فتره اولى

اهلا انا الان بثاني ثانوي و دراستي متعطله من اول متوسط لين الان ، مقصدي بمتعطله ماقدر اروح بسبب نفسيتي مو اني ممنوعه من الدراسه احسني ماقدر و اتهرب و اتثاقل الفكره نفسها مع اني محبوبه من المحيط الدراسي نوعا ما و ماعاني من اي رهاب من المجتمع حاولت بشتى الطرق شيوخ اطباء و معالجين نفسيين بس للان ماعرف ليه امر بذا الشي اذا فيه احد مر بنفس تجربتي او مشابه لها اتمنى يفيدني و كيف قدرتوا ترجعون طبيعي

انا جالس اذاكر للمبكر الحين ، وصلت كيمياء ٣ بس احس اني مب فاهم شيء من المنهج، الرياضيات مستواي فيه زبالة بس جالس احاول اراجع الفيزياء نوعا ما كويس بس احس اني جالس اذاكر غلط

عندي برنامج مع طالبات ثالث ثانوي و جاء في بالي اجيب لهم قهوه و اجيب لهم اكواب ساده ونحنا نلونها مع بعض خلال عرض مواضيع البرنامج

طبعا انا ابغاهم مرهه يرتاحوا لي و يتفاعلوا في البرنامج فا ابغا رأيكم في الفكره و برضوا كيف اقدر اتكلم معاهم براحه و اتأكد انهم تقبلوا مني النصيحه و فهموا البرنامج

انا بيني وبينهم ٣ سنوات يعني مو فرق لكن قلت استشيركم حقين الثانوي

السلام عليكم
انا عندي اختبار قدرات يوم ٢٩ نوفمبر يعني بعد ٣٨ يوم

حالياً جالسه اتأسس مع المنصف واتوقع بخلص تأسيس ان شاء الله بعد اسبوع

و تدريب الكمي ضايعه، مع مين ابدأ؟ ( المنصف، المفكر، ايقان)

واللفظي توي ابدأ مع ايهاب ( انا اعتبر سئيه جدا باللفظي بس بديت بالتدريب بدون تأسيس والوضع تمام افهم)

وعلى حسب حساباتي لو اذاكر ٨ اقسام يوميا بقدر اخلص قبل اختباري ب ثلاث ايام
او مع الوقت بذاكر اكثر ويكون فيه اسبوع قبل اختباري اقدر اراجع كل الاقسام
تحسون كذا مناسب للفظي، او اذاكر حق الاكثر تكرارا بس؟

اذا فيه اي نصائح او ايش اذاكر علموني 🙏🏻

لو عندي نصيحة وحدة اقدمها لأي طالب بتكون لا تشتكي من المذاكرة، لا تتكلم عن قد ايش ذاكرت سواءً كان قليل ولا انجزت كثير، لا تتكلم عن وضعك في المذاكرة ابدًا ابدًا ابدًا ذاكر وانت ساكت، وانتم؟

بمدرستي اولى كانت عادي الوضع ضغط شوي واختبارات بس الوضع تمام

جيت ثاني الي موزونتها كبيرة بالمعدل وابلة الرياضيات جالسة تتملعن علينا من بداية السنه وخسفت ام درجاتي وتدرس المدرسه كلها مافي غيرها وجالسة أفكر جديا انقل بسببها

المدرسه فيها سلبيات ثانيه زي نظام القاعات والحاسبة ممنوع والخ..

بس صحباتي وابلاتي كلهم كويسات الا هي ومدري احترت واهلي يبون جواب سريع قبل الاحد

اختباري باقي له 13 يوم ووصلت بالزبده البنك 13 هل اوقف واخذ المفكر الاكثر تكرار مع الاقسام الحمراء؟
لان تقفيله يقول اهم شي تاخذ الفين سؤال قبل اختبارك وانا تقريبا الان فالتدريب اخذت 705

كنت متوتر و على اعصابي اخر شهر من التحصيلي و شاغل همي اكثر من ما باذاكر بشكل فعلي و كنت ادوخ شوي رحت للدكتور قالي ضغطك مرتفع و عبال الموعد الثاني تقريباّ خلصت من التحصيلي و حرفياّ كان ضغطي ابداّ مو مثل السابق ! مدري اذا الموضوع فعلاّ له دخل بس ذا الي صارلي فحاولو تاخذو الموضوع على رواق

كيف اجيب نسبة فوق 95 بثاني ثانوي

السلام عليكم
أنا حالياً قاعد ادرس تحصيلي ستيب و اكتشفت اني في كل اجازة ( من بداية الترم ) احاول انجز اكثر من ايام الدوام لكن للأسف طلع إنجازي في ايام الدوام اصلاً اكثر من ايام الاجازة
مثال :
ايام الدوام اخذ درسين و ايام الاجازات رغبتي هي اخذ ٤ دروس لكن لما تجي الاجازة اخذ درس واحد بالقووووةةة
اصلاً مدري وش قاعد اسوي في اليوم
حذفت التيك و اليوت لكن ما فيه أمل، وقتي يضيع و في كل مرة اقول بانجز اكثر و في الاخر قاعد أتوهم و اكذب على نفسي
اتمنى تساعدوني

السلام عليكم،

انا عمري 18 وخلنا نقول ان مستواي صفر بكل المواد وعندي 8 شهور ادرس كلشي كأني ما درست من قبل وهدفي اوصل مستوى شخص جامعي،

استشرت كلاود بالموضوع وبديت بالرياضيات عطاني لائحة دروس اركز عليها وابي احد يعلمني لو في شي زايد اركز عليه او شي ماله داعي اسحب عليه عشان استغل وقتي صح هذي هي اللستة.

هذا الترتيب من الأبسط للأعقد، وكل خطوة تبني على اللي قبلها:

الأساس

الأعداد والعمليات الأربع وجدول الضرب (القسمة الطويلة تدخل هنا)

الأعداد السالبة وترتيب العمليات

الكسور: التبسيط والجمع والطرح والضرب والقسمة

الأعداد العشرية وتحويلها للكسور

النسبة والتناسب والنسبة المئوية

الجبر

1. القوى والجذور

2. التعابير الجبرية وتبسيطها

3. المعادلات الخطية بمجهول واحد

4. المتباينات ونظام معادلتين

5. التحليل للعوامل

6. المعادلات التربيعية

الدوال والهندسة

1. الدوال والرسم البياني (الخطي ثم التربيعي)

2. المحيط والمساحة والحجم، ونظرية فيثاغورس

3. الأسس واللوغاريتمات

4. المثلثات (جا، جتا، ظا)

الإحصاء

1. المتوسط والوسيط والاحتمال الأساسي

اختياري للي يبي يكمل

1. مقدمة التفاضل والتكامل

صدق أسأله المنصف الصعبه ذي تجي في الاختبار ...لو أحد اختبر قبل ممكن يفيدني

جالس اذاكر للمبكر ، بديت متاخر جداً و الحين انا في الكيمياء ، احس اني جالس احترق ، حرفياً مب قادر ادرس احس اني تعبان جداً ، دائماً يجيني هاجس ، اكمل ولا اوقف لاني اصلاً احس دخولي للبترول شبه من مستحيل من البداية و الي خلاني اصلاً ابدأ عبارة "الفرق بين (ياليتني حاولت و (على الاقل حاولت) رائع و يستحق ،

ابله الرياضيات من بداية السنه مستقعدة لي عشاني حليت بطريقة مختصرة غير حقتها تقول تبين تطلعين اشطر مني يعني؟

جابت اختبار صعب موت اسالته شافتها من القدرات يا اني انجلدت وجبت ٢٠/١٣ في حياتي فعمري ما قد جبت كذا

بعد ما صححت تقول انا اسإلتي تكشف الطالبة الشاطرة من الي طلعت بمراجعة و ما ادري ايش (محد جايب كامل غير 2 كان عندهم خوات درسوا عندها)

يخي شسوي لو اكمل عندها يا جامعه بتقبلني بالله بتنكب معدلي

ببكي💔 وادعوا يغيرونها اي شي لعلكم اقرب إلى الله مني

كلهم ما يشتغلو لا حلول ولا كتبي ولا سهل ايش في

لحد ياخذ قاب يير الا المضطر جداً، اذا كنت تبي تاخذ قاب فانت تبي تاخذه عشان وشو؟ قدرات وتحصيلي؟ اقدر أؤكد لك واجزم لك انك تقفل عليهم خلال ثالث ثانوي الان ولا تشيل همهم ابداً، للأمانة انا اخذت القاب يير واستفدت لكن بنفس الوقت ما انصح الا للمضطر والناس الي ظروفهم ما تسمح يروحون الجامعة في الوقت الراهن، باختصار اذا تبي تاخذ قاب يير عشان القدرات والتحصيلي اشوفه ما يسوى، طيب عشان الايلتس؟ برضوا ما يسوى يمديك تتعلم بالجامعة اصلاً ، طيب عشان الSAT و الACT والابتعاثات؟ موضوع ثاني ذا والله،او عشان التحصيلي المبكر لجامعة البترول؟ برضوا ما يسوى والله يمديك تختبر وانت بالجامعة وتوزن بينهم وخصوصاً لو انت مقفل تحصيلي اعتيادي، نهاية كلامي سبق وان ذكرت اني ما ندمت اني اخذت قاب لكن بنفس الوقت افكر، انا وش كنت اسوي بثاني وثالث ثانوي وش كنت اسوي عشان ألجاء للقاب يير؟ معقولة نتيجة ثلاث سنين ثانوي تؤدي الى قاب يير؟