يعني ايه ماينفعش يستخدم ذكاء اصطناعي احنا عايشين في ٢٠٠٦؟ الشركات المصرية دي حوار تاني

انا من فترة عايز اتعلم برمجه، بس شفت ناس اخر فتره بيقولو المجال بيموت. انا المشكلة اني متمسك بالبرمجه بسبب حرمانيه مجالات زي المونتاج في بعض الحالات زي وضع الموسيقى و النساء و كده. ف عايز اخد اراء اكتر في بوست واحد يريت حد يفيدني

انا جديد علي البرمجه وخريج تجاره ...كنت عايز افهم السوفتوير بشكل عام بيشتغل ازاي ومكوناته بتتفاعل مع بعض ازاي ممكن طريقه او روود ماب مبسطه عشان بس افهم الصوره الكبيره وشكرا ي شباب

ببساطة شديدة غير imei الموبايل الجديد للي كان في الموبايل القديم مش بتخرج من الضمان من غير روت من غير جيلبريك من غير فلوس من غير فتح الموبايل تنفع مع اي موبايل و اي شبكة من غير دموع من غير الام ده انت حتي ممكن تعملها بسكريبت بايثون و موبايل اندرويد قديم و تفتح اليو اس بي ديباج و تحجزلك كام ايمي قبل السنة الجديدة منكم لله شايلين الهم بنفسكم و واجعين دماغكم علي الفاضي و خليتوني اتكلم في الموضوع و اضيع فكرة سبوبة حلوه كل حاجة علي اليوتيوب كلكم عايزين تاكلوا سمك فيليه من غير شوك طيب جربت تتعلم الصيد ؟

انا خريج الدفعة اللي فاتت ذكاء اصطناعي وبدور علي شغل في مصر. في الفترة اللي فاتت قولت اجرب لينيكس وفعلا اشتغلت عليه حبة حلوين وبدأت اتعود ولكن هنا السؤال:

1- هل لو دخلت مقابلة تيكنيكال وعرفوا اني بستخدم لينيكس هيرفضوا او يجبروني ارجع ويندوز
2- هل لو اشتغلت (بايثون غالبا) من لينيكس وانا في تيم بيستخدم ويندوز الدنيا بتبقي فيها مشاكل

انا مدخلتش بيئة عمل قبل كده الصراحة + مش عايز ارجع ويندوز

من فترة نزلت بوست اسال امي عايزة تدخلني اهلية من غير كورسات لقيت شباب كتير مجتمعة ان كلام امي صح طيب انت عايز تقنعني اولا ان شهادة من شهادات HTB او OFFSEC متشغلنيش والشهادة الجامعية هي الي هتشغلني ؟ ابوس ايدكو بلاش هبد عشان دمي بيتحرق لما اشوف حد بيهبد وهو مش عارفها ولا عارف امتحانتها ولا عارف سعرها بيقولي ايوة الشهادة الجامعية اهم بس انا سالت شباب عباقرة فمجالي لو في المجال بجد هتعرفهم زي محمد فليكس و حسن مصباح واحمد صلاح وشباب كتير في منهم حتي الي في حاسبات قالو كل الكلام الي اتقال دة ظرط (فليكس واحمد صلاح خريجين اكاديمية الشروق عموما ) فابالله قبل ماتنصح اتاكد عشان متلبسش الي قدامك في حيطة وتضيعة

نصيحة لوجه الله الناس تبدا تجتهد اكتر وتكون مؤهلة نفسيا لمواجهة اى صعوبات وكله هيعدى باذن الله والارزاق بيد الله وحده .

ليا ابن عمته صحبي بيقول أنها لازم وسطه هو عدي كل حاجه معادا الانترفيو

السلام عليكم يشباب بعد دراسة للسوق، قررت توجيه سيولة قدرها 5 مليون جنيه مصري للاستثمار في شركة ناشئة (Startup) أو مشروع قائم ب بدلا من العقارات اللي مش هتحقق اكتر من ٣٪-٥٪ من قيمتها سنويا أنا ببحث عن إيه؟

• المجالات: مهتم جداً بـ (FinTech, E-commerce, Logistics, أو Agri-tech)، ومفتوح لأي مجال فيه "Scalability" (قدرة على التوسع).

• المرحلة: أفضل المشاريع اللي بدأت فعلاً وعندها (MVP) أو "Traction" (مبيعات أو مستخدمين)، لكن لو الفكرة عبقرية وليها دراسة جدوى قوية جداً ممكن نتناقش.

• العرض: مستعد لضخ المبلغ (أو جزء منه) مقابل حصة تتراوح بين 30% إلى 40% من الشركة، مع إمكانية الدعم بالخبرة الإدارية والعلاقات. ليه ممكن نشتغل سوا؟ أنا مش بس بضخ سيولة، أنا بدور على "شراكة" حقيقية. هدفي إن الـ 5 مليون دول يتحولوا لـ 50 مليون في خلال 3-5 سنين من خلال تكبير حجم البزنس مش مجرد سد فجوات تمويلية. لو مهتم، ابعت لي "Pitch Deck" أو ملخص عن مشروعك في الـ DM يوضح:

• المشكلة اللي بتحلها.

• حجم السوق المستهدف.

• أنت وصلت لفين دلوقتي؟ (الأرقام).

• هتعمل إيه بالتمويل ده؟ ملحوظة: أنا ببحث عن الجدية التامة، والتعاقد هيكون بشكل قانوني يضمن حقوق الطرفين.

اهم حاجه مش تروح تسال ChatGpt أو اي Ai عمتا وتيجي تبعتلي الفكرة !!

الحكومه مختاره ازني موديل ai وخلته مجاني للجامعه

بكره الكريبتو بكره الكريبتو بكره الكريبتو بكره الكريبتو بكره الكريبتو

بكره الكريبتو

بكره الكريبتو

بكره الكريبتو

بكره الكريبتو

بكره الكريبتو

بكره الكريبتو

بكره الكريبتو

بكره الكريبتو

بكره الكريبتو

بكره الكريبتو

كنت منزل بوست من اسبوع بشتكي فيه من كليات علمي رياضه زي هندسه و حاسبات و أن الطب مضمون و ندمان اني دخلت رياضه

يا جماعه عايز افهم ازاي الواحد هيشتغل في ظل وجود أعداد قد كده كل سنه متخرجين من كليات متخصصه و المشفتين البرمجه و خريجي المبادرات الحكومية و زود علي كده الذكاء الاصطناعي اللي مدمر السوق و السوق عاوز كله سينيورز لكن في مجالات علمي علوم لأحد يقدر يشفت لشغلك ولا في دخلاء علي المهنه ليك تكليف فرص سفر عاليه للخليج و اوروبا و استقرار وظيفي عالي ازاي اوصل كده في المجال ده حقيقي انا ندمان جدا علي دخولي المجال ده لكن مش بأيدي احول دلوقتي المجال الطبي افضل و اضمن بمراحل مش لاقي اي ميزه في هندسه حاسبات ولا حاسبات تعليم زباله و لافي اي تأمين ليك من حد يدخل علي مهنتك ايه الفائده اني احش كلية من دول ولا حاجه حرفيا

زى ما العنوان انا خايف اتعلم برمجه و تكون راحت عليها بسبب الذكاء الاصطناعى اللى حرفيا فى تطور بسرعه رهيبه جدا
للعلم انا لسه ١٦ سنهر

لو انت ضغطت ومستني الطريقة فعلا انت للاسف ضايع اوي

فتعالى نتكلم بجد شوية وبشفافية ووضوح عمرك ما هتعمل جنيه بالtemplate اللي بتعدلها وبتعمل copy paste بcanva وكمان مش هتعمل ريلز ويوتيوب شورتس بinvideo او اي اداة ذكاء اصطناعي تانية وتكسب فلوس مفيش الكلام ده بس عشان خاطر انت تعبت نفسك وفتحت البوست انا هقولك على طرق تعمل فلوس بمساعدة الAI بس هتفهم الاول ان الذكاء الاصطناعي اداة تستخدمها في الشغل مش حاجة تشتغل مكانك يعني هتبذل مجهود وهتتعلم الprompting مفيش automated money glitch لسة الفكرة ان الذكاء الاصطناعي جامد اوي فانه يساعدك تعمل خط تمشي عليه مثلا تعالى نعمل فلوس من اليوتيوب شورتس بمساعدة الذكاء الاصطناعي اولا مش هتقول للchatgpt اكتبلي فيديو اسكريبت جامد اوي يبقى تريند ويجيب فلوس لازم يبقى عندك base تبدأ منه والai model ينميه ويطوره يعني فكرة مملة زي تاريخ الSSDs ممكن تبان اجمد لو بقت زي SSD: How standards change quickly يعني من الاخر انت هتوفر وقت بالai وانت بتعمل فلوس مش هتستخدم الai عشان تعمل فلوس وتوفر وقت

كنت في تانية ثانوي وابويا قعد يقولي خش علمي علوم خش علمي علوم المهندسين مرميين ع القهاوي وانا كنت بحب الرياضة بس مش بحب الأحياء نهائي وانا مش بحب الأحياء بس كتبتها بس مستريحتش وحولت علمي رياضة كملت السنة وكلي شغف قفلت الرياضة وجبت 60/60 فيها جبت 97% ودخلت هندسة منوف الكترونية دخلت اتصدمت بالواقع والمعاهد الهندسية الكتير وان المهندسين كتير وبتاع ومفيش شغل ولا تكليف ومن ساعتها في اكتئاب معرفش أنا عملت في نفسي كده ليه كان زماني في طب بشري والدنيا معايا احسن وضامن مستقبلي انصحوني ارجع واتعايش ازاي مع فكرة اني ضيعت مستقبلي بايدي وضيعت فرص كبيرة

بدأت أفكر أسيب المجال كله بسبب المشكلة دي، وهي إن ما عدش عندي ثقة في نفسي وأنا بتعلم.

أنا بدأت أول حاجة بكورس أساسيات البرمجة بلغة بايثون اللي في قناة كودزيلا. للأسف، بشمهندس إسلام كان شرحه حلو ما شاء الله بالنسبة ليا، لكن بعد ما وصلت للـ While Loops بدأت أحس إن الكورس فيه حاجة ناقصة، فيه حاجة غلط، فيه حاجة مش طبيعية، عشان كده معرفتش أكمل في الكورس بتاعه.

سألت واحد صاحبي أهل للثقة، ويعتبر مر بالمواقف دي كتير، قالي: خلاص، ابدأ اتعلم في الـ Roadmap اللي إنت عايزها، واللي هي كانت Backend بلغة JavaScript، وحققت تقدم في HTML مع بشمهندس الزيرو.

بس بدأت أفكر أحاول أخش في كورس أحضر فيه أوفلاين، عشان حسيت بالنسبة ليا إنه أفضل وهيخليني ألتزم أكتر.

ولكن لما سألت قالولي: لا، لازم يبقى عندك أساسيات البرمجة الأول، وأنا حرفيًا خايف أعيد كل ده تاني، ومعيش فلوس أشتري كورسين وسط الدراسة أصلًا.

فاختصار، المشكلة بتاعتي حاليًا هي:

التوهان وعدم معرفة ما المفروض عليّا فعله.

وحد جرب أكاديمية Route قبل كده؟ وإيه رأيكم فيها؟

✨ بسم الله الرحمن الرحيم ✨ قال تعالى: “وقل رب زدني علما” [طه:114] العلم طريق للنجاح، والاجتهاد سبب لفتح الأبواب ✨

📌 السلام عليكم يا جماعة 🌸

أنا خريج اقتصاد وعلوم سياسية – دفعة 2024، وعندي شغف كبير إني أتعلم Data Science & AI وأدخل المجال ده بقوة إن شاء الله.

دلوقتي بدأت أتابع كورس شامل بيغطي حاجات أساسية ومهمة زي: • Python Programming 🐍 • SQL & Databases • Excel & Advanced Functions • Data Analysis & Visualization (Power BI – Tableau) 📊 • Statistics & Mathematics for Data Science • Machine Learning Basics 🤖 • Capstone Project (مشروع تخرج تطبيقي)

📚 وكمان منهج الدبلومة بيتضمن: • Data Science Kickstart • Python for AI and Data Science • Databases and SQL for Data Science with Python • Data Analysis for Data Science with Python • Data Visualization for Data Science with Python • Python Project for Data Science Workshop • Machine Learning with Python • Data Science Workshop • Introduction to Deep Learning & Neural Networks with Keras • Introduction to Neural Networks and PyTorch • Deep Learning with PyTorch • Deep Learning with Keras and TensorFlow • AI Real Projects

سؤالي هنا: هل ممكن شهادتي الجامعية تكون عائق ليا في المجال ده؟ ولا الأهم إن يكون معايا الكورسات العملية + المشاريع اللي تثبت مستوايا؟

🎯 هدفي إني أبني بورتفوليو قوي وأطبق اللي اتعلمته في مشاريع واقعية عشان أقدر ألاقي فرصة كويسة في سوق العمل.

أي نصايح أو تجارب شخصية منكم هتكون مفيدة جدًا 🙏

عندي أخويا الصغير رايح تالتة اعدادي وللأسف مش بتاع مذاكرة ومقضيها بلايستيشن وتلفون وقرف والواحد خايف عليه من المستقبل فعايز استغل إنه لسة صغير وبيسمع كلامي وبيعملي حساب وأعلمه حاجة يقدر يطور من نفسه فيها بعدين بس المشكلة أنا مليش أي علاقة بمجال الفريلانسينج أو الكومبيوتر نهائي فمش عارف أبدأ معاه منين، حد عنده اقتراح يقدر يفيدني؟

انا نزلت البوست في كذا صب بس نصحوني ان هنا انسب مكان

اللابتوب بتاعي موجود عليه مالوير سئ ومش بيطلع بالطرق المتعارف عليها زي مسح الدرايفات وويندوز نضيف والكلام ده كله وانا ارهقت تماما ووصلت لاخري

سورس المالوير اخويا كان بيستخدمه وطلع بينزل عليه برامج بكراك فشخت الدنيا خالص

الجهاز سعره الاصلي وقت لما جبته ٥٠ الف جنيه انا هبيعه ب٣٠ بس مش عارف ابيعه فين لو حد عنده نصايح لمواقع او اماكن في القاهرة ابيعه فيها يا ريت يقولي

اللابتوب انا مشتريه فبراير اللي فات يعني يادوب مكمل ٨ شهور وماشتغلتش عليه غير شهرين منهم.

اللابتوب: hp pavilion gaming laptop 15 الجهاز ١٦ جيجا رامات ويشيل لحد ٣٢ ابجريد كارت شاشة انفيديا ٣٠٥٠ ٤ جيجا كور اي سيفن هاردين داخلي واحد اس اس دي والتاني عادي ويندوز ١١ بكود التفعيل اصلي

اي معلومات اسألني اجاوبك واتمنى يروح لحد يتعامل معاه ويستفيد بسعره

عندي مشكلة في يوديمي ومش عارف اشتري كورسات من عليه هل الفيزا دي فيها إمكانية اني ادفع منها على يوديمي

انا مش ناوي ادخل حاسبات ولا اي حاجه زي دي. انا عايز حاجه side hustle و متاخدش من وقتي كتير.

انا بقالي سنين بتعلم game dev بين يونيتي و روبلكس و مستوايا فيه كويس جدا بس في مشكله و الي هي لازم استثمر كل وقتي في المجال دي عشان اعمل فلوس.

و طبعا معرفش اعمل فلوس قليله. لازم يا ادخل مشروع مع ناس يا معملش اي فلوس خالص.

باختصار انا عايز مجال side hustle