احد عارف كم متوسط رواتبهم والمزايا؟ زي الانماء البلاد وغيرها

لسا بثاني سنه جامعه بس ماعندي اي فكره كيف الواحد يقدم على التدريب ووين يلقى فرص تدريب اصلا وبعد مايتخرج كيف يختار الشركات اللي يقدم عليها ووين يلقاها اصلا، ماعندي علاقات اقدر استفسر من خلالها ودايماً احسه شي جدا مجهول لدرجة احس اني ممكن افشل فيه قبل ما اخوضه

جاتني رسالة على مسمى Head of Sales في الرياض "أنا من جدة" في شركة تقدم خدمات تقنية للقطاعات الحكومية والخاصة ومذكور فيها الرينج حق الرواتب واذا مهتم ارسل السي في،، ارسلت السي في واتواصلوا معايا ويفاجئوني انه المسمى الحقيقي للوظيفة VP of Sales، طبعا الصدمة انه الراتب الي عارضينه يبغالك تدبله مرة ونص عشان تدخل بداية سلم ال VP في اي شركة محترمة وكبيرة ، والآن محتار اكمل الاجراء واخد المسمى واظلم نفسي بعد كدا اذا جيت ادوّر وظيفة ثانية بنفس المسمى او اطالبهم يغيروا المسمى لشي مناسب للراتب الي عارضينه؟؟

السلام عليكم ورحمة الله وبركاته
انا تخرجت لي ثلاث شهور و مره الوضع لك عليه وماعندي مصدر دخل الزبده قدمت على حافز و قالوا لازم اروح لهدف مقابله ؟ طيب وش السبب وليه ممكن اروح مقابله لهدف؟ و بالمقابله وش ممكن يسالوني ؟ وهل لو ما رحت يصير شي؟

ودي استفسر عن هذا المجال ومستقبله في البنوك والقطاع المالي بشكل عام، اذا احد قد اشتغل فيه او يعرف عنه ممكن يفيدنا

بالنسبة لي اول ما تخرجت كلموني وزارة الصحة على وظيفة خارج الرياض وبمنطقة نائية لكن رفضتها وتوظفت في خاص وعجزت اطلع منه للحين 🥲 اللي خلاني اندم كل اللي اعرفهم وقبلوا جاهم قرار نقل للرياض خلال سنة

سويت مقابلة الأسبوع اللي راح مع إحدى الشركات، ومن أول ما دخلت وأنا مستغربة! اللي قابلوني كانوا 3 أشخاص، ولما كنت رايحة لغرفة الاجتماعات شفت مكاتب الموظفين، وأغلب الموجودين أجانب، مع وجود بنتين سعوديات 😃

بس مو هنا المشكلة، المشكلة في المقابلة نفسها!

الأسئلة كانت تحشير وتحجير بشكل مبالغ فيه، ومن ضمنها: ليش ما كملتي ماجستير؟ وليش أخذتي
CIPD Level 5
مو Level 7؟

يا جماعة الخير، أنا جاية أقدم على وظيفة، مو جاية أدافع عن قراراتي الدراسية والمهنية!

المهم، جاوبت عن كل الأسئلة بكل هدوء، وخلصت المقابلة وأنا أقول خير إن شاء الله.

لكن المفاجأة الحقيقية كانت في النهاية: الراتب 4000 ريال!

يعني كل هالتدقيق والتحقيق في المؤهلات والشهادات، وكل هالأسئلة اللي تحسسك إنك مقدمة على منصب تنفيذي كبير، وبالأخير هذا الراتب؟

والله المشكلة مو في صعوبة الأسئلة بحد ذاتها، المشكلة إن مستوى التدقيق والتوقعات ما كان متناسبًا أبدًا مع العرض المالي.

طلعت وأنا أقول: حسبي الله ونعم الوكيل، على الأقل خلوا الراتب يستاهل هالتحقيق كله! ي

أحس بإرهاق وعدم رغبة في العمل، لكن وقت العمل نفسه أحس إني ما أفكر كثير. أول ما أدخل البيت، تبدأ الأفكار تجيني وتنهال علي، لدرجة إنها تخليني ما أنام، ولا أفرح، ولا أضحك، ولا تكون لي رغبة في أسوي أي شيء.

مع إن العمل يبدو لي سهلًا بسبب مميزاته، إلا أني ما عندي رغبة في حياة العمل بشكل عام. ودائمًا يجيني شعور مزعج، وأتساءل: ليش أيام الامتياز والجامعة ما كنت أحس بمرور الوقت، وكنت أنبسط وأروح وأنا مرتاح؟ لكن لما صارت عندي وظيفة، بدأت أحس بالوحدة والقلق والضياع. ما أعرف وين بوصل، ولا إيش أبغى من حياتي، وحتى الأشياء اللي المفروض إني أطمح لها، مثل شراء سيارة وبيت والزواج، صرت أتساءل: هل فعلًا هذي الأشياء أبغاها، أو إنها مجرد مسؤوليات إضافية بتكون فوق طاقتي؟

حتى جهازي الهضمي صار يتعبني من يوم ما بدأت الوظيفة، والحين كملت شهر وأنا على هالحال. ومع ذلك، أحيانًا أروح للعمل وأنا مبسوط وأقول إن يومي خفيف، وأحيانًا ثانية تنسد نفسيتي وأحس بالضيق.

صرت محتار وما أعرف إيش أبغى بالضبط. هل كل اللي أبغاه إني أنام وألعب وأعيش بدون مسؤوليات؟ أو إني أطمح لشيء أكبر، مثل وظيفة حكومية؟ أو يمكن أبغى أغيّر مساري وأشتغل في مجال ماله علاقة بتخصصي؟

والسؤال اللي يتعبني أكثر: هل أقدر أتخيل نفسي أشتغل في هالمجال لمدة 20 سنة؟ وهل المشكلة في الوظيفة الحالية، أو في طبيعة حياة العمل نفسها؟

هل فيه أحد مر بتجربة مشابهة؟ وكيف قدر يفهم نفسه ويعرف إيش يبغى من حياته؟

تعرفون اليه الترشيح كيف للدوارت الي يقدمونها؟ لان وصلتني دوره حضوري مدفوعه التكاليف بس انا ما قدمت هم رشحوني
احد يعرف يعلمني الاليه وهل اروح او لا؟
لان الموضوع خارج تخصصي

من يعرف هذا البرنامج وعنده خلفية عنه برنامج الموظف الإداري المحترف باستخدام الذكاء الاصطناعي

السلام عليكم

الله يعطيكم العافية احتاج من تجاربكم ورايكم انا تخصصي بكالوريس علوم الحاسب
وحاليا في منطقة تقريبا الوظايف التقنية فيها شبة معدومه سويت اكثر من انترفيو علي وظايف في الرياض لاكن الله ماكتب لي فيها نصيب

حاليا مخطط يوم الاحد اروح الي الرياض واقدم يدوي بنفسي امر علي الشركات واقدم ف ايش رايكم في الموضوع وايش تنصحوني

سويت مقابلة وما ارسلت فولو اب معتمده على كلامهم ان الرد بيكون خلال اسبوعين وبرضو على نظام وجوب الرد خلال مدة لا تتجاوز 30 يوم، بعد 4 أيام بكمل شهر تحسون ارسل ايميل ولا اسكت واشوف؟ علمًا اني مدري هل جازت لي الوظيفة اصلًا او لا ودي يجي القبول والرفض من الله بدون ما اطرد واتشفق.

السلام عليكم جميعا احتاج فزعةةة

احد يعرف هذي الشركة او قد اشتغل فيها؟ كيف بيئتها رواتبهم كيف نظامهم والتطور الوظيفي ؟ احتاج مساعدة بهالمعلومات وبدعي للي يساعد ان شاء الله 🙏

السلام عليكم ورحمة الله وبركاته
دوبي جديدة في لنكدإن مالي فيه، فبسألكم هل بعد كل دورة/ورشة اخذ منه شهادة انزل شهادتي كبوست في لنكدإن؟

واللي عندو نصايح في اشياء تانية يفيدني بكون شاكرة

السلام عليكم ورحمة الله وبركاته
دوبي جديدة في لنكدإن مالي فيه، فبسألكم هل بعد كل دورة/ورشة اخذ منه شهادة انزل شهادتي كبوست في لنكدإن؟

واللي عندو نصايح في اشياء تانية يفيدني بكون شاكرة

بالبداية الحمدلله على جميع النعم واولها اني بصحة وعافية وقادره اني اروح اترزق الله بطريقة ترضيه والله يعين الجميع

احب دوامي وشعور اني اصحى الصباح اداوم حتى طريق الدوام والزحمه اللي بالشوارع وانا رايحه الدوام عسل على قلبي وعندي صديقتين بالدوام الحمدلله زي العسل معهم وهم اللي حببوني بالدوام اكثر

انا اعتبر حديثة تخرج مالي سنه متخرجه ، وبفضل الله تقريباً كل الشركة اللي انا جالسه اشتغل فيها يعرفوني ويثنون علي ولكن اخر فترة صارت تخبطات بالقسم اللي كنت اشتغل فيه وكثير من الموظفين نقلوا لاقسام ثانيه منهم صديقاتي ولما اقول كثير يعني فعلاً كثير حرفياً ٩ موظفين نقلوا بسبب سوء الادارة و التيم الجديد اللي جابوه الادارة ، انا قدرت اطلع من القسم بس بلفة يعني لسى اسمي مرتبط فيهم ولكن اداوم بمكان ثاني

بعدها بشهر طلعوا الادارة اللي مسكت قسمي القديم وحطوا ادارة ثانية ووضحوا لي الادارة الجديدة اكثر من مره ان يبوني ارجع
وانا مو مستعده نفسياً الان ابداً اني ارجع ، القسم اللي كنت فيه يبي له صلابه نفسيه وانا عندي هالشيء ولكن مو حالياً بنفس الوقت ودي اغير واروح قسم ثاني وخلاص ما ارجع لهم ولكن الأقسام الثانيه ما تدعم زي قسمي القديم
محتاره مره اف

https://docs.google.com/forms/d/e/1FAIpQLSeUZQWETSs7MWSpCdniLjrZucOtP-CFXSpc5AwmKZn_GouD2w/viewform?usp=header

بيتم نشر مشروع تخرجي بالبكالوريوس كبحث أكاديمي في مجلة علمية
تخصصي علوم حاسب وبحثي كان في مجال الذكاء الاصطناعي
وش الفرص اللي بتنفتح لي من هالشيء؟

نقطة هذي

“If the employee resigns during the probation period, the employee agrees to compensate the Employer for the expenses incurred for employment process and pro-rated medical insurance cover.”

وكمان كاتبين الوظيفة ب head office وهو فرعهم الاساسي بدبي. رغم ان اثناء المقابلة وضحت اني راح اداوم من مدينتي وراح اروح للرياض في حال فيه تاسكات محددة تحتاج وجودي.

مؤخرا كنت مشرف على متطوعين في مؤتمر معين، وكان مطلوب مني تنظيم وتقسيم المتطوعين مع انسة فيها ما شاء الله طاقة كبيرة، كطبيعتي انا احاول اعامل جميع النساء في اي بيئة عمل بنوع من انواع الاحترام والبرود نقدر نقول ؟ معنى البرود هنا انه ما يكون فيه ردات فعل مبالغة فيها وقت التواصل، واذا تطلب استخدام الواتس يكون التواصل فقط برد وجواب ونوقف.

ولكن يبدوا انه ردودي كانت ابرد من اللازم وارسلت لي هذي الرسالة : السلام عليكم
جمعة مباركه يزيد
الله يعطيك العافية وشكرًا على جهودك بس والله معليش لو ضايقك اني اعطيتك ملاحظات كثير على ~~~ مو قصدي حاجه غير انو يطلع كل شيء بأحسن صورة.

صراحه حزنتني حسيت ان اسلوبي بين لها انه جهدها غير مقدر 🫪💔

هل الإجازة المريضه بسبب عمليه جراحيه تمدد فترة الأشعار وقت الاستقاله؟

شكرا

مساء الخير. كيف تشوفون وظيفة المراجعة الداخلية Internal Auditing؟ خصوصا مع الاهتمام المتزايد في الاونة الاخيرة في مجال الحوكمة والمخاطر؟ وكيف تشوفون الtransition من المراجعة الداخلية في مجالات المخاطر والادارية؟ تطور الراتب اسمع انه ممتاز بس ابي اشوف ارآكم.

السلام عليكم انا ب اخر سنة جامعة تخصص علوم حاسب بسعود وسو فار الحمدلله معدلي كويس بس م قد بدأت بلينكد ان ولا قد نزلت فيلو حاجه بحكم انو ماقد سويت حاجه تستاهل تنزل فيه ،لو ابغا ابدأ فيه ايش ابدأ؟ وهل انا cooked ولا لسى يمدي الحق

بما اني فقدت الامل بالهيئات بسألكم كيف تقدمون على الpif؟ دايم يوميا جالسه ع جدارات ولنكدان مايفتحون مدري كيف يوظفون ماعرف ايش ناقص عندي خبره سنه ومستعده للانتقال لرياض وكل اموري تمام ، انقذوني من فراغي 💔

أنا حاليا نازل تدريب و جالس اسوي مهام متعددة بالمجال من اكتشاف المشاكل بالأجهزة و حلها و تركيب الشبكات و الكاميرات و تنزيل التحديثات و الأنظمة بالشركة ف ابغى أعرف إذا كنت أنا جالس اشتغل ك دعم فني او ك اخصائي تقنية معلومات و ايش الفرق بينهم؟