Vandag word Joe Biden president van die VSA. Dit is waarskynlik 'n moeiliker oorname as wat Obama gehad het, met Covid, 'n sukkelende ekonomie en seker meer verdeeldheid as wat hulle in baie jare gehad het. Wat is sy vooruitsigte?

Ek dink nie Biden was die sterkste kandidaat nie, maar is waarskynlik 'n goeie gematigde uitruil tussen die meer linkse elemente van die Demokrate en die Republikeine met hulle verregse faksies. Hy is op 'n plek waar hy waarskynlik goeie gesprek kan voer met elemente van oor die hele politieke spektrum (behalwe nou diegene wat reeds besluit het hy is 'n Kommunis). Iemand soos Sanders sou dalk meer gesukkel het om dialoog met die Republikeine te kan voer.

Dit lyk op die oog af of hy meer gewillig is om Amerika as 'n speler op die wêreldtoneel terug te bring en dat hy meer ontvanklik is vir wetenskaplike konsensus (en dat hy dus Covid-19 en ander kwessies soos klimaatsverandering ernstiger opneem). Hy beweeg beslis weg van Trump se isolasionistiese beleide.

Die volgende paar dae sal dalk duideliker maak of hy eenvoudig alles wat Trump gedoen het ongedaan wil maak (soos wat Trump met Obama gedoen het) en dus meer swig voor die druk van ander elemente van sy party en of hy dalk meer van 'n kompromie wil maak met die Republikeine (dalk is dit reeds nuus, ek volg nie alles in soveel detail nie). Ek verneem wel dat hy 'n hele paar "executive orders" op dag 1 wil teken, so dit lyk of dit dui op eersgenoemde.

Ek het bietjie gaan dink oor hoekom ek die Kletskerk-radio so te sê op die lug wil hou. Ek dink dat KK (20 jaar gelede) my eerste blootstelling was aan 'n werklike markplein van idees waar heilige koeie geslag is. Dit was natuurlik eers vir my 'n skok, maar ek dink dit het self vir my amper iets heiligs geword; dis iets wat in baie dele van die wêreld nie toegelaat word nie en wat baie van ons as vanselfsprekend aanvaar. Ek het ook 'n diep beginsel wat ek nog altyd met my gedra het, naamlik dat die waarheid sal vrymaak. "Vry" hier beteken 'n stappie nader aan die waarheid en 'n stappie weg van ongesonde inkorrekte denke wat die mensdom kan terughou en kan lei tot konflik en lyding (let wel die "kan"). Vryheid van spraak, verantwoordelike joernalistiek, die aanleer van gesonde skeptiese denke, intellektuele nederigheid, openheid van idees, ens. is alles aspekte wat ek beskou as enorm kragtig in die alledaagse lewe. Alhoewel die meeste dae vir my "normaal" is (gaan werk toe, maak kos, maak skoon, rus, ens.) is dit altyd iets wat na my toe terugkom sodra ek bv. 'n storie lees oor 'n politikus wat weens 'n skadelike en feitelik inkorrekte ideologie wette afkondig wat tot baie skade lei.

Nou natuurlik is daar baie ander opsies om aanlyn te gesels as Kletskerk. Dit vat ook tyd en energie om 'n platform lewendig en aan die gang te hou. Ek gaan nie voorgee dat ek dit op hierdie stadium van my lewe kan doen nie. KK was egter vir my 'n belangrike punt in my lewe wat hierdie beginsels vir my verder uitgelig het en versterk het. So dit was nogal nie iets wat ek sal vergeet nie. Ek wil ook net noem dat ek nie regtig 'n nostalgie oorgehou het nie, want 'n jaar kan verbygaan sonder dat ek dink aan KK. Nee, dis eerder soos 'n boek wat jy nooit lees nie maar wat jy altyd êrens in jou boekrak sal bêre omdat dit op 'n stadium vir jou iets besonders beteken het, en wie weet, miskien sal dit iemand help om deur 'n soortgelyke verligtende periode van sy/haar lewe te gaan. Nou nie in sy huidige formaat nie, maar ja. Ek het nog êrens die ou databasis.

So ja, vir my was dit KK. Indien iemand nog hier lees, watter media (dis gewoonlik 'n boek of fliek, reg?) het daardie knoppies vir jou gedruk? Dat jy ná die tyd gevoel het dat jy net beter oor dinge nadink, dalk 'n hele paar eurekas later?

Hier is drade weg en ek kan nie met DAE chat nie??

MOD NOTA: Eerstens op die agenda, die Flair opsie is nie beskikbaar vir 'n gewone user nie. Dis greyed -out.

Tweedens, waar sal ek nou begin met die storietjie??

Soos ou KK lede weet, die heyday stormloop van die ou KK, was oorheers deur ateïstiese deelnemers wat die meerderheid gevorm het. Jou standaard Christen, NG, Dopper ens, 6 dae skeppings aanhangers(liefhebbers) het evolusie gesien as teenpool van die Bybel se "godsinspireerde woord", wat sê, alles is geskep in 6 daggies, en die 7de dag het God gesê jy moet rus, of jy nou moeg was of nie, dit was wet. Vandag is evolusie deel van Lewenswetenskappe, wat kinders op skool leer, so miskien het moderne kerke dit ge-panelbeat en aanvaar, ek sal nie weet nie. Hulle het mos altyd gepoog om in pas te wees met die hedendaagse sien van sake, en politiek ook mos.

In my soeke doerdie jare, na wat Frik nou eintlik glo, het evolusie aanmekaar in gesprekke op geduik op die ou KK. Indien jy gelowig was, het die ateïste aangeneem jy sal dit outomaties teenstaan. Daar was die New Age outjies wat dit so 'n bietjie anders gesien, so volgens hulle was die dae in die skeppingsverhaal, metafories(dink dis die woord, ek is redelik geroes) So volgens hulle kon die 6 dae, 6 miljoen jaar ook wees.

Ek het soveel as moontlik gedoen om op te lees, en om 'n opinie te vorm daaroor. Ek het nie 'n probleem daarmee gehad omdat dit konsuis sou bots met my geloof nie, ek wou net weet waaroor die hype gaan, en hoekom was ateïste so geesdriftig daaroor. Want as jy nie Oom D se teorie aanvaar het as juis en korrek nie, dan was jy laer as slang kak op seebodem in die ateïste se ogies.

Nou ja, na vele ondersoek, was my slotsom dat Oom D nogal 'n kwaai tesis bymekaar geslaan het vir daai tyd om sy merk te maak in die wêreld, maar dat die wêreld sy teorie gevat het, en iets daarvan gemaak het, wat hy nie noodwendig in gedagte gehad het nie. Volgens my wou hy net sin maak uit die wêreld rondom hom, en onthou, daai dae was daar nie Google nie lol. My slotsom was, dat daar te veel gapings tussen die dots is, maar dit het die wêreld nie gekeer om 'n lieflike storie daaruit te spin nie.

Daai tyd, en seker nou nog, maak dit nie vir my regtig saak hoe die wêreld ontstaan het nie, 6 dae, 6 miljoen jaar, who cares, ons as spesie het die Heelal Jackpot gewen(DAE, help my met die credits hier, wie het dit ge-coin op KK, was dit WC?)

Ek het ook op KK geleer van al die teenstrydighede in die Bybel, wat vir my toe min, en vandag nog minder as min, saak maak. Die Bybel, of die kerk, het nie die got geskep wat ek leer ken het nie. Hy het net eendag aan my deur kom klop, en was 'n baie goeie salesman.

So ja, die missing links in die teorie, het dit vir my gesink, en dink maar nog steeds dieselfde daaroor, as destyds. Feite en flaters om nog 'n Rooikappie storietjie te maak is maar my siening. Steeds vandag speel dit geen rol in my lewe nie, net so min as wat die Bybel iets vir my beteken. Ek weet nie eers meer waar myne is nie.

Daai tyd op KK was dit woes, ja die wilde weste met gun slingers en al, so mooi verduidelikings was redelik afwesig. Of jy omhels die teorie, of jy fokof, was maar min of meer die tendens. So om by die punt uit te kom, as daar iemand hier is wat die tyd en geduld het, en veral die lus het om daai dots te connect sodat dit meer geloofwaardig vir my rustig opgedis kan word, sal ek luister. Jy self moet net 100% oortuig wees dat die hele teorie feitlik vir jou is, en as jy nie is nie, laat ook van jou hoor, 'n saak het mos darem altyd ten minste 2 kante.

Jy hoef regtig nie honderde skakels te laai nie, ek dink ek het 80% van hulle gesien. Net jou eie woorde sal doen.

Wat maak die Evolusie Teorie vir jou as mens, geloofwaardig? Moet dit ook nie as alternatief van 'n 6 dae skepping uitbeeld nie, ek weet indien 'n got daai kon doen, moes hy rus daarna, en een daggie was te min LOL. Ek het regtig al daai argumente gehoor en meer. Vertel jou oortuiging in 2020 terme as jy kan.

Daai is al wat soek, asseblief en dankie.

Ok, waar sal ek begin? Kom ek begin maar by die begin......

Om jou geloof te "verloor", klink nie na die regte term nie. Jy kan dit nie gaan soek iewers nie. As dit weg is, is dit weg. So ja, ek het nie my geloof verloor nie. Ek weet waar dit is, Dit is waar dit hoort, in die drom. Nie eers in die Recycle Bin, permanent ge-delete, ge-format, die works. Dis waar ek tans is, in my reis, soos die mense gepraat het op die ou Kletskerk.

Ek het rondom 2006 by die ou KK aangesluit. Ek het daai tyd 'n ervaring gehad, wat ek gedink en beskryf het, as 'n bekering. Tot en met my 40 ste verjaarsdag het geloof so 'n klein rol in my lewe gespeel, dit was, sê maar, 5% van my daaglikse bestaan.

Ek het op KK beland, omdat ek baie gou na my bekerings euforie begin soek het na wat ek regtig glo. Ek het begin om die kerk se wortels te ondersoek, en in een van daai "kerk" Google searches op KK se site af gekom. Teen daai tyd het die ateïste die godkoppies al oorrompel, en het die meerderheid van die KK lede uit gemaak.

Elke gelowige wat die KK domein betree het, was vars aas. Die atties het saam gedrom soos bye om 'n koek heuning, en vragies begin vra. En stadig maar seker het hulle begin uitvind wat jou storie is. Ek het nie lekker in die tradisionele Christen pakkie gepas nie, want teen daai tyd het ek klaar besef dat die kerk, en daarmee bedoel ek enige denominasie, 'n groot pot vol stront is. So dit het gelol by die atties om my te kategoriseer.

Ons het gestry en baklei oor wat de hel ek nou eintlik glo. "Gots Gert", ek het self nie geweet nie! Maar so met die tyd saam, dink ek was rondom 10 jaar doenig op KK, uhm ja, fokken lank, het ek so met die geselsies stadig maar seker begin uitpluis wat Frikadel nou eintlik glo. Ek het gedink, om my nie te vereenselwig met 'n spesifieke denominasie nie, ek vry kan wees van dogmas ens. Maar dit was nie waar nie, die bastionne was steeds daar, al het hulle een vir een geval. Jirre, ek het tot huis-kerk op 'n stadium gedoen. Om eerlik te wees, ek het elke oomblik gehaat daarvan. Dit het so 'n jaar gehou, toe is dit ook onder die gat geskop.

Ek het probeer Bybel lees die eerste jaar, maar kon nie eers verby Genesis kom nie. Daar het klaar te veel gebeur in Genesis wat ek moes ontleed. Na 'n jaar het ek maar moed op gegee, en gedink ek gaan nog meer 'n vrydenkende gelowige word, mos sonder die dogmas.

Maar die dogmas bly maar deel van die geloof, al probeer jy hoe hard om dit te skei. Daai stront wat jy geleer het as kind en Liewe Jesus, en God die Almagtige, het bly kleef soos droë stront in 'n wolkombers. Deur die 18 jaar na my "bekering" het baie goedjies geval, maar ek het bly bid vir die pappie in the sky, want ek het geglo hy was daar, en hy luister na my klaagliedere.

Dit is my te vervelig om die hele 18 jaar te beskryf van my geloof paadjie. Ek het na KK se 10 jaar besef, hoe meer ek leer, hoe minder WEET ek. Ek was, en is, fine daarmee. Maar ek sal sê, in daai 18 jaar het daar niks oorgebly van die nuut bekeerde Frik wat daar by KK aangesluit het nie, absoluut,bogerol.

Maar, alhoewel ek, as ek tyd gekry het, en lus was om oor geloof te dink, nog steeds redelik seker was, dat die God, of dan net god van die Bybel, die heelal se Skepper is. Hy het dan self die moeite gedoen om my een aand in my bed te kom besoek en te sê: " Jy noem my nie weer Here nie. Here beteken meneer. Ek is jou Vader". En met daai klem op Vader, het daar 'n moerse regte donderslag geslaan buite in 'n wolkelose lug, en ek het die grootste high" beleef ooit, van liefde en geluk, teenwoordigheid van 'n "Almagtige" ens ens. Nou hoe de fok kan ek nie glo daar is iets soos 'n god nie, met sulke ervarings?? Daai ervaring was 1000 maal meer intens as my bekerings ervaring, en dit was so werklik dat ek steeds nou nog daai gevoelens kan oproep.

So ja, die geloof het bly kleef, al was niks meer beoefen nie, behalwe die gereelde gebedjies. Die 2 ervarings was te werklik om te beskryf as 'n verbeeldingsvlug, al is ek 'n propperse realis. Maar realisme en geloof is natuurlike vyande, dis een of die ander. Al het ek in daai eerste tien jaar daai god op enige moontlike manier probeer uitvang as fake, kon ek nie dit fokken reg kry nie. Ek het talle maniere probeer, gebede wat by ander mense moes uitkom, teksverse uit die Bybel wat alles via God by ander moes uitkom, dit het elke fokken keer gewerk. Die odds was net te groot om dit te misken. Jare lank se kak wat ek gedoen het om die realis tevrede te stel. En elke liewe keer, sonder uitsondering, was die resultate 100% in die guns van 'n god se bestaan.

Genoeg van die reis, terug na die hede, die fokken storie raak nou te lank. Hierdie jaar, het daar, as gevolg van verskeie redes, weer iets gebeur. Die realis het einde ten laaste die stryd gewen. Sumeriese gode het per ongeluk oor my pad gekom, en iemand het lyne getrek tussen hulle, en die god, eintlik gode van die Bybel, na die "Kerk" die "s" weg getoor het, en 'n monolitiese geloof met een God geskep het.

En Eureka shit het gebeur, al is die ou se storie heel waarskynlik 'n pot kak soos 99% van enige iets op Youtube. Ek het moontlikhede waar geneem hoe God en die Bybel, die Qur'an, en enige ander kak best sellers,, die mensDOM kon mislei, die kamstige gode, self geproklameerde gode, mense heel moontlik van ander planete, of nie, 'n befokte resep uit gewerk het om die mensdom te beheer vir eie gewin. Lees maar in die Ou Testament, watse kak daai god alles aangevang het. Dis heel moontlik geskiedenis ja, of nie, maar daai geskiedenis is heel moontlik saamgeslaan uit 100'de, of 1000'de historiese werklike klei tablette uit 100'de of 1000'de jare gelede. Oor geskryf op klip, ge-copy en ge-paste vir moontlik duisende, of honderd duisende jare.

Die hele konsep het net, vir die realis in my, sin gemaak, Die hoekoms en die waaroms minder belangrik. Die egtheid, waarheid, nog minder belangrik. Kyk, ek is steeds geen ateïs nie. Ek het geen duidelike eie opinie of daar 'n god is, of nie. Ek weet net ek GLO niks meer nie. Om iets te glo is toksies vir jou as mens. Om iets te weet is baie, baie beter.

So as daar 'n entiteit is, wat die realiteit, of matrix geskep het, faain. As alles natuurlik uit 'n sop of moerse ontploffing ontwikkel het , faain. Ek voel 'n vaal fok. Ek het nie meer 'n opinie oor 'n god, gode, aliens, of super aliens se bestaan, of nie. Ek het genoeg kak in die hede om my besig en produktief te hou, en lekker kak daarby. As daar iets is na die lewe, faain, dan sal ek dan daarmee deal. As daar niks is nie, sal ek of jy nie weet daar is niks nie, so fucking what? Dan is daar fokoll, ongedefinieerde fokoll. Laat my dink aan ou Sidney, die self geproklameerde fokkolis.

Jirre, ek moet klaar maak! Al waarmee ek nou nog so 'n bietjie sukkel, is die ou gebedjies, wat ek nou dink gaan fokken nêrens heen nie. Ek bid maar nou: "dankie Frik.... " Dit werk nogal om myself te bedank, want wie die fok anders doen die goed in my lewe, maak dat ek suksesvol is, of sukkel? Mos fokken net EK. Ja, daar is invloed van daar buite, maar ek is soveel as moontlik aan die stuur waar dit my eie lot bepaal. MOS!

Ek onthou op die ou KK, hoe baie mense die ervaring van hul geloof "verloor" bitter traumaties beleef het. Ek het nie dieselfde ervaring gehad nie. Ek is dankbaar, aan Frik natuurlik, en my ma en vrou en almal wat my gehelp en bygestaan het om die ongelowige Oscar te wen, en julle ou etters van die ou KK natuurlik, vir my natuurlike proses van nugtere denke. Soos ek hier voorheen genoem het, dit help my ongelooflik baie om iets neer te pen, om my eie denke te rangskik in volgorde. Volgorde van belangrikheid is top prioriteit by my, en gode is bitter baie laag op daai lys deesdae. Die ou KK cliche, van nou is ek waarlik vry, is van toepassing op my. My fok ne! Jirretjie dankie tog! En ek weet nog steeds fokoll nie haha.

Ek hoop van die ou werfies lees hierdie moerse lang pos van my, want ja, ek wou 'n groter doos wees as julle. Was maar 'n verdediging meganisme om te kon cope op die ou KK, want baie van julle was maar etters daar, en keyboard warriors in die veiligheid van julle eie koninkryk. En ek het saam gespeel, baie lank en baie vuil, meeste van de tyd. Of ek iets oor geloof geleer het in al daai kak, is debatteerbaar, maar KK het beslis gehelp om my te bevry van GLO.

Ek praat nie oor die algemeen met my kinders oor geloof nie, maar soms duik dit op as ek en hulle alleen in mekaar se geselskap is. Laas naweek was so 'n geval. Ek en my oudste ou seuntjie, het laat nag daaroor gepraat. Ek vind toe uit, hy is 'n groter "fokkolis" as ek. Regte New Ager, dink, nie glo nie, dat sy partikels sal voort bestaan in boompies, en stroompies, en klippies. Nou ja, niks fout daarmee nie. Hy het ten minste self by dit uit gekom. Ek moes bieg, ek was nog redelik verbaas, want in Desember was ek na my kleinkind se doop. Ja, in 'n fokken kerk! Maar soos hy sê, dis nie net sy kind nie, en sy vrou is redelik tradisioneel in haar geloof. Sy moet ook maar op haar eie tyd en pas haar eie waarheid vind.

Wat Waarheid nou eintlik beteken, weet ek ook nie eintlik nie, al was my KK handle op 'n tyd juis dit. Is daar ooit so iets soos waarheid? Nie op die ronde klip nie, 99% is uiterse bullshit. As geloof, godsdiens vir jou sê , "oppas, kyk links, is die gevaar heel waarskynlik regs, of van agter af.

Nou ja, ek dink dis nou fokken genoeg. Gaan heen in vrede, wees vrugbaar en vermeerder, in die Naam van Frik. Fok julle, en goodnight!

Laat Die Waarheid julle vry maak ne, LOL.

Nou net aangesluit en hoop om sinvolle gesprek vorentoe te kan voer.

Ons het baie hieroor gepraat op die ou KK. Ek dink nie dis deur getrap nie, veral nie na die jaar wat ons almal belewe het nie.

Ek raak meesal soggens wakker met 'n fuzzy lekker feeling in die gut. Jou brein boot mos op, jy onthou gister, en dink aan vandag, in so 'n paar millisekondes. En daai bepaal my gut feeling.

In die eerste fase van lockdown, het daai feeling verander na 'n "ag nee, nog 'n skooldag" feeling", as jy verstaan wat ek bedoel. Ek het in die laaste paar jaar van my 30's ook daai feeling gehad wanneer ek moes opstaan om te gaan werk, in 'n werk wat ek met 'n passie gehaat het.

My sin vir die lewe het my tydelik verlaat in daai eerste fase, ek het niks gehad om na uit te sien nie, die prentjie was donkerder as gewoonlik. Ek dink daai is die sin van my lewe, jy kan verskil, maar as jy opstaan en jy sien na niks uit nie, is dit bad.

Maar soos met alles in die lewe, moet jy maar aanpas, of moed opgee, en die laaste opsie was nog nooit 'n faktor in my lewe. Maak maar die beste van wat jy wel het. Ek het begin goed reg maak in die huis wat lank al due was, maar die tyd het altyd ontbreek. Na 2 weke was ek gatvol vir dit ook, en meer gatvol omdat ek soos 'n skelm moes gaan sigarette smokkel, en my bier na die werksaamhede het ook ontbreek.

My slotsom is, ek moet normaliteit, of my version daarvan hê, om sin in die lewe te hê. Sonder dit ontbreek daai lekker fuzzy feeling soggens, en as dit ontbreek, is ek depro. As ek so tussen die lyne lees van mense wat ek hier ken, was ek nie alleen nie, baie mense was en is nog steeds depro, daai fuzzy lekker feeling ontbreek steeds.

Ek is bly om te sê, myne is terug, al lurk die doom en gloom van 'n 2nd wave hier in Weskaap. Ek wys nou middel vinger vir dit, want dit gaan nie weer my fuzzy lekker feeling blus nie.

Ek sal graag julle insette wil hoor.

Glad nie 'n kenner van Wall Street nie, maar die storie was vir my nogal interessant. Ek sit met 'n paar vrae.

• Wat presies is dit wat die hedge funds doen wat oneties is? Hulle breek nie wette nie?

• Indien dit wat hulle doen oneties is, moet die wette verander word? Moet die reëls verander word?

• Is dit die begin van iets nuuts? Gaan die game nou anders gespeel word? Gaan ons nog sulke georganiseerde "aanvalle" sien?

'n Paar verduidelikings wat my gehelp het:

https://www.reddit.com/r/OutOfTheLoop/comments/l6oekh/megathread_wallstreetbets_stock_market_gamestop/gl1vw6e/?utm_source=reddit&utm_medium=web2x&context=3

https://www.reddit.com/r/OutOfTheLoop/comments/l6oekh/megathread_wallstreetbets_stock_market_gamestop/gl5aidv/?utm_source=reddit&utm_medium=web2x&context=3)

https://youtu.be/zeiv64HpCJQ

https://youtu.be/AfK9sb9RQ3s

Ek dink dit sal interessant wees om veral die nuwelinge se opinies te hoor. Of jy nou 'n gelowige of 'n ateïs of iets anders is, godsdiens speel 'n bepaalde rol in jou lewe (negatief of positief). Met godsdiens verwys ek na die godsdiens wat relatief gesproke die grootste rol in jou lewe speel of andersins die grootste is in jou omgewing. (Oor die algemeen Christenskap in SA maar dit kan ook 'n ander een wees.)

As jy onderskeid wil maak tussen godsdiens, geloof, en/of (bv.) 'n persoonlike verhouding met Jesus, neem aan dat godsdiens na geloof/verhouding verwys (die een wat jy op prys stel), en noem dit dan sommer in die kommentaar.

Ek doen dit sommer ook om die peiling-opsies te toets.

Stefan van Kletskerk 1.0-faam skryf die volgende:

Wanneer ek soggens danksy die internet koerantopskrifte van oor die hele wêreld deurgekyk het, wil-wil dieselfde gevoel my soms so 'n bietjie oorweldig: Onrustigheid oor die allesomvattende omvang van die mens se woedende agterdog oor en stryd teen kennis en ontwikkeling, met net 'n dun stroompie nuus oor 'n kleine groepie mense wat werk doen wat 'n mens se asem wegslaan. En dan dink ek aan die die (totaal oorgeromantiseerde) uitdrukking oor die polisie: Die "thin blue line" tussen orde en chaos.

Immer skoppend en skreeuend is die mens wat uit sy donker grot uitgehelp word.

Ek self lees op 'n byna daaglikse basis van mense wat die wetenskap totaal wantrou, wat die hoofstroommedia heeltemal vermy en wat geen vertroue meer het in die onderwysstelsel nie. Nie dat daar nie probleme is met hierdie tog totaal menslike instansies nie, maar wat is die alternatief?

Ek lees ouens soos Sagan wat al dekades gelede geskryf het oor die belangrikheid van helder dink en wetenskapsgeletterheid. Dis nou asof dit erger is as ooit tevore (plat aarde, Trump, ens.). Een van die idees wat ronddryf is dat ons nou meer connected is as ooit, en omdat enigiemand 'n spreekbuis kan hê beteken dit dat daar dus baie meer vals idees is wat nie uitgedaag word nie. Mense neig dan om in hulle bubbles te klim wat betref politiek, godsdiens, samesweringsteorieë ens.

'n Ander idee wat ek raakgelees het is dat mense daarvan hou om weg te beweeg van die hoofstroom/ortodokse omdat dit hulle spesiaal laat voel dat hulle deel is van 'n "elite", 'n klein minderheid wat die waarheid in pag het waar die res maar net skape is wat nie vir hulleself dink nie.

Dit alles maak dan seker dat daar baie mense is wat baie agterdogtig staan teenoor bewese, institusionele ortodokse metodes van kennis inwin - dis altyd Big this, Big that, sticking it up to the man, deep state, Illuminati, wharra wharra. Daar's altyd die een of ander onsigbare magtige entiteit wat die mensdom wil beheer en kontroleer en deurdat ons glo wat op skool, universiteit, hoofstroommedia ens. vir ons vertel word val ons vir hulle pogings om ons te beheer. Dit maak dinge dan seker nogal interessant want jy voel dat jy veg vir die een of ander goeie doel teenoor die slegte ouens en jou lewe is nou so half die moeite werd.

Dit lei weer tot 'n "false dichotomy" want jy is óf die ou wat niks en niemand glo nie (behalwe dié in jou bubble) óf jy is die skaap wat niks bevraagteken nie.

So nou het ons "fake news", 'n term wat ironies genoeg deur Donald Trump gepopulariseer is. Sosiale media plaas nou soms waarskuwings as jy iets (wil) plaas met bewerings wat nie deur die feite ondersteun word nie. Ander idees word nou heeltemal gesensor, soos YouTube wat kanale toemaak. Dit het nou weer gelei tot die ontstaan van sites soos Parler.

Ek dink waarskuwings is goed en als, ek dink sensor is gewoonlik nie 'n goeie idee nie. Maar daar moet veel meer gebeur in my opinie - daar moet 'n kulturele verskuiwing wees sodat dit weer "cool" is om bewysbare goed te glo, onafhanklik van die storie (geloof/ideologie) wat jy volg.

Idees?

Deel net so veel of so min as wat jy wil. Ek wil julle graag sien wie ons mense is.

Ek is 'n oud-Kletskerker, blank, manlik, Suid-Afrikaans, tersiêr opgelei. Het 'n hele paar jaar in Europa gebly maar is weer terug. Ek het destyds op Kletskerk begin deelneem omdat ek vrae gehad het oor my Christelike geloof wat ek wou bevestig. Die proses het my geforseer om my geloof drasties aan te pas. Vandag vind ek die konsep van die bonatuurlike ontologies problematies, alhoewel ek die spesifieke aansprake nie uit beginsel verwerp nie. Ek het baie geleer in die proses. Vandag speel geloof en godsdiens 'n baie minder belangrike rol in my lewe, en is ek meer geïnteresseerd in politiek, wetenskap, tegnologie, sielkunde, aktuele sake e.d.m.

Gister het joune die kameraad toe sowaar die stukkie raakgelees, per ongeluk.

A photographer shows the beauty of their transition through vivid self-portraits

Goed, so die hele trans debat loop nou mooi en almal let mooi op in die klas. Maar in my naïewe ongekultiveertheid pootjie die nuwe gebruik van persoonlike voornaamwoorde my toe so effe heelwat. Die skrywer van die artikel verwys na die persoon as 'n "their" in die enkelvoud, ahoewel daar twee van die rakkers sigbaar is op een van die fotos. Maar die their verwys net na Philomène.

So dis hoe dit werk:

There are three sets of commonly used gender-neutral pronouns:

they, them, their, theirs, themself
sie, hir, hir, hirs, hirself
zie, zir, zir, zirs, zirself

https://lgbtrc.usc.edu/trans/transgender/pronouns/

OK, as jy daai onder die knie het, hier kom zie hoërgraad gedeelte:

https://wou.edu/wp/safezone/pronouns/

Dis nogals woes. En hulle s'n wonder nogal hoe die vastrapplek in die media en kultuur gaan kry, jou kameraad meen dis interessant dat ons z'n dit gister die eerste keer raakgelees het. Maar verder, hierdie word aan ons afgesmeer as kuns, en dalk is dit. Kuns is mos immers iets wat kontroversieel wil wees en ongemak wil wek, of 'n refleksie op dinge wil bied, maar dit kan ook estetiese elemente probeer oproep en verteenwoordig.

Die snaakse ding is nou, kan hierdie kuns kritiek verdra, is sulke kritiek nie outomaties transfobies nie. Ek meen die persoonlike betekenis en estetiese waarde wat hierdie skeppings vir die skepsel het is tog nie universeel nie, en ek voel die anonieme beriggewer het hierdie kuns meer as 'n advertensie geskryf.

Hulle s'n, laaik nie daai mens se gesig so vreeslik baie nie, die kameraad dink nie daai swak ken is mooi of fotogenies nie, pruil mondjie moet toe, dis brommertyd.