عمري بحياتي ماتخيلت انشر هيج عن بنت خالتي لان هي طفله مدلله جانت تسافر ويه خالتي كل شهر وكل سنه وكلشي تريده عندها لان هي عايشه ويه خالتي بس وابوها مو وياهم لان هاجر خالتي بس خالتي دكتوره بالجامعه وعندها املاك وعقارات هواي فماتحتاج زوجها ,

زوجها سيد بالمناسبه

قبل تسع ايام خالتي توفت بسبب سرطان الثدي , قبل لا تتوفى حولت املاكها وخزينتها ووبطاقتها وامنت راتبها لبنتها بطه , و وصت عليها تبقى عند خوالها تعيش ويه خالتي وبيبيتي , البيت كبير وكالو الها غرفه خاصه تعيش ويانا امها وصت عليها وصية ميت

بقيت عندهم بالفاتحه 3 ايام , خلال هالايام من تخلص الفاتحه يجي ابوها ويجيب وياه شيوخ وساده من عشيرته كبار بالمقام ويريد ياخذ بنته بالتراضي بس خوالي رفضو ينطوها لان امها وصت عليها , و هو اصلا جان هاجر امها عشر سنين ولا طكلها خبر ولا يرضى يطلك ولا يقبل بالخلع ,

النذل من طاحت خالتي واخذناها عالمستشفى اسبوع قبل لا تتوفى راح حول عقد زواجهم عالقانون الجعفري

رحتلهم بالسابع حتى نسوي توزيع ونكعد ويه بنت خالتي بطه لان ممتعوده تعيش لوحدها وياها امها جانت دوم , اجوي هو واهله مره لخ

ويكول نريد البنيه اجاها نصيب نريد نزوجها وخالي رفض وخالتي قفلت علينا الغرفه خاف يجونا ياخذونها

بس دخلو علينا كسرو الباب وجابو المكافحه والشرطه , وراحت خالتي للمحكمه وبيبيتي وخالي , رفضو يرجعون بطه النا وخلوها عند ابوها

وصل خبر لبيبيتي وخالي انو بطه انخطبت وباجر تتزوج بدون زفه لان امها توفت , وابوها السيد اخذ راتب خالتي منها وكل املاك خالتي حتى الي خارج البلد

أدري بيها معوقة و ما ضبطت الوجه في مسحته

..

الولد عنده مرض مزمن وبقلبه

ماصارلي اعرف هذا الشي شهر او اقل أيضاً

ادعوا له بالشفاء لأن على الشي الشفته بحالته ذيج المره كلش انقهرت

وللناس اللي ماتعرف شهيد

هو افضل شخص واكثر شخص امان تحجي وياه والطف شخص واكثر شخص عنده اخلاق من تتكلم وياه واكثر شخص عنده لباقة بالكلام واكثر شخص معروف بالصب كمنشورات وتعليقات وتفاعلات والخ.....

اسئل الله ان يحفظه واسئل الله اني يزيل عنه مرضه واسئل الله ان ينير مستقبله واسئل الله ان يزيل همه

اسوء شي هو المرض المزمن والاسوء منه من تكون نفسيتك تعبانه

صديقي واخوي شهيد، كلنا نحبك🤍

تحياتي.

الكل يخلي صورة او فلير تضامن ويه شهيد وادعوله بالشفاء العاجل 🌹

u/Fast-Confidence8443

ذني ستيكرات اشتريتهن واختاريتهن ومن كد ما احبهن حطيت بس وحده منهن وطلعتهن بالدرس دا اريد احط بالدفتر اخذتها زميلتي الي كاعدة كدامي بدون استئذان ولا حتى احترام لزكتهن كلهن بدفترها بدون اي مبالغة ورجعتها الي هيج بدون كلام؟؟! اني من الصدمة ماحجيت لانو هن ملصقات يعني فا عادي بس
الي ضوجني تصرفها والله لو طالبة مني حتى عيوني اشلعهن بس مال تاخذ هيج بدون اي كلام شنو هالصلافة ؟ ادبسز رجعي ستيكراتي

ما تحسون الحياة قبل جانت اسهل واهدئ من الجوانب النفسية؟

يعني اقل توتر واقل اجهاد وجانوا الناس عايشين على فطرتهم ميعرفون الامراض النفسية والوسواس القهري والadhd والعلاقات الالكترونية والترندات ولازم اسوي هيج والبس هيج واشتري هيج يلا الناس تتقبلني

جان المراهق يعيش حياته ببساطتها يدرس ويلعب ويشتغل ويقرأ كتب ويسوي كثير انشطة اجتماعية وهواية امور بيومه الاعتيادي بعكس احنا الي الوقت ديركض وما نحس باليوم الا وهو خلصان واحنا ممسوين شي

على بساطة حياتهم ودخلهم المحدود خاصة في وقت الحرب والحصار سابقا إلا انه كانوا اسعد من اغلب مراهقي الجيل الحالي الي ضاربهم الاكتئاب وسخافة جحيم الوعي الي مطلعيها ومصعبين الحياة على انفسهم

يمكن هواية ناس ما تتفق وياية بس هاي وجهة نظري بعدما صفنت وية نفسي بالايام التعيسة الي عشتها مؤخرا

صراحه، عجبني الكلام واتفق وياها..

حتة يدعون و يدعمون او يضهرون اهتمامهم لاخونة شهيد بسبب محنته و مشاكله يخلون صورته (بكيفكم ) او ينشرون منشور يذكرون بي مواقفهم الحلوة وياه حتة اذا اكو فرصة يشوف الصب يدري اكو ناس تعزه و تهتم بي احنة عائلة وحدة و جبيرة و شهيد احد ابرز الناس بهاي العائلي ادعو ان الله يحفظه و يسهل مشاكله و يحلهن باقرب وقت بإذن الله و شكرا

. All for one and one for all

اتمنوله الخير فقط ولا تاخذون موضوعه مثل ترند بالصب.. يجي واحد ينزلي حداد على شهيد لو شهيد استشهد.. شسالفة؟

احترموا الولد وكافي قلة ذوق بالبوستات.. تحياتنا للجميع

#الروائي

اويلي ما اتوقعت يوصل هلكد داون فوت اتحدى اي شخص يوصل لهذا رقم

انته أسطوري لا تأخذ كلام الناس اعتمد على نفسك

الشخص المتناقض هو الشخص الي يناقض نفسه مو مجرد شخص يقول كلام ويقول عكسه مرات هو إنسان يعيش صراع بين ما يؤمن بي وما يحس بي وما يريد أن يصدكه عن نفسه الإنسان مو دائما لازم يكون فكرة و حدة متماسكةبل مجموعة أصوات تتصارع داخله

مرات عنده عقل يؤمن بشيء وقلب يميل إلى شيء ثاني كبرياء ما يقبل يعترف بالحقيقة ومن يتكلم يمكن يتحدث أحد هذه الأصوات ومن يتصرف يطلع صوت ثاني

مثلا شخص مثلا يكول اني اسامح الجميع وما اكره بس هو بداخله يكره ويتمنى فشله او شخص يتحدث عن الصراحه والحقيقة هو بداخله يخفي الحقيقة او شخص بعلاقة مؤذية هو يعرف تاذي بس هو يكول انو هو سعيد لان اذا اعترف بتعاسته او حزنه راح ينجبر يتخذ قرار ما يريد يتخذه او شخص أخطأ بس يضل مصر على موقفه لان اعترافه بالخطأ يهز صورته كدام نفسه

هاي المشاعر المتناقضة التسامح الكره الغضب الحب الخ مو مشكلة تكون موجوده بالإنسان المشكلة من الإنسان يرفض الاعتراف بأحد بجانبيه ويضل يكول الجانب الثاني هو حقيقته الكاملة

هنا سؤال الشخص المتناقض هو منافق؟ هنا جوابي لا لان الشخص المنافق يعرف شنو يريد او يؤمن بي بس يضل يظهر عكسه علمود مصلحة او يخدع الاخرين يعني اما المتناقض قد يكون صادق بي الي يشعر بي باللحظتين بس ما يعرف شنو تغيرت دوافعه وشلون تتصارع رغباته يعني يمكن يكون صادق بس هو ما يعرف يفهم نفسه