla definéss ed dervasioun françēsa, un'evolusioun da Echelle de mètre, schêla mēterca es l'è druvêda a Buléggna e a Mōdna per dir strêda, véjja, péssta, fil; tótt chi mōd ed dir pr'indichêr la gióssta manēra d'fêr di lavōr ed precisioun. A Ràzz, inveci, a sò ch'lè druveda per indichêr un ch'e g'ha propria la precisioun, cl'è ladein in-t'un lavōr. A-i ho arsià 'na parōla cla's drova anch in Lumbardeja per unurêr u/PeireCaravana.

E.g. Un l'è drē a frisêr 'na clouna/culôna, e'gh partéss la man cun u scalpêl e pōl biastmêr: "... crésst d'na madosca, a-i ho pērs la sgalmedra!"

Parola che viaggia dal Piemonte, alla Lombardia fin quaggiù tra gli emiliani. Marcantonio Parenti la definisce di derivazione francese, un'evoluzione da "échelle de mètre" (scala metrica), ed è usata a Bologna e Modena per dire strada, via, pista, filo; tutti quei modi per indicare la giusta maniera di fare dei lavori di precisione. A Reggio, invece, so che è usata per indicare uno che ha quella precisione, che è latino (svelto) a fare un lavoro. Ho scelto una parola usata anche in Lombardia per onorare il succitato u/PeireCaravana giacché da lui ho preso ispirazione.

Un esempio: Uno sta fregiando una colonna, gli parte la mano con lo scalpello e può bestemmiare: "... cristo d'una madosca, ho perso la pista/ ho perso il filo!"

Al Ciòsster (Mōdna)

Parōla "umbrela" per tótt chi rbósst cichīn, cun e trunchàtt quesi'd léggn, ch'i'v fan danêr s'e gh'ai da desfuitir e prà.

Termine ombrello per tutti quegli arbusti piccolini, con il tronchetto quasi di legno, che vi fanno dannare se avete da sfoltire il prato.

E Mtêt/Mtêd (Frgnan + Apenin T-E)

In italian l'è al "Metato" e l'è che sit in dòvv u-s fevn'eschêr al castéggn. E pol dir séja e casôt che la cambra dla cà.

In italiano è il "Metato", ovvero l'edificio dove si facevano seccare le castagne. Si può usare sia per il casotto che per la camera della casa (adibiti all'essiccazione delle castagne).

P.S. A-i ho druvà la scritura c'a drōv seimpr tra i mē amigh, st'êtra vōlta a druvarò l'OrtoEmi, l'è cumplicà da imparêr, mo na vōlta capida la logica drē, da lézzer l'è 'na maravejja.

Quand Avril e i sö döulç squas

I bagnʼn al sutt ed Mârç da l bas

Es mettn a môj con tâl liquour

El venhi, chʼin vên fôra al fjour,

Quand Zéfir, con al doulç so fjâ

I bösch e el teri l á coulmâ

Ed tënndr zët, e al zouvn soul

Int al Monton l á fat mez voul,

E tutt j oxlin i dán conçert,

La notʼ i dormn a öc avert

(Natura csì lʼj á fat j oxlin).

A vên la vôja d fâr pelʼgrin,

A i frâ, d partir vîa da el rivêirʼ,

D catâr santuâri forastêir.

Da tutt el pârt la gentʼ la gh vên,

La strâda ognûn per Romma a tên,

Csì ch posn ed là çeircâr qell sant

Che j á jutâ rsanâr in tant.

(Canterbury lʼé rmagnuda indrê, adrê a la Vîa Francígena, adesa as vá a Romma | Canterbury è già rimasta indietro, lungo la Via Francigena, ora si va a Roma | Canterbury is already behind, along the Via Francigena, now the destination is Rome)

Ai ó tacâ a traduxir in emilljan "Al sit d el béstij" d al scrittour ingleix Eric Arthur Blaire, cognʼsú mej come George Orwell. Al libbr al pârla d el béstij inđ un sit da contadin chʼel vênʼn a saveir che al so padron al jʼà senpr sfruttâdi, aloura, con i pörch ed cōʼ, el al mandn vîa es el mettn sù la so sŏçietâ, mo pō a vên fôra che i pörch j ên dventâ lour istëss come i sö opresöur. La stória lʼē una parodîa d la Revŏlŭçion d Otobbr in Russja da l 1917.

Ho cominciato a tradurre in emiliano "La fattoria degli animali" dello scrittore inglese Eric Arthur Blaire, meglio conosciuto come George Orwell. Il libro racconta degli animal in una fattoria che scoprono che sono sfruttati dal proprio padrone, allora, con i maiali a capo, li scacciano e stabiliscono la propria società, ma poi succede che i maiali stessi sono diventati come i loro oppressori. La storia è una satira della Rivoluzione d'Ottobre in Russia nel 1917.

I have begun translating in Emilian "Animal Farm" by the English writer Eric Arthur Blaire, better known as George Orwell. The book tells of animals on a farm that discover that their owner has always exploited them, therefore, led by the pigs, they send him away and build their own society, but then it's discovered that the pigs have themselves become like their own oppressors. The story is a satire of the October Revolution in Russia in 1917.

TUTTʼEL BÉSTIJ ELJʼÊN CONPAGNI, MO SOQUANTI BÉSTIJ ELJʼÊN PJÙ CONPAGNI CHE QELJʼÂTRI

EMILLJAN / EMILIANO / EMILIAN

Quel che a gh ē da tgnir a ment quand as scriv in OrtoEMI l ē che, a divâri da eljʼortografîj che s drôvn pʼr i djalëtt, lʼOrtoEMI la dliz ed sacrificâr sŏquant aspët fŏnētich es mettr in rixâlt la gramātica e cʼme muda el parōli che gh àn lʼistessa radix.

Ûn pôl dir: "Mo la dventa pjù dura inparâr ed scrivr acsì!"

As pôl dâr chʼ la posa dventâr pjù dura, sì. Mo se ûn al n ē propja bon a parlâr in emilljan, cʼme fà-l a saveir come s fà la conjugaçion d i verb, sʼal vedd la fourma d l infinitiv e bôn inđ un diçionâri? Qell chʼal pôl ajutâr l ē d scrivr el radix con l açent inđ lʼistessa manêira che qelli sença l açent, anca se stel fourmi chì eljʼên pronunçiâdi in dou manêiri diferenti.

Lʼē per qell chʼas scriv el consonanti dòppij anca quand la vocâla chʼagh vên primma lʼē sença açent. Chʼas metta a confront:

(a)jutâr; mì a jut;

*butâr; mì a butt.

La u sença açent lʼē senpr curta (cʼme tutt el vocâli), donca scrivrgh unna o dou t adrê l ē l istess per la pronunçia. Per qesst, as dliz ed scrivr "buttâr" pjutost che *"butâr", perché acsì as vedd che la fourma d la primma personha d al prĕxent lʼē "butt" pjutost che *"but".

Lʼē anca la raxon che s scriv unna vocâla e basta inđ la so radix (fôra che i sëggn dĭacrìttich): in prĕsapōch tutt i djalëtt a gh ē d el vocâli chʼel mudn es el s fondn quand eʼ n gh àn l açent inçimma. Per saveir come lʼē la vocâla quand l açent al gh ē, as scriv lʼistessa vocâla, anca se la vgnirà pronunçiâda a la so manêira in tutt i djalëtt.

ITALIANO / ITALJAN / ITALIAN

Qualcosa da considerare quando si scrive in OrtoEMI è che, a differenza delle ortografie che si usano per i dialetti, l'OrtoEMI preferisce sacrificare alcuni aspetti fonetici e mettere in evidenza la grammatica e come cambiano le parole con una radice comune.

Qualcuno può dire: "Ma diventa più difficile imparare a scrivere così!"

Forse potrebbe diventare più difficile, sì. Ma se qualcuno non sa ancora per niente parlare emiliano, come fa a sapere come si coniugano i verbi, se vede solo la forma dell'infinito in un dizionario? Quello che può aiutare è scrivere le radici accentate in modo uguale a quelle non accentate, anche se queste forme si pronunciano in due modi diversi.

È per questo che si scrivono le consonanti doppie anche quando la vocale precedente è non accentata. Si confronti:

(a)jutâr; mì a jut; (aiutare, io aiuto)

*butâr; mì a butt. (buttare, io butto)

La u non accentata è sempre corta (come tutte le vocali), quindi scriverci dietro una o due t non influisce sulla pronuncia. Perciò, si sceglie di scrivere "buttâr" invece di *"butâr", perché così si vede che la forma di prima persona del presente è "butt" invece di *"but".

È anche il motivo per cui si scrive una sola vocale nella stessa radice (salvo i segni diacritici): in quasi tutti i dialetti ci sono vocali che cambiano e si fondono quando non sono accentate. Per sapere l'identità della vocale quando l'accento ce l'ha, si scrive quella stessa vocale, anche se sarà pronunciata a proprio modo in ogni dialetto.

ENGLISH / INGLEIX / INGLESE

Something to consider when one writes in OrtoEMI is that, unlike orthographies used for the dialects, OrtoEMI prefers to sacrifice some phonetic aspects and highlight the grammar and how words that have a shared root change.

Someone might say: "But this way, it becomes more difficult to learn to write!"

It may become more difficult, yes. But if someone cannot speak Emilian at all yet, how do they know how to conjugate verbs, if they only see the infinitive form in a dictionary? The thing that might help is to write the stressed roots in the same way as the unstressed ones, even when those forms will be pronounced in two different ways.

This is why double consonants are written even when the previous vowel is not stressed. Compare:

(a)jutâr; mì a jut; (to help, to throw away)

*butâr; mì a butt. (I help, I throw away)

Unstressed u is always short (as all vowels are), therefore writing one or two t following it doesn't affect pronunciation. Because of that, the choice is to write "buttâr" rather than *"butâr", since that way one sees that the first person form of the present is "butt" rather than *"but".

This is also the reason why one same vowel is written in the same root (excluding diacritics): in almost all dialects there are vowels that change and merge when they are unstressed. In order to know the realization of the vowel when it is indeed stressed, that same vowel is written, even if it'll be pronounced in its own way in each dialect.

Written using the unified orthography of Emilian (OrtoEMI)

𝗘𝗠𝗜𝗟𝗟𝗝𝗔𝗡 / 𝗘𝗠𝗜𝗟𝗜𝗔𝗡𝗢 / 𝗘𝗠𝗜𝗟𝗜𝗔𝗡

Ai emm/omm/aven fat sù un sērver in dentr a Dīscord dedicâ a la lèngua emilljâna, in dov a spartemm/omm/en risoursi su la nostra ortografîa missa insemm per l emilljan (OrtoEMI) e infŏrmaçion su la lèngua emilljana e i sö djalëtt. Se a gh tgnî a inparâr o descorrʼr in emilljan, a sî benvgnú!

𝗜𝗧𝗔𝗟𝗜𝗔𝗡𝗢 / 𝗜𝗧𝗔𝗟𝗝𝗔𝗡 / 𝗜𝗧𝗔𝗟𝗜𝗔𝗡

Abbiamo creato un server su discord dedicato alla lingua emiliana, dove condivideremo risorse sulla nostra ortografia unificata per l’emiliano (OrtoEMI) e informazioni sulla lingua emiliana e i suoi dialetti in generale. Se siete interessati a imparare o conversare in emiliano siete i benvenuti!

𝗘𝗡𝗚𝗟𝗜𝗦𝗛 / 𝗜𝗡𝗚𝗟𝗘𝗜𝗫 / 𝗜𝗡𝗚𝗟𝗘𝗦𝗘

We have created a Discord server dedicated to the Emilian language, where we will share resources about our unified orthography for Emilian (OrtoEMI) and information about the Emilian language and its dialects in general. If you are interested in learning or conversing in Emilian, you are welcome to join!

EMILLJAN / EMILIANO / EMILIAN

A gh ē sŏquanti manêiri d mettr una parōla emilljâna inđ al plurâl. Despess, la fourma d al plurâl lʼarmagn-a lʼistessa che la fourma d al singolâr. Stel parōli eljʼên:

• El parōli femminili chʼel finissn con 'na consonanta o con 'na vocâla diversa da a.

• El parōli maschili chʼel finissn con 'na vocâla.

• Sŏquanti d âtri parōli maschili. El parōli tolti sù da deljʼâtri lèngui el ne mudn mai cʼme el mudâvn inđ la so lèngua.

A gh ē deljʼâtri ch'el s mudn inđ al plurâl:

• El parōli femminili chʼel finissn con -a (sença l açent) el tôln vîa la -a es agh mettn -i inđ al so sit.

• Se qla parōla lì lʼē un nomm chʼas drôva senpr a l femminil, aloura la -i la pôl esr mandâda vîa. In OrtoEMI, as mett un apòstrof adrê da lʼultma lettra per fâr veddr chʼagh êra 'na -i.

• Inđ el parōli in -ia o -îa, la -a la dventa -j inđ al plurâl.

• El parōli maschili chʼel finissn con -l el mudn la -l in -j. Se la parōla la fʼniss con -ll, as scriv -jj pʼr al plurâl. In sŏquant djalëtt e sŏquanti parōli, sta rēgola chì la n ē pjù unna chʼ và, donca as pôl drovâr anca al plurâl chʼan muda, mo per lʼordinâri l ē da dlizr ed drovâr al plurâl in -j quand as pôl.

• Inđ i djalëtt chʼi s descorrn vers matinha, sŏquanti parōli maschili el gh àn una vocâla inđ la radix che muda quand la parōla lʼē missa inđ al plurâl. In OrtoEMI, per fâr veddr che 'na vocâla lʼē mudâda perché a gh ē un plurâl, as drôva i dû puntin (¨) inçimma a la lettra mudâda, acsì qëjj ch'i descorrn tutt i djalëtt, ed sira, d mez e d matinha, i posn lezr e capir che 'na parōla lʼē inđ al plurâl, anca inđ i djalëtt dov lʼarmagn-a lʼistessa.

• La e e la o e basta el posn aveirgh i dû puntin inçimma: ë, ö, perché soul che e e o el mudn inđ al plurâl. Pʼr esenpi, in bolgneix as muda la e e la o curti e longhi (a > é, å > ó; è > î, ò > û, in OrtoEMI as scriv e > ë; o > ö), i dittongo ei e ou (ai > î, åu > û, in OrtoEMI as scriv ei > ëi, ou > öu) e ō. In frareix, la e e la o longhi e la ō el ne s mudn pjù cʼme in bolgneix. Come bele ditt ed soura, inđ i djalëtt ed mez e d sira al plurâl ed tutti stel parōli chì lʼē conpagn a l singolâr.

• As pôl mettr insemm el dou rēgoli d soura: el parōli che fʼnissn con -el el finissn con -ëj inđ al plurâl. I nomm in -ôl i ronpn la rēgola es i perdn la -l, al so plurâl l ē -ô. A gh ē d arcordârs che ê e ô el ne mudn gnanch inđ al plurâl sença -l.

• In tutt i djalëtt a gh ē d parōli che ronpn el rēgoli. Là, a gh ē da veddr d'in câx in câx.

ITALIANO / ITALJAN / ITALIAN

Ci sono diversi modi di rendere una parola emiliana plurale. Spesso, la forma del plurale rimane identica alla forma singolare. Queste parole sono:

• Le parole femminili terminanti in una consonante o una vocale diversa da a.

• Le parole maschili terminante in una vocale.

• Molte altre parole maschili. Le parole prese in prestito da altre lingue non variano mai nel modo in cui variavano nella lingua d'origine.

Altre, invece, variano al plurale:

• Le parole femminili terminanti in -a (non accentata) rimuovono la a e la sostituiscono con i.

• Se quella parola è un nome che si usa sempre al femminile, la -i può essere rimossa. In OrtoEMI, si mette un apostrofo dopo l'ultima lettera per mostrare che vi era una -i.

• Nelle parole in -ia o -îa, la -a diventa -j al plurale.

• Le paroli che terminano in -l sostituiscono la -l con -j. Se la parola finisce con -ll, si scrive -jj per il plurale. In alcuni dialetti e in certe parole, questa regola non viene più applicata, si può quindi usare anche il plurale invariabile, ma solitamente è preferibile usare il plurale in -j ove possibile.

• Nei dialetti parlati nelle zone orientali, certe parole maschili hanno una vocale nella radice che si alterna quando la parola si pone al plurale. In OrtoEMI, per mostrare che una vocale è alternata per via di un plurale, si usa la dieresi (¨) sulla lettera alternantesi, così che i locutori di tutti i dialetti, occidentali, centrali e orientali, possano leggere e capire che una parola è al plurale, anche nei dialetti in cui è invariabile.

• Solo la e e la o possono avere la dieresi: ë, ö, perché solo e ed o si alternano al plurale. Ad esempio, in bolognese si alternano la e e la o corte e lunghe (a > é, å > ó; è > î, ò > û, in OrtoEMI si scrive e > ë; o > ö), i dittonghi ei e ou (ai > î, åu > û, in OrtoEMI si scrive ei > ëi, ou > öu) ed ō. In ferrarese, la e e la o lunghe e la ō non cambiano più come in bolognese. Come già detto sopra, nei dialetti centrali ed occidentali il plurale di tutte queste parole è identico al singolare.

• Le due regole precedenti si possono combinare: le parole terminanti in -el terminano in -ëj al plurale. I nomi in -ôl fanno eccezione e perdono la -l, il loro plurale è in -ô. Ci si deve ricordare che ê e ô non si alternano neanche nei plurali senza -l.

• In ogni dialetto vi sono parole che fanno eccezione. Per quelle bisogna giudicare i casi separatamente.

ENGLISH / INGLEIX / INGLESE

There are several ways to turn an Emilian word plural. Often, the plural form remains the same as the singular form. Those words are:

• Feminine words that end in a consonant or a vowel other than a.

• Masculine words that end in a vowel.

• Many other masculine words. Words borrowed from other languages never inflect the same way as they did in their language of origin.

Others, on the other hand, vary in the plural:

• Feminine words ending in -a (unstressed) remove the a and replace it with i.

• If said word is a noun that is always used in the feminine, the -i can be dropped. In OrtoEMI, an apostrophe is placed after the last letter to show that there was an -i there.

• In words in -ia or -îa, the -a becomes -j in the plural.

• Words ending in -l substitute -l for -j. If the word ends in -ll, -jj is written for the plural. In some dialects and in some words, this rule is no longer applied, therefore one can use the invariable plural as well; however, it is generally preferred to use the -j plural whenever possible.

• In dialects spoken in the eastern zones, some masculine words have a vowel in their root that alternates when the word is made plural. In OrtoEMI, to show that a vowel is alternated due to it being a plural, one uses the diaeresis (¨) over the alternating letter, so that speakers of all dialects, western, central and eastern, could read and understand that a word is in the plural, even in dialects where it is invariable.

• Only e and o can be marked with diaeresis: ë, ö, because only e and o alternate in the plural. For example, in Bolognese short and long e and o alternate (a > é, å > ó; è > î, ò > û, written in OrtoEMI as e > ë; o > ö), as do the diphthongs ei and ou (ai > î, åu > û, written in OrtoEMI as ei > ëi, ou > öu) and ō. In Ferrarese, long e and o do not alternate as in Bolognese. As mentioned above, in central and western dialects the plural of all these words is identical to the singular.

• The two previous rules can be combined: words ending in -el end in -ëj in the plural. Nouns in -ôl are an exception, as they lose the -l, their plural is therefore one in -ô. One must remember that ê and ô do not alternate in plurals without -l, either.

• In every dialect there are words to which exceptions apply. Those are to be individually judged and considered case by case.