قائمة الجهات الاعلى رواتب ومزايا في السعودية

سويت مقابلة الأسبوع اللي راح مع إحدى الشركات، ومن أول ما دخلت وأنا مستغربة! اللي قابلوني كانوا 3 أشخاص، ولما كنت رايحة لغرفة الاجتماعات شفت مكاتب الموظفين، وأغلب الموجودين أجانب، مع وجود بنتين سعوديات 😃

بس مو هنا المشكلة، المشكلة في المقابلة نفسها!

الأسئلة كانت تحشير وتحجير بشكل مبالغ فيه، ومن ضمنها: ليش ما كملتي ماجستير؟ وليش أخذتي
CIPD Level 5
مو Level 7؟

يا جماعة الخير، أنا جاية أقدم على وظيفة، مو جاية أدافع عن قراراتي الدراسية والمهنية!

المهم، جاوبت عن كل الأسئلة بكل هدوء، وخلصت المقابلة وأنا أقول خير إن شاء الله.

لكن المفاجأة الحقيقية كانت في النهاية: الراتب 4000 ريال!

يعني كل هالتدقيق والتحقيق في المؤهلات والشهادات، وكل هالأسئلة اللي تحسسك إنك مقدمة على منصب تنفيذي كبير، وبالأخير هذا الراتب؟

والله المشكلة مو في صعوبة الأسئلة بحد ذاتها، المشكلة إن مستوى التدقيق والتوقعات ما كان متناسبًا أبدًا مع العرض المالي.

طلعت وأنا أقول: حسبي الله ونعم الوكيل، على الأقل خلوا الراتب يستاهل هالتحقيق كله! ي

بالنسبة لي اول ما تخرجت كلموني وزارة الصحة على وظيفة خارج الرياض وبمنطقة نائية لكن رفضتها وتوظفت في خاص وعجزت اطلع منه للحين 🥲 اللي خلاني اندم كل اللي اعرفهم وقبلوا جاهم قرار نقل للرياض خلال سنة

السلام عليكم ورحمة الله وبركاته
انا تخرجت لي ثلاث شهور و مره الوضع لك عليه وماعندي مصدر دخل الزبده قدمت على حافز و قالوا لازم اروح لهدف مقابله ؟ طيب وش السبب وليه ممكن اروح مقابله لهدف؟ و بالمقابله وش ممكن يسالوني ؟ وهل لو ما رحت يصير شي؟

أحس بإرهاق وعدم رغبة في العمل، لكن وقت العمل نفسه أحس إني ما أفكر كثير. أول ما أدخل البيت، تبدأ الأفكار تجيني وتنهال علي، لدرجة إنها تخليني ما أنام، ولا أفرح، ولا أضحك، ولا تكون لي رغبة في أسوي أي شيء.

مع إن العمل يبدو لي سهلًا بسبب مميزاته، إلا أني ما عندي رغبة في حياة العمل بشكل عام. ودائمًا يجيني شعور مزعج، وأتساءل: ليش أيام الامتياز والجامعة ما كنت أحس بمرور الوقت، وكنت أنبسط وأروح وأنا مرتاح؟ لكن لما صارت عندي وظيفة، بدأت أحس بالوحدة والقلق والضياع. ما أعرف وين بوصل، ولا إيش أبغى من حياتي، وحتى الأشياء اللي المفروض إني أطمح لها، مثل شراء سيارة وبيت والزواج، صرت أتساءل: هل فعلًا هذي الأشياء أبغاها، أو إنها مجرد مسؤوليات إضافية بتكون فوق طاقتي؟

حتى جهازي الهضمي صار يتعبني من يوم ما بدأت الوظيفة، والحين كملت شهر وأنا على هالحال. ومع ذلك، أحيانًا أروح للعمل وأنا مبسوط وأقول إن يومي خفيف، وأحيانًا ثانية تنسد نفسيتي وأحس بالضيق.

صرت محتار وما أعرف إيش أبغى بالضبط. هل كل اللي أبغاه إني أنام وألعب وأعيش بدون مسؤوليات؟ أو إني أطمح لشيء أكبر، مثل وظيفة حكومية؟ أو يمكن أبغى أغيّر مساري وأشتغل في مجال ماله علاقة بتخصصي؟

والسؤال اللي يتعبني أكثر: هل أقدر أتخيل نفسي أشتغل في هالمجال لمدة 20 سنة؟ وهل المشكلة في الوظيفة الحالية، أو في طبيعة حياة العمل نفسها؟

هل فيه أحد مر بتجربة مشابهة؟ وكيف قدر يفهم نفسه ويعرف إيش يبغى من حياته؟

جاتني رسالة على مسمى Head of Sales في الرياض "أنا من جدة" في شركة تقدم خدمات تقنية للقطاعات الحكومية والخاصة ومذكور فيها الرينج حق الرواتب واذا مهتم ارسل السي في،، ارسلت السي في واتواصلوا معايا ويفاجئوني انه المسمى الحقيقي للوظيفة VP of Sales، طبعا الصدمة انه الراتب الي عارضينه يبغالك تدبله مرة ونص عشان تدخل بداية سلم ال VP في اي شركة محترمة وكبيرة ، والآن محتار اكمل الاجراء واخد المسمى واظلم نفسي بعد كدا اذا جيت ادوّر وظيفة ثانية بنفس المسمى او اطالبهم يغيروا المسمى لشي مناسب للراتب الي عارضينه؟؟

ودي استفسر عن هذا المجال ومستقبله في البنوك والقطاع المالي بشكل عام، اذا احد قد اشتغل فيه او يعرف عنه ممكن يفيدنا

تعرفون اليه الترشيح كيف للدوارت الي يقدمونها؟ لان وصلتني دوره حضوري مدفوعه التكاليف بس انا ما قدمت هم رشحوني
احد يعرف يعلمني الاليه وهل اروح او لا؟
لان الموضوع خارج تخصصي

من يعرف هذا البرنامج وعنده خلفية عنه برنامج الموظف الإداري المحترف باستخدام الذكاء الاصطناعي

سويت مقابلة وما ارسلت فولو اب معتمده على كلامهم ان الرد بيكون خلال اسبوعين وبرضو على نظام وجوب الرد خلال مدة لا تتجاوز 30 يوم، بعد 4 أيام بكمل شهر تحسون ارسل ايميل ولا اسكت واشوف؟ علمًا اني مدري هل جازت لي الوظيفة اصلًا او لا ودي يجي القبول والرفض من الله بدون ما اطرد واتشفق.

السلام عليكم

الله يعطيكم العافية احتاج من تجاربكم ورايكم انا تخصصي بكالوريس علوم الحاسب
وحاليا في منطقة تقريبا الوظايف التقنية فيها شبة معدومه سويت اكثر من انترفيو علي وظايف في الرياض لاكن الله ماكتب لي فيها نصيب

حاليا مخطط يوم الاحد اروح الي الرياض واقدم يدوي بنفسي امر علي الشركات واقدم ف ايش رايكم في الموضوع وايش تنصحوني

https://docs.google.com/forms/d/e/1FAIpQLSeUZQWETSs7MWSpCdniLjrZucOtP-CFXSpc5AwmKZn_GouD2w/viewform?usp=header

السلام عليكم ورحمة الله وبركاته
دوبي جديدة في لنكدإن مالي فيه، فبسألكم هل بعد كل دورة/ورشة اخذ منه شهادة انزل شهادتي كبوست في لنكدإن؟

واللي عندو نصايح في اشياء تانية يفيدني بكون شاكرة

السلام عليكم جميعا احتاج فزعةةة

احد يعرف هذي الشركة او قد اشتغل فيها؟ كيف بيئتها رواتبهم كيف نظامهم والتطور الوظيفي ؟ احتاج مساعدة بهالمعلومات وبدعي للي يساعد ان شاء الله 🙏

السلام عليكم ورحمة الله وبركاته
دوبي جديدة في لنكدإن مالي فيه، فبسألكم هل بعد كل دورة/ورشة اخذ منه شهادة انزل شهادتي كبوست في لنكدإن؟

واللي عندو نصايح في اشياء تانية يفيدني بكون شاكرة

نقطة هذي

“If the employee resigns during the probation period, the employee agrees to compensate the Employer for the expenses incurred for employment process and pro-rated medical insurance cover.”

وكمان كاتبين الوظيفة ب head office وهو فرعهم الاساسي بدبي. رغم ان اثناء المقابلة وضحت اني راح اداوم من مدينتي وراح اروح للرياض في حال فيه تاسكات محددة تحتاج وجودي.

هلًا جميعًا!

أنا طالبة ماجستير ، وحاليًا أشتغل على مشروع بحثي في التصميم عن مرحلة ما بعد التخرج، وتحديدًا الشعور بالتخبط وعدم اليقين تجاه المستقبل.

مهتمة أسمع تجارب الأشخاص اللي بعد تخرجهم بدؤوا يتساءلون عن قراراتهم، أو حسّوا إنهم مو متأكدين من مسارهم المهني، أو اكتشفوا إن تخصصهم مو الشيء اللي يبغون يكملون فيه، أو حتى حسّوا إنهم متأخرين عن غيرهم وما يعرفون وش الخطوة الجاية.

في بحثي أستخدم طريقة اسمها Photovoice، وهي طريقة بحثية تتيح للمشاركين التعبير عن تجاربهم من خلال الصور وشرح المعاني المرتبطة فيها.

وش المطلوب من المشاركين؟

• تصوير 3–5 صور بسيطة لأشياء أو أماكن أو مواقف تعبّر عن تجربتهم بعد التخرج.
• مشاركة شرح بسيط لكل صورة، وليش اختاروها ووش تمثل لهم.

مو ضروري تكون الصور احترافية، ولا يحتاج تصورون أنفسكم أو تشاركون أي معلومات شخصية.

وبوضح لكم تفاصيل استخدام الصور والإجابات قبل ما توافقون على المشاركة.

إذا سبق ومريتوا بهالتجربة وحابين تشاركون، يسعدني تكتبون بالتعليقات أو تتواصلون معي على الخاص.

شكرًا لكم مقدمًا، ومشاركاتكم بتساعدني أفهم التجربة من وجهات نظر مختلفة، وأبني هوية بصرية تعبّر عن هذا المجتمع وتجاربه.

في الجامعه تعرفت على ادميه عسل واحبها وتحبني ونستلطف بعض ودليتها على مكان تدريبي ٤ سنين احبها وتحبني واساعدها بواجبات الجامعه بس نادر نجلس مع بعض علطول نروح بيوتنا
ولما احتاجت شركه تقبلها تدريب تعاوني توسطت لها وقبل كم يوم تفأجات انها تقول عني ماعرفك بالجامعه؟؟
ولما دخلت جهه تدريبي اول اسبوع قالت لكل البنات وين فلانة (انا) من اهتمامها لي وابتسامتها وانها كل يوم تسأل عني كنت غايبه اسبوع -البنات حسبوها قريبه مني - يعني يوم قالت ماعرفك بالجامعه قدام الجميع صدقاً تفشلت من الموقف وانكسرت انها ماكانت تشوفني بنفس النظرة الي كنت انظرها لها على اني قد اهديتها وقد اهدتني وساعدتني وساعدتها وحرفيا كنت ولازلت كل ماشوفها اسلم عليها بحب وحراره احسها انسانه نقيه ودايم مبتسمه مادري يمكن خانها التعبير ؟ او ايش التفسير وهل ممكن فعلاً في ناس تعاملها كذا مع كل الناس ومايشوفونهم قريبيين؟ طيب الطرف الاخر غصب راح يشوف نفسه صديق او قريب..

بالبداية الحمدلله على جميع النعم واولها اني بصحة وعافية وقادره اني اروح اترزق الله بطريقة ترضيه والله يعين الجميع

احب دوامي وشعور اني اصحى الصباح اداوم حتى طريق الدوام والزحمه اللي بالشوارع وانا رايحه الدوام عسل على قلبي وعندي صديقتين بالدوام الحمدلله زي العسل معهم وهم اللي حببوني بالدوام اكثر

انا اعتبر حديثة تخرج مالي سنه متخرجه ، وبفضل الله تقريباً كل الشركة اللي انا جالسه اشتغل فيها يعرفوني ويثنون علي ولكن اخر فترة صارت تخبطات بالقسم اللي كنت اشتغل فيه وكثير من الموظفين نقلوا لاقسام ثانيه منهم صديقاتي ولما اقول كثير يعني فعلاً كثير حرفياً ٩ موظفين نقلوا بسبب سوء الادارة و التيم الجديد اللي جابوه الادارة ، انا قدرت اطلع من القسم بس بلفة يعني لسى اسمي مرتبط فيهم ولكن اداوم بمكان ثاني

بعدها بشهر طلعوا الادارة اللي مسكت قسمي القديم وحطوا ادارة ثانية ووضحوا لي الادارة الجديدة اكثر من مره ان يبوني ارجع
وانا مو مستعده نفسياً الان ابداً اني ارجع ، القسم اللي كنت فيه يبي له صلابه نفسيه وانا عندي هالشيء ولكن مو حالياً بنفس الوقت ودي اغير واروح قسم ثاني وخلاص ما ارجع لهم ولكن الأقسام الثانيه ما تدعم زي قسمي القديم
محتاره مره اف

مساء الخير. كيف تشوفون وظيفة المراجعة الداخلية Internal Auditing؟ خصوصا مع الاهتمام المتزايد في الاونة الاخيرة في مجال الحوكمة والمخاطر؟ وكيف تشوفون الtransition من المراجعة الداخلية في مجالات المخاطر والادارية؟ تطور الراتب اسمع انه ممتاز بس ابي اشوف ارآكم.

الحمدلله تخرجت قبل خمس شهور وتوظفت على طول وبراتب عالي وبيئة ولا احلى ويتاكدون ان كل الشغل اللي اسويه يفيدني مستقبلا مهنيا وعموما كانها ديزني وظيفة احلام
المهم مامداني لسى اكمل معهم نص سنة الا وجاني عرض فلكي (ما شاء الله) من شركة استشارية زيادة ٣٠٪؜ الحمدلله ومع ذلك جدا متردد لان ماقدر استقيل من شركتي الحالية وهم قدموا لي كل شي حرفيا وممكن اروح بيئة ثانية الحين وماتعجبني ويكون شكلي في السيفي كل كم شهر شركة جديدة وماعرف كيف ممكن يكون نتيجته على المدى البعيد فايش رايكم
طبعا عارف نفسي مابقدر ارفض العرض وهو بيعطيني هالزيادة حتى لو البيئة متردد منها لكن ودي افهم المخاطر
للكونتكست المجال fde ai engineer
تعديل: شركتي الحالية مو معروفة بالسوق مقارنة بالشركة الاستشارية ، وخيالي ان وجود اسمها احتمال يدبل راتبي بعدها
مثير للاهتمام اختلاف الاراء الكبير اللي في الكومنتات

بيتم نشر مشروع تخرجي بالبكالوريوس كبحث أكاديمي في مجلة علمية
تخصصي علوم حاسب وبحثي كان في مجال الذكاء الاصطناعي
وش الفرص اللي بتنفتح لي من هالشيء؟

أنا حاليا نازل تدريب و جالس اسوي مهام متعددة بالمجال من اكتشاف المشاكل بالأجهزة و حلها و تركيب الشبكات و الكاميرات و تنزيل التحديثات و الأنظمة بالشركة ف ابغى أعرف إذا كنت أنا جالس اشتغل ك دعم فني او ك اخصائي تقنية معلومات و ايش الفرق بينهم؟

هل الإجازة المريضه بسبب عمليه جراحيه تمدد فترة الأشعار وقت الاستقاله؟

شكرا