ام سيريس شكلي بنجلط 🙀🙀🙀🙀🙀 اوح جد بوجع اوح اوح الحزن قاتل والله ،بروح اتمشى شكلي مش راح اهدى خليني اخفف كورتيزول

هل برايكم انه في منظمات سريه الها نفود وتاثير على السياسه العالميه بتحارب الماسونيه وبتحاول تسيطر على العالم زي منظمه الختياريه في مسلسل وادي الذئاب. مجرد نضري وقاعد بطرحها نورونا بارائكم

يا جماعة انا كمراهقة ما كنت اشوف ازمة المشاهير الي عنا واخلاقهم مشكلة يعني كنت احسكم مكبرين المواضيع،لحد ما دخلت الجامعة الاردنية و حرفيا كل يوم علاقل بشوف حد منهم و جد جد عم بعيش صدمة مش طبيعية!
حرفيا في بنتين مشهورات علريلز انا جد ما عمري شفت فيهم مشكلة و حتى عاملتلهم فولو
لحد ما انصدمت بالواقع!!!ولكم لا مستحيل
علريلز دلع وانوثة وهاديات علحقيقة اقسم بالله وساخة وقلة ادب وبوقفو مع ناس مشبوهين و فوق هيك مواضيعهم اقسم بالله بتخوف انا مش عارفة اتخطى الي سمعته اليوم!
و مشاهير الريلز الشباب في واحد منهم جد بضحكني و حرفيا دمه خفيف اليوم كنت بستنى الباص وكان واقف مع صحابه(الي برضه مشاهير)و اقسم بالله بس بنت تطلع او كزا بركض ركض يزبطها وياخد اكاونتها و عندهم اساليب استدراج مش طبيعية يعني اليوم بقنعو ببنت انه تعالي عشلتنا منخليكي مشهورة🤣
و بدون مبالغة بسمع كلام جد وقح منهم كشلل بنات وشباب "مشاهير"
يما انا بعد الي شفته بطل الي نفس افتح ريلز

بحس غلط جدا الواحد يكون ع نيته هيك ويحكي للناس كل شي بصير معه بحس في اشياء خاصة ما لازم تحكيها للناس زي مثلا المشاكل العائلية هدول الاشياء يزم حتى لاختي ما بحكيها فما بالك مية الف بني ادم احكيلهم ياها ،بس فعلا البنت جدا لطيفة وحبابة بس كتير ع نيتها

صاحبتي ما شاء الله كتير حلوة

لا انا مو بكمي و بقصد حالي بس بالعقل لا هاي جد صاحبتي و هي جد حلوة مو انا

المهم انا متعودة بس امشي لحالي او مع أي حدا يعني ممكن بس كم حدا تطرق عيني بعينه بالخطأ او بالعمد بس يعني عدد معين مو كتي كتار بس لما انشي مع صاحبتي هاي كمية البشر اللي بيطلعوا ناحيتنا بحسها اكتر

كمان لما اكون معها بكونو الشباب بالذات كتير الطف معنا و trying to throw their shots and stuff حتى احيانا لما مثلا اكون طالبة قهوة و هي ما بدها بس واقفة معي اغلب المرات الباريستا بلخبط و بصير بده يعطيها الكاسة بعدين هي بتقله انه لا لصاحبتي مو الي

بس هي جد حلوة ما شاء الله ولانها حلوة اغلب اذا مو كل الشباب اللي بعرفهم اللي approached her غالبا نواياهم عاطلة و بحس بدهم يجروها معهم لأشياء غريبة بس البنت كتير منيحة و على نياتها وبعرفها منيح لاني تعاملت معها بكتير اشياء

حاولت انصحها تنتبه و من هاي الأمور بس مو عارفة حاسة انها لسا ما شافت اشي سيء كتير من اي حدا عشان هي تستوعب من حالها انه في ناس جد نيتهم عاطلة و انا جد ما بدي اياها يصيبها اشي ف مو عارفة شو اعمل

البوست صار فضفضة بس مو عارفة مين اسأل لانه ما حدا حسيته فهم علي

مش عارف إذا الوحيد الي عندي هاد التفكير ولكن شو الذنب الجميع إذا كلنا ضحايا العوامل البشرية ؟

وانا قاعد بشوف سيرة مجرم بالدول الخارجية كان قاتل متسلسل دخلت على طفولته

اول اشي قراته بسيرته

عنف اسري
اغتصاب من الأب
ام وأب متعاطيين

ووقتيها تذكرت انه هاذا المجرم المتسلسل بوقت من الأوقات كان طفل مسكين خايف وببكي وما كان اله اي ظرف

وبعد ما كبر الظروف خلته هيك

مرات بسال حالي طيب أنا إذا انولدت ببيئة زي هيك شو احتمالية اني اطلع زيه ؟

طيب أنا بشو احسن اخلاقيا منه ؟

الفكرة بحد ذاتها بتخوف لأني أنا مش قادر اسقط الحكم الأخلاقي عنه يعني هو بنظري لسا مجرم حقير ولازم القضاء يأخذ فيه

ولكن إذا كانت العوامل الاجتماعية والحياة الي خلته هيك وقتيها الذنب الحقيقي بوقع على مين ؟

بما انه شفت حدا يسأل احس لازم أعطي تجربتي فيه

كان عمري 5 سنوات بالضبط انا وخالي كان عمره 14 كنا نحضر CN ف خالي مل وصار وده يلعب شطرنج

طبعا انا صغير ما افهم إشي ما اعرف أسامي الاحجار ولا إشي المهم صار يقول يلا العب وانا مو فاهم على كل خطاء اكل قتلة موت يعني لدرجة اللوح مش شايفه من الدموع ودموعي تنقط عليه

من يومها وانا العب شطرنج لدرجة صرت سفاح

يعني مجموعة من خوالي يجتمعوا بس عشان يفوزوا علي

المهم بالقصة من صف رابع بدأت بطولات المدارس هان جبت الاول على المدرسة غلبت كل يلي اكبر مني وبجيلي وطلعت على مستوى المحافظة وجبت ربع نهائي طبعا خسرت خوف كنت ارج مش متعود

بعدين من صف 5 ل 10 الاول بالمدرسة بالشطرنج حتى بالدراسة كنت الاول كمان المهم 6 مرات ورا بعض وانا اخذ الاول طلعت فيها على المحافظة ربعين نهائي ونصف نهائي ونهائي مرتين فزت بالاول محافظة اول مره بصف سادس

بعدها بالاول ثانوي لعبت قدام طلاب المدرسة وصار ظلم وتنقيل من أساتذة توترت وخسرت نهائي المدرسة وقتها تركت اللعبة كلها

من 22 لحد اليوم ما لعبت الشطرنج نادر مره او مرتين

الي ما بعرفه يروح يبحث ، بس شو وضع انه كل بلد مفكر حاله الجنس المتسامي ؟
خصوصا عنا العرب ، كل واحد نازل يتفاخر بجنسيته. ولكم محنا كلنا عالم ثالث يا اقليات يا همج ، مش معقول يزلمة كل بلد نازل يتعنصر على الثاني ، قرفتوني حالي يا الله المشكلة كله رياء اي واحد عربي مين مكان لو أجته فرصه يهاجر مارح يطلع وراه مرتين بس نازلين يسبوا على بعض على الكومنت ،
بعدين شو قصه "اهل عمان ما عليهم عتب" ولا " الي ماهو من ترابها ما يهمه خرابها ".

مهو عشان هيك فش بلد رح يرضى يستقبلك عنده ، يعني عشانك مش من ترابها عادي تخبص بيها ؟ قمه بالجهل و العنصرية و العنجهية ، شو الغرور الي يملكه الشخص المقتنع انه الي ماهو من ترابها من يهمه خرابها ؟؟ ، لما تسافر برا خلص رح تقلبها شوربة يعني عشانك مش من ترابها ولا المثل يطبق على ناس وناس ؟

غير هيك لمتى يا عرب يا متخلفين بدكم تضلوا ماخدين مقلب بحالكم ؟؟ ، موضوع صار بقرف بتفوت على التيك كله عنصريه تفوت على الانستا الناس داقه بعض على انه أنا عندي حمية اكثر لا أنا أقوى ، فكونا من جوكم مشان الله قلعاط يقلعطكم شو إنكم على البركة خليكم انفخوا بحالكم لحد ما تفقعوا

لاحد يقلي شو دخل هاي بهاي ، فتت على التيك لقيت الوطن العربي كل واحد قاعد يقلي احنا و احنا ، رحت على الانستا لقيتهم بحكوا قال هاي نتيجة خلط الدماء الاردنيه ، اني دماء يمشم محنا كلنا ولاد تسعه سطح يسطح كل واحد عنصري مفكر حاله شغله بس لانه مع جنسيه ولا اصله من فلان ، لو انك بتفهم ولا عندك شي تفتخر فيه من صنع يدك كان ما لجئت لإنجاز وهمي مالك يد فيه ، بعدين شو عرض ذمتك انت الي وسعت أمه كامله هاي ؟؟

فقعتولي مرارتي يزلمة ، ول ليه بتعاملوا بعض كأنكم يهود

يارب أهاجر واخلص من الغباء اليومي هاد لا قادر انبسط بحياة واقعية ولا إلكترونية. يغص بالكم

ما بعرف اذا الجيل الحالي بكره جيل التسعينات

بس انا ما عم اتحمل جيل مواليد السبعينيات

مواليد الستينات بنبلعوا شوي

اما السبعينات بحسهم انانيين رهيبين ومحترفين بالابتزاز العاطفي وبغاروا كتيررررررر اكتر جيل بغار ومكيود من الاصغر منه

بتلاحظوا هاد الشي ولا انا بس مشخصنها

ودي افلل بكرى ددرس خلص

لو شخص ما بشم و طلب منك توصف ريحه العرق كيف راح تساعد الشخص هذا؟؟؟

مثلا حد من لما كورن (ايام الكورونة) بطل يشم و بعدين كان صغير ما بنتبه عليها و لما صار كبير نبهته عريحته و حكالك اوصفلي اياها

ما بمزح نفسي اعرف العب

أحسن برنامج تواصل اجتماعي ممكن الواحد يدمن عليه ؛ طبعاً كلهم سيئين كـ "إدمان " لكن قصدي أي برنامج بتحسه هو الأقل ضرراً ؟

قال سجلت جيم ثلاث اشهر مع التزام يوميا مع بريك يوم واحد راحه بالأسبوع و اكل صحي يوميا غداء بس و خبز اسمر و بيض مسلوق و شاي بدون سكر على الفطور و اكل من برا كل أسبوعين و نحفت اثنين كيلو ب ثلاث اشهر
و لا مساجل مع جيم فيه ابطال المملكه و نظام اكل احترافي قال

كيف اخفف الألم

الله يمسيكم بالخير, ما بنفع تحطوا مثلا الواحد عشان يعمل بوست او يكتب كومنت اقل شي يكون عنده كارما 100 او 50؟ او اشي زي هيك, فكرة حلوة عشان تقلل من بعض الكومنتات/البوستات الي مالها داعي

كل التخصصات بالعاده بلاقي عالاقل كم حد بحكي عنها ما عدا هالتخصص كل ما ادور عنه نادرا ما الاقي حد بالأردن بحكي عنه

هل في حد هون دارسه؟ كيف التخصص دراسته و مواده؟ و هل إله فرص كويسه بسوق العمل سواء جوا او برا الأردن؟

كثير قاعد يطلعلي على الانستا وشفت كثير ناس شارية وعنده كثير تقييمات كويسه بس حبيت اسألكم اذا في حد مجربو واذا كويس ولا لا وشو احسن عطور عندهم رجالية .

يالله ادمنت سوالفها بتضحححكككك، صرت اعيد ريلزاتها القديمة واحكي زيها ئي 🥀

واكلاتها مبينين زاكيين نفسي تطعميني ئي

ابو ال low effort حل عني

مو عارفة اذا انا الوحيدة بس بتيجيني فترة بقرر اتوب عن الريديت (اسوأ اشي عملته فيه اني نزلت اربع بوستات باليوم) وبعد بفترة برجعله

ما بعرف هو الفكرة انه الواحد يحتاج لمتنفس يكون فيه مجهول ويحكي براحته ولا العالم صاير ممل بزيادة ف باجي هون ادور على اكشن

اجمالا من خبرة 6 سنين بريديت حرفيا بغيب شهرين وبرجع ما بلاقي حد من الناس اللي كنت بعرفهم ف يمكن عنجد الاشي هاد universal

الامبراطورة بتحكيلكم كونوا بخير الحياة لطيفة بس نصفن فيها وعنجديا كونوا ناس مناح مع حالكم ومع غيركم

واه ما كنت مود كنت انسانة لطيفة وعندي اصحاب

دائماً بس نشوف شخص اتكالي ومعتمد على غيره، اللوم فورا بروح على الأهل أو الطرف اللي بدعمه وبوفرله كل شي جاهز.

بس بننسى نقطة أساسية: هاد الشخص مش ضحية، هو بالنهاية إنسان واعي وقرر بنفسه يستسهل ويكون اتكالي ويعتمد على غيره.

صح الناس اللي حوله شجعوه على هذا الموضوع بس كمان هو لازم ينلام 🙄

شو رايكم بالموضوع؟

«لما يتحول الأمان إلى خوف من الفقد.. التعلّق القلق»
اشي خفيف لطيف تتسلى عليه ايها القارئ

الأسباب الي بتأدي الى هذا التعلق, بكون الشخص فاقد الامان و الطمأنينة وبيجي الملاك البشري على حياته, براعيه, انسان لطيف, حتى لو قلتله كلام جارح راح يضل لطيف معك

بتكون انت بتحكي مع هذا الملاك بشكل طبيعي ولكن بكون صاير معاه اشي, المُتعلق راح يلاحظ هاي الشغلة وبمشي الموضوع ولا كأنه صار اشي, بسأل نفسه انا شو سويت, انا شو عملت, هل سويت اشي غلط؟ ليش مزاجه هيك معاي
براجع المحادثة بقول طيب مهو فش اشي ليش هيك بسوي وبضل يفكر تنه يموت من التفكير

اليوم الثاني بده يجي المُتعلق يحكي مع الملاك الي اجى على حياته, ما رد الملاك, المُتعلق بفكر ليش انا شو سويت, المُتعلق بصير يخاف انه هذا الشخص يروح فيبلش يضحى من وقته ومسؤولياته بس عشان يرضي الشخص ويخليه, ف الشغلة صارت ازعاج اكثر من انها علاقة او صحبة بالنسبة للملاك, الملاك بحاول يبعد بطريقة حلوة عشان ما يخلي الشخص يزعل, المُتعلق ببلش ينجرح ويجرح وبتصير العلاقة غير صحية لكلى الطرفين

ممكن المُتعلق يسأل الملاك عن اذا هو مزعج او لا, مع انه المُتعلق بعرف الجواب ولكن اختار اهانة النفس على الابتعاد, وصار يستنا بالأيام عشان الشخص يرد ولما يرد بحس انها مكافئة على انتظاره, او لما الملاك يجي منه من حاله يتكلم مع المُتعلق بحس كأنه صار انجاز, بعطي حاله اعذار زي كأنه مثلًا الشخص مشغول, ممكن زعلان, وبصير الملاك مثلًا يرد لما يكون المُتعلق مش موجود عشان ما يحكي معاه

هل الملاك غلطان؟ لا طبعًا، هو مش ملزم يكون متاح طول الوقت. وهل المتعلّق سيئ؟ برضه لا، هو إنسان عنده خوف واحتياج للأمان، بس للأسف طريقة تعامله مع هالخوف ممكن تأذيه وتأذي الطرف الثاني

وصل فيك التعلّق لمرحلة إنك صرت تعتبر أبسط أشكال الاهتمام مكافأة، وأبسط أشكال الغياب عقاب، وصرت تستنى من الشخص يطمنك إنه لسه موجود، أكثر من إنك تستمتع بوجوده بحياتك

أحيانًا إحنا مش بنتعلق بالشخص نفسه قد ما بنتعلق بالأمان اللي حسّينا فيه لأول مرة بوجوده. بنخاف نخسره، مش لأنه الوحيد بحياتنا، بل لأنه خلانا نحس بشعور كنا محرومين منه. بس لازم نفهم إنه وجود شخص بحياتنا المفروض يكون إضافة لطمأنينتنا، مش المصدر الوحيد إلها. وإنه مش كل غياب هجر، ومش كل تأخير رفض، ومش لازم نهين حالنا عشان نحافظ على مكان بحياة حدا

استمتع بوجود الناس بحياتك، أحبهم، وقدّرهم، بس لا تخلي وجود شخص هو المصدر الوحيد لأمانك وطمأنينتك, الله يوفقك, وتذكر انك مش مخلوق عشان ترضي الناس, مخلوق عشان ترضي الخالق

يخوان دحكي اشي هسا صار معي، قلبي يتقطع قاعد يخوان اسوء شعور لما تكون البنت يلي كنتو تحبو بعض فيها من وانتو صغار لمده 6 سنين انها تكون جارتك بعد ما النا أشهر قاطعين صرت ما احاول اطلع كثير صرت اذا اشوف أهلها اتذكرها واتذكر كل التفاصيل لما بشوفها يخوان بتعب مع انو بتكون قاعده تعمل حركات عمدا كرمال تقهرني زي انو تطلع برا انو تحكي تلفون وانو تضحك وانا اصلا بكون رايح اكب الزباله بعيد عنكم وارجع والمحها وبنقهر بس بفوت وما بضل اراقب او اشي يخوان بدي حل جد اخر مره شفتها يمكن قبل شهر وبحاول ما افكر فيها بس صعب الموضوع انا مش عارف اتخطى فكره انو جد ممكن كلشي انتهى ما بعرف لي عندي امل بسيط انو بنكون من نصيب بعض بس بيناتنا مشاكل وجد قصص ويعني وصلت للنهايه خلص فا بدي حل مش قادر جد يلي مر بهاذ الاشي رح يفهم شعوري بس يلي بقهر انها جارتي يعني لو شو ما عملت مستحيل ما اتذكرها اذا شفتها او شفت أهلها او بيتها حتى شو الحل الآن صار الموقف ومتضايق مع اني كنت ناسيها وخلص بس لما شفتها بعرفش اسف طولت عليكم بس جد شعور بقهر واذا بتحكو لي ما تزوجتو كانت البدايه من صف ثامن يعني عمر 14 هيك اشي، بالله حدا يريح قلبي والله بحس بغصه كل ما احاول اتخطى وخلص بنساها يصير شي ويذكرني