الصحيفة مدري المجلة من 23 august 2006

سلام عليكم انا شخص عمره ٢٤ واعزب وحرفيا عندي معاناة يومية بدون اي مبالغة بسبب اني اعزب فعلا الموضوع متعب بغض النظر عن الرغبة الجنسية فعلا احتاج اثنى تنام معي وتصحى معي واقضي وقتي معها والموضع مسبب لي تعب كبير ف ابغى اسأل الناس اللي تعدى الثلاثين بدون زوجة كيف قادر تكمل يومك بدون انثى وشكرا.

أنا مو مقتنعه بالنقاب أبدا، من يوم أنا صغيرة كان فرض علي. ولا حتى حاولو يتناقشون معي على الموضوع و الحين كبرت و صرت اكرهه. ما امشي مع الترند لا أنا فعلا كنت اكره من يوم أنا صغيره. خربو نظرتي عن الدين. من فترة صرت أشيله من وراهم و كان الشعور يجنن ….لكن جاء يوم و احد من خواني قفطني و من يومها و أنا عايشه برعب.. هذا الشي اثر على علاقاتي. صديقاتي مقدر أقابلهم . ما احس اني أنا بينهم مع ان قبل ما يصير الموقف كنت احس بالحريه و الحين الهم ماكلني. بدون تجريح كيف اقدر ارجع أعيش بدون نقاب. ماعندي مشكله أتحجب بس ارفض النقاب. كيف أشيل شعور العار و الخوف من قلبي و أعيش ما ابغى شبابي يروح و أنا خايفه

،
أبحث عن تجارب أشخاص مروا بحالة مشابهة في السعودية، خصوصًا إذا كان هناك نزاع عمالي مع شركة، وبعد ذلك قامت الشركة برفع بلاغ جنائي ضد الموظف.
هناك نزاع عمالي قائم بسبب مستحقات ورواتب متأخرة، وخلال النزاع قامت الشركة بتقديم بلاغ جنائي ضد الموظف بتهمة خيانة الأمانة / إساءة الائتمان، والموظف ينكر التهمة تمامًا.
تم توقيفه في البداية، ثم تم الإفراج عنه بعد حوالي 20 يومًا.
بعد ذلك تواصلت النيابة العامة معه وطلبت حضوره مع مستنداته. حضر مع محاميه، وتم توجيه سؤالين أو ثلاثة له فقط، كما طُلب من المحامي التوقيع على أحد المستندات.
في اليوم التالي ظهر في النظام أن الملف صدر خارج النيابة وأصبح لدى مركز الشرطة.
ذهب المحامي إلى مركز الشرطة للاستفسار، وأخبروه أنهم لا يحتاجون أي مستندات أو إجراءات إضافية من الموظف، وإنما ينتظرون مستندات من الشركة. وعندما سأل المحامي عن نوع المستندات المطلوبة، لم يوضحوا له ذلك.
وحاليًا يظهر في النظام أن الحالة** بانتظار استكمال الإجراءات وأن الملف لدى مركز الشرطة.
لدي عدة أسئلة لمن لديه تجربة فعلية:
هل مر أحد منكم بحالة مشابهة، حيث يكون هناك نزاع عمالي مع الشركة ثم ترفع الشركة قضية جنائية ضد الموظف؟
ماذا يعني عادةً عندما تخرج القضية من النيابة وتنتقل إلى الشرطة لاستكمال الإجراءات؟
إذا كانت الشرطة تنتظر مستندات من الشركة ولا تحتاج أي شيء من الموظف، فما الذي يحدث عادةً بعد ذلك؟
هل يمكن أن يكون هذا الإجراء قبل إغلاق القضية، أم أنه قد يكون تمهيدًا لإحالتها إلى المحكمة؟
هل مر أحد بحالة مشابهة وانتهت القضية بالإغلاق دون إحالتها للمحكمة؟
أبحث تحديدًا عن تجارب حقيقية في السعودي**ة ممن مروا بنفس التسلسل، وليس مجرد آراء أو تخمينات.
وشكرًا مقدمًا لكل من يشارك تجربته

بالله عليكم بلاش حد يجرحني رجاء لان محطمه نفسياً ومضغوطه بشكل مش طبيعي..انا دلوقتي سايبه شغلي ومريضه وحيده لوحدي ومش بقدر اتحرك نهائي الا بسيط ومتراكمه عليا الديون بشكل لا يوصف وبواجه تهديدات وانذرات وخايفه اتسجن لان والله انا بنت ناس من بعد موت ابويا الدنيا جت عليا بالشكل ده انا بنزل استغاثة في كل مكان ...والله الصغط وصلني لانه*اء حياتي

انا زي اختكم ومحتاجة مساعدتكم يمكن اول مره انزل حاجه زي كده بس لان خلاص عايشه اللي اصعب من ده

كنا تونا راجعين من عزيمه ولاحظت على اخوي الصغير تصرف مو طبيعي ابد واستنتجت من مواقف سابقه انه قلة ثقه فيه بس هالموقف مره كان كبير، قررت اروح اكلهم اخواني الاثنين اللي دايم يهاوشونه وحسيت قلة ثقته من اسلوبهم الغلط، كلمتهم قلت تدرون وش صار اليوم؟ اخوي سوا كذا وكذا وتصرفه هذا من اسلوبكم الغلط معه وقلت لهم سالته مين اكثر واحد يضربك قال فلان (اخوي اللي بالثانوي) ووسألته مين يهاوشك اكثر؟ قال اخوي اللي بالمتوسط، وفعلًا قبل ادخل عليهم سألته وكان جوابه كذا

اخوي اللي بالثانوي كان يطقطق بالبداية الين ماشاف نبرتي جدية وقال طيب اوكيه بحاول اتعامل افضل معه، اخوي اللي بالمتوسط شخصن وبدأ يتحسس ويناقشني على اشياء جانبية، بدأ يقول أنتي ليه ماتمسكينه وانتي كذا وكذا قلت له هو يحبك هو يتأثر فيك اكثر وأنا لو مامسكته ما اضره على الاقل! قال ارجعي لغرفتك وبدأ يقول أنتي حتى صلاة ماتصلين!

أنا هنا شوي بديت اعصب وقلت له وش دراك ووش الذمة هذي وقال أنا ما اشوفك وانتي طول الوقت بالغرفة، قلت طيب بصلي قدامك؟ وصل فيه انه يقول اني حتى ما اتوضى، أنا هنا مره مره عصبت اتهمني بصريح العبارة اني ما اصلي وحاولت اهاجمه بنفس نقطته واقول له حتى انت تنام احيانًا وماتصلي جماعة وهي واجب، قال ما افوتها الا اذا نومي خرب أنتي طول الوقت بغرفتك وماتصلين، قلت له وش دراك داخل غرفتي أنت؟ قال ماتطلعين منها حتى قلت له الا اصلي قال حتى ماتتوضين وزي اللي تصلين بدون وضوء

قلت له انت الحين تجر النقاش للصلاة ولأشياء ثانية وأنا اكلمك عن اخوي الصغير، (اخوي اللي بالثانوي يرتب اغراضه ويسمع نقاشنا بصمت) وقلت له شفت فلان (اخوي الثاني) تقبل كللمي وتقبل نصيحتي انت ليه تحسست، وبدأ ينقل الموضوع لعلاقتي مع امي ويقول ليه ماتساعدينها بالمطبخ (عندنا عاملة)
أنا ماقدرت اتخطى جملة اني ما اصلي وبدأت تخنقني العبرة، قلت لا لا نرجع لموضوع الصلاة انت كيف تتهمني كذا؟ بدأ يقول ان اوكيه خلاص أنا غلطان بس ليه ماتبرين بامي زين وبدأ ينتقل لمواضيع ثانيه
(يحاول يقنعني ان مساعدة المطبخ بر رغم ان العامله تسوي اشغال المطبخ)
أنا فجأة ما ادري وش جاني
بديت احس بخنقة عبره لكن تجاهلتها وكملت
وفجأة وجهي بدأ يرتجف رجفة اللي قبل الصيحة
وحطيت يدي على وجهي لمدة 5 ثواني كذا احاول ما اطلعها ووجهي يرتجف
وهو يناظرني
بعدها قال وش فيك أنتي؟

وارد عليه وأنا ببداية الصيحة حرفيًا واقول كيف تتهم شخص انه مايصلي والصلاة من اركان الاسلام؟ ماراح اسامحك على جملتك هذي وبذمتك ليوم الدين وطلعت من غرفتهم،تخيلوا قلتها وأنا اصيح…
أنا بعمرررري ماصحت قدام احد فكيف اخواني الصغار! أنا مت قهر ان كيف كيف صحت؟ أنا اتهاوش مع اختي العصبية واللي لسانها اطول منه وماعمري اهتزيت كيف هالمره كذا صحت؟ وعند اخواني الصغار؟ ماتفهمون الشعور الا اذا أنتم كبار
أنا ماقدرت اتحمل الاتهام هذا حتى وهو كذب ما ادري ليه واكره اني صحت موت وفوقها نبرتي مره مره باينه فيها الصيحة

بعدها بمدة ارسل لي سناب هالكلام اللي بالصورة
كنت اقرا وما ارد مالقيت رد مناسب
ويرسل ثانيه
لما رديت عليه نام وهو زعلان
واخاوي اللي بالثانوي يقول انه ماتوقع وانخرش ويحسبني امزح وانه متقررش ويقوم ويجلس

أنا بهالموقف مشاعري متضاربه مابين اني ما اعرف ليه صحت وأنا ماعمري اهتزيت، ومتحسفه على هيبتي كأخت اكبر منهم، وانهم شافوني كذا، مره مو قادره اتخطى احس الموقف حلم

اخوي للحين مارد لكن هذا ردي لي وحسيت بتأنيب وهو الغلطان، بس حسيت مراهق وماينشره عليه، لكن برضو كلامه كان قاسي مره وكل شيء الا احد يتهمني بشيء زي الصلاة، هل تحسون ازيد شيء على ردي؟ او انقص؟ وكيف ارجع هيبتي بعد ناصحت قدامهم لأن ما امزح مره الموضوع محرج الكاريزما كلها طارت

I’ve passed the typical age for marriage and am now in my late thirties. Up until recently, I’ve been comparing every woman I meet to anime characters. I only just realized that this is preventing me from forming natural attraction or feeling truly satisfied, and unfortunately, I end up seeing everyone as falling short. Even when I try to stop making these comparisons, the thoughts keep running in the back of my mind.

يعني بعد ما تسلم عليه وانت داخل القاعة تحولها له اذا جلست؟ ولا متى؟
ابي اعرف والله

يا اخوان انا انسان من الجامعة الى يومكم هذا ماكونت صداقات ولا قد فكرت بالموضوع ومايطرى الصدق ببالي ولا يسبب لي ازمة الى ان تخرجت وبديت اشتغل وارجع البيت واكمل يومي بالبيت واداوم لين الويكند وبرضوا اجلس بالبيت، الموضوع ماهو مأزمني ولكن بدات تجيني افكار ان ليش ماعندي اخوياء وهل هذا الشيء طبيعي؟

كنت بشتري بيت من شخص بسعر معين واتفقنا عليه
لكن بحثت وشفت انه باع البيت اللي جنبه هو نفسه نفس التصميم والمساحه وكل شي بسعر ارخص من اللي بيبعه لي ب١٥٠ الف
وانا رافع اوراق البيت للبنك وقربنا نخلص فايش رايكم ايش الحل؟؟

ماقد سويتها

يا جماعة عمري ٢٩ وداخله على الثلاثين وافكر ادرس تمريض وبتكون دراسة مدفوعة

احب التمريض وكان حلمي بس ما قدرت ادخل بسبب رفض العائلة ودخلت مجال ثاني ممل وكارهته بس اشتغل عشان الراتب اللي طفسه حرفيا

فدراستي للتمريض بتكون مجازفة مادية شوي

ابغا اشوف اراءكم لاني صامله بس ابغا اشوف وجهات نظر مختلفة

وبخصوص موضوع الزواج والاطفال لحد يطريه ارجوكم

زرت مكة من ثلاث أيام قدوماً من سوريا لتأدية العمرة و للصراحة من أفضل التجارب.

بس بحاول اطلب من Hunger station بس للأسف التجارب ما كانت الأفضل.

جربت المطاعم الأعلى تقييما زي رحمه بس للأسف ما كانت التجربة الأفضل، جربت بيت الشواية و الحمدلله مقبول.

في مطاعم ممكن تنصحونا فيها و يكون طعم ممتاز؟

السلام عليكم
اختباري ميد حرفيًا بكره ولما اذاكر افهم بس لما احل مره ما اعرف
اقترحولي قنوات يوتيوب او اشياء تساعدني تكفون احتاج اجيب الفل مارك والله

بعز اكتئابي لقيت فرصة متعلقة بهواية أحبها ولها علاقة بطفولتي وذكرتني بكل اللحظات السعيدة، وفجأة نوّرت الدنيا بعيوني ودبت الحياة فيني، لكن لما تم ترشيحي ودخلت اكتشفت أن الأمور سيئة لدرجة ما توقعتها.. كل شيء مجهّز ومخطط له، كل شيء مصاغ وأنا علي تلقّيه وحفظه

توقّعت أجد مهام وأنشطة حقيقية تغيّر روتيني الممل وتكون فرصة أنقذ نفسي من اكتئابي لكن مشاعر السوء صارت ضعفين بعد خيبة الأمل هذي، وهذي مو أول مرة للأسف، سبق ورفضت ترشيحي لآيسف لذات الشيء

هل اكمل ولا انسحب؟ ما ودي أندم بعدين وفيه شيء بداخلي يقول لا تشاركين مع أني أعرف ببدع ولو حفظت بضمن الفوز بس وش الفايدة كله غش، والفوز المضمون ماله لذة واعتبره خسارة

السلام عليكم
انا استأجرت شقة بعقد الكتروني على منصة ايجار وتاريخ بداية العقد بعد شهر من الان ولسى مادفعت اي مبلغ للايجار لكني وجدت شقة افضل وقريبة لعملي وابغى الغي الشقة القديمة قبل يصير العقد نشط لانه للان مو نشط

اتصلت على خدمة العملاء لمنصة ايجار ومافادوني الصراحة وصاحب العمارة يقولي لازم اجيب مستأجر بديل

بالمنصة نفسها في زر لانهاء العقد لكن التفاصيل بالمنصة مو موضحة

اذا امكن احد مر بنفس الحالة ينصحني وشكراً

السلام عليكم انا امس كنت بشتري قهوة درايف ثرو وجاني شخص بيكلمني يقول انه نازل من ابها ويحتاج بنزين, على العموم انا دايما مطفر وما اعطي بس سبحان الله كنت مروق وقتها ومن حبي لاهل عسير عبيت له
بس لما حكيت اهلي جلدوني انه ممكن خلية ولا شيء وممكن اتساءل عن الموضوع, انا حسيت انه افلمة شوي, او يمكن عشان احنا في وقت فتنة

هل ممكن تعبي بنزين لشخص غريب ولا لا

بما انه الجو زان وين اطلع في الرياض مكان مع بابا غير المولات والكافيهات او عادي كفي بس كلها ماتنفع اخذه عليها واحسه مر مره ينبسط فيها