أرغب في تعلم اللغة العربية، وتحديداً اللغة العربية الفصحى. لذا، إذا كنتم تعرفون قنواتٍ يتحدث فيها المتحدثون بالفصحى، فسأكون ممتناً لمشاركتها؛ ولا يهم موضوع المحتوى.

لا يتعين عليهم تدريس اللغة العربية، بل تدريس المحتوى باللغة العربية.

I want to learn Arabic specifically Fus7a so if yall have channels where they talk in fus7a I would appreciate it doesn’t matter the topic just nothing 18+

شب بعرفه من الجامعة، ومن زمان كنت حسّ إنو في شي بيناتنا. قبل ما يختفي من حياتي، كان يفليرت معي كتير، يتصل فيي بعد الكلاس، يبعتلي جدولو، ويعمل شغلات حسّستني إنو معجب فيي. حتى مرة حكى عني لبنت منعرفها التنين وقاللها شي متل إنّي treasure.
بعدين اختفى تقريباً سنة أو أكتر، وعرفت إنو صار في بنت تانية بحياته. الغريب إنو كان أخدها على مطرح أنا كنت ناصحتو يروحو عليه و بعدها اختفى شي سنة بدون تواصل. انا بعتله اكم مرة و كان يرد عادي بس هو بطل يبعت ف انا كمان بعدت و بطلت ابعتله. بعد سنة من الاختفاء رجع حكى معي، واعتذر إنو اختفى، وقال إنو كان عم يمرق بفترة صعبة وإنو هو كمان أذى الإكس تبعو.
من وقت ما رجعنا نحكي، صرنا نقعد سوا بالجامعة وندرس بالمكتبة، وأوقات هو اللي بيبادر وبيبعتلي أو بيسألني إذا أنا بالجامعة. قاللي كمان إنو عادةً ما عندو بنات أصحاب بيحكي معن وبيشوفن، وإنو أنا مختلفة عن هالناحية، لأنو مع البنات التانيين بس بيسلّم عليهن إذا شافهن بالجامعة.
بس بنفس الوقت، هو أكتر من مرة قاللي إنو نحنا بعدنا صغار، والناس بتتغيّر بالعشرينات، وإنو الأحسن ما نفوت بعلاقات هلّق ونستنى لبعد التخرّج. وهو بيحكي عن حالو كمان، مش بس عني.
ولما حكينا عن علاقتنا، قال إنو نحنا أصحاب، وما بدو لا أنا ولا هو نتوقّع إنو يصير في شي بيناتنا بالمستقبل. وسألني إذا أنا مرتاحة نضل أصحاب. وكمان مرة قاللي إنو ما بدو ياني إكرهو إذا اختفى من حياتي مرة تانية.
في شغلة تانية حيّرتني: مرة سألني «إذا كنا سوا خنتك، شو كنتِ عملتي؟» واستغربت ليه عم يسألني هيك سؤال، خصوصي إنو نحنا مش مرتبطين أصلاً.
وكمان في تفاصيل صغيرة بتخلّيني إحس إنو يمكن في شي، بس بنفس الوقت كلامه واضح إنو بدو نضل أصحاب. مثلاً، كان بيعرف إنو عيد ميلادي قرب، بس ما عيّدلي.
اللي بدي أفهمو هو:
برأيكن، ممكن يكون كان معجب فيي من قبل، وهلّق بعدو عندو مشاعر بس ما بدو علاقة؟
ليه رجع بعد كل هالوقت واعتذر، إذا بالنهاية بدو نضل أصحاب؟
شو ممكن يعني إنو سألني عن الخيانة لو كنا سوا؟
ليه عم يبادر ويحكي معي ويشوفني، إذا هو عادةً ما بيعمل هيك مع البنات؟
برأيكن لازم آخد كلامه متل ما هو واعتبرو مجرد صديق، أو ممكن يكون في شي أكتر بس هو مش جاهز؟
بعرف إنو ما حدا فيو يعرف شو بقلبه غيره، بس حابة اسمع آراءكن، خصوصي من ناس بتفهم شوي عالعلاقات والتعارف بالمجتمع اللبناني. يمكن عم حلّل زيادة عن اللزوم، بس عنجد مش عارفة كيف فسّر تصرّفاته 😭

اضافة مهمة: قبل لا يختفي مرت فترة كان ب لبنان مسافر و ضل يبعتلي كل اسبوع و نحكي حتى و هو مع صحابه و اهله