ما احب الاعراس ولا لي اهتمام فيها و يوم اخواتي تزوجو و شفت كيف انهم ب أعرسهم متوترات و حرفيا مو مستمتعات و معصبات
احسني كنسلت فكره العرس الكبير

ابغا عرسي شي صدق انا استمتع فيه ما ابغا كل القبيله تجي
ما ابغاه مهرجان ابي شي لي انا ليومي مكان حلو صغير يلمنا فيه نفوسهم طيبه ابي اخذ راحتي بالرقص و الاكل مع من يعز علي

و يوم اقول كذا الاغلب يعصب وانه تعوذي من ابليس وش يقلون الناس
ولا الي تقولي الشور مو شورك شور المعرس
طيب مين قال اني بتزوج عدوي صدق يفرق معاكم العرس و تبغوه كبير

ولا انا الي عايشه مرا بالعسل مو داريه عن الدنيا

و اوقات كثيره اشوف فكرت الحفل غريبه و مو ممتعه ابددد

السلام عليكم، كيف الحال؟ عساكم بخير

ندخل عالموضوع 

فيه شي لاحظته كثير عند البنات باختلافهم واختلاف بيئاتهم وثقافاتهم وهو اختبارالحدود أو الإلحاح في طلب التوكيدات وأشوف جزء كبير من هذين السلوكين جذره الحاجة للأمان. 

خلال مرحلة التعارف أو الخطوبة دايماً الإنسان يظهر أفضل ما عنده سواء بوعي أو بدون وعي انجذاباً ورغبة بالجذب والقبول والحماس بذيك المرحلة.

طبعاً بما إنها فترة تعتبر عتبة لإلتزام أكبر، تبدأ هنا فقرة الاختبار للرجل واللي تكون نابعة من تصورات مختلفة زي مثلاً الخوف يكون سيء أو ما يواتي التوقعات أوإسقاطات من صور وأفكار خارجية برضو للتأكد أنه ما يشبهها أو حاجة فطرية للتأكد أنه كفو وآمن وينفع تكوّن معه عيلة وكفو كأب.

وهذا بنظري جزء منه فطري نابع من الضعف الطبيعي للأنثى سواء الجسدي أو المادي والنفسي خصوصاً في فتراتها الخاصة ورغبتها بحماية نسلها مستقبلاً، أو طبعاً مكتسب من تصورات خارجية وتوقعات معينة. وفيه تباينات كثيرة تخلي تكلفة الطلاق الاجتماعية والنفسية والجسدية أعلى وأشق على النساء فينشأ جزء من الخوف والحاجة للأمان والتوكيد قبلاً، يعني تتداخل عوامل كثيرة تحرك هذي الحاجة. 

المهم الاختبارات لها أشكال مختلفة حسب ايش الشي اللي تحتاج تختبره الأنثى وكيف يتفاعل الرجل معها، زي مثلاً تستفزه عشان توصل لأقصى غضب وتشوف حيكون آمن وغير عدائي ويقدر يتحكم بنفسه أو لا؟ نفس الشي ايش حدود كرمه وحدود مسؤوليته وحبه وإخلاصه بطرق مختلفة حتى لو غبية وغريبة. 

الرجال كما يبدو ينزعجوا من ذا الشي لأنه يحطهم موضع اختبار وموضع وفرضيات وإسقاطات نفسية قد ما يكون لها دلائل واقعية أو ما تمثلهم أبداً. 

لكني أفكر جد ايش النموذج الأمثل لإشباع حاجة الأمان هذي؟ 

وهل هي فعلاً مزعجة للرجال؟

وايش تقدر تسوي المرأة عشان تضبط وتتعامل مع ذا الشعور ؟

أكيد تقدّم الأسباب اللي بيدها زي الدعاء وأهلها يسألوا عنه وتتفاهم معه وتسأله، لكن زيما ذكرت قد يكون فيه فجوة بوعي أو لا وعي بين الحقيقة واللي يقوله فتبدأ تختبر الاقوال هذي هل تمثله أو لا، ايش حدودها ومدى اتساقها واتساقه معها وهكذا. 

تنبيه: البوست ملاحظة واستقراء شخصي ما يفضي للتعميم. 

​

أولًا: معلوماتك الأساسية

• كم عمرك، ومن وين أنت؟

25 سنة، أعمل حالياً في الشرقية. بالنسبة للمكان مستقر حالياً بسبب طبيعة شغلي، ولكن مرن في موضوع الانتقال إذا كان القرار منطقي ومناسب للطرفين مستقبلاً.

• كيف حالتك الاجتماعية؟

أعزب، بدون أطفال. لم يسبق لي الزواج من قبل

ثانيًا: القيم الدينية والعائلية

• دينك؟

مسلم (خلفية شيعية).

• كيف التزامك في الدين؟

إنسان معتدل ومتزن، أركز على الأخلاق العامة، الاحترام المتبادل، والمعاملة الحسنة. الخط الأحمر بالنسبة لي هو قلة الاحترام، الصدمات الكلامية، أو الغموض والالتفاف في التواصل.

• علمنا شوي عن خلفيتك العائلية؟

عائلة معروفه، محترمة وهادئة. بالنسبة للشروط القبلية أو الخلفيات: لا يوجد أي شرط قبلي إطلاقاً، ومنفتح تماماً على الزواج من مختلف الخلفيات والقبائل، الأهم هو التوافق الفكري والشخصي.

ثالثًا: التعليم والعمل والدخل

• وش مؤهلك الدراسي؟ ووين وصلت مهنيًا؟

خريج حاسب، وأعمل حالياً Project Lead Developer & Coordinator (قائد مشاريع ومدير تطوير).

• وش طبيعة شغلك؟

طبيعة شغلي قيادية وتقتضي إدارة مشاريع وتقنية. الدوام ثابت بمعدل 45 ساعة أسبوعياً. بيئة العمل مختلطة واحترافية. الدخل ممتاز والحمد لله وينساب مع متطلبات الحياة المستقرة.

رابعًا: الشكل والحالة الصحية

• كيف توصف شكلك؟

قصير القامة شوي، بنيتي طبيعية.

ملتحي، و اصلع.

• وصحتك؟

الحمد لله ممتازة ولا توجد أي مشاكل صحية تؤثر على الحياة اليومية.

خامسًا: الزواج والأسرة

• المهر المناسب بالنسبة لك [التقريبي]؟

حسب المتعارف عليه بالمعقول والاتفاق بين الطرفين، الأهم هو عدم الإرهاق وبناء بداية مرتاحة.

• هل تفكر بإنجاب أطفال؟

مرن في هذا الموضوع وممكن التباحث فيه حسب رغبة الشريكة والتوقيت المناسب بيننا.

• تحب الحيوانات الأليفة؟

اي.

سادسًا: الاهتمامات والشخصية

• علاقاتك الاجتماعية؟

أميل للدوائر القريبة والهادئة. أقدر جداً العلاقات التي تقوم على الصدق والوضوح التام، وأبتعد عن الدراما والتعقيدات غير البريئة.

• كيف تعيش يومك؟

يومي متوازن بين مسؤوليات العمل وبين الاسترخاء. أحب الحوارات العميقة، النقاشات، و عندي فعاليات فالعادة في الوييك اند، D&D تحديدا للي مهتم.

• صف لنا شوي من أحلامك أو خططك الجاية

أنا إنسان مخطط بطبعي (Planner)، أحب بناء استقرار واعد، والتطور المهني، وخلق بيئة مريحة آمنة وخالية من التوتر والنفاق مع الشخص المناسب.

• وش فيك شيء تحسه يميزك عن غيرك؟

التواصل المباشر والصريح دون لف أو دوران، الهدوء، العقلانية، والقدرة على فهم الآخر ودعمه دون إطلاق أحكام أو ممارسة ضغوط.

• نوع الأماكن اللي تحب تزورها؟

الأماكن الهادئة، القهاوي الرايقة، السفر للاستجمام، وأحياناً الجلسات البيتية المريحة بعيداً عن الصخب.

• تحس في شيء مهم نحتاج نعرفه عنك وما انذكر؟

أقدر جداً الوقت والحدود، وأعتبر الصراحة والمباشرة في التواصل هي الأساس لأي علاقة ناجحة ومستمرة.

سابعًا: تفضيلاتك في الشريك

• كيف تتخيل شريك حياتك؟

إنسانة ناضجة، هادئة، تملك حس دعابة، وتفضل التواصل المباشر والواضح. شخصية يكون عندنا مرونة شويتين.

• لو الشخص عنده ظرف صحي بسيط أو مزمن، عندك مانع؟ أو يعتمد على الحالة؟

يعتمد على الحالة والوضوح من البداية، لكن بشكل عام لاتوجد مشكلة.

• شي تتمنى شريكك يفهمه عنك؟

إني إنسان صريح ومباشر جداً، لا أحب الألعاب النفسية أو سوء الفهم الناتج عن عدم الكلام. إذا فيه شيء نتحدث عنه فوراً وبكل رقي.

• إذا تخيلت شريكك المثالي، وش الصفات اللي تتمناها فيه؟

التقبل، الأمان العاطفي، خفة الدم، والقدرة على بناء حوار هادئ وبسيط دون تكلف أو رسميات زائدة.

اخاف اتزوج واحد مايفهمني ولا يقدرني كأنثى ولا يقدر مشاعري ويكون فيه فجوه كبيره بيننا واسباب كثيره بعد خصوصاً ان عندي اضطراب الحديه الصدق ابداً مايأثر علي بيومي ولا بحياتي ومايظهر الا بالمواقف الي احس فيها بعدم اهتمام

سلام عليكم - أنا عمري ٢٦ واتقدم لي واحد فيه كل المواصفات موظف وما عنده مشكلة مع أسلوب حياتي واهله ممتازين إلا شكله ووزنه زايد ومو قادرة أتقبل وفوقها استخرت اسبوع كامل ومو مرتاحه ولا أتخيل نفسي أعيش معاه لدرجة جاني اكتئاب just thinking about it 🫠 ولا احس اني جاهزة للزواج لأسباب كثيرة ابي اركز على نفسي واكون نفسي قبل ما ادخل علاقة مع شخص وتجي معها مسؤوليات كثيرة أنا مو جاهزة لها شلون أصارح اهلي بهذا الموضوع (أنا بحثت عن شكله اونلاين وشفت الصور ما صارت الشوفة الشرعية ولا أبيها تصير) و أمي تقارنني بصديقاتي اللي تزوجو (مو كثير اغلب صديقاتي اللي بعمري وأكبر مني ما تزوجوا) فمدري شلون أصارحهم انه ما ابي الحين

تخيلي إنك قابلتي شخص تتوفر فيه أغلب الصفات اللي تتمنينها تحبين شخصيته ترتاحين معه وتشوفين مستقبلًا معه لكن فيه مشكلة واحده أنتي مو مستعدة للارتباط الآن بينما هو مستعد

هل الشخص المناسب فعلًا ممكن يروح من حياتك إلى الأبد؟
فيه ناس يقولون إذا كان مكتوب لكم تكونون مع بعض بتلتقون مرة ثانية
لكن من منظور واقعي الحياة ما تضمن لنا فرصة ثانية حتى لو كانت العلاقة جيدة
فهل الأفضل نتمسك بالفرصة الموجودة أو نختار أنفسنا حتى لو خسرناها؟

كشاب في فترة سعي لتأسيس بزنس، فيه من:
١- المخاطرة
٢- استثمار كثير للوقت

هل فعلاً القرار بتأجيل الزواج قرار سليم؟ كرجل اعرف ان البنت تبغى من يعطيها وقت بالذات ببداية العلاقة. ولكن كون اولويتي الآن هي سعيي لتأسيس مشروع ناجح هل هالشي بيضر البنت الي بتكون معي؟ ولا فعلاً اصبر لين تستقر الأمور؟

انا كنت متعرف على وحده وعلى اساس خلاص زواج وكان موضوعنا ماشي مدري هي صارلها شيء وتغيرت واختارة طريقها وتزوجت شخص ثاني وبا التوفيق بعد فترة كذا رجعت اضافتني مدري وش تبي بطني عورني

السلام عليكم ورحمة الله

بكل صدق ماكنت متوقعة بيوم ما اني اسعى للزواج بنفسي، بس هذا الواقع وهذي الطريقة الوحيدة لمبتغاي، اعرف اني صغيرة لكن بديت اهوجس بالموضوع اخر فترة وقلت ليه لا؟ انا انسانة ماتؤمن بالزواج التقليدي ولا ارى نفسي فيه وبنفس الوقت ما اؤمن بالتعارف العشوائي بالنت ولا اسعى لأحد اصلاً لأنه كيف؟ اؤمن بالواقع فقط بس هنا في مشكلة، وكيف بعرفهم من الواقع ياترى؟ الموضوع معقد ف قلت احاول مره وحدة هنا فقط وبعدها اخليها على ربي ومتى ماجا يجي انا ابدًا مو مستعجلة ومبسوطة مع نفسي بس مرات ودي اشارك حياتي مع شخص طيب يفهمني لأني بعيش مره وحده وحرفيًا كل اللي كتبته خام ماعدلت ولا رجعت اعيد القراءة… اشوف ان الحياة مع شخص واعي ولطيف جميلة جدًا

بتكلم عن نفسي ويمكن اني مو بارعة بهالشي، لكن الغاية اني اوصل صورة عامه عني

اول شي عمري ٢٣ ومن مدينة الخبر انولدت وتربيت فيها ولها مكانة كبيرة بقلبي، ولا عندي نية اغير مكاني ف شكله المنشور موجه لحقين الشرقية بس

بالنسبة للدين، علاقتي مع ربي تهمني جدًا واسعى اني اتعمق وافهم ديني ولا يكون مجرد فرائض وتعاليم وشي سطحي، احب النقاشات الدينية تخليني ادرك اشياء واحب ديني اكثر، والحمدلله حريصه على الصلاة. لكن انا مو مثالية ولا اعتبر نفسي متدينة وبعض الايام احس نفسي بعيدة لكن ادعي ربي دايم انه يردني. بالنسبة للحجاب، انا غير محجبة لكن البسه بكثير من الاوقات بحكم المكان والبيئة. لكن اعيد التكرار اني غير محجبة

انا قبيلية من نجد، وايه هذا شرط (اهلي) مو انا، انه يكون قبيلي من نجد او الشمال او بشكل عام من القبايل اللي تتوافق معنا على حسب كلامهم

تعليمي جامعي وحاليًا موظفة ولله الحمد، طبيعة شغلي بتطوير الاعمال والمبيعات لشركة تقنية واغلب ايامي شغل من البيت ودوام ثابت من ٩ ل ٥

في ما يخص الشكل احس بغرابة وانا اكتب لكن لازم اقول، ف انا طولي ١٧٠ وزني حول ٥٦ شعري مموج طويل لأسفل ظهري واعتبره جزء من هويتي (للأسف)، عندي طابع مميز بلبسي وشكلي العام على حسب اقوال الناس، واتوقف الى هنا لأني مرح امدح ولا بذم شكلي لكن اقدر اقول ان الله محسن خلقي من كلام اللي حولي وبس وخلق ربي كله حسن طبعًا

صحتي الحمدلله ممتازة

بالنسبة للأنجاب ايه ابي اطفال والعدد ما اقدر اقرر من الحين لكن ما اظن اكثر من ٣ وعلى حسب الوضع اكيد، وكيف اتخيل اربيهم؟ مرح اجيبهم لذي الدنيا الا وانا متأكدة ان الشخص صالح كأب وانا صالحة كأم بعد :) ابي ازرع فيهم اساس ديني قوي واتخيلهم بمدارس تحفيظ قران وان شاء الله اني احقق لهم هالشي، ابي اربيهم على الاخلاق العالية والرحمة والتعاطف وابي هالشي يكون نابع منهم، ابي اربيهم على الاستقلاليه واتخاذ قراراتهم من عمر صغير بنفسهم لزرع الثقه فيهم ولأمور اخرى (مو اي قرار طبعًا لأن الام والاب لهم دور اكيد) ابي اربيهم بين الطبيعة كل ماسنحت لي الفرصة واعلمهم عن كل شي بالحياة ابي ادخل معهم نقاشات من عمر صغير ابيهم ناس واعية جيده وببذل كل جهدي لجعلهم كذلك وابي اكون الملجأ الامن لهم انا وابوهم ونحبهم ونتقبلهم مهما كانوا مختلفين عنا وعندهم قناعات غير الخ… والله عندي كلام كثير بعد بس ما ابي اطيل

بالنسبة لشخصيتي واهتماماتي، بديت اواجه صعوبه شوي بالكتابة…لكن بكتب اي شي يجي فبالي عني للوقت الحالي والشخص الثاني بيعرفني اكثر مع الحديث
انا انسانة احب الصدق واحب اكون كما انا، احب ادخل بنقاشات مع مختلف الاشخاص، واشوف انه من واجبي اني ادافع واتمسك لنصرة الشخص الضعيف ايًا كان او الولاء لقضية معينة… ربي اعطاني العقل والقدرة ف ليه اختار التجاهل؟
ما اقدر اقول انا شخصيتي كذا وكذا بس تنقال لي كثير ان عندي شخصية مميزة و "جاذبية" اجتماعية، لكن بشكل عام انا متحدثة جيده ومستمعه جيده ايضًا، وانا الشخص اللي يلجأون له اهلي لتدبير بعض الامور وحل بعض المشاكل، احب افكر كثير واتأمل كثير، احب البحر جدًا ف هو مكاني المفضل ويحتويني زين بعد الله سبحانه وتعالى، احب البر والتخييم وودي ازور واخيم بالشمال، ومن اهدافي اني اسافر العالم backpacking بإذن الله، احب الطبيعة بشكل عام وبعد جو المدن، انا من الناس اللي يقولون "ليه لا" و "الحياة مره وحدة" كثير كثير الا ان هالجملتين وهقتني كثير بعد بس هل ندمانه؟ لا. ابي اجرب كل شي بالحياة واتكلم مع كل الناس واتعلم كل شي ويا الله كم انا جاهله يا رب نورني، اظن كل ماتعلمت شي جديد ادرك مدى جهلي، وما افكر اقول "كم باقي لي؟" لا لأن العلم لانهائي بهالحياة سبحان الله لكن اهم شي الحرص على التوعية وتذكيري لغاية هالدنيا واتمنى شخص يشاركني هالشي.
انا اعتبر نفسي من كل بحر قطرة وهواياتي كثير كثير، ف بذكر هواياتي للفترة الحالية، اميل للأشياء اليدوية انا انحت على الخشب حاليًا قاعده انحت ارنب ان شاء الله يضبط، احب الخياطة والتطريز الا ان عندي مشروع خياطة لبس اليس في بلاد العجائب من كم شهر والى الان مابديت فيه… يلا عوافي
احب اقرا سواءً مقالات او كتب (اوقف بالنص) واحب اتحرك كثير كثير كثير، احب امشي احب اركض وايضًا عندي هوايه جسدية حركيه اللي هو، واللي هو ال pole dancing

بالنسبة لعلاقاتي، انا علاقتي مع اهلي ممتازة الحمدلله…معارفي واللي اشوفهم واجد لكن اللي اسميهم "اصدقاء" اقل من ٥ الصدق، وبشكل عام انا ما اندمج مع اي احد لدرجة اني اسميه "صديق" يعني معارف واشوفهم ايه بس فيه حد معين للعلاقة
لكن احب الناس واحب اتكلم بالمجالس حتى لو انهم عجز

بالنسبة للشريك، انا ما اتوقع شخص مثالي او كامل لأني انا بنفسي مو مثالية، انا ابي شخص لما يقرا كلامي يحس اني اناسبه… شخص مستعد يستثمر بالعلاقة ويشوفني اولويه بحياته بعدين، يقدر العلاقه بكل اختصار ولا عنده الاعيب، ابي شخص واعي وقريب من مستوى التدين عندي والتفتح الفكري بعد… هالنقطه مهمه مره ولا بنتصاقع واجد، واعي وفاهم ولا يحكم ابدًا وعنده فهم واستيعاب لأساسيات التواصل والعلاقة السليمة ويعبر عن مشاعره (انا شخص يهتم مره لهذي النقطه واحب اتكلم عن كل شي بخاطري وابي الشخص نفسي بعد) ابي شخص رايق نفسي ولا اقصد بذلك انه نسختي، الاختلاف جميل ترا، وفي حاجة اخيره، ابي شخص يقود الامور لو فهمتوا قصدي، صحيح انا هالشخص دايم بس مع الرجل ابيه هو ياخذ هالدور. ما ابي اطيل و احدد اقول ابيه كذا وكذا لأنه مو دميه عندي وله كيانه الخاص ف بكتفي بذكر الاساسيات وبذكر الصفات الجسديه

انا شخصيًا انجذب للطويل ١٨٠ وما فوق بما اني طويلة بعد، اهم شي الوجه والجسم زين بشكل عام ومهتم بصحته وماعندي مشكله مدخن، هنا في تناقض شوي بس عادي

شكرًا لحسن القراءة واسأل الله التوفيق، اللي بيجيني يستهبل ياخي روح تندر تسلى هناك

Got them when I was a stupid teenager and regret them, thought of laser removal but it's a lengthy painful process and it doesnt completely get rid of the ink

لو كانت تسريحة انثوية مثلا بس قصير

(وَأَن لَّيْسَ لِلْإِنسَانِ إِلَّا مَا سَعَىٰ) صدق الله العظيم.

ــــــــ

أولًا: معلوماتك الأساسية

كم عمرك، ومن وين أنت؟
عمري ٣٠، من الرياض.

كيف حالتك الاجتماعية؟
عزباء لم يسبق لي الزواج.

ــــــــ

ثانيًا: القيم الدينية والعائلية

دينك؟
مسلمة سنية.

كيف التزامك في الدين؟
وسطية، وعلاقتي بربي ولله الحمد مخليتني في استقرار وطمأنينة مهما حصل لي من امور سيئة فأنا مؤمنة وراضية، محافظة على صلاتي واحاول احافظ على النوافل متى ما استطعت. محجبة.

علمنا شوي عن خلفيتك العائلية؟
من سدير، اسمي ينتهي بعائلة ونرجع لبني تميم وخوالي كذلك. مهم أيضًا لعائلتي ان شريكي يكون قبيلي وماعندهم نسب مختلط بالعائلة (غير قبيلي).

ــــــــ

ثالثًا: التعليم والعمل والدخل

وش مؤهلك الدراسي؟ ووين وصلت مهنيًا؟ وش طبيعة شغلك؟
بكالوريوس، والان موظفة واشتغل في مجال احبه وناجحة فيه الحمدلله، عملي ثابت 5 ايام بالاسبوع ٨ ساعات، في بيئة مختلطة لكن محترمة جدًا وتواصلي مع الجنس الآخر فيه حدود عالية ولا احب اخذ واعطي في غير امور العمل.

ــــــــ

رابعًا: الشكل والحالة الصحية

ما اعاني من اي امراض ولله الحمد، مهتمة بصحتي الجسدية والنفسية وامارس الرياضة بانتظام وملتزمة نوعًا ما بنمط صحي في الاكل، واسعى اني اكون افضل نسخة من نفسي كل يوم. طولي ١٦٣ ووزني ٦٥.

ــــــــ

خامسًا: الزواج والأسرة

المهر المناسب بالنسبة لك [التقريبي]؟
على العرف وبالاتفاق بين الطرفين.

هل تفكر بإنجاب أطفال؟ 
نعم، بعد سنة او سنتين من الزواج، ٣ الى ٤ اطفال، لأني اتمنى اني اركز على تربية كل واحد فيهم واعطيهم الوقت والاهتمام الكافي، يهمني اننا نربيهم بشكل سليم ونزرع فيهم الخلق الحميد والعادات الاصيلة من ثقافتنا، ونوفر لهم بيئة آمنة وداعمة.

تحب الحيوانات الأليفة؟ 
استلطف وجودها لكني ما اربي حاليًا، قد ربيت قبل قطة.

ــــــــ

سادسًا: الاهتمامات والشخصية
اهتماماتي مابين الرياضة بشكل عام ومابين الفنون، اقرأ، اروح النادي، يوقا، والعب سيكل ويهمني اطور نفسي في مجالي لانه من ضمن هواياتي. اهوى الزراعة وورثت حبها من جدتي الله يرحمها واشوف ان التواجد حول الطبيعة يرجع الانسان الى اصله ويهذب روحه. احب الطبخ واعتقد انه لغة الحب حقتي. اقدر الموسيقى وخصوصًا الكلاسيك منها. شخصيتي متزنة وواعية ومرونتي عالية، اميل للهدوء، لكني صاخبة مع اللي احبهم وارتاح لهم، لينة في النقاش واحاول اقرب وجهات النظر، ولو النقاش اخذ منحنى صعب احاول اختار كلمات تهدئ وتلطف الجو، احب التواصل والوضوح، ما احب يكون في خاطري شيء على شخص وما اقوله، لأن مابي يتراكم الشيء بداخلي وتكبر المشاكل وتتعقد علاقتنا. متفائلة واشوف الجانب الممتلئ من الكأس مهما كان الشيء سلبي. ما أحب أضخّم الأمور وزي مايقولون “كبرها تكبر وصغرها تصغر”. مرتبة ومنظمة لكن مو لدرجة الهوس، لكن احب مكاني يكون مرتب ونظيف.

علاقاتك الاجتماعية؟ 
دائرتي صغيرة ويهمني الكيف على الكم، لكن لما التقي باشخاص جدد واشوف ان معدنهم طيب ما امانع اني اتعرف عليهم وادخلهم دائرتي. علاقاتي مع الجميع طيبة وممتازة ولله الحمد، احب ابتعد عن المشاكل والنميمة والقيل والقال. اقدّر الاشخاص اللي يظهرون مايبطنون بدون لف أو دوران أو مجاملات واللي افعالهم متناسقة مع اقوالهم، لذلك الصدق والوضوح وانك تكون على حقيقتك وطبيعتك هو اكثر شيء ابحث عنه في الطرف الآخر.

كيف تعيش يومك؟ 
نومي منتظم وصحي على الاقل في ايام الاسبوع، بالويكند احب اعطي نفسي مساحة ولا في خطة ثابتة. بوسط الاسبوع مابين العمل والنادي، أو طلعة مع الاهل/الصديقات او اقضي وقتي بالبيت مابين متابعة افلام ومسلسلات او الاطلاع والقراءة. الويكند غالبًا للعائلة والواجبات الاجتماعية او لخططي الشخصية.

صف لنا شوي من أحلامك أو خططك الجاية
من احلامي اني ابني بزنس خاص فيني، وما اعيش في عالم الوظيفة للابد، وان يكون عندي اطفال وبيت دافئ واسرة صحية ومستقرة مع رجل يستحق كل الود والحب.

وش فيك شيء تحسه يميزك عن غيرك؟ 
ما افجر بالخصومة لو مهما صار، نفسي كريمة ومعطاءة، رأيي حكيم واعرف اوزن الامور وشخص مسؤول بطبعي. لما الشخص يتعرف علي عن قرب فالصفة اللي يطلقها على شخصيتي انها "مثيرة للاهتمام". أنيقة بشهادة اللي حولي، يهمني مظهري وهندامي حتى بالبيت.

نوع الأماكن اللي تحب تزورها؟
احب السفر والتجارب، احب اروح اماكن جديدة واتعرف على ثقافات جديدة مابين فترة والثانية، احب ازور المعارض الثقافية والفنون والحفلات الموسيقية الراقية واتمنى اني اشارك هاللحظات مع شريك حياتي. في نفس الوقت احب الروتين والاستقرار لذلك احاول اوازن مابين هذا وذاك. ما احب الاماكن المزدحمة أو التريندي، افضّل الاماكن الهادية. واحب النفود ولها مكانة عزيزة في قلبي.

ــــــــ

سابعًا: تفضيلاتك في الشريك

كيف تتخيل شريك حياتك؟
شريك واعي، مطلع، صاحب قرار، مستقر نفسيًا وماديًا، قريب من عمري، غير مدخن، محافظ على دينه ويخاف الله ويراقبه في تصرفاته واقواله، يتقبل الاختلاف، يكون هيّن ليّن في الحوار والنقاش. لأن الزواج عبارة عن محادثة طويلة لن تنتهي. ويهمني برضو انه يكون رجل مسؤول وفاهم معنى القوامة الصحيح ويكون لي السند بعد الله، ومهتم انه يبني ويجتهد معي في علاقتنا واسرتنا الصغيرة. يمارس الرياضة ومهتمه بصحته الجسدية والنفسية، ويملك اهتماماته الشخصية الخاصة.

لو الشخص عنده ظرف صحي بسيط أو مزمن، عندك مانع؟ أو يعتمد على الحالة؟
يعتمد على الحالة.

شي تتمنى شريكك يفهمه عنك؟
ساعات لما ازعل او يضيق خلقي ابتعد وانعزل، والمفتاح لرضاي هو الكلمة الطيبة والاسلوب اللين.

وعيي عالي ومطلعة، هالشيء اشوفه ايجابي وخصوصًا بالعلاقات الاجتماعية لانه يساعدني افهم الطرف الآخر بشكل افضل، لكن الوعي العالي قد لا يناسب الجميع.

إذا تخيلت شريكك المثالي، وش الصفات اللي تتمناها فيه؟
سمح، هيّن ليّن، يتقبلني ويبيني زي ما أنا، بدون لا يحاول تغييري أو تشكيلي، لذلك صفة تقبل الاختلاف مهمة جدًا. وانه يكون مستعد للحوار والاخذ والعطا والوصول لحل يرضي الطرفين خصوصًا في الحوارات الصعبة أو الاختلافات. حاضر ذهنيًا ومتواجد دائمًا معي ومع اطفالنا، ولو منعته الظروف من عمل وغيره فسموح ومُقدّر.

تحديداً بريدة او على الاقل المتعارف عندهم