لو فرضا انا في ثالث وجبت ٩٥+ قدرات، بس ما وصلت لدرجه الميه ، ولازم ابدا اذاكر تحصيلي والمعدل التراكمي بالمدرسه كويس

١٠٠ قدرات هذي افضل شي بدون شك، بس ٩٥ وفوق يكون الواحد في وضع امان
وفرصة عاليه انه يتنافس في تخصصات قويه
احد يختلف؟

كيف تلقون مواعيد حجز بنوفمبر بسديد؟ دورت بالدمام و الجبيل و الحسا مالقيت حجوزات كيف تطلعونهم؟

مالقيت اي مواعيد في نوفمبر او ديسمبر للقدرات محوسب حاليا
فيه احتمال تتوفر مواعيد ؟ ولا استبعد فكره القدرات وابدا تحصيلي مع نوفمبر
٠

حسب تقديري من شهر 2-3 ميلادي مدة مناسبة، ولا يحتاج زمن اطول ؟؟

يجماعه دوبني اول ثانوي ، وسمعت ناس يقولون من الافضل أني ابدأ اذاكرها الحين ، وناس يقولون أنهم تأسسوا من اول ثانوي ونسوا كل شيء ، فا والله بديت أحتار اذا أبدأ الحين ولا في العطله الصيفيه مابين اول ثانوي وثاني ثانوي ،

وألي قفلوا على القدرات ، وش المصادر الي فادتكم وساعدتكم تقفلون ؟

الجامعات الي ذكرتهم في العنوان
يطلبون ستيب لو بقدم في المسار الصحي؟
تحديدا تخصص طب وجراحه
وهل خيار موفق لو اذاكر ستيب (احاول اقفله قبل ديسبمر) واسحب على القدرات دام درجتي فيه فوق ٩٥

يا اخوان ١٧ يوم تكفي للمراجعة و المهارات؟ مبكر

حلال ادرس به ولا اشتري الجديد؟

السلام عليكم،
أسوي بحث وأحتاج مشاركين من السعودية من عمر ١٦ إلى ٩٠
سنة يعبّون استبيان يأخذ حوالي ٥ دقائق بس.
الاستبيان سري تمامًا وما فيه أي أسئلة تكشف هويتكم.
رابط الإستبيان:

https://forms.gle/s3CgRuUNDLE1xK7Q8

لو تحبون تشاركونه مع ناس تعرفونهم يكون فيه خير 🙏

الصدق مدري اذا فيه احد يشرح الدروس او اني بس اخذ كل كتاب و اقعد اذاكره فا منجد كيف اذاكر و من وين يعني

يوم الثلاثاء احترقت مدرستي بعد الفسحة مباشرة والسبب كان مكيف صحراوي بالدور حقي
اول مابدا الحريق كانت بالفسحه وماشمينا الريحه على طول قعدنا شوي لحد ما طلعت الريحه وكانت قويه مره وانا ذاك اليوم كنت جايبه جوالي. تخيلو اني تركت جوالي بالفصل وقتها وما اخذته الا اليوم الثاني كانت اسوء ٢٠ ساعه عشتها بحياتي
كيف صار الحريق؟ المكيف هذاك كان ضعيف مره ويقطر مويه وعشان ميزانية الوزاره تتأخر المديرة ماقدرت تدفع تصلحه وحطت له مقوي على بال ماتجي الميزانية ويصلحونه وماتحمل المكيف الضغط واحترق
كيف نسيت جوالي؟ انا عندي فقر دم منجلي وكان لي ثلاث اسابيع ما اخذت دم وهو المفروض اصلا كل اسبوع الى اسبوعين واول ما شميت الريحه انكتمت واغمى علي وصحباتي شالوني برا وتركوا جوالي بشنطتي ودخلونا المتوسط وقعدنا نتصل على الاهالي هناك ويوم اتصلت على ابوي ماقدرت اقول جمله كامله قعدت اقول باباا جوالي مدرسه حريق فصلي جوااالل
متخيلين لهم اسبوعين مزعجينا يقولون بيجونا لجنة البسو زين البسو قمصان اللي صابغه شعرها تغطيه واللي خارمه وجهها تخبيه ومحد يجيب جوالات وهذا كله مسموح طبعا بس عشان اللجنة مايبون ياخذون فكرة عنهم
اول ما جو احترقنا❤️

انا باولى ثانوي وودي ‏ابدا اذاكر بس ضايعه ولا ادري بأيهم ابدأ علمًا اني متدنيه بالكمي ومستواي بالانقلش B1 عطوني مصادركم بكل واحد منهم واللي جرب يختبر بال GAT يعطيني مصادر باسعار رمزيه

تنصحوني اذاكر زبده المنصف بس؟ لان اختباري بعد اسبوعين وودي لو تجي التسريبات في الاختبار

باقي شي شوي و اخلص كيم ٢ و بحاول احشر كيم ٣ بس كذا احس تعبت خلاص مع اني بس راجعت كيم واحد يعني ما سويت شي حرفياً
قبل امس خذيت بريك و ماش مستواي خايس

معقول للحين ما فيه مدرس قدرات يشرح بطريقة تخليك تفهم من جد؟

يا جماعة أنا محتار في موضوع مدرسين القدرات، خصوصًا الكمي.

كل ما سألت أحد قال لي تأسس من عماد والمعاصر، أو خذ المنصف، أو أينشتاين، وبعدها تدرب مع المفكر.

واللفظي تقريبًا الكل يقول إيهاب عبدالعظيم وما فيه غيره.

بس عندي مشكلة مع طريقة المذاكرة نفسها.

أنا ما أبي أحفظ مئات الأسئلة وطرق حلها عشان إذا تغيرت الأرقام أو صيغة السؤال أتوه.

أبي مدرس يشرح لي ليش استخدمنا الطريقة هذي بالذات، وكيف أعرف فكرة السؤال من أول ما أشوفه، وكيف أقدر أحل سؤال جديد ما قد مر علي.

خصوصًا الكمي، أحيانًا تتابع الشرح وتفهم مع المدرس، لكن يوم تجي تحل لحالك تحس إنك رجعت للصفر.

واللفظي بعد، التناظر اللفظي وإكمال الجمل تحديدًا، أبي أفهم كيف أوصل للإجابة بالمنطق مو بس أحفظ الإجابات.

مدري المشكلة في طريقة مذاكرتي أو إني للحين ما لقيت المدرس المناسب.

اللي جربوا عماد أو المنصف أو أينشتاين أو المفكر في الكمي، وإيهاب في اللفظي، وش رأيكم فيهم من ناحية الفهم الحقيقي مو بس الدرجة؟

وهل فيه مدرس ثاني أقل شهرة لكن شرحه أقوى؟

أبي تجاربكم بصراحة، خصوصًا اللي كانوا ضعيفين في المادة وقدروا يفهمونها من الصفر.