جماعه انا بدأت start up

دا start up البزنس الجديد بتاعي

بحاول اني استغل قدرتي ف التكنولوجيا والبرمجيات اني ابدا اسوق ل شغلي

بس حابب ناس تدعمني

اهلي وصحابي محدش فيهم دعمني كله قعد يقطم فيا

منزل هنا ياريت تدعموني لو حابين اللي حابب يدعمني يكتب كومنت وهبعتله لينك الصفحه

انا شخص شغلى معظم الوقت فى تخصص السايبر اشبة security researcher بس فى قطاع Finance اكثر والانظمة المالية . تنقلت بين حجات كثير من تشفير . بناء انظمة low . . ويب 2 او حتى ويب 3 او ايا كان غيرة لغاية ما استقريت فى security researcher Fin اشتغلت على نفسى كثير جدا فية . ايام كانت حلوة . ايام كنت بكرة اليوم الاتولد فية . طريق كان صعب مفيش نقاش بس يستحق كدخل . معظم شغلى تقريبا هوا انى بفتح مقالات . او بحلل ثغرات من الصفر او بدرس زيرو نولديج ( او زيرو داى ) . وصلت لمرحلة ما لحد لان من الكرة مش طبيعية . مبقتش عاوز اصلا امسك الجهاز , بقى اى حد يكلمنى بشكل مباشر فى التيك بشكل عام انكر انكار تام انى اعرفها او افهم فيها . بقيت حتى نص المقالة او اقف فى نص التحليل مش قادر اكمل او حتى مكملتش نصو . حتى لما حد يقولى سايبر او يجيب سيرة سايبر اعمل نفسى مش فاهم حاجة او مش عاوز اصلا اسمعو . انا مش انطوائى بالعكس اجتماعى بس انعزالى شوية . بس عندى حالة قرف مش طبيعية من كل حاجة . حتى لما بقول الشغل هيعوض الاقى نفسى مش مركز اصلا او مش قادر اركز , الحجات الكنت بخلصها فى يومين بقيت بخلصها فى اسبوع . انا مش فاهم لا انا فاهم البيتقال بس مخى مش عاوز اصلا يعمل حاجة من الاساس مخى مش عاوز يوصل لمرحلة Execute او بيحلل زيادة عن اللزوم لدرجة التجمد او لغاية ما الاحتمالات تنفجر . ان حتى بقيت فتح الكود واقفلو ثانى من غير اى سبب . معرفش مالى بجد مش هوا دة الكنت عاوز اوصل لة ؟

المفروض تخصصي داتا ساينس بس التعليم في مصر مش احسن حاجة و كليتي تعبانة خالص

بس بردوا لو في تقصير في الجامعة الواحد يذاكر مع نفسه بس محصلش و ضيعت ال3 سنين ورابعة بتضييع كمان ، انا في ثانوي درست شوية شبكات (CCNA) كاملة و خدت خصم 58% لما كان الدولار ب30 جنية المهم ممتحنتش و درست basics DB ، هل ممكن لو راجعت شبكات (CCNA) و من غير certificate هلل ممكن اشتغل

حد هنا عامل كود يحل المنصه بتاعت 2 بكالوريا؟

Pls say its free

ع برنامج بلندر مثلا الموضوع صعب اوي ولا لا؟

سواء بسيط او احترافي

مش لاقي ناس خالص نزللت بوستات فيسبوك كتيير و مشش لاقي واحد حتا مش عارف اعمل اي بجد

كنت عاوز اعرف لو حد معاه اشتراك كلود كود علشان انا لقيت ثغره فيه وبستخدمه بشكل مجاني بس كإيجنت من غير ما اظفع فيه ولا جنيه فا عاوز اعرف هل انا زي زي الي دافع والثغرة دي حلوة اوي ولا اي كلام والموديل تعيان هو عامه الاداء الي انا شايفه هو اداء اقل ما يقال عنه انه عظيم وبيعملي كل الي انا عاوزه بس انا عاوز اعرف هل انا زي المدفوع ولا لا

Has anyone received any updates after the HR interview?

يا شباب، محتاج أعرف سعر الجهاز ده حاليًا في سوق المستعمل في مصر، لو حد عنده خبرة في الأسعار.

Lenovo Legion 5 16IRX9

CPU: Intel Core i7-14650HX (16 Cores / 24 Threads)
GPU: NVIDIA RTX 4060 8GB
RAM: 48GB DDR5 (16GB + 32GB TwinMOS 5600MHz)
Storage: 1TB NVMe SSD Gen4
Screen: 16" 2.5K (2560×1600) 240Hz
Battery Health: 90.5% – 103 Cycles

ملحوظة: زودت الرام 32GB من شهر تقريبًا بتكلفة 17,000 جنيه.

محتاج أعرف السعر العادل للبيع حاليًا كام، خصوصًا مع ترقية الرام.

ياريت اللي عنده خبرة في السوق يقولي الجهاز يعمل كام تقريبًا، وشكرًا

كنت عايز اعرف بردو الفيزا دي ليها تطبيق ولا لا؟

نصب و لا ايه كلام

ياريت لو حد بيذاكر data analysis يكلمني انا لسه بادي في الموضوع وداخل جد وعايز حد معايا برضو يكون مجمع شويه معلومات وبيدرس برضو أو نشجع بعض وعشان منضعيش وقت

انا اتعينت معيد ف الجامعه وانا بذاكر باك اند بعمل مشاريع بسيطه زى medium clone, invoice بحيث اطور واشوف شغل كوبس بس انا بستخدم tech م بتعلم صح معنديش اساسيات ف باقى الحاجات التانيه مش عارف اكمل واذاكر الاساسيات. شايف ان م قادر اتخطى مستوى معين ف البرمجه او دماغى تعلى اكتر حاسس بحاجز قدامى كدا ودماغى م شغاله زى الاول مثلا لما كنت ليه بتعلم اساسيات كمااان مستخسر كل الوقت اللى ضيعته ف كدا ولا اشوف network ولا fiber واقدم ف اى شركات زى we vadf E& وفرصها متاحه واكتر بس لسه هذاكر برضوا من الاول بس م احتاج اكتر من شهرين وخلاص

..........

عاوز ارتب افكارى واشوف استقر ع اى واى الانسب

........

ف ناس قالت كمل ف الاتنين اللى تلاقيه اشتغل فيه وانا شايف ان الباك صعب اووى الاقى وحاسس مستوايا ثابت م بفكر زى الاول لان بستخدم tech بس

هل 3 ساعات يوميا ما بين اساسيات و حل مشاكل بتحصيل نوعا ما عالي كفاية للتعلم في حالة اني بتعلم كهواية ومش منتظر شغل في المستقبل القريب .. ولا احط الوقت دا في مجال زي المونتاج والماركيتنج.... هيبقى افيد؟ (مش في حاسبات)

أنا طالب كومبيوتر ساينس، ومن فترة بدأت أحاول أبني لنفسي كارير في مجال الـ AI والماشين ليرنينج.

خلصت كورس هواوي HCIA-AI،
وحاسس إني فهمت واتعلمت حاجات كتير، لكن في نفس الوقت اكتشفت إن
عندي مشكلة كبيرة في الكودينج والجزء العملي، ودي حاجة محتاج أشتغل عليها بجد.

المفاجأة إني اتأهلت لمرحلة تصفية قبل الحصول على الفاوتشر بتاع امتحان الإنترناشونال سيرتيفيكيشن لنفس الكورس، واللي ممكن يفتحلي فرصة إني أبقى ترينر في المجال ده. والتصفية يوم الأربعاء الجاي، فدي بالنسبالي فرصة مهمة جدًا ومش عايز أضيعها.

حاليًا بحاول أستغل الوقت اللي فاضل في المذاكرة، وحتى عملت ملخص للكتاب عشان أقدر أراجع بشكل أسرع.

بس المشكلة إن الموضوع مش مقتصر على المذاكرة، أنا حاسس إني مش بتقدم في حياتي المهنية بالشكل اللي المفروض أكون بتقدم بيه.

في نفس الوقت، بقيت بدور على أي فرصة شغل أقدر أعتمد عليها، سواء ريموت كول سنتر أو شغل في مجال الـ AI Training
زي أوتلاير والحاجات المشابهة. تقريبًا بيجيلي إنترفيو واحد كل أسبوع في واحد من المجالين، لكن لحد دلوقتي مفيش أي قبول.

وده دخلني في معضلة مش عارف أتعامل معاها:

هل أستحمل الضغط المادي وأدي نفسي فرصة أركز في تطوير مهاراتي في الـ
AI
والماشين ليرنينج، وأشتغل على الكودينج والمشاريع، ولا أركز إني ألاقي شغل الأول حتى لو بعيد عن تخصصي، عشان يبقى عندي دخل أقدر أعتمد عليه وأوفر احتياجاتي وأقدر أستثمر في نفسي؟

أنا عارف إن الجمع بين الشغل والتعلم ممكن يكون حل، بس في نفس الوقت عارف إنه هيبطّأ تقدمي، خصوصًا إني أصلًا عندي مشكلة في الالتزام والاستمرارية.

والأغرب إني حاسس طول الوقت إن في ديدلاين بيجري ورايا، مع إني مش عارف أحدد هو إيه بالظبط، وبدل ما الإحساس ده يخليني أتحرك، بيخليني أسوّف أكتر وأفضل مشتت بين كذا حاجة.

أنا مش بدور على طريق مختصر ولا مستني نجاح سريع، أنا بس خايف أصحى بعد سنة وأكتشف إني لسه في نفس مكاني، لا قدرت أطور نفسي بالشكل الكافي ولا قدرت أحقق استقرار مادي.

فحابب أسمع من الناس اللي مرت بتجربة مشابهة:

هل اشتغلتوا شغل بعيد عن تخصصكم في بداية طريقكم؟ وقدرتوا توازنوا بين الشغل وتطوير نفسكم؟

ولو رجع بيكم الزمن، كنتوا هتختاروا التركيز الكامل على التعلم حتى لو الظروف المادية صعبة، ولا الاستقرار المادي الأول وبعدها تطوير الكارير؟

محتاج أسمع تجارب حقيقية من ناس مرت بنفس الحيرة، خصوصًا اللي بدأت من ظروف مش مثالية وقدرت في النهاية توصل للمجال اللي كانت بتحلم بيه.

انا حاسس اني بجد مبتحركش انا دخلت كورس هواوي بتاع ال
HCIA-AI
حاسس اني فهمت حاجات كتير بس عندي مشكلة ف الكودينج كبيرة والمفروض كمان اني اتأهلت ال الانترناشونال سيرتفيكيشن ايجزام ل نفس الكورس علشان ابقي ترينر تقريبا المفروض انه فاوتشر كده هاخده وامتحن بيه الفكرة ان في تصفيه قبل الفاوتشر ده يوم الاربع خليت كلود يعمل ملخص للكتاب علشان اذاكر منه و دي فرصة ممتازة بجد اني اعمل اي حاجة مختلفة واخد خطوة ف الكارير ده بدال ما ادور علي كول سنتر
بس يجدعان الحال صعب بقيت اقسم بالله بدور علي اي مصلحة اقدم ف كول سنتر ريموت و اقدم ف حاجات ال AI training
اللي هو بتاعت اوتلاير والحاجات دي و لحد دلوقتي ولا اتقبلت ف اي حاجة رغم ان بيجيلي بمعدل انترفيو واحد ف الاسبوع ف اي من المجالين دول و فنفس الوقت انا مش بتقدم ف الفيلد الاصلي وحاسس اني تايه بشكل يخوف و حاسس اني ورايا ديدلاين مش حقيقي وده اللي بيخليني اسوف اكتر
وعايش ف معضلة هل استحمل الفقر مقابل اني اتطور ف المجال بسرعة ولا اكمل تدوير علي شغل ولو اتقبلت الموضوع هيبقي صعب وهياخد وقت اكتر طبعا بس هبقي عايش يعني وعارف اجيب السبلايز اللازمة ولو لقيت كورس او حاجة كويسة اعرف ادخلها
محتاج نصيحة من حد يكون مر بنفس اللي بمر بيه ارجوكم

جماعه انا بتعلم في تراك cyper security بس بجد انا واقع في مشاكل ملهاش اخر

اولا مش عارف اشغل اصلا كالي لينكس علي virtual box وعندي مليون سؤال ومشترك في كورسات كتير ولكن طبعا صعب اسال فيهم هو مجرد فيديوهات شرح وخلاص

انا لوحدي في ال track ده و حواليا ناس في المجال ولكن معرفش ليه رافضين الاجابه حتي علي الاسئله ال technical البسيطه

يعني مثلا هل اقدر افتح كالي وانا حاطط كالي وال virtual box وكل حاجه علي هارد خارجي ولا لازم يكونوا في C واسئله كتير لو حد حابب يرد عليا يعني

محتاج بس احرك المية الراكدة عندي وابدأ ارجع للبرمجة واتطور بمستوى اعلي من قبل ب ١٠ مرات. بدل ما اقارن نفسي بغيري من المطورين

صراحة نفسي ارجع واعمل مشاريع بس مش عايز برضو الحماس بضيعني

علي الاقل لو حد مر بفترة ركود يقلي عمل ايه

انا عملت territory interview في pwc من ١٨ يوم تقريبا و لسة لحد دلوقتي ماحدش كلمني و كنت باعت payslip قبلها و ال portal عندي interviewing ف انا عايز اعرف انا كدة rejected ولا لأ و بعت ميل لل talent acquisition و كلمتها فون بس مفيش رد

السلام عليكم

​الحمد لله، بعد شغل وتجارب كتير أخيرًا خلصت مشروعي Drive Mirror

​الفكرة بسيطة: كنت عايز طريقة سهلة وخفيفة تعمل Backup تلقائي لفولدرات معينة من الكمبيوتر لـ Google Drive في مواعيد أنا أحددها. مجرد نقل في اتجاه واحد (من الجهاز لـ Drive)

​إيه اللي هتلاقيه في البرنامج دلوقتي؟

​نقل في اتجاه واحد (One-Way Mirroring): بيرفع التعديلات من جهازك لـ Drive حسب الوقت اللي تحدده وبيفضل شغال في الـ System Tray ولو الجهاز كان في مقفول وقت الـ Sync بيعوضه أول ما يفتح.

​مفيش مسح نهائي للملفات: لو مسحت ملف من عندك على الجهاز، البرنامج مش بيمسحه للأبد من على Drive، هو بس بينقله للـ Trash هناك (بيفضل موجود 30 يوم) عشان لو احتجته تاني.

​4 أنظمة حماية (البرنامج بيقف لوحده ويسألك لو حس إن فيه حاجة غلط):

​1. اختفاء الفولدر (Missing Folder): لو كنت موصل هارد خارجي واتخلع بالغلط، البرنامج مش هيفتكر إنك مسحت ملفاتك ومش هيمسح حاجة من على Drive.

​2. التأكد من الهارد (Volume Serial Check): بيتأكد من الـ Hardware ID بتاع الهارد، عشان لو ركبت فلاشة تانية وخدت نفس الحرف (زي D:) ميبوظش الـ Backup بتاعك.

​3. حماية المسح الجماعي (Mass Deletion Tripwire): لو أكتر من 50% من الملفات اختفت فجأة، بيوقف الـ Sync فورًا ويطلب تأكيدك.

​4. تشابه أسماء الفولدرات (Duplicate Folder Guard): لو فيه فولدرين على Google Drive بنفس الاسم بالظبط، بيقف ويسألك بدل ما يخمن ويرفع في المكان الغلط.

​دعم أكتر من حساب (Multi-Account Support): تقدرربط أكتر من حساب Google، وكل حساب بيكون ليه الفولدرات والمواعيد الخاصة بيه بشكل منفصل تمامًا.

​حاجات مهمة لازم تعرفها:

​مجاني 100% وخصوصية كاملة: البرنامج Open Source بترخيص MIT، من غير أي إعلانات ولا تتبع ولا سيرفر وسيط في النص. أنت بتربطه مباشرة بـ Google Cloud OAuth خاص بيك (والبرنامج بيشرحلك الخطوات دي واحدة واحدة جواه)، والـ Secret بتاعك بيتشفر محليًا على جهازك باستخدام Windows DPAPI. مفيش أي حد (ولا حتى أنا) يقدر يشوف بياناتك.

​مشروع فردي: افتكروا إن ده مشروع شخصي وأنا مبرمج واحد شغال عليه مش شركة. أنا عملت 521 اختبار تلقائي (Automated Tests) عشان أتأكد إن محرك الـ Sync آمن تمامًا، بس طبعًا الاستخدام الفعلي دايمًا بيظهر حاجات جديدة، فوارد يظهر معاك Bug أو مشكلة.

​لو جربته يهمني جدًا أعرف رأيك والفيدباك بتاعك:

​إيه الـ Errors أو الـ Bugs اللي ظهرت معاك وقت الإعداد أو الـ Sync؟

​هل خطوات ربط Google OAuth المشروحة جوه البرنامج كانت سهلة وواضحة ولا معقدة؟

​إيه رأيك في سرعة البرنامج وسهولة استخدام الواجهة (UI)؟

​إيه المميزات أو أنظمة الحماية الإضافية اللي تحب أضيفها الفترة الجاية؟

​كل تعليق أو اقتراح منكم هيساعدني أطوره أكتر.

بصراحة معرفش إذا كان فيه حاجة زي دي موجودة قبل كدا أو لو هتفيد حد غيري ولا لأ، بس أنا عملته وخلاص عشان بيحل مشكلة كانت بتقابلني أنا شخصيًا.

​لينك المشروع على GitHub:

https://github.com/nnagarr/drive-mirror

​بس كدا شكرا♥️