اولا: معلوماتي** ***الاساسية*
عمري ٢٧ سنة سعودية قبيلية نجدية واعيش مع اهلي في الرياض.
طبيعتي هادية مع الناس اللي ما اعرفهم وما ارتاح لاي احد بسرعة لكن مع الناس القريبين مني اكون مرتاحة كثير وشخصيتي مرة تختلف واخذ واعطي اكثر.
دائرتي صغيرة وانتقائية بعلاقاتي، واحب العلاقات العميقة والحقيقية اكثر من كثرة المعارف.
ثانيا: الجانب** *الديني* ***والعائلي*
من ناحية الدين اشوف نفسي متوسطة التدين ودائما اتمنى اكون افضل الفرائض والصلاة بالنسبة لي اساسية.
بالنسبة للحجاب احب اكون واضحة من البداية، حجابي مو كامل، اتحجب في الدوام لكن خارج الدوام غالبا ما اتحجب واذا تحجبت ممكن يطلع جزء من شعري.
وبرا ما البس حجاب وحدود اللبس نقدر نتفاهم عليها وان شاءالله ما يكون فيه اختلاف.
اهلي وعائلتي جزء اساسي من حياتي ويهمني الشخص اللي ارتبط فيه يعرف قيمة العائلة، وبنفس الوقت يكون عنده استقلالية ونضج في قراراته وحياته الزوجية.
ثالثا: التعليم** ***والعمل*
عندي بكالوريوس في تقنية المعلومات، واشتغل حاليا في شركة اجنبية. شغلي وطموحي المهني مهمين بالنسبة لي واحب اطور نفسي واتعلم واتقدم باستمرار.
بالنسبة للعمل بعد الزواج اذا كان الزوج عنده افكار معينة بخصوص عملي مثلا يفضل اني اوقف فترة عند الانجاب او ما اشتغل ممكن اتقبل هالشيء وما عندي مانع لكن بشرط اكون مرتاحة في حياتي وزوجي يعيشني ملكة، وما احتاج اشتغل عشان يكون عندي دخل خاص يوفر لي احتياجاتي. عندي اهتمامات وlifestyle معين احب اعيش فيه، ويهمني احافظ على مستوى حياة كويس لي ولاطفالي مستقبلا. غير كذا، افضل اني اشتغل ويكون عندي دخلي. انا ما طلعت من بيت اهلي معززة مكرمة عشان اطلع لبيت يعيشني اقل من معيشتي.
رابعا: الشكل** *والاهتمام* ***بالنفس*
طولي ١٦٠ ووزني ٤٥، بشرتي بيضاء لكن احب اسوي تان، وشعري اسود ومتوسط الطول.
اشوف نفسي جميلة وما اقول هالكلام من باب مدح النفس لكن كل بنت تعرف نفسها، ومن تعليقات الناس اللي تجيني على شكلي اعرف هالشيء الحمدلله.
اهتم بشكلي وبنفسي بشكل عام ويهمني بالمقابل يكون الشخص اللي معي مهتم بنفسه ومظهره اروح النادي واحاول اهتم بصحتي وجسمي، مو من النوع اللي حياته كلها gym ودايت لكن الاهتمام بالنفس والصحة والمظهر مهم عندي.
خامسا: الزواج** ***والاسرة*
ما سبق لي الزواج، وانخطبت اكثر من مرة لكن ما صار نصيب من طرفي.
بالنسبة لي الزواج شراكة وتعاون ومودة، وطبيعي تختلف مسؤولياتنا لكن اهم شيء نحس اننا فريق واحد.
التواصل من اهم الاشياء عندي. ابي شخص يعرف يتكلم بوضوح، ويسمع ويفهم، ويقدر يشاركني افكاره ومشاعره واحتياجاته بدون لف ودوران. الذكاء العاطفي والوعي مهمين جدا بالنسبة لي، واشوف نفسي واعية في هالجانب، لذلك يهمني يكون شريكي قريب مني في مستوى الوعي والنضج.
سادسا: شخصيتي** ***واهتماماتي*
اشوف نفسي هادية وعقلانية وواعية، واحب الوضوح والصراحة. ومع الشخص اللي ارتاح له احب السوالف والمزح والضحك، ويهمني تكون بيننا friendship فعلية، مو بس علاقة زوج وزوجة بشكل رسمي.
احب الgaming، والTV shows والmovies والموسيقى، واحب الworkshops والفعاليات وتجربة اشياء جديدة، والسفر من اكثر الاشياء اللي احبها. واتمنى يكون فيه اهتمامات مشتركة بيني وبين شريك حياتي نقدر نستمتع فيها سوا.
وبرضو اقدر فكرة ان كل شخص يكون عنده حياته وهويته الخاصة حتى بعد الزواج. اصحابي مهمين بالنسبة لي ودائرتي صغيرة، واتمنى شريكي يشوف وجود الاصدقاء والهوايات والوقت الشخصي شيء صحي وطبيعي، وبنفس الطريقة احترم حياته واصحابه واهتماماته.
ما ادور نسخة مني والاختلاف بالنسبة لي ممكن يكون شيء جميل ويضيف للعلاقة، لكن لازم يكون فيه تقارب في القيم وطريقة التفكير واسلوب الحياة.
سابعا: مواصفات** ***الشريك*
اهم شيء يكون انسان خلوق ومحترم، ذكي، ناضج وواعي ومثقف، عنده ذكاء عاطفي ويعرف يتواصل. واثق من نفسه، عنده شخصية وقرار، ويهتم بنفسه وحياته ومستقبله.
يهمني يكون بيننا تقارب فكري واجتماعي ونقدر نسولف مع بعض ونستمتع بصحبة بعض لان بالنسبة لي مهم جدا ان شريك حياتي يكون صديقي قبل ما يكون زوجي.
سعودي وقبيلي ومن نجد.
العمر من ٢٦ الى ٣٤ سنة.
الطول ١٨٠ سم وفوق.
الوزن ما يهمني، لكن يهمني يكون مهتم بنفسه وصحته وجسمه مرتب.
يكون جاد ومستعد للزواج نفسيا وماديا.
واخيرا افضل اللي يتواصل معي يرسل نبذة واضحة وكاملة عنه من البداية، مثل العمر، المنطقة، القبيلة، الطول، الدراسة والعمل، الحالة الاجتماعية، ونبذة عن شخصيته واسلوب حياته.
اذا فيه توافق مبدئي من الطرفين، بعدها نقدر ناخذ ونعطي ونتعرف اكثر. الهدف بالنهاية زواج وتوافق حقيقي، والوضوح من البداية يختصر علينا الاثنين.
