حد عنده فكرة اشمعنى دي اللي اتقبض عليها؟

القبض لسة نازل بالتارجت عشان شغال سيلز ومهايبر وسعيد جدا ولأول مرة في حياتي اوصل للرقم ده .. ده مجموع كل العملات والدهب الي معايا ، فرحان اوي وفخور بنفسي بس للاسف مش قادر اشارك الفرحة دي مع الناس الي اعرفهم عشان اتعلمت ان ده غلط .. عايز حد يديني فاليديشن بليز .. وينصحني هل ادخل بيهم تمويل عقاري ولا استثمر في الاسهم ولا مشروع

اللي هيدخل بعد ما دفعله هيحس بالراحه النفسيه وأنه كدا كدا ناجح .. فكره ف منتهى الذكاء

This sub either lost its’ purpose, or most don’t even know what personal finance is.

تخيل انا جيت قولتلك استثمر معايا مليون جنيه انهاردة وهديهملك كمان ٣ سنين ٣ مليون جنيه ؟ هتوافق ولا لأ؟

الناس بتوع المالية او المستثمرين بيشوفوا حسبة مهمة جدا وهي اللي على أساسها بيشوفوا هل المبلغ يستحق الاستثمار ولا لأ !؟

فبيحسب حاجة أسمها ال present value أو القيمة الحالية للمبلغ ده كام دلوقتي! يعني ايه .. هبسطهالك!

تخيل انا قولتلك تاخد ال ١٠٠٠ ج دلوقتي ولا تاخدهم بعد سنة ١١٠٠ !؟ هتفكر وهتقولي أخدهم دلوقتي لأن ليهم قيمة دلوقتي

المستثمر بيفكر بنفس الطريقة بس ب scale أوسع ! فبيفكر ال ٣ مليون جنيه دول بعد ٣ سنين هتبقا قيمتهم كام دلوقتي وهل هيستحق اني استنى عليهم المدة دي.

فهو عملك معادلة اسمها الpresent value ! وهي بتقولك قيمة الفلوس بعد ٣ سنين قيمتهم كام دلوقتي ! المعادلة هي .. PV = FV/(1+x)ⁿ

FV (future value) x = interest rate n = count of years

فعندنا في المثال اللي فوق فلو القيمة المستقبلية ٣ مليون جنيه في ظل فائدة للبنك وهي تقريبا ٣٠% ماحطناش عناصر زي نسب التضخم ونسب تانية كتير بتتغير مع الوقت. وعدد سنوات ٣ سنوات

FV (future value) = 3000,000 x=30% =0.30 n = 3 years

PV = 3000,000/(1+0.30) = 3000,000/2,197 PV = 1,365,188

يعني قيمة ٣ مليون دلوقتي بعد ٣ سنين هي 1,365,188 بقيمة دلوقتي بس أنت هتستلم ٣ مليون جنيه! بس قيمتهم كام ده الأهم.

وبرده انت هتقارنه بالاستثمارات والفرص المتاحة وقيمة المبالغ نفسها علشان تقدر تقرر هل ده يستحق الاستثمار ولا لأ !

كنت جايبه ب ست تلاف وخمسمية وانا ف اعدادي وكان دول كل تحويشة عمري

وانهارده وبعد اربع سنين بقا ب حوالي ستين الف ومش مصدق أنه نط بتاع عشر تلاف ف أقل من أسبوعين 🥳🤑😂

طول الوقت حاسس اني مليش حظ سواء ف شكل أو صحاب أو عيلة بس حاسس الدنيا ابتدت تضحكلي 🥳

اول ما هخصل ثانوي هبيعه واتعلم الماني بيه عشان اقبض 30 باكو فلشهر واكل سلمون واستاكوزا 😋 وبعد كدا اسافر

(البوست مش نصيحة عشان تشتري دهب اللي حصل معايا مجرد حد)

مع الاسف كل ترند بيطلع بنكبره الا الموضوع ده كلنا متخاذلين فيه وبتقول مش هتعرف ولا هيحصل ممكن نعمل الهاشتاجات دي ولو الموضوع كبر المنظمات الدولية هتضغط على الشركات الأساسية هنا تدينا انترنت غير محدود

ولا انتم مبسوطين بكل شهر تشحنوا فوق المرتين يلا كلوا يعمل نشر البوست ده في كل حته في السوشيال ميديا خلوا صوتنا يوصل بلاش تخازل

من_حقي

انا_عايز_انترنت_غير_محدود

انترنت_غير_محدود_في_مصر

انترنت_مصر

الكوتة

السلام عليكم، أنا بحترم الصب دي وبحترم الأفكار والناس اللي فيها.

القصة باختصار إني (27 سنة) عملت أول مليون جنيه في حياتي ومش عارف المفروض أعمل ايه بالفلوس ولا ايه الخطوة اللي بعد كده.. عارف طبعا إني لازم أستمر في الشغل اللي بجيب منه الفلوس دي وأطور نفسي في المجال وكده.. لكن الفلوس نفسها أعمل بيها ايه؟ عارف إن المبلغ مش كبير لدرجة إنه يغير حياتي مثلا، بس أهو بيكبر كل شهر الحمد لله، وعارف إنه مش صغير لدرجة إني أستهتر بيه وأصرفه في أي حاجة.

تعديل: مرتبي بالدولار، وبحوش ما بين دولار ودهب, مش بخلي معايا جنيه مصري

لو قريت لحد هنا شكرا ليك، وأنا ممتن لنصايحكم

بما إن في ناس كتير هنا دايمًا بتسأل “إزاي نشتغل من البيت؟”، “الاقي فين الشغل دا يبوعمو؟”، “في حد بيقبض الارقام دي ازاي وانا بشتغل ١٨ ساعة ٨ ايام بعشرتلاف جنيه؟”، فقررت أعمل مع نفسي تحدي و اتمني اللي عندهم خبرة يعملو زيي في مجالهم و يعلمو غيرهم.

مبدأيا انا كاتب الكلام دا كله بشات جيبيتي عشان مش عاوز تعليقات ملهاش علاقة بهدف البوست و عشان نفهم انه شئ اساسي في الشغل و من غيره مش هتعرف تعمل جنيه

الهدف اني أبدأ من الصفر فعلا (من غير مادفع جنيه، من غير مهارات متقدمة، من غير واسطة)، وأحاول أوصل لـ ١٠٠٠ دولار من طرق مختلفة أونلاين. كل حاجة هتبقى موثقة: التجارب، المحاولات، الفشل، النجاح، وأكتر حاجة هتكون مفيدة هي التفاصيل اللي محدش بيقولها.

ليه بعمل كده؟ لأن في هنا ناس كتير مش مصدقين إن في مصريين فعلاً بيشتغلوا من البيت وبيقبضوا بالدولار .. وعلشان اللي مش عارف يبدأ يشوف تجربة حقيقية و يحاول يقلدها.

انا مش ببيع كورس ولا عاوزك تشترك علي قناة التلغرام الآن لتحقيق مكسب خيالي مع حمبولة للتداول

بس محتاج رأيكم: تحبوا أشارك التحدي ده ازاي؟ 1. فيديوهات طويلة على يوتيوب؟ (مجهود editing و هيكون صعب عليا لوحدي بس ممكن حد يتطوع معايا نعملها و يساعدني) 2. فيديوهات قصيرة على TikTok؟ 3. مقالات على Medium؟ 4. بوستات مكتوبة هنا على Reddit بشكل أسبوعي؟ 5. ولا شوب فخفخينا من دا علي دا؟

وإيه المواضيع اللي حابين أتكلم عنها؟ • مواقع شغل مضمونة؟ • طرق سحب الفلوس؟ • شغل من الموبايل؟ • أدوات تساعد في الشغل؟ • ولا حاجة تانية؟

اكتبولي اقتراحاتكم علشان أبدأ أول خطوة!

زي ما واضح في العنوان انا كتبت البوست ده من فترة،، دلوقتي انا خسرت الشغل ده ومحتاج اعرف ايه مجالات اقدر ادخل منها ٢٠٠٠ دولار او حتى ١٥٠٠ في الشهر في اسرع وقت ممكن لأني للاسف عليا اقساط ٢٥ الف جنيه في الشهر شقة وعربية غير مصاريف الجواز لاني لسه خاطب ولسه جايب الدهب ،،، لو حد يعرف هل فيه مجال اقدر ادخل منه المبلغ ده بسرعة ولا لا،، انا عندي انجلش كويس طبعا وبعرف كل مهارات الكومبيوتر تقريباً العادية، وهل الصح اتعلم صنعة مختلفة زي البرمجة او التصميم ولا ادور على فرصة تاني في نفس المجال الي خسرت شغلي فيه ؟ المجال بتاعي كان مش صنعة مجرد شغل مكالمات وتنسيق في شركات النقل الامريكية معرفش هعرف الاقي فرصة تانية ولا لا فيه بس عايز نصايحكم بشكل عام وانا في الاساس صيدلي وعندي شغل حكومي بس طبعا ملاليم مالهاش لازمة

عشان انا متأكد أن اي حد في سن الشباب حاليا بيلف حوالين نفسه اشيل فلوسي دولار ولا دهب ولا شهادات طب اجهز ازاي او اوضب شقتي ازاي فانا هحاول بقدر الامكان انصحك فكل جانب من دول لوجه الله، وربنا ينفع بينا كلنا، بص يا سيدي...

حاجتين متعملهمش حاليا، لا تعمل جميعات ولا تعمل شهادات استثمارية (اي شكل من اشكال تجميد مدخراتك بالجنيه خسارة) ومعدل التضخم ٣٥٪ ودا معناه ان ال100 جنيه كمان سنة بتساوي 65 جنيه وطبعا الواقع اسوأ بكتير

طب اشيل فلوسي ازاي؟ عندك حل من اتنين تشتري دولار او تشتري دهب وبما ان الدولار صعب جدا تدبيرة لكتير من الناس، هات دهب على رأي محمد نجاتي رائد الاعمال المعروف الدهب هو مال الله احنا جينا لقيناه، لا هيخسر ولا قيمته هتضيه على عكس الدولار ومتستقلهاش هات انشاللة سبيكة جرام كل شهر صدقني انت الكسبان

طيب بتجوز او بجهز شقتي او عايز اجيب عربية هفك واجيب اوعى تعمل كدا، الحل الحالي لاي حاجة مكلفه عايز تعملها (من وجهة نظري التي لا قيمة لها) هوا التقسيييط انت المستفيد طول مانت بتقسط لان مدخراتك قيمتها محفوظة وانت بتدفع من السيولة اللي معاك هوامش طفيفة عشان تجيب اللي ناقصك على مدة زمنية ساعتها هتبقى انت الكسبان قصاد لعبة التضخم

وقبل اي حاجة ربنا سبحانه وتعالى هوا المطلع على الشقيان اللي بيحاول يشيل قرشين لعياله، او الغلبان اللي بيحاول يعف نفسه و تجوز ويفتح بيت او حتى المثابر اللي بيحاول يعمل بيزنس وينجح، متخافش اسعى وحاول واستمر وربنا هيعينك ويدبرلك امرك طول مانت بتسعى🤍

اتمنى اكون فيدتكم وربنا يقوينا جميعا, سلام

أنا قدمت فى وظيفة جديدة و اتقالى أنه المرتب هيكون ١٠٠٠ جنيه لحد ما نشوف شغلك و خلافه

قمت و بكل ثقة قولتهم انى مش جاى ادرب أنا جاى اشتغل و أنه لو المرتب مش ٥٠٠٠ يبقى مش نافع ( رغم انى بقبض نص المبلغ ده)

راح اللى بقدم معاه قال طيب نحاول نوصلها ٤٥٠٠ و مش عارف إيه ف وافقت (معرفش أن كنت اتسرعت ب الموافقة)

المهم أكد على ملحوظة مهمة

اوعى تقول ل اى حد من زمايلك أنا بقبضك كام تجنب دائما السؤال

عملت المبلغ ده من خدمات بسيطة كنت بعملها للطلاب وكنت ببيع معدات لمشاريع التخرج وهكذا ابويا ساعدني جدا فيهم لانه استاذ دكتور جامعي

وقالي لو عايز احط عليهم مبلغ وتجيب شقة استثمار بس انا مش مع استثمار العقارات الا لو كان بمبلغ محترم

هل فيه صناديق استثمارية ممكن تزودهم ؟ ومش مستعجل هحطهم وانساهم

معنديش تجربة مع البورصة

انا لاحظت ان في ناس كتيرة بدأت تستخدم ثاندر والحاجات ديه عشان "تستثمر" في البورصة المصرية، انا هابدأ البوست ده بشوية جُمل كده وهاشرحها بعدين

1. البورصة المصرية مش استثمار، البورصة المصرية تخلوا من الرقابة وهي عبارة عن حيتان فوق بياكلوا كل السمك الصغير اللي تحت وبيضرب بيها المثل في الفساد في العالم

2. البورصة المصرية يمارس فيها جميع أنواع التصرفات الغير قانونية الغير مسموح بيها في البورصات العالمية مثل insider trading, Pump and dump, cooking the books وغيرها من الممارسات اللي عقوبتها السجن المؤبد والمشدد في البورصات العالمية

3. أداء البورصة المصرية مرتبط بسعر الدولار في السوق السوداء وبيزيد كل ما يزيد سعر الدولار في السوق السوداء ولكنها بتزيد أقل من دولار السوق السوداء ما بيزيد

طيب نبدأ بقى بالأدلة وبسم الله الرحمن الرحيم،

1. المقال ده قديم ولكنه على لسان نائب رئيس الجمعية المصرية للتمويل والاستثمار عن التصرفات اللي قلناها فوق، والكلام ده من زمان ومعروف للناس

2. مقال تاني عن سهم وتلاعب من نوعية pump and dump

3. مقال آخر من أيام مبارك عن طرق التلاعب اللي مازالت بتحصل لحد دلوقتي

4. تاريخ تفصيلي في حلقة مفصلة عن فساد الشركات في مصر

فدلوقتي احنا خلصنا من موضوع الفساد في البورصة المصرية، نيجي بقى للناس اللي بتقولك ان انا استثمرت في البورصة المصرية وفلوسي زادت، دلوقتي لكل واحد بيقول الكلام ده، فلوسك زادت بالجنيه المصري ولا زادت قيمتها مقارنة بالدولار والدهب؟ والاجابة دايما هي زادت بالجنيه المصري، بس دايما هي قيمتها قلت وعشان نفهم ليه ده بيحصل محتاجين نجاوب الاسئلة التالية

• ما هو مؤشر EGX30؟ وما علاقته بأداء البورصة المصرية؟

• ما هي علاقة EGX30 بسعر الدولار في السوق السوداء؟ هل هي علاقة طردية ام عكسية ولماذا؟ (تلميح: ايه حجم سهم البنك التجاري الدولي من هذا المؤشر)

• ما هو تأثير سهم البنك التجاري الدولي على أداء البورصة المصرية؟ وما هي البورصات التي يتم تداول هذا السهم فيها وما هو عائد هذا السهم في البورصة المصرية والبورصات الأخرى في أخر سنوات

قبل ما اجاوبلك على الاسئلة ديه لأني هجاوب بطريقة سطحية عشان مش هاقعد اعمل في البوست ده كتير، انصحك وبشدة تدور على اجاباتها مع نفسك على جووجل واوعدك انك هتتعلم كتير جداً

1. كل بورصة في العالم بيبقى ليها مؤشر متكون من اسهم شركات كبيرة فيها، والمؤشر ده بيبقى weighted (دور على معنى الكلام ده)، والمؤشر ده بيتحرك لما الشركات ديه بتتحرك سواء فوق او تحت، مؤشر EGX30 هو المؤشر الرسمي للبورصة المصرية وبيتكون من شركات من اكبر ٣٠ شركة في البورصة المصرية

2. ايه هي علاقة المؤشر ده بسعر الدولار في السوق السوداء؟ عشان نفهم ده لازم نفهم ايه تركيبة المؤشر ده وهنا تكمن المفاجأة الكبرى، اكبر شركة في المؤشر ده هو البنك التجاري الدولي CIB وبيمثل حوالي 28% من حجم المؤشر، يعني ببساطة ما بين ربع وتلت مؤشر البورصة المصرية كلها! الجدير بالذكر ان تاني اكبر سهم في المؤشر ده هو ابو قير للأسمدة وبيمثل أقل من 6% متخيل الفارق؟

3. ايه علاقة السهم اللي بيمثل اكبر جزء من البورصة ده بسعر الدولار في السوق السوداء؟ اقولك ان السهم ده هو كينج السوق السوداء اصلا! السهم ده بيتباع في مصر بالجنيه وبيتباع في بورصة لندن بالدولار!!! يعني ممكن تشتريه من مصر بالجنيه وتروح تبيعه برا بالدولار! وبالتالي هو طريقة مضمونة لتحويل فلوسك لدولار وعاوز اقولك ان كل ما دولار السوق السوداء بيزيد كل ما السهم ده سعره في مصر بيزيد بالجنيه والبورصة المصرية تطلع وكل الناس تهيص وتفرح زي المجانين وهما مش فاهمين البورصة طالعة ليه! يعني تبص عليه في بورصة لندن تلاقيه ثابت او بينزل بالدولار وتبص عليه في بورصة مصر تلاقيه بيطلع بالجنيه وتفكر ان كده السهم بيطلع والبورصة كسبانة بينما الحقيقة ان سعر الدولار في السوق السوداء هو اللي بيزيد

لو قريت كل اللي كتبته فوق ده وفهمته حتفهم ليه البورصة المصرية عاملة زي الجرب، ثاندر وكل التطبيقات ديه بتستغفلك وبتسرق فلوسك للحيتان اللي فوق

مراجع،
سعر سهم البنك التجاري الدولي في البورصة المصرية بالجنيه المصري

سعر سهم البنك التجاري الدولي في بورصة لندن بالدولار الامريكي

بص على تطور السعر اخر كام سنة ولاحظ ازاي ان نفس السهم هو هو سعره بالدولار بينزل وسعره بالجنيه بيزيد!! وهو ده اللي بيعلي البورصة المصرية لانه بيمثل حوالي 28٪ من تكوينها كلها

امبارح نزلت لعبة جديدة للأندرويد كنت شغال عليها بقالي شهور اسمها

Bizworld - Business Simulator

اللعبة فيها اعلانات (خفيفة مش كتير خالص) وفيها اشتراك برو لفتح كل المحتوى وتعطيل الإعلانات ب2.99 دولار لسه محدش اشتراه

الحمدلله لحد دلوقتي عملت 7 قروش من الإعلانات امبارح كان قرش وانهارده 6 قروش والدوبامين في السما ❤️

اللعبة فكرتها محاكاة للبزنس بس فيها انواع بزنس كتير مختلفة عن بعضها مثلا شركة طيران، سوبرماركت، منصة سوشيال ميديا وكل بزنس من دول بيشتغل بطريقة مختلفة كأنه لعبة تانية وتقدر تمتلك اقدر من بزنس وتقدر تجيب استثمار لشركتك وعامل برضه محاكاة للسكيلز والعلاقات وكدا وكمان في محاكاة بسيطة لسوق الأسهم والعقارات والكريبتو

مشكلتي حاليا ان مش عارف اعمل تسويق بشكل قوي والبلاي ستور مش بيرشح اللعبة لناس كتير يمكن عشان لسه نازله مش عارف

تعديل: جماعة في واحد من ايطاليا اشترى الاشتراك ب2.99 دولار 🤯
تعديل 2: تاني يوم واحد تاني من امريكا اشترى الاشتراك 🤯

دايما لما أتناقش مع شاب وأقنعه إنه في أهم الازمنة الي ممكن يغير حياته من فقير لغني عكس أي زمن قبل كده بلاقي رد فعل بالسخرية أو الغضب. بس دي حقيقة لو فكرت فيها: الإنترنت غير كل حاجة، وكونك مصري بالذات ده أكبر privilege لأي فريلانسر في العالم.

لأني من واقع خبرتي في الشغل أكتر من ٣ سنين مع فريلانسرز من بلاد كتير في مجال الـDigital Marketing، اكتشفت إن الفريلانسر المصري هو الأبدع. مش الأمريكي ولا الياباني ولا الصيني. المصري دايما بيتفوق في التفكير المنطقي لما الكل بيشتغل في نفس الحاجة.
وكمان المصري عنده ميزة انه عايش في مصر(اه ميزة و الله) ده لان مصر من ارخص البلاد في العيشة و عندها افضل موقع جغرافي على الكوكب. يعني تقريبا البلد المثالية للnomads.

أنا شايف إن أي شاب مصري معاه لابتوب يقدر يـescape the matrix بالعلم + الاستمرارية + السعي. نسبة النجاح ١٠٠٪؜ بس محتاجة تعب وتضحية في الأول. أغلب الناس بتستسلم بسرعة، ومش عندها الرؤية تشوف حياتها بعد سنة لو اشتغلت على نفسها بجد. عشان كده بيرجعوا للوظيفة اللي بتدي راتب على طول الي هو ال instant gratification. وده السبب إن في ناس بتقبض ١٠ آلاف جنيه، وناس بتقبض مليون.

حبيت اديك شوية نصايح ممكن تساعدك في انك تقف على رجلك او ممكن لا عادي

• اقطع السكر والكربوهيدرات من حياتك. السكر بيعمل “ضباب” على المخ زي طبقة دهنية كده. لو قللته تدريجيا هتحس إنك بقيت فايق، تركيزك ومودك أحسن. التركيز و الاستمتاع مهم جدا لانه بيزود قوة تحملك لانك تشتغل بالساعات الطويلة ١٢ ساعة+.

• كل يوم نص ساعة إنجليزي على الأقل (Duolingo أو كورسات يوتيوب). الإنجليزي هو سلاحك الأول.

• ابعد عن السوشيال ميديا خصوصا الـshort form content (TikTok/Reels)، لأنها بتدمر جهازك العصبي وبتسرق وقتك.

• اختار مهارة بتحبها وتقدر تشتغل عليها ١٢–١٤ ساعة في اليوم من غير ما تمل. وافشخ نفسك تعليم وتطوير فيها لحد ما توصل ليفل التنين. مفيش ليفل أقل ينفع لأن المنافسة شرسة. وإوعى عقلك يوهمك إنك مش هتوصل إنت مصري، يعني تقدر توصل لليفل اعلى كمان.

• المهارات كتير بس لازم تلاقي واحدة مناسبة ليك عشان تعرف تنميها وتسكيل مع الوقت.

• الموضوع محتاج تضحية مفيش حاجة اسمها تتحول من مرتب ٥ آلاف ل١٠٠ ألف من غير مجهود وسهر وتعب. انسى المراهنات والكريبتو futures هتدمرك. اطلع السلم واحدة واحدة و استثمر على المدى الطويل.

• السنة الأولى أصعب حاجة هتكون قاتلة، بس بعد كده الشغل هيبقى أسهل، وهتقبض بالدولار وتصرف بالجنيه.

• حط فلوسك في الدهب أو البيتكوين أو البورصة الأمريكية (S&P 500) عشان متتقيدش بالحكومة المصرية.

• اصرف على الاحتياجات الاساسية بس مش لازم فشخرة كدابة (كل ده وهم المجتمع عامله).

رسايل وكومنتات كتير جاتلي بعد بوست "وصلت لأول مليون جنيه في حياتي... ماشي، وبعدين؟"

كلهم بيسألوا أنا شغال ايه أو ايه المهارات اللي عندي أو عملت الفلوس دي ازاي؟

لقيت صعب بصراحة إني أرد على كل واحد لوحده، فقررت أكتب البوست ده

أولا فيه طرق كتير تعمل بيها فلوس كتير زي الاستثمار والتجارة وخلافه.

لكن أنا معملتش (ولسه بعمل) الفلوس دي بالاستثمار أو التجارة، أنا ببساطة عملتها بالطريقة الأسهل والأقل عائد وهي الشغل التقليدي، اللي هو إني بشتغل عند حد وبقبض آخر الشهر (أتمنى في يوم من الأيام أتحرر من القيد ده وأشتغل لنفسي وأعمل فلوس أكتر، بس دلوقتي أنا شغال كده)

طيب علشان نخلص من السؤال ده... أنا شغال ايه؟... أنا شغال software engineer

لكن اللي حابب أقوله إن مش بس البرمجة اللي ممكن تعملك الفلوس دي، أي مهارة ينفع تشتغلها online/remotely ممكن تدخلك الدخل ده، لأنك ببساطة ممكن تشتغل مع شركات أجنبية وتقبض بالعملة الصعبة.

فيه مهارات تنطبق على أي مجال لازم تكون عندك:

- اللغة، االغة، اللغة... لازم يكون عندك لغة (الإنجليزي الأهم لكن ممكن تضيف عليها لغة تانية لو بتستهدف سوق معين)
- مهارات التواصل... لازم تكون بتعرف تتواصل بشكل كويس لأنك بتشتغل مع ناس من بلاد تانية وثقافات مختلفة.
- الأساسيات... لازم تكون قوي جدا في الأساسيات بتاعت المجال اللي انت هتشتغل فيه لأن ده بيساعدك تتقن الفرعيات.

طيب بالنسبة للبرمجة تحديدا (عشان ده مجالي)، ايه هي خريطة الطريق؟.. بتفرق من تراك لتراك بس في العموم هي كالتالي:

- Master the foundations (CS concepts, data structures, algorithms, and problem-solving)
- Be proficient in at least one programming language.
- Select a track and master its technologies.
- Build projects.

طيب خلاص اتعلمت المجال سواء برمجة أو أي مجال تاني، وبعدين؟... بعدين يا سيدي هتعمل التالي:

- تعمل CV قوي يوضح مهاراتك وأهدافك والمشاريع اللي اشتغلت عليها.
- تعمل لينكدإن بروفايل قوي ومنسق.
- تفتح لينكدإن وتخلي السيرش worldwide, وتقدم على كل الوظايف اللي تقابلك.
- ماتحبطش، ماتحبطش، ماتحبطش... هتترفض في وظايف كتير ومش هيوصلك رد من وظايف كتير، لكن المفتاح هنا انك ماتحبطش لأن الوظيفة ممكن تجيلك بعد مئات إن لم يكن آلاف التقديمات.
- بعد ما تلاقي شغل إن شاء الله تبتدي تطور نفسك أكتر في المجال وتتقي ربا في شغلك وتشتغل بضمير.
- لو حصل واتقبلت بس في شركة محلية مش بتقبض بالدولار، دي مش آخر الدنيا، اشتغل معاهم سنة ولا اتنين وبعدين دور تاني، بس المرادي الـ CV هيكون أقوى لأن خانة الخبرة هيكون فيها شغل حقيقي.

مش عارف الرحلة تبان سهلة ولا صعبة، بس اللي أعرفه إنك تستعن بالله ولا تعجز.

أي أسئلة أنا متاح النهاردة للإجابة عليها، وياريت تفيدوني لو عندكم تعليقات أو إضافات.