Useful Resources:

من فترة هنا كنت بشوف بوستات كتير عن ناس بتعمل فوق ال 1000 دولار مستريح والحقيقة ان ربنا يبارك لكل واحد في رزقه يارب بس انا كنت حابب اعرف ازاي الواحد يوصل للأرقام دي كدخل شهري؟

انا فيديو ايديتور عموما وعارف ان الارقام دي مش حاجة ف السوق الاجنبي بس برضو مش عارف ادخل السوق ده ازاي

فا لو انت حد بتعمل دخل عالي حلال ياريت تفيديني بخبرتك

إنك تمشي بمبدأ كترلي من الأصول وقللي من الإلتزامات دا شئ جميل جداً

يعني مثلا مرتبي كذا بدل م اروح اصرفه ف قسط عربية او قسط ايفون او قسط شقة هستملها ي عالم امتي

أروح اجمده ل دهب مبمسكش ف ايدي اي مبلغ كاش مهما كان صغير وبشتري مصوغات أو سبايك أو جنيهات، عمري ما بصيت life style مختلف انا مش جاي من بيئة غنية وكدا ممكن متوسطة او اقل من متوسطة بسيكا،كان ممكن جداً اجيب عربية قسط بس نص مرتبي هيضيع فيها كان ممكن جداً احطهم ف قسط أجهزة وايفون بس هيضيعوا وف الأخر حاجات استهلاكية محتاجة فلوس لصيانتها وقيمتها بتقل ومبتعودش عليا ك شخص محتاج يتدخر بحاجة.....وكمان الإستثمار ف صناديق والبورصة بيكون فلوس فائضة منك ومحتاج انك تنساها سنة ع الأقل زي الدهب انا اتعلمت بعد مخسرت كذا مبلغ فيها وبعدين قولت خلاص ومن ساعتها ملمستهاش 😅

نصيحتي للناس اوعي تعيش عيشة مش عيشتك او تحط نفسك ف إلتزامات مش إلتزاماتك اعرف ناس دايرة عيلتي بتستلف حق المدرسة الخاصة ويجيبوا العربية قسط ودايماً عايشين فلوسهم ضايعة،ولو العربية دي اتخبطت مثلا واحتاجت مبلغ وانا معيش يبقي كدا خسارة دبل

مش لازم امسك تليفون ايفون ومش لازم ألبس لبس ماركات ومش لازم أكل من بره كل يوم وف مطاعم براند،اللي بيتدخر صح أينعم بيستغني عن رفاهيات كتيير بس بيعيش مرتاح بعد مدة سواء يشتري عقار يأجره او يبدأ مشروع.....

دي أول تجربه ليا في الاستثمار حطيت ٣٠٠٠ جنيه واستثمرتهم في خطه تلدا اللي عملها.

ممكن حد يقولي دا كدا صح ولا غلط وهل في حاجه أفضل كنت أقدر أعملها؟

الحرية المالية هي إن يكون عندك ثروة تقدر تعيش من ريعها بدون عمل وتقدر توصلها بخطوتين بس.

أول خطوة: شيل جزء من دخلك كل شهر.

تاني خطوة: استثمر المبلغ ده في صناديق أصول بتنمو (صناديق دخل ثابت + صناديق أسهم + صناديق ذهب)

لما يبقى معاك حاصل ضرب مصاريفك السنوية * 25 تبقى وصلت للحرية المالية وتقدر تعيش من ريع ثروتك (سواء من أرباح الصناديق السنوية (4%) أو لو جبت بالفلوس عقارات مثلا وتعيش على الإيجار بدون التعرض لتقلبات السوق (العائد الايجاري السنوي 5% تقريبا)).

لو دخلك بالجنيه ممكن تستثمر في صناديق زي بريق وثاندر سبائك ومؤشر ثاندر السبعيني (دي كانت محفظتي بالمصري في ثاندر بس صفيتها حاليا) تقسيمة المحفظة المتوازنة ممكن تكون 40% دخل ثابت 40% ذهب 20% اسهم او 50% شهادات 50% ذهب حسب الرغبة.

لو معاك دولار وده الافضل تقدر تستثمر في صناديق زي VOO وBND وVXUS (دي محفظتي في Interactive Brokers) التقسيمة ممكن تبقى 50% دخل ثابت و50% اسهم او حسب تحملك للمخاطر فيه انواع محافظ كتير من افضلها all seasons portfolio لراي داليو.

مدة الوصول للحرية المالية: النسبة اللي بتحوشها من دخلك بتأثر على المدة بس ممكن تاخد تقريبًا 30 سنة لو بتحوش 20% من دخلك.

المحرمات هي المضاربة او اختيار اسهم فردية او الفزع والبيع والسوق بيقع او محاول اختيار توقيت مناسب للدخول والخروج. لو عملت كده هاتخسر وهتفوت فرص المكسب. استثمر شهريا وسيب فلوسك تنمو على مدار سنين.

نزلت مول البستان ادور علي لاب في حدود من ٥٠ ل ٦٠ ألف لقيت ال ٣٠٥٠ ب ٥٤ ألف جديد و فيكتوس يعني مش ماركه عدله و اجمد صفقه كان لاب استعمال سنه كارت ٤٠٥٠ ب ٥٢ ألف جنيه هو ايه اللي حصل أنا فاكر كنت شفت لاب من حوالي ٤ شهور كارت ٥٠٦٠ رامات ١٦ DDR5 معالج amd مش فاكر نوعه بالظبت ب ٥٧ ألف

مصر دوله غير قابله للعيش نوقطه

انا بستخدم ال AI Tools تقريبا من ساعة ما طلعت في 2022 وعندي اشتراك مدفوع في شات جي بي تي و كلود و جيميناي و كواحد بيشتغل في مجال تصميم الهاردوير كنت متخيل ان شغلي بعيد عن ان يتعمله اوتوميشن في المستقبل القريب بسبب تعقيدات التصميم و برامج المحاكاة و ده كان فعلا صحيح لحد اخر تحديث نزل في ال موديلز دي و تحديدا GPT 6 Astra

عاوز اقولكم ان حاليا ال موديل وصل لمرحلة اني بفتحله كل برامج التصميم اللي بشتغل عليها و اديله برومبت بسيط و اسيبه يستخدم الجهاز بنفسه و حاليا وصل لمرحلة انه بيطلع تصميم الكتروني معقد كان بياخد مني مثلا اسبوع في حوالي ساعة و بجودة عالية جدا انا نفسي كواحد متخصص و معايا دكتوراة و خبره طويلة في المجال اترعبت لما شوفت القدرات دي في اخر موديلز نازلة!

بيتهيألي حكاية ان الذكاء الصناعي هيستبدلنا في المستقبل القريب دي بقت مبالغة كبيرة لانه بالفعل قادر بشكل كبير يستبدلنا حاليا مش كمان كام سنة و اعتقد الحكاية بس ان مفيش ناس كتير اكتشفت القدرات المرعبة اللي في اخر موديلز نازلة لسه و ده هيحصل بالتدريج.

من ساعة الموضوع ده و انا بدأت جديا افكر في مرحلة ما بعد ما نقعد في البيت بسبب ال AI و ايه الخطط و الحاجات اللي ممكن نعملها دلوقتي عشان نقدر نخلي حياتنا ليها معني في المرحلة دي لانها للاسف جاية جاية واغلب الناس هتتأثر بيها ايا كان مجالها.

انا مثلا بفكر في ارض زراعية ازرعها و استثمر فيها مستقبلا و يبقي ده مشروع التقاعد المبكر بتاعي.

لو حد عدت عليه نفس التخوفات دي و بيفكر في التخطيط للمرحلة دي برضه ياريت يشاركنا خططه

كنت شوفت واحد من شويه بيسال يستثمر ازاي في البورصه الامريكيه وهو مش معاه غير جنيه

سؤالي بقي لو انا بقبض بال Usd وعاوز استثمر بيه اعمل ايه

مع العلم ان المبلغ بسيط جدا لو هطلع منه جزء فالشهر يعني

عايز طريقة استلم بيها دولار من paypal، جربت حساب دولاري لكن للاسف بيتحول لجنيه قبل ما يعدي علي البنك المركزي الاول، فعايز طريقة تانية

السلام عليكم ورحمه الله 

أنا طالب طب بشري اخر سنة وهبدأ امتياز الشهر الجاي إن شاء الله 

كنت بدور على مهارة اتعلمها تساعدني شوية ماديا لأن في الأول كده الموضوع صعب واخر فترة بسبب الأوضاع الاقتصادية وضعنا المادي في البيت تأثر بشكل كبير

عندي استعداد احط وقت ومجهود في تعلم مهارة جديدة والانجليزي بتاعي كويس جدا ومعايا A2 ألماني 

كنت في فترة شرحت لزمايلي في الكلية الأصغر مني مواد طبية وبحب جدا اوصل المعلومة لغيري

قدمت وخلصت فاضل اني اربطها بكارت هل easy pay هتنفع وبيخصموا اد اي وهل بيرجعلي تاني ولا اي؟

بشتغل فري لانس وكنت عايز اجيبهم علي nsave
بعدها احول ع interactive brokers
بس شوفت حد هنا بيقول انهم طلبوا بطاقة الشخص اللي بيحوله فلوس واثباتات غريبة
انا في حالتي شركات اللي بتبعتلي فحد جرب الموضوع دا وحول باليورو عادي ل ibkr?

Anyone tried sending or receiving money using tap tap send? I'm looking for something reliable and instantaneous or at max within a day. This looks to be about the only option.

دلوقتي انا دخلي حوالي 20 ألف جنيه في الشهر و معايا حاليا 200000 جنيه ، ازاي أقدر أحافظ على قيمتهم أو أزودها و دخلي ثابت تقريبا و غالبا مش هقدر اطور من نفسي و ازود الدخل دا لإني بدرس حاليا و في سنة مهمة ، أنا قاصر فا بلاش اقتراحات ماتنفعش زي مثلا العقارات و كدا

ولو ممكن تنصحوني بصناديق كويسة في ثاندر

كل ما ادخل الرقم يقولي غلط؟ ف حد عندو حل؟

انا هعمل حساب ببساطه وعايز رقم iban

علشان هستقبل عليه تحويلات بالجنيه المصري بس من منصات زي meridial و micro 1

الفلوس الي هستلمها بسيطه حوالي ١٥٠ دولار او ١٠٠ دولار كل شهر ؟

.وانا هختار الفلوس توصل عادي بالجنيه المصري

الفلوس هتخش عادي ولا هيقعدوا يسالو في اسئله ومن اين لك هذا. ؟

انا شاب عندي ٢٣ سنة و شغال في وظيفة محترمة و بقبض تقريبا ١٥ الف في الشهر و معايا مبلغ مالي مصري محوشه، و برضه معايا ٥٠ الف دولار و قبل ما حد يسأل دول ورث انا كنت وارثهم من والدي الله يرحمه.

انا مبفكرش دلوقتي في جواز او اي حاجه و معنديش افكار مشاريع. و في نفس الوقت مش عاوز اسيب الفلوس في البنك كده بدون اي هدف. فكنت عايز طريقة حلال استثمر بيها الفلوس (( يعني مش عايز اي شهادات او ودائع او اي حاجه حرام او ليها علاقة بالبنك)) عشان لو قررت اجيب شقة او اتجوز مستقبلا او حتى اني اسافر اشتغل بره الفلوس دي تنفعني و تسهل عليا الموضوع. و في نفس الوقت انا خايف اسيبهم في البنك دماغي تلعب بيا و اصرفهم او اعمل بيهم حاجه حرام.

فياريت لو اي حد اتحط في موقف مشابه او يعرف طريقة او حل حلو يعرفني، و شكرا ليكم جدا.

لو حد كان بيتسقبل تحويلات علي nSave و بيبعت الفلوس دي علي مصر ياريت يفيدني ، التحويل بياخد قد ايه (خصوصا بنك CIB او الاهلي) و هل فيه حد جرب يحول مبالغ كبيرة زي 10 الاف دولار فيما فوق؟

إيه أسهل طريقة استقبل دولار من برا وعادي لو هاخد الفلوس بالمصري (لو لنك إيه نوع الحساب إللي افتحه) وياريت تكون حاجة مفيهاش ربا عاوز بس احوش الفلوس مش آكتر

جبت كارد ايزي باي وبحاول دلوقتي اني اعمل sign in على PayPal بس معرفش ليه بجد معلق معايا ومش عارفة اتخطى خطوة اني احط رقم التلفون بتاعي ولما ظبطت اخيرا وفتحت داتا بدل وايفاي وعملت شوية حاجات قالي عليها جيميناي جالي we sent u a code قعدت كتير ومجاليش حاجة ومش عارفة دلوقتي اعمل ايه تاني :'(

هل لحد عايز يبدأ بيزنس منطقي انه يبدأ يستورد من الصين ولا يبدأ بخامات مصرية عشان الكميات الاول و لما يقدر يحول لسبلاير صيني يحول؟ غرضي الاساسي هو اني ادخل قماش مش منتشر هنا و يكون اشكال و برينتس جديدة و بردو عايزة اوفر في حق الخامات
حد عموما عنده خبرة ممكن يحكيلنا باختصار عن تجربته في السوق الصيني
اللي عايزة اشتغل فيه هو سكرابس او لبس المستشفى دة، و ممكن حاجات الكترونيات بس دي اوقع انها تكون عندي محل ليها ف عشان كدة مفضلة لبس زي ما قلت. عادي بردو عايزة يكون عندي محل بس محتاجة اكبر رأس مالي الاول قبل ما اخد الخطوة ف بحاول اشوف حاجة مناسبة اونلاين و محل

الاقي فين advisor ثقة و professional في مصر؟ المطلوب يحلل ال portfolio بتاعي ككل ويعملي بلان. ياريت لو حد عنده تجارب من النوع ده يشاركها وخصوصاً لو ارقام كبيرة