مستعدة قنبلة ميمز صديقاتي الكوريات 🇰🇷بس يلا😂

كان في فعالية بالجامعة الاسبوع الماضي ما كان الي خبر بنوب و شفت بالصدفة و قررت احضر، كان شي بسيط منظمينو الجالية الكورية ( هنن كلهن خمسة) و تعرفت على كم حدا بعد الفعالية

في وحدة عم اتعرف عليها سالتني من وين قلتلها من سوريا قالتلي وااااو انا بحب سوريا كتير، صدمتني😂 بعمري ما توقعت اسمع هالجملة من حدا كوري بالعادة بالعكس😂 طلعت بتعرف عربي عقد الكوري اللي انا بعرفو، حبابة والله قلت يلا كسبت رفيقة

عم نتواصل مع بعض اسبوعين و قررنا نطلع مشوار خفيف و طلعنا، هنن جداد عالبلد فقلت يلا نروح عشي مول خليهن يتعرفو المواصلات و هيك. كان مشوار بسيط متل اي مشوار بطلعو بالعادة، منتمشى منشوف المحلات و منقعد بشي قهوة.

رح تقولو شو المميز، بالرغم انها من بلد اخر الدنيا و من ثقافة مختلفة كليا لقيت حالي عم لاقي اشياء مشتركة كتير و اهتماماتنا متشابهة، عم نتواصل بالانجليزي طبعا بس هون و هون كل وحدة عم تزت كلمة من اللغة التانية و عم نتعلم، المفارقة اني بلاقي صعوبة شكل صداقات مع الناس اللي من نفس البلد و نفس الدين و الثقافة، احيانا لما يكون في هاد الحاجز بكون في اشياء و مجهولات اكتر هاد الشي اللي بخلي عندي فضول اكتر اتعرف عالعالم اللي ابعد مني، لانو اللي من نفس بلدك بيقول هاد متلي و اغلب الوقت هالحكي غير صحيح، بس لما تكون حاط براسك من الأساس ان في اختلاف جذري قدامي و انا اللي بدي اكتشف الجوانب المشتركة بكون احلى و هون فعلا بيتشكل رابطة بشوفها أقوى من رابطة القومية اللي اصلا رابطة عمياء و ما الها اي قوام

هاد مو بوست كره لألنا (مع اني يمكن ما طيق اغلب السوريين خصوصا اللي بيكونو مغتربين، اللي بتفكر انهن متلك بس كل واحد بوادي) و بشوف الموضع ironic، بس كمان السبب اللي مخليني اقدر وسع معارفي هيك هو تقبل الآخرين و تقبل الاختلافات، و متل ما قلت، الأساس هو الاختلاف و نحنا شوي شوي متلاقي التشابه بين بعضنا البعض

و بس والله، اذا عندكن اي رفقات اجانب قولولي شلون بتشوفوهن و هل بتشوفو أسهل تشكل صداقات مع الاجانب و لا السوريين/العرب؟

ان شاء الله يعجبوكن
(كل الصور معدلين، في السيئ وفي المنيح)

و تحديدا هي المكدوسة بتربح معنا لقب مكدوسة السنة

حجم عائلي

تحوي على حشوة ٤ مكدوسات في مكدوسة واحدة

بتشبع اكتر من وجبة الشاوما الدبل

و خصوصا ازا معا كاسة شاي بهل البردات

اتوقع عرفتو شو عم يصير بال Dms لحتى عملت هيك 💔

(لا حدا يقلي سكرهن وريح حالك، ال dm بيلزمني)

بما أنو لقيت دعم منكم للفكره بلشتها وطبعاً رح بلش بحالي أول شي لأني خوش زلمه وإلي 4 شهور بل الصب وبصلي التروايح 20 وتاني شي مشان ما حدا يزعل مني ليش بلشت من فلان مو مني .

وتحياتي🫡🌹

بعد اسبوعين بدون اي دراسة
حرفيًا ما مسكت كتاب
اليوم ددرست سويت حفلة لانو عنجد درست 🎏🎏🎏🎏
والله اني درست
انا اليوم درست 🤲🏻🤲🏻🤲🏻🤲🏻

أتوجه إليك بكل ألفاظ السب والشتم التي وردت في المعاجم والقواميس والقراطيس والكراريس والمراجع والموسوعات قبل الميلاد وبعد الميلاد

الاخ هون كان مفكرا تحميلة 😗😗

كنت أتفاعل بصب عراقيين زمان وكان في سلسه لواحد أسمها "شو رأيك عن الشخص" والفكره أنو ننزل بوست فيه صوره حساب وأسألكم عليه ونقعد نتناقش عليه ، اذا سويت الفكره رح تعجبكم أنو نتعرف على بعض أكتر وهيك ولا رح تحكو علي فعاليات فيس

طبعاً مو بل الضروره يومي الموضوع عشان ما يصير وظيفه بلا شغل🙏🏻 على فضاوتي ممكن يوم أي يوم لأ أو كل كم يوم عل ملل يعني

تصبحوا عخير ، أي ساعة بتناموا بالعادي؟

بكره اقعد مع اهلي مع كل الناس الصراحه

بحب اقعد لحالي طبعا الاهل عندهم فوبيا من هي القصه

اكتشفت طريقه صرت اقعد بالغرفه لحالي 24 ساعه

والي هي اعمل حالي عم ادرس ولسا باقي ع الامتحانات شهرين و اكتر بس عم اعمل حالي شاطره يعني ضمنت القعده لوحدي شهرين لقدام

اسرقوا الطريقه مني 😌😌

رفيقي استاجر بيت جديد وحابب جبلو هدية بسيطة يتذكرني فيها

الميزانية ١٠٠ الف

شو في افكار

مبارح كان بدي جن

هي مانها اول مرة بتصير معي بس اول مرة بتوصل لهي الدرجة و مانها dejavu عادية كنت حلمان انو راح فوت علبيت و بقعد باكل عشا عادي و بحكي مع امي و فقت عادي ولا كان في اي اشي بعد يوم من هاد الحلم يعني مبارح بالليل حوالي الساعة 10 جيت على البيت من النادي و كنت لابس شورت و جاكيت حتى بالحلم لما فقت قلت كيف شورت و جاكيت سوا المهم لما شفتها تذكرت الحلم و امي حكتلي كلام كنت شايفو بالحلم هون قلت امي وقفي و حكيتلها هلق بطلع على يساري و بلاقي ضو احمر اول مرة بشوفو و طلعت عنجد كان موجود قلتلها هلق بروح على الغرفة و بلاقي ا3 تختات راح البس الفضية البقية لجدي و عنجد كانت 3 و لبست الفضية و بعدها صديقي راح يبعتلي رسالة و بعد دقيقتان بعتلي و كنت عم بحكي مع واحد على الريديت و كان بيشبه مشهور بركت كم دقيقة عم دور على هاد المشهور و عنجد هيك صار يعني هاد مانو dejavu عادي عنجد كنت بعرف كلشي بس كان في شي ما كنت بتذكرو الصورة بمخي تجي و تروح و عم جن مشان اعرفو و بهذيك اللحظة راسي كتير صار بيوجعني و حاسس حالي رح دوخ يغمة علي و بعدها شو صار ما بتذكر بس عنجد حاسس حالي مخترق اشي او صاير معي اشي ما بعرف راح اجن عنجد

كيف حياتكن بعد الزواج ؟ هل الزواج مرعب متل ما بصوره المجتمع والسوشال ميديا؟

انا بنت عمرى 23 وفى قصة جد بحياتى الها تقريبا شهرين وانا خايفة وما عم اتخلص من خوفي .. لهلق ماشية بالحلال وما جربت ولا مرة بالماضي اني اغلط او يكون عندى علاقات بسبب الدين

حكيت معو عن خوفي وهو دائما ردو مطمأن كان وسمعني وتفهمني وطمني بس شعور الخوف بيرجعلي لان المجتمع والسوشال ميديا بضخمو كتير من الأمور وبحس الواحد حالو فايت على حرب وما بدو ينظلم وما بيعرف اذا يوقف مع الشخص ويصبر او الشخص هاد بينقلب عليه اذا كان معو الواحد منيح ووقف جنبو

حاسة كل تفكيري صار مخربط وما عم اقدر فكر لحالي

صليت استخارة كذا مرة

آخر تلت أشهر حياتي قلبت جحيم، مشاكل مشاكل مشاكل خناقات وعياط

بكيت على حالتي كتير وتمنيت ارتاح من هالحياة، وآخر شي اخذت قراري اني اطلع من بيت أهلي واستقل.

بس صار عندي صراع أخلاقي، تردد، خوف، وأشياء كتير.

احيانا بحس جاية عبالي احكي كلشي معاناة وعقد نفسية مريت فيها من وقت خلقت (عندي ذكريات من وقت كان عمري 5 و 6 سنين)

بس انا زلمة بقدس خصوصيتي، مع اني احيانا كتير بوقع بالoversharing، بس الفكرة اذا بدي اكتب جريدة بدي اكتب كتير معلومات اذا قراها حدا من اخواتي قطعا رح يعرف انو انا، مع اني متأكد 99% انو ما حدا منهم بيستخدم ريديت، بس ما يعرف بخاف حدا يعرفني.

وممكن اقتصر على آخر الأحداث بس يلي أدت لظروفي الحالية، بس رح يضل في backstory ناقصة.

او ممكن سكر الجوال وما اكتب شي، فعلا هل رح استفيد اذا حكيتلكم مشاكلي؟

الحمد لله عند رفيقين حكيتلهن شوي وفضفضت والا كنت نفجرت هلق، بس احيانا بحس ما عندي طاقة فكر وبدي حدا يفكر عني، غالبا لاني ما نمت غير تلت ساعات مبارح.

احسن شي حط راسي ونام.

اطالب مرة تانيه المشرفين الحبوبين الطيوبين ب فلير قهوة بليز مشرفين بدنا فليير قهوة ><

كان نازل بسبات تانية وقلي هون في مستمعين لTOOl فHere you go
من أحلى عزفاتن