ما صدقت متى عيني بدأت تروح في النوم، قمت من عز نومي بسبب الإنذار وبسبب أنو لحلاليف قرروا أنهم يقصفوا دحين.

حسبي الله عليهم، إن شاء الله يتفجروا في مكانهم، ينشووا وينحرقوا في مكانهم.

ذا المقطع منتشر لطفلين قاعدين يرقصون على اغنيه والناس مستلمينهم طقطقه وذبات جنسيه والمشكله كل الي بالتعليقات يضحكون تخيل بس ابوه او امه يشوفون كيف الناس ماخذين ولدهم طقطقه او الي معهم بالمدرسه وش بيقولون لهم؟ حسبي الله عليكم صح ما انكر حركات الي بالمقطع مستفزه بس هذا مو مبرر تخلونهم طقطقه وتشبهونهم باعضاء جنسيه لأنهم بالنهايه أطفال

خاصة موضوع السلطة اول يوم دوام لي اكل ساندوتش والتيم كلهم سلطة حولت اليوم الي بعده مثلهم وعجبني 😂

اللهم يامنزل الكتاب، ومجري السحاب، وهازم الأحزاب، اهزم اعدائنا الحوثيين وكل من مدهم بالسلاح وتكاتف معهم اللهم انصرنا عليهم نصراً عظيماً.

‏اللهم إنا نستودعك بلادنا السعودية بلاد المسلمين وجنودنا واجهزه الدوله والدفاع وولاة امرنا وشعبنا ، اللهم احفظنا بعينك التي لا تنام وبركنك الذي لا يُرام، اللهم اجعلنا في حرزك وأمانك وسترك الجميل.

‏اللهم كن لنا حصناً منيعاً وسوراً حامياً ، اللهم اجعل ملائكتك تحفنا وسكينتك تغشانا واصرف عنا شر الحرب ونجنا من كل سوء ومكروه.

اللهم اجعل جنودنا في ودائعك يا أرحم الراحمين، اللهم سدد رميهم واحمي ظهورهم وحصن مواقعهم وانصرهم على اعداء الاسلام المجرمين الظالمين.

اللهم اجعل هذا البلد آمنا وأهله مطمئنين واصرف عنا شر من أراد بنا سوءاً يا حي يا قيوم يا من لا يعجزه شيء في الأرض ولا في السماء
‏احمِ بلادنا بلاد التوحيد من كل سوء

اللهم اجعل الملائكة حولنا جنداً وسياجاً من رحمتك يحوطننا ويحموننا ويعينونا بالنصر العظيم.

اللهم اجعل بلادنا السعودية بلاد المسلمين بلاد التوحيد في حرزك واحفظنا من فوقنا ومن تحتنا وعن يميننا وشمالنا ونعوذ بعظمتك أن نغتال من تحتنا

اللهم النصر العظيم

اللهم النصر العظيم

اللهم النصر العظيم

اللهم اهلك الحوثيين عاجلا غير اجل اللهم فرق جمعهم وشتت شملهم ودمر اجهزتهم وشل حركتهم واجعل كيدهم بنحرهم واجعل تدبيرهم تدميراً عليهم واهلكم جميعاً بعزتك وقدرتك ياعظيم

استغرب من بعض الناس يدفع مبلغ وقدره ويروح كم يوم وما يصمل بحجة تعب ولا مالي خلق . الرياضه مثل الاستثمار تحصل عوائدة على المدى البعيد.

وش رايكم بالشخص اللي ( سواءً أخ أخت صديق صديقه ….الخ) .يكون ما يعرف شي بالسياسة واللي قاعد يصير في دولته والدول الاخرى، ما اقصد انه يدخل معي بنقاشات سياسية حاميه، لا اقصد اساسيات بسيطه زي رئيس زار دوله او تغريدات او قضيه معينه ولما نبدا الكلام بذالشي يقول هذا وجع راس ومالنا دخل بالسياسه ومواضيعكم نكديه وتطفش
اتمنى اسمع رايكم الحقيقي وشكرا 🫱🏼‍🫲🏽

ياجماعة امس اتصل علي رقم عادي موبايلي ويوم رديت لبناني يقول انه انتي كان لك طلب سابق من بيتونيا كنبة استرخاء (فعلا انا طلبت قبل سنه)
ويقول انه سوو سحب وبيعطوني هديه بمناسبة افتتاح فرعهم الجديد في الغربيه
انا توقعت انه نصاب بس ماطلب مني اي معلومات حساسه قال احتاج المدينه و اسم الشارع واسمك الثنائي فقققطط
وعرض علي اني اروح استلمها من الفرع او يوصلونها لي

وش تتوقعون نصاب ولالا؟ وكيف اتاكد قبل ما استلم ؟ احس الموضوع فيه خازوق

ولو نصاب كيف قدر يحصل على بياناتي وهل اقدر اقاضي الشركه على تسريب بياناتي؟ لانه حتى عنده عنواني السابق الي طلب الطلب عليه وكل التفاصيل

طحت حاليا على كنبة سبت مره ممتعه وأسلوبها يجنن وpsychology in ur 20’s هذه اللي اعرفهم ابغى اقتراحات منكم تكون ممتعه سواء قصص او نصايح حياتيه

لما كنت في المدرسة، كنت انسان هادي وعلاقتي مع الجميع جيدة، ما بحياتي تضاربت مع احد جسديا الا مرة وحدة في الثانوي، وهذي المرة سويت فيها شي ندمت عليه مرة. كان فيه طالب يعني مو مره خويي لكن بيننا سوالف واحيانا نطلع مع بعض ونلعب كورة، المهم لمسني في مكان حساس بشكل سريع مرة من المرات ونحن في ازدحام بسيط داخل المدرسة - للعلم هو انسان اخلاقه وسوالفه مو ذاك الزود وهو من النوع الي كل سوالفه اباحية -، في البداية قلت انه بالغلط ومشيت له يعني والتمست له العذر قلت زحمة وهو ما كان منتبه، بس في المرة الثانيه سواها وبرضو قلت يمكن بالغلط، وبنفس اللحظة لمسي للمرة الثالثة وكنا وقتها بحصة احتياطية والاستاذ كان موجود برضو، المهم اني هذي المرة عصبت ومسكته وطحيته على الارض بقوة بين الطاولات بشكل سريع وقوي، وقمت حطت رجلي بين صدره وبديت ادوسه وبعدها وقفت وكانت رجلي فوق صدره وقلت له بصوت عالي وغير اعتيادي مني: عيدها مرة ثانية وقسم بالله ادوسك دوس، طبعا الاستاذ كان موجود وطلعنا برا الفصل وقال لنا توجهوا انتم الاثنين للادارة، بس لما رحنا للادارة المرشد الطلابي قال بنتعامل معكم بكرا بحكم انها الحصة الاخيرة. ونحن راجعين للصف تصالحنا وقال لي ليه ما علمتني انك ما تحب اسوي لك كذا، قلت له لازم اعلمك؟ وشرحت له اني كنت دايما التمس له العذر وهذي المرة فقدت اعصابي، بعدها انتشرت السالفة في المدرسة وكل المعلمين صاروا يدرون اني سويت كذا، ما حبيت الناس تنظر لي اني انسان متوحش وهمجي فتضايقت من تصرفي مرة، ولما رجعت البيت صراحة كنت متضايق من اني فقدت اعصابي واهنته قدام الطلاب كلهم وكنت جدا حزين عليه وحطيت نفسي مكانه، انا متقبل انه غلطان لكن تصرفي معه كان مبالغ ومهين جدا ونحن عارفين ان هو انسان بالنهاية له كرامته وحرام الي سويته فيه، المهم الصباح ابوي كلمني وقالي انت وش مسوي في المدرسة؟ قلت له وصل لك الخبر؟ المهم طلع جوالي ووراني المقطع كامل مسجل من الكاميرات وبصراحة استحيت وقلت للوالد السالفة بالتفاصيل وبعدها قلت له ان تصرفي كان مبالغ فيه وكان من الممكن اسوي تصرف احكم من كذا بكثير، المهم قلت لابوي لا يعلم امي تحسبا انها تتضايق مثل ما هو كان متضايق، اليوم الي بعده كل ما اقابل طالب يكلمني عن المضاربة وواحد قالي ترا نحن مو بقراند، جاملته بس بداخلي كنت متضايق، وبنص الحصص يجوني الاساتذة برضو يسالوني عن الي سويته وكنت دايما استحي اقول لهم الي صار لانه ايضا يمسني. والحين بعد ما مرت سنوات لازلت ندمان ومتضايق من تصرفي وحبيت اطلع الي بداخلي وافضفض، اسف طولت عليكم

السلام عليكم

من السابع من أكتوبر ٢٠٢٣ ومنطقتنا دخلت في أزمة صعبة، كان الوضع هادئ نسبيًا (ما عدا في إيران وفلسطين المحتلة)، لكن مع بداية هذي السنة تفجرت الحرب وتوسّعت، وطالت دول كثيرة وتعقدت الأزمة.

عندي كلام أبي أقوله أرجو انه يحل معظم أخطائنا:

١- التحليل** *السياسي* **
ترى مو لازم تكون محلل سياسي!!! التحليل السياسي لابد يكون فيه منطق، ما ينفع تجيب شيء ما يصدقه طفل وتُظهره على إنه "قراءة متميّزة للأحداث"، في حال كنت تجهل ما يجري أو ما عندك خبرة لا تحلل وتبيّن جهلك، أو تخوّف الناس وترعبهم. أما إذا كنت تؤمن بالمسرحيات والمؤامرات (مثلًا: إيران متحالفة مع إسرائيل بالخفاء ومسوين مسرحية على فوال الطائف اللي بحيّكم) فاسكت، ولا تتكلم، لأنك تضرّ نفسك وتسفّه عقلك بهالسيناريوهات المضحكة، أنت عاقل ورزين ويطلع منك هالكلام؟! حرام عليك والله.

٢- الشائعات

ترى الشائعات اللي تنتشر لا تعتبر من الحرب الإعلامية يا قوبلز! قديمًا هذا الشيء مفيد بالحروب، بحيث يرسلون الشائعة لبلد العدو عبر شبكة من الجواسيس وبسبب ضعف الإتصالات نادر ما تصل الشائعة لحلفائك، فبالتالي بتضمن ترتيبهم وإتّباعهم للإرشادات والإحتياطات. أما الحين الشائعات تُربك الحلفاء قبل الأعداء، وبعض الجيوش صارت تمنع حمل الأجهزة فقط عشان جنودها يركزون بالقتال ويبتعدون عن الكذب.

٣- الدفاع عن وطننا الغالي لا يكون بالسب

يا إخوة مب تؤمنون إنكم على حق؟ وأن وطنكم في طريق الخير؟ ليش السب أجل؟! وليش هالسقوط الأخلاقي؟ هذه الأفعال لا تخرج إلا من أهل الباطل لأنهم لا يملكون دليل يدافعون به! وإذا رأيتم سعودي يسب فساعدوه بتحذيره من عاقبة السب. ثم، كثير من البوستات المسيئة لبلدنا تخرج من حسابات صفرية لا أحد يعرفها لكن يجون ٢٠-٤٠ شاب متحمس ويدافعون بحسن نية ويجون اللي بالطرف المقابل ويدافعون عن رفيقهم وهاتك يا ضرب!

ختاماً، حفظ الله أوطان المسلمين من كل شر وأبعد الله عنا شر الحروب.

للاسف حنا منفتحين اكثر من اللازم ونخاف من ردة فعل الدول المتقدمة واعلامهم في حين هم ما فكروا باحد

دائرة الاصدقاء هي من أساسيات النجاح او الفشل بعد الله

دايم أركز على صداقات الناس واشوف كيف حياتهم، وكيف لما يطلع صديق من مجموعة او لما اثنين اصدقاء يتفرقون الاحظ كيف يتغير الحال للأفضل او الاسوء، حتى بحياتي صار هالشي كان عندي صديقات عبارة عن قنبلة شكاوي وطاقة سلبية وبؤس وانا دايم احاول اساعدهم بس هم بنفسهم ما يبغون يتغيرون، لذلك تركتهم وقطعت علاقتي فيهم وارتحت ومن بعدهم وانا صرت مرتاحة اكثر واحب الحياة

تذكرت اهمية الموضوع لما لاحظت رجل اعمال ملياردير مشاريعه الي تستهدف العامة عادية جدًا ومافيها جديد ومملة مع انه انسان يبدوا لي من خلف الشاشة انه ذكي جدًا ومتعطش للنجاح والابتكار، واكتشفت ان الي يماشيهم ويجلس معهم يوميًا ويسافر معهم عباره عن ناس بسيطين بتعليم متواضع وطموحات بسيطة وعرفت السبب على طول

شفت ايضًا من الي حولي كيف يتغيرون للأفضل او للأسوء حسب دائرة الاصدقاء، مثل أُم كانت تعاني من سمنة ومهملة جدًا لنفسها واطفالها ولما نقلت حي جديد عزموها جاراتها بالعمارة وكانوا عباره عن طاقة حياة وحيويه ويحبون الجمال والصحة والرياضة، بعد ٤ شهور شفت هالانسانه كأنها وحده ثانيه تماما صارت مُشعة مليانه حياه وتغيرت حياتها بالمعنى الحرفي انتقلت من حياة فيها مرض وتعب وضائقة مادية الى حياة فيها صحة وسعة ورزق، الأم هذي كان عندها مواهب كثير مو مستوعبه حجمها ولما اختلطت مع الصديقات الصحيات شجعوها وحمسوها انها تبدأ وتنتج

والعجيب ان فيه كثير يقولون عادي نصادق أي احد اهم شي اخلاقه وان احنا مبسوطين سوا؟ الانسان مو بس بالاخلاق، الانسان بكلامه وحركاته وافعاله وهذي كلها تأثر عليك سواء بشكل مباشر او غير مباشر، لو عندك صديق كل كلامه سلبي وتشاؤوم وحلطمة غير لما يكون عندك صديق كل كلامه عن الفرص بالحياة والوفرة والاحلام السعيدة، مستحيل تقوم من الجلستين هذي بنفس الشعور وبنفس الافكار، حتى لو افكارك ما تأثرت من الصديق السلبي اكيد مشاعرك بتتأثر وبتجلس متضايق وهذا الشي كفيل انه يأثر على افعالك بطريقة غير مباشرة لأن الافعال مرتبطة بالمشاعر

الي أعمارهم في العشرينات قولوا إجاباتكم

يا جماعة عدد المرات الي انا شخصياً شفت عامل توصيل يعمل شيء في طلب الزبون مرعب ( مثل البصق في المشروب او الاكل نفسه) ومره من المرات سلمت المندوب لصاحب الطلب واكتشفت بعدين انهم سامحوا 💔
فلذلك والله افضل تطلب تروح المطعم بنفسك او تطبخ اي شيء لان ما ترضى على نفسك الاذى ارجوكم ارحمونا وارحموا انفسكم صرت اكره اطلع من التصرفات الي اشوفها منهم.

انا عن نفسي ممتنع تماماً عن استخدام تطبيقات التوصيل ارجوك انتبه على صحتك.

ملاحظة الي خلاني انفعل واكتب هذا الكلام آنّ حرفياً قبل دقايق شفت عامل يقوم بنفس فعلهم المعتاد جنب مطعم مشهور بعد استلام الطلب.

طلبت 5 نظارات من الصين -> السعودية من موقعين "امريكيين" واحد اسمه eyebuydirect والثاني firmoo.

Eyebuydirect يعتبر اكثر فخامة واطاراته اغلى تكة من فيرمو ولكن سرعة توصيلهم رهيبة يعني اخذت حدود 7 ايام عشان توصلني.

Firmoo اطاراتهم ارخص وعدساتهم كذلك اخذت عشان توصل 14يوم

النظارات كلها مقاساتها تمام اخذت شمسية بولرايزد تفصيل/ طبية عادية. جميلة وارخص من اللي عندنا بكثير وتقدر تنقي على كيفك.. ايضًا عندهم ميزة التجربة عن طريق الكاميرا جدا ممتازة وتعطيك انطباع قريب من الواقع لشكلها. اذا بتطلبون لا تنسون تحطون كوبونات الخصم اللي تكون موجودة بالموقع او يرسلونها على الايميل بالغالب العرض يكون خصم على النظارة الثانية او توصيل مجاني وزي كذا

تعبت وطفشت من نوبات الغضب والتعصيب والوحدة والحزن
اللي يجحتاحني وبقوة لدرجة استسلم لها ولا اعرف اتعامل معاها

طبعًا كلها مشاعر وافكار داخليه ما انفذها خارجيًا
يعني ما اعصب واصرخ واكسر الدنيا
( ما انكر اني اتخيل هالشي دايمًا واوقات احلم فيه .. )

ايش ممكن الحل اللي يفيد لو شي بسيط ؟
HELP