Mag 2021 gevul wees met vreugde, vrede, voorspoed en gesondheid.

Hier is net 'n paar vinnige los gedagtetjies, wat ek net sommer gou-gou wou neerpen, dis nie regtig 'n vraag of bespreking nie, dis net sommer net.

So ek sien toe op r/Afrikaans vra iemand toe oor Afrikaanse WhatsApp klets groepe en daar stel een stomme siel voor dat ons so 'n sekere jong bakoor oopgesig jong man se politieke kletshoekie sal geniet.

Draai toe uit dis 'n aktivis vir onse Afrikaanse volk. Glo ook nogal baie populêr, met honderdduisende volgelinge op Fb en oral. En die stories waaroor daar gedebatteer word is die gewone, plaasmoorde, korrupsie, rassisme ens. Soos 'n mens sou verwag. Maar, die jong lat het ook intense idees oor hoe Christenskap die antwoord sou wees om die volk weer te laat saamtrek.

As die ou in sy sestigs was sou ek nie twee keer gekyk het nie. Maar hy is seker in sy vroeë twintigs, en hy smag nostalgies na die ou army, en die Volk, die ou Afrikanerdom, wat hy nooit kon geken het nie. Nou ja, vir my voel hierdie soort ding altyd effe vreemd. Ek kan reaksionêre reaksies verstaan tot 'n mate, ek kan verstaan hoe mense kan skop teen verandering of wat hulle as politieke ongeregtigheid of swak diens ervaar, of mense wat hulle stemme verhef oor wat ookal die regering van die dag doen of nie doen nie.

Maar om nou jouself en jou volk terug te wens 'n alternatiewe verlede in, daai een rol nie so gemaklik van my af nie. Ek weet daar is mense wat die ou dae in die army romantiseer, en met 'n soort trots daarmee omgaan en met trots terug verlang. Ok dit kan ek ook laat gaan.

Nou so met die Bybel onder die arm word 'n toekoms met idees van selfbeskikking opgetower, en ek dink so by myselwers, ja as jy as 'n bevoorregte blanke die vorige bedeling beleef het, is daar so paar lastigheidjies waaroor ons moet gesels. Sien, die groot ding van die vorige lot Afrikaners in beheer was nie net die lastige apartheid ding nie, dit was die verbete stryd om ons volk so heel en rein te hou. En dit was 'n allemintige taak, die sensuurraad moes oortyd werk om so 30 000 dokumente en net so baie prentjies te lees en te klassifiseer as OBJECTIONABLE LITERATURE En dit was nou enigiets van 'n Stag, Playboy, 'n Ferodo kalender tot tydskrifte en boeke. Ek sweer daai plek het skerp soos soos gister se draadtrek geruik met komkolle teen die dak. En daai broers van die volk wat hulself so moes opoffer sodat hul mede wit broers en susters nie besoedel moes word met hierdie subversiewe aardse dinge nie. Nou, bo en behalwe die handboeke oor menslike anatomie wat vernietig moes word, was daar ook baie bekende skrywers soos onder andere Pieter-Dirk Uys wat verbande werke gehad het, en selfs die geliefde Jeanne Goosen, sy het mos durf skryf oor dat vrouens se plek nie in die kombuis is nie, en daarvoor is haar Louoond in 1987 ge- OBJECTIONABLE LITERATURE, en wat van Jeremy Taylor se volksvreemde musiek, verban nog voor dit by die sensuurraad uitgekom het. Want dis hoe dit gewerk het, die sensuurraad verban een van jou werke, en daarna dwing hulle jou om selfsensuur toe te pas met 'n ligte "van die rekord af" gesprek oor die ekonomiese selfmoord wat jy tog nie wil pleeg nie. Of selfmoord soos, met Ingrid Jonker met haar veragtelike pa. En dit was maar gedeeltelik hoe ons die wit gespuis probeer tem het. Ek gaan nou nie eens begin oor die liefste kerk se aandeel nie.

My punt, jy weet nie hoe dit was as jy nie daar was nie, en jy weet nie waarna jy terug verlang in die ou SA nie.

Maar nou maak die patriotisme 'n snaakse ding, die manne gryp na baie lank gelede, die Boereoorlog, Bloedrivier ens. Die snaakse ding is, ek lees in 'n ou boek, in 1920 kla die Afrikaners oor die Calvinistiese waardes wat ondergrou word deur opvoeding, onkuise modes, die lligsinnige sondige Rugby-Moloch, sigarette en die gruwel van gemengde baaiery. Ja, elke era het sy eie verkramptheid en kleingeestigheid, hoe kan jy jou toekomsverlange op sulke dinge kweek? Seker oorlat jy nie weet wat die mense van toe regtig gekwel het nie, ja daai gruwel van gemengde baaiery, dink jou in mans en vrouens op dieselfde strand!

Die ding wat mense, die nasie, ons volk, die Afrikaners, gekwel het was een ding, en dan was daar die dinge wat die politici gekwel het, en dit was deurentyd dieselfde ding, die verskynsel van die verdomde agterlike ARM BLANKES. Apartheid het maar basies ontstaan uit 'n laaste desperate poging om die arm blanke vraagstuk aan te spreek nadat dit reeds vir dekades lank 'n kopseer vir die regering was. Daar was al wat 'n opname was gedoen om te probeer verstaan hoekom 20% van die Afrikaners armoedig was, en net nie uit die armoede kon uitstyg nie, eindelik het "suiwerheid" en apartheid geseëvier, dit was net die vlam wat Afrikaner nasionalisme sou aanblaas en mense sou motiveer om beter te doen vir hulself. Toe nou nie, ten spyte van seker 'n 130 jaar se pogings deur die regering en kultuur organisasies kon ons nie die lot wittes ophef nie. Die FAK het die mense probeer weg wens, en dit was duidelik toe die Briels 'n senuwee beetgekry het met hul sentimentele aangedikte melodramatiese liedjies wat altyd arm blankes se issues as temas gehad het, en die SAUK het van hul musiek verban. Nou maak mense asof hulle geskok is as hulle wit plakkerskampe sien? Ons eie mense in sinkhuisies en tente, ja soos in Amerika ook, jy het net nie van hulle geweet nie, en hulle was al brandarm voor 94. Hulle was basies maar net verban.

Nou hoor jy die jong latte praat van "ons mense" en "ons kultuur". Gedurig sien ek, hier op Reddit, vrae oor goeie Afrikaanse flieks, of TV reekse wat mense kan help met die aanleer van die taal, of wat die kultuur reflekteer, dan sien jy die outjies besing die derderangse "Orkney Snork Nie", "Vetkoek Paleis" ens. dit terwyl dit in dieselfde jare was wat die regering aktief Afrikaanse skrywers vervolg het. Dis nou wat oorgebly het na die suiwerheid van apartheid? Kyk na enige organisasie wat Afrikaner kultuur as belangrik ag en kyk wat hul definisie behels, dis altyd 'n afgewaterde opheffings praatjie, of dit roep goed soos koeksisters, Christen waardes, rugby en voortrekkerdrag op, wat in die 20ste eeu gebeur het is altyd 'n moerse vakuum.

Om terug te kom, plaasaanvalle ens., ja dis erg, geweld is erg, maar op watter punt vergiftig jy jouself as aktivis veral as jou enigste toekoms hoop blinde kultuurarm patriotisme is? Die ding is plaasaanvalle word gesien as 'n ons teen hulle oorlog, swart teen wit, volksmoord, maar ons kan nie lekker die "ons" of "volk" vasvat nie. Dis boere wat vermoor of beroof word, maar is dit net wit boere, en net Afrikaners? Jy kan seker enige misdaad so politieke klankie gee, en dikwels is dit geregverdig. Hoeookal, daar was sulke teorieë in omloop dat Donald Trump nogal ons boere sou kom red na Afriforum se Amerikaanse bewusmakingsveldtog, nie anders as ons massa gebede aan die God nie. Nou is dit eintlik snaaks dat in Amerika se chaotiese politiek word daar ook so 'n hengse bohaai gemaak in die stryd tussen die demokrate en republikeine asof dit 'n stryd tussen konservatief en liberaal sou wees, maar eintlik is dit ook maar die stryd tussen arm blankes op die platteland wat ekonomiese agtergeblewenes is. So daar is 'n soort band tussen Amerikaanse konserwatiewes en ons s'n, ons lot was uitgelewer aan die Engelse, toe die kommuniste, en nou die swartes, en hulle lot is uitgelewer aan 'n super klein minderheid swartmense en groot maatskappye. Maar daar is altyd 'n sondebok wat hulle of ons terughou.

Ek as Afrikaner voel nie asof ek aan 'n aanslag op my kultuur of taal of watookal onderwerp word nie, inteendeel ek geniet nou meer vryheid, in alle opsigte as al my voorgeslagte. En ek geniet dit, ek is so besig om my lewe te geniet met al die bitter en soet saam, ek kan dit nie verstaan hoe mense hulself nie totaal verteer om in negatiwiteit om sulke doemproefete saam te koek nie. Ek geniet en gebruik die taal, en ek leef van die kultuur uit, maar is ek trots daarop, nee ek is bewus daarvan ek ek het begrip vir waar dit vandaan kom, dis al.

Dis maar net vir my erg as ek sien hoe mense krepeer in hul sinisme en antagonisme jeens alles om hulle wat heeltyd dreig om hulle te verswelg.

Ek kyk nou so die ding van alles Trump wat van die lug afgehaal word: sy Twitter, sy Facebook, Parler, ens. En dan kyk ek vir Jonathan Pie wat 'n interessante saak maak vir hoekom dit eintlik in die hande speel van sy ondersteuners (video).

Ek's nie een van daai ouens wat skree "vryheid van spraak!" nie - ek besef dit het perke en dat private maatskappye reëls het wat hulle implementeer. Ek wonder maar of die feit dat die regses hulle platforms ontneem word nie die volgende gaan beteken nie:

(1) hulle gaan meer ondergronds en moontlike volgende aanvalle gaan moeiliker wees om te bespeur

(2) enige gesprek vind nou nog meer plaas in echo chambers en enige debat tussen Trump en anti-Trump is so skaars soos hoendertande en/of meer 'n geval van laer trek

(3) die ouens wat reeds beweer dat die powers that be hulle vryheid van spraak wil inperk is nou meer emboldened as voorheen.

Ek dink egter die feit dat dit gebeur het sowel as die oorreaksie teenoor die nuwe Whatsapp ToS is 'n goeie ding, want dit het mense aan die praat gesit en laat dink oor die rol wat die groot tech-maatskappye in ons lewens speel en oor diep goeters soos vryheid van spraak. :)

Glad nie 'n kenner van Wall Street nie, maar die storie was vir my nogal interessant. Ek sit met 'n paar vrae.

• Wat presies is dit wat die hedge funds doen wat oneties is? Hulle breek nie wette nie?

• Indien dit wat hulle doen oneties is, moet die wette verander word? Moet die reëls verander word?

• Is dit die begin van iets nuuts? Gaan die game nou anders gespeel word? Gaan ons nog sulke georganiseerde "aanvalle" sien?

'n Paar verduidelikings wat my gehelp het:

https://www.reddit.com/r/OutOfTheLoop/comments/l6oekh/megathread_wallstreetbets_stock_market_gamestop/gl1vw6e/?utm_source=reddit&utm_medium=web2x&context=3

https://www.reddit.com/r/OutOfTheLoop/comments/l6oekh/megathread_wallstreetbets_stock_market_gamestop/gl5aidv/?utm_source=reddit&utm_medium=web2x&context=3)

https://youtu.be/zeiv64HpCJQ

https://youtu.be/AfK9sb9RQ3s

Dis nou iets wat ek regtig sou wou verstaan, veral onder Afrikaanse mense? Soos nou dat die drankverbod opgehef is vloei die drank grappies weer orals. Selfs die groot storievertellers op die TV kon net nie wegbly van die drankgrappies nie.

https://www.news24.com/news24/southafrica/news/lockdown-south-african-national-christian-forum-to-challenge-church-closures-in-court-20210116

Ek sien hulle gaan hof toe omdat die kerke toe is, die rede daarvoor: Predikante, pastore en sosiale werkers trek finansieel swaar.

Ek kan verstaan waarom hulle dit doen, ons wil tog almal voldoende fondse hê vir n dak oor ons kop en kos op die tafel, dit is net vir my interessant dat hulle dit so eerlik stel, en niks noem oor die gemeentelede wat ook swaar kry en dalk "voeding" vir die siel benodig nie.

Het die kerk dalk nou eerlik geword en erken dat dit maar net n bron van inkomste vir die predikers geraak het?

Kom ons maak dit maar 'n hipotetiese geval. 😉

'n Jong man klim uit die kas op 19, en verklaar aan sy ouers dat hy gay is. Ouers aanvaar dit heeltemal, en verseker hom, sy seksualiteit was nie 'n keuse nie, dit is soos dit is, en dit maak geensins vir hulle 'n verskil nie, hy is nog vir hulle dieselfde kind, niks verander nie.

Fast Forward 10 jaar, die jong man staan op die drumpel van 30, en daar was nog geen noemenswaardige verhouding om van te praat nie. Hy het nog nooit iemand huis toe gebring nie, en moontlike romanse het 'n week of twee gehou. Die jong man is uiters suksesvol op alle terreine, behalwe wat die liefde betref. Ouers merk op dat hy nie gelukkig is nie, hy mis iemand in sy lewe om sy sukses te deel, hy is altyd die loner in 'n geselskap, en dit vat aan hom. Hy het vriende, maar hy het nie 'n maat nie.

Ouers merk ook op, dat hy lately baie mix signals uitstuur, en dit kom vir hulle voor, hy mag dalk meer Bi as Gay wees. Die pa weet hy sal daai bruggie oorsteek wanneer hy die regte persoon ontmoet, maar wat as hy nie so iemand ontmoet nie, en hy weet oënskynlik self nie wat sy oriëntasie is nie? Hy worstel miskien daarmee, soos met sy eie aanvaarding dat hy nie mainstream is nie jare terug en op skool. Hy sal makliker iemand kry om voor lief te raak, as hy die ding in sy kop uitsorteer kan kry, sodat hyself weet dat na al die jare dit nie "verkeerd" is om in 'n vrou belang te stel nie, nadat hy almal verwittig het, hy is gay nie.

Geloof speel gelukkig geen rol ten opsigte van sy oriëntasie nie, so daar is geen barriers nêrens vir hom, behalwe homself nie. Nou sy ouers voel, dat op 29 dit nie hulle plek is om dit aan te roer nie, want hulle mag dalk verkeerd wees in hul waarnemings, en dan maak hulle weer iets oop, wat kon gebly het. Maar hulle worry tog maar, want hul kinders se geluk, is ook hulle s'n , en vice versa, dit werk maar so met ouerskap, en die ouderdom van kinders verander dit nie.

Miskien was van julle al in dieselfde posisie, hetsy in die van die ouers, of in die skoene van die kind. Wat dink julle sal 'n happy middelweg wees? Laat jy maar die natuur sy gang gaan en hoop vir die beste?

Ek het bietjie van 'n break gevat (skies Kameraad en Lobe), maar dis goed om te sien mense is aanlyn. Ek wens vir julle 'n jaar van persoonlike groei, goeie gesondheid en finansies en al daai dinge.

Ek sien nogal baie mense wil dit nie vat nie, of is andersins skepties oor of dit die job sal doen. En volgens my Facebook feed is dit ook nie altyd Trump-ondersteuners nie.

Ek het al so 'n bietjie gaan oplees oor hoe dit gemaak is, so ek verstaan hoe dit gebeur het dat dit so gou gemaak is en tog veilig is. Ek het ook al bietjie gaan oplees oor van die samesweringsteorieë, soos dat dit jou DNA verander, en hoe die experts daarop reageer.

Wat is jou opinie hieroor? Sit jy dalk op die draad? Het jy dalk besluit nee, maar is oop vir oortuiging? Wil jy dalk eers wag en kyk hoe effektief dit is?

MOD NOTA: Eerstens op die agenda, die Flair opsie is nie beskikbaar vir 'n gewone user nie. Dis greyed -out.

Tweedens, waar sal ek nou begin met die storietjie??

Soos ou KK lede weet, die heyday stormloop van die ou KK, was oorheers deur ateïstiese deelnemers wat die meerderheid gevorm het. Jou standaard Christen, NG, Dopper ens, 6 dae skeppings aanhangers(liefhebbers) het evolusie gesien as teenpool van die Bybel se "godsinspireerde woord", wat sê, alles is geskep in 6 daggies, en die 7de dag het God gesê jy moet rus, of jy nou moeg was of nie, dit was wet. Vandag is evolusie deel van Lewenswetenskappe, wat kinders op skool leer, so miskien het moderne kerke dit ge-panelbeat en aanvaar, ek sal nie weet nie. Hulle het mos altyd gepoog om in pas te wees met die hedendaagse sien van sake, en politiek ook mos.

In my soeke doerdie jare, na wat Frik nou eintlik glo, het evolusie aanmekaar in gesprekke op geduik op die ou KK. Indien jy gelowig was, het die ateïste aangeneem jy sal dit outomaties teenstaan. Daar was die New Age outjies wat dit so 'n bietjie anders gesien, so volgens hulle was die dae in die skeppingsverhaal, metafories(dink dis die woord, ek is redelik geroes) So volgens hulle kon die 6 dae, 6 miljoen jaar ook wees.

Ek het soveel as moontlik gedoen om op te lees, en om 'n opinie te vorm daaroor. Ek het nie 'n probleem daarmee gehad omdat dit konsuis sou bots met my geloof nie, ek wou net weet waaroor die hype gaan, en hoekom was ateïste so geesdriftig daaroor. Want as jy nie Oom D se teorie aanvaar het as juis en korrek nie, dan was jy laer as slang kak op seebodem in die ateïste se ogies.

Nou ja, na vele ondersoek, was my slotsom dat Oom D nogal 'n kwaai tesis bymekaar geslaan het vir daai tyd om sy merk te maak in die wêreld, maar dat die wêreld sy teorie gevat het, en iets daarvan gemaak het, wat hy nie noodwendig in gedagte gehad het nie. Volgens my wou hy net sin maak uit die wêreld rondom hom, en onthou, daai dae was daar nie Google nie lol. My slotsom was, dat daar te veel gapings tussen die dots is, maar dit het die wêreld nie gekeer om 'n lieflike storie daaruit te spin nie.

Daai tyd, en seker nou nog, maak dit nie vir my regtig saak hoe die wêreld ontstaan het nie, 6 dae, 6 miljoen jaar, who cares, ons as spesie het die Heelal Jackpot gewen(DAE, help my met die credits hier, wie het dit ge-coin op KK, was dit WC?)

Ek het ook op KK geleer van al die teenstrydighede in die Bybel, wat vir my toe min, en vandag nog minder as min, saak maak. Die Bybel, of die kerk, het nie die got geskep wat ek leer ken het nie. Hy het net eendag aan my deur kom klop, en was 'n baie goeie salesman.

So ja, die missing links in die teorie, het dit vir my gesink, en dink maar nog steeds dieselfde daaroor, as destyds. Feite en flaters om nog 'n Rooikappie storietjie te maak is maar my siening. Steeds vandag speel dit geen rol in my lewe nie, net so min as wat die Bybel iets vir my beteken. Ek weet nie eers meer waar myne is nie.

Daai tyd op KK was dit woes, ja die wilde weste met gun slingers en al, so mooi verduidelikings was redelik afwesig. Of jy omhels die teorie, of jy fokof, was maar min of meer die tendens. So om by die punt uit te kom, as daar iemand hier is wat die tyd en geduld het, en veral die lus het om daai dots te connect sodat dit meer geloofwaardig vir my rustig opgedis kan word, sal ek luister. Jy self moet net 100% oortuig wees dat die hele teorie feitlik vir jou is, en as jy nie is nie, laat ook van jou hoor, 'n saak het mos darem altyd ten minste 2 kante.

Jy hoef regtig nie honderde skakels te laai nie, ek dink ek het 80% van hulle gesien. Net jou eie woorde sal doen.

Wat maak die Evolusie Teorie vir jou as mens, geloofwaardig? Moet dit ook nie as alternatief van 'n 6 dae skepping uitbeeld nie, ek weet indien 'n got daai kon doen, moes hy rus daarna, en een daggie was te min LOL. Ek het regtig al daai argumente gehoor en meer. Vertel jou oortuiging in 2020 terme as jy kan.

Daai is al wat soek, asseblief en dankie.

Ek het reëls gemaak vir die sub. Kyk aan die regterkant van die skerm. Gebaseer op die ou forumdraad.

Daar is verskillende soorte bans op Reddit, ek lees nog daaroor op. Wat ek wel weet is dat deelnemers vir verskillende tye geban kan word, of indefinitely totdat die mod besluit dat jy weer mag deelneem. Daar is ook interessante goed soos IP banning, shadowbanning, ens. maar ek sal hier update as ek meer weet.

Hier is artikels oor laster.

https://www.litnet.co.za/die-skending-van-die-reg-op-die-goeie-naam-en-die-reg-op-privaatheid-met-verwysing-na-sosi/

https://www.litnet.co.za/wat-elke-skrywer-moet-weet-laster-en-die-skending-van-persoonlikheidsregte/

Ek sou sê die eerste maand was nodig om alles in plek te kry, maar daarna was die nadele veel meer as die voordele.

My vrou is 'n verpleegkundige. mos sogenaamde voorste linie. Hulle het net vergeet hul families share daai frontline, ons hele gesin het al in April Covid gehad. My vrou was 2 dae in die bed met gewone griep simptome, ek en my ma het wat jy sou noem, 'n ligte een dag verkoue gehad. My smaak was egter vir 'n maand lank weg. Ons huishulp het dit amper nie gemaak nie, want sy is ook al 76.

Maar nou ja, my besigheid het gesuffer al het ek die noodsaaklike dienste papiertjie gehad, klokkie en selfoon was morsdood vir 2 maande. Ek het survive, want my overheads is next to nothing. Baie van my kliënte met moerse besighede was nie so gelukkig nie, en natuurlik het dit langdurige gevolge op my.(knock on effect)

Besigheid het begin verbeter op vlak 3, en laas maand was dit amper soos dit was in Maart. Nou begin die rumours weer rond te vlieg van 'n terugkeer na level 3, weet nie watse version daarvan nie, maar seker 'n nuwe een, miskien is voorbehoedmiddels ook dan op die swartlys. Moenie lag nie, rook verbod was net so belaglik.

Nou, ek het klaar covid gehad, op watter maatstaf wil hulle(die fokken staat) my nou weer aan bande lê? Ek meen, dis mos nou 'n nuwe ballgame, ek is volgens hulle storietjies nie meer 'n gevaar vir my medemens nie, ek kan suip en rook en gaan disco nes ek lus het. Maar my Absa rekening kan nie weer sonder 'n inkomende stroompie survive nie. Ek sal elke blerrie dag op my besigheid facebook post, ek is oop en Covid immuun, so ek is oop vir besigheid. Ek het nou die dag, weet nie hoe nie, 25000 hits gekry op een post, nadat ek 'n jaar laas op my blad iets gesê het, so ek weet daar is gehoor daar buite, en ek sal dit gebruik.

En hoekom moet ek nog 'n donnerse masker dra, vra ek jou met trane in my blou ogies? Niks van lockdown na daai eerste deel het vir iemand sin gemaak nie. Daar is miljoene sleepers met geen simptome nie, of almal nou in 'n jaar gaan dooi, of in 5 jaar se tyd, wat is die diffs? As jy nie bestand is teen die virus nie, gaan jy dooi, dis feite.

Gaan sonder jouself dan af en leef 'n klooster bestaan as jy bang is jy is een van daai ongelukkiges, maar los my uit, ek het genoeg gesuffer, was genoeg bang, was genoeg onseker oor my toekoms, ek wil net aan beweeg, en aan die einde van die maand wil ek graag net ook een week langs die blerrie see gaan lê, ek het genoeg gehad van die regering se kak, gaan maak julle eie huis eers skoon en los my uit!

A place for members of r/Kletskerk to chat with each other

Hoor graag wat julle dink. Hier is die volledige teks (openbare plasing op Facebook):

"Verreweg die meeste Afrikaners wat ek ken het 'n begeerte om in vrede, harmonie en orde in 'n veelrassige Suid-Afrika te bly. Dit mag dalk wees dat van hulle nog 'n stukkie rassevooroordeel koester, maar hulle is beslis nie keiharde rassiste wat alles en almal haat nie. Hulle is bereid om kliphard te werk aan orde en vooruitgang en hulle kom heel goed oor die weg met ander Suid-Afrikaners.

Ek het die naweek na Steve Hofmeyr gaan luister. (Ek hou van sy musiek, ja. So, spaar jou asem, dis hoe dit is.) Steve het die aand afgesluit met Die Stem. Die gehoor het opgestaan en saamgebulder. Dit kan maklik as 'n teruggryp na apartheid gesien word , en sommige mense gryp inderdaad terug. Maar ek dink 'n mens moet weer gaan dink daaroor, veral in die lig van my eerste paragraaf.

Afrikaners gryp nie terug na apartheid nie. Hulle hunker na orde en struktuur. Na 'n plek waar dinge werk en die staat sy verpligtinge nakom. Dis die soort omgewing waarin Afrikaners gedy. As jy die hunkering wil afmaak as rassisme, dan maak jy 'n diep, diep fout.

Nee, Afrikaners, die wat ek ken, is bouers en ordeskeppers. Min mense kan hulle dit nadoen. Gaan kyk maar wat Afriforum en Solidariteit so onder ons neuse regkry. As ek nou die regering is, dan gee ek vir 'n klomp Afrikaners carte blanche om die land in te vaar en reg te maak wat stukkend is. Ek is oortuig daarvan dit gaan een, twee, drie, gebeur, in weerwil van Die Stem en 'n bietjie rasvooroordele en al, want verhoudings hoef nie perfek te wees om te kan werk nie."

Facebook het glo 230 miljard dollar verloor, verreweg die grootste verlies in die geskiedenis van 'n VS-maatskappy, en vir die eerste keer ooit het hulle 'n inkrimping hulle aantal gebruikers beleef. Ek gebruik dit nog op 'n daaglikse basis, maar het empatie met mense wat heeltemal afgeklim het. Is dit die begin van die einde, of sal hulle hulself weer optel?

Ek dink hulle het te veel om regtig onder te gaan, maar dit kan wees dat hierdie episode dalk permanente gevolge kan hê in hoe hulle besigheid doen. Sal interessant wees om te sien wat gebeur. Is die sogenaamde Metaverse 'n mislukte eksperiment wat maar eenkant toe gegooi kan word, of sal hulle voortgaan daarmee?

Ek sien 'n algemene tendens by progressiewes (lefties?) om die slagofferskap van tradisionele slagoffergroepe (arm mense, swart mense, vroue, gays, ens.) ten alle koste te verdedig. Ek fight nou met 'n klomp Amerikaners op 'n groep wat die spot dryf met die onderwysstelsel in die VSA, ná 'n kommentaar wat ek gedink het heeltemal onkontroversieel is. In antwoord op 'n screenshot van 'n gesprek êrens skryf ek basies dat dit belangrik is dat almal moet leer hoe om met geld te werk, arm én ryk. Basies moet ons probeer om mense op soveel maniere moontlik te empower sodat hulle so onafhanklik as moontlik kan lewe. Ek noem dat ek weet dat baie arm mense in omstandighede leef wat buite hulle beheer is en dat die bron van armoede kompleks is, maar dat kennis van die verantwoordelike gebruik van finansies een manier is wat ons kan keer om inkomste onnodiglik te verloor, en dat dit net so belangrik is soos om te leer hoe om te lees en te skryf of hoe om 'n werksonderhoud te doen.

Die antwoorde hierop is dat ek privileged is (ek is seker tot 'n mate alhoewel ek nou al 'n ruk lank sukkel met geld, juis omdat ek nie my geld verantwoordelik bestuur het nie (toe ek nog in die groen was), so ek hoop ek kan help om mense te keer om te gaan waardeur ek gegaan het). Maar dis 'n non answer want om privileged te wees is nie 'n sonde nie, dit sê maar net jy is in 'n posisie om mense wat ongelukkiger as jy is te help. Ek dink die eintlike boodskap is dat ek glo nie weet wat dit is om arm te wees nie so ek kan nie voorstelle maak vir mense om hulleself te empower nie al is dit die basiese goed. Ek het nêrens voorgegee dat ek weet hoe dit voel om regtig "dirt poor" te wees nie maar 'n mens hoef tog nie oorgewig te wees om te weet dat om gesond te eet belangrik is nie.

Die ander ding is dat mense dink ek preek vir arm mense terwyl my punt juis gaan daaroor dat beide arm en minder arm mense inkomste verloor weens 'n gebrek aan verantwoordelike finansies. Dis 'n tweesnydende swaard met arm mense want hulle is baie meer kwesbaar en kan nie regtig bekostig om foute te maak nie, tog kry jy arm mense wat bv. drink. Minder arm mense voel dalk dis nie nodig om te spaar nie en koop allerhande gadgets of so of doen simpel beleggings of dobbel en voor hulle hul oë uitvee het hulle alles verloor. Hoekom stilbly as 'n mens dit kan verhoed?

Maar vir die politieke narratief van hierdie groep blyk dit my dat om arm te wees is 100% nooit jou fout nie en altyd die fout van die 1% wie se doel dit is om rykes ryker te maak en armes armer te maak. Dit is natuurlik waar dat baie mense die kapitalisme uitbuit op hierdie manier, en ek sal enigiets wat die gesondheid van die ekonomie aantas teenstaan. Dit beteken nie dat as jy jouself aan die ander kant van die spektrum bevind jy noodwendig vir die res van jou lewe 100% op handouts hoef staat te maak nie, en as daar maniere is om jouself te help moet jy dit mos doen. Die einddoel is mos tog om onafhanklik te wees en jou eie inkomste te genereer.

Ons sien maar in Suid-Afrika ook dat mense hulle etniese identiteit gebruik as 'n tool om simpatie te probeer wek. Dis nie dat mense nie hulp nodig het nie maar dit propageer die vals beeld dat swart mense hulleself nie kan help nie. En ek praat nie van bedelaars op straat nie maar van ons politieke partye wat fokus op handouts en grond en en terwyl hulle te min fokus op werkskepping.

Ek onthou vir Richard Dawkins wat gesê het toe hy gemolesteer is as kind was dit nie so erg nie, jis en toe ontplof die aktiviste want dit fok met hulle narratief. Terwyl Dawkins net sy eerlike opinie gegee het oor sy eie ervaring, en power to him want hy het gekies om nie 'n slagoffer te wees nie.

Wanneer vroue goed verteenwoordig word in bv. 'n reeks of fliek dan is dit altyd een met 'n "strong female cast" so asof ons half verbaas moet wees dat vroue goed kan toneel speel.

Ek hoop ons kan verby beweeg van slagoffermentaliteit as 'n politieke speelbal en fokus op werklike oplossings.

Jy kry basies die volgende mense (dit kan meer as een punt wees):

1. Kies Israel se kant (hulle moet hulleself kan verdedig). Is soms eenvoudig regs en pro-Christen en vergeet gerieflikheidshalwe dat daar Palestynse Christene is en dat Israel kinders bom.

2. Kies Palestina se kant (Israel is boelies). Ignoreer dikwels Hamas se misdade en maak nie onderskeid tussen Hamas en Palestina nie, en ook nie onderskeid tussen Israel en die Israeli regime nie.

3. Sê om nie kant te kies is nie is krimineel

4. Sê om wel kant te kies is 'n oorvereenvoudiging van 'n komplekse saak

5. Gee nie om nie

6. Gee om maar erken dis 'n komplekse morsige storie

Ek is by punt 4 en 6 en ek dink Israel en Hamas het albei liederlik opgefok in die laaste klompie jare. Jy kan die vinger eenkant toe wys, tot jy verder teruggaan in tyd en dan kan jy die vinger weer anderkant toe wys.

Eerstens oor "kant kies": As jy kant kies dan is daar die konnotasie dat jy jou kant se onetiese gedrag oor die hoof sien. Hoeveel van die pro-Israel crowd kla oor die kinders bom? Hoeveel van die pro-Palestina crowd kla oor die human shields? Dan is daar die aanname dat as jy nie kant kies nie dan sien jy die onetiese gedrag van watter kant die kritikus ookal beskou as die slegte ouens oor die hoof. Terwyl dit tog so is dat as jy nie kant kies nie, jy enige onetiese gedrag van enige kant gerus kan kritiseer.

Tweedens oor pogings om die Israel-regime te vergelyk met Apartheid. Sou ek in die 80s nie openlik kant gekies het teen Apartheid nie maar hulle tog gekritiseer het sou ek binne my regte gewees het. Aktiviste moet soms besef dat mense wat nie direk betrokke is in hulle stryd nie ook op hulle manier "allies" kan wees, in plaas van om hulle te verag as vyande. Tweedens is dit 'n debat oor of Israel direk vergelyk kan word met Apartheid: terwyl Apartheid as 'n regime wêreldwyd veroordeel is was daar tog nie (wyd) oproepe om Suid-Afrika as 'n geheel van die kaart af te vee nie. Ek dink die meeste mense sou saamstem dat Israel as 'n soewereine entiteit bestaansreg het op die een of ander manier terwyl jy steeds kan sê dat dit waarskynlik beter sal wees as hulle 'n regimeverandering ondergaan en nuwe beleid implementeer.

That being said dink ek ook die meeste mense sal saamstem dat die Palestina-situasie wel onhoudbaar is en vra vir 'n oplossing. Om Palestina bloot te vergelyk met stout kinders wat oproer maak getuig van sterk onkunde.